Laj Siab & Nkauj Ntxhee Yees Txoj Kev HluB
" Hlub 1 Tug Nrog Nws Nyob Los Tseem Nco Txog 1 Tug Txhua lub Caij"
Nplooj1![]() Lajsiab Thoj [email protected] NKAUJ NTXHEE YEES WB TXOJ KEV HLUB YOG LUB TSHUAJ CAWM KUV TXOJ SIA, KOJ YOG KUV TXOJ PA, KOJ YOG KUV TXOJ KEV NTSHAW, KOJ YOG KUV LUB PLAWV, KOJ YOG KUV TXOJ KEV TAWM, KOJ YOG KUV TXOJ KEV KAWG, KOJ YOG LUB HNUB, KOJ YOG LUB HLI, KOJ YOG LUB NTUJ, KOJ YOG DAIM AV, KOJ YOG TXHUA YAM NTAWM KUV MUS TXHUA2 TIAM OS. Lub sij hawm uas kuv tab tom sau wb txoj kev hlub koj puas paub hais tias kuv nco koj npaum li cas txoj kev hlub uas LAJ SIAB muab rau NKAUJ NTXHEE YEES 5 xyoos dhau los yog yuav muab piav los tej zaum lub ntiaj teb no yuav ntim tsis tag li os lod ... Kuv me NKAUJ NTXHEE YEES tus kuv tshua… Nyob rau ntau xyoo dhau los lawm thaum kuv tseem kawm ntawv nyob rau University xyoo 4 kuv tau ntsib ib tug ntxhais hmoob xeem yaj hu ua NKAUJ NTXHEE YEES nws nyob Phonesavanh Xiengkhouang. Nws thiab kuv wb txoj kev hlub tau tshwm sim los ntawm sau ntawv yuam kev hauv xov tooj tuaj rau kuv ….. Kuv thiab nws wb tau sib hu xov tooj tuaj sib tham thiab sib ntsib hauv lub xov tooj xwb, kuv tau hu xov tooj tham yuav luag txhua hmo ua rau wb suav hnub suav hmo sib raug zoo zuj zus tuaj txawm tsis tau sib pom tim ntsej tim muag los xij, dhau ntawv los kuv thiaj tau hais kom NKAUJ NTXHEE YEES tuaj saib kuv nyob rau Vientiane thiab NKAUJ NTXHEE YEES kuj tau nrog nws ib tug tij laug tuaj ua ke tuaj saib kuv, koj puas paub na NKAUJ NTXHEE YEES tus neeg kuv nco thawj zaug kuv ntsib koj zoo lis cas xwb… ? kuv xav tias koj yuav nco tau txhua yam zoo ib yam li kuv thaum wb sib ntsib thawj zaug nyob ntawm bus station Vientiane CAPITAL thiab os yom !! hnub tom qab wb tau mus ncig ua si ntau thaj chaw hauv Vientiane tau 3 hnub, nyob rau hnub 4 nws tau rov qab mus tsev lawm. Kuv tau xa NKAUJ NTXHEE YEES mus tsev ntawm lub Bus station qub thaum 5:00 AM ua rau kuv lub siab mob tsheej teg vim tsis xav pub NKAUJ NTXHEE YEES ncaim kuv mus li tseem xav kom NKAUJ NTXHEE YEES nrog kuv nyob ntawm thaj chaw nov ntev2 kuv lub siab thiaj zoo thiab thiaj kaj los ua tsis tau li cas tsuas tau ntsia2 xwb kuv tseem nco tau thaum koj nce loo tsheb es pom lub tsheb khiav yeev ncaim nrug kuv deb zuj zus mus lawm ua rau kuv lub kua muag poob twj ywm hauv kuv lub siab tsis muaj leej twg paub txog….. Txhua2 zaug thaum kuv mus txog ntawm thaj chaw uas wb mus ua si ua rau kuv nco nws heev. Nco txog thaum wb nyob ua ke wb hais lus tus pa yeej tuaj sib haum koj nwj kuv ib pliag kuv nwj koj ib pliag, zoo li lub sij hawm khiav ceev npaum li tus dej ntws thiab nthwv cua yaj txawm xav nrog nws nyob npaum li cas los yeej tsis zoo kuv lub siab kuv yim xav txog nws ces yim ua rau kuv nco nws heev tuaj lawm xwb NKAUJ NTXHEE YEES os NKAUJ NTXHEE YEES yog kuv nco koj npaum no yog kuv tsis tau koj kuv kawg tuag ua ib pawg av lawm xwb thiaj yuav cheem tau kuv txoj kev nco koj lawm xwb os NKAUJNTXHEEYEES. Nyob rau xyoo ntawv thaum noj peb caug nyob rau pem Xeev khuam yog li nws thiaj li yaum kom kuv mus saib nws thiab noj 30 pem nws lawv lub zos yog li kuv thiaj tau mus saib nws raws li nws hais, thaum kuv mus txog kuv thiaj tau mus so ntawm kuv ib tug phooj ywg lub tsev, nyob rau hmo ntawv kuv thiab kuv tus phooj ywg wb thiaj tau mus ua si ntawm NKAUJ NTXHEE YEES tsev, thaum wb mus txog ntawm nws lub tsev khwv yees lis 8:30 PM kuv thiab tus phooj ywg wb tau nrog nws thiab nws ib tug phooj ywg nyob ua ke txog rau thaum 24:00 AM – 01:00 AM ntawv nyob rau hmo ntawv NKAUJ NTXHEE YEES wb tau tham txog txoj kev sib nco ua wb tau muaj tag los thiab kev lom zem ntau2 yam, hmo ntawv kuv tsis nco qab hnov ntev li tib pliag xwb txawm siv lig2 ua luaj li lawm yog li hmo ntawv kuv tus phooj ywg wb thiaj tau pw ib hmo ntawm NKAUJ NTXHEE YEES lawv tsev, NKAUJ NTXHEE YEES koj puas paub nab!!.. tias kuv tseem nco tau txhua yam thaum kuv tuaj cuag koj, koj pom dheev kuv es koj khiav2 tuaj tuav kiag kuv sab tes luag ntxhi thiab hu hai tias “koj twb tuaj lawm lod LAJSIAB kuv nco koj heev lis os lajsiab!!...”, Lub caij nyoog ntawv wb tau mus ncig ua si rau tiaj rhawv zeb, kuv tseem nco tau txhua thaj chaw uas wb mus ncig ua si thiab txhua lo lus uas koj hais rau kuv yav tag los tseem nco ua zem zuag nyob hauv kuv lub ntsiab muag zoo li niam qhuav yog nag hmo xwb tiag; NKAUJ NTXHEE YEES tus me neeg zoo lus uas kuv hlub thiab nco koj puas paub nab!! tias kuv tseem nco txog koj tag txhua2 yam uas wb tsim muaj los li na...xyov yuav txog thaum twg es thiaj mam lis hnov qab tau koj os…….. Txij li lub sij hawm thaum kuv mus ntsib nws ntawv tag los ua rau wb haj yam sib nco thiab sib hlub tshaj qub tuaj lawm thiab wb txoj kev hlub haj yam loj hlob tuaj ntxiv xwb zoo yam li xub ntab los yog xub muv uas fuam vam coob zuj zus tuaj, muaj kev nyuaj siab zoo siab los wb sib qhia sib pab thiab sib ntxhawb zog kom 2 leeg muaj kev zoo siab; koj puas tseem nco tau tias muaj qees zaug koj nyuaj siab koj quaj2 es koj hu tuaj rau kuv na kuv teb li cas rau koj os….. puas yog kuv hais rau koj tias “txhob quaj lawm os kuv niag poj ruam ntxim hlub” thiab hais tias ntsiag nawb kuv tus poj awb ces koj luag2 thiab koj teb kuv tias “awm kuv twb ntsiag lawm ma tab sis lub kua muag tseem teev ntawm kuv sab plus xwb na………” |
Nplooj2 Dhau ntawv los wb txoj kev hlub txhua yam yeej mus tau zoo los tau ib ntus txog rau thaum kuv kawm tiav thiab txais kuv daim npai pab kaj (Diploma) tiam sis los rau xyoo 2 muaj qee yam los cuam tshuam rau kuv tus kheej yuav tau ua raws li niam thiab txiv txoj kev ntshaw niam txiv xav kom yuav tus niam thiab txiv nyiam los ua lawv nyab tsis yog lis ntawv ces niam thiab txiv txoj kev txiv tub yuav tu mus xav npaum cas los nrhiav tsis tau ib txoj hauv kev tawm vim niam thiab txiv yog tus yug yus thiab yog tus tu yus hlob; txog thaum kawg thiaj tau ua raws lis niam thiab txiv txoj kev ntshaw lawm,
Ntuj os lub ntuj cas sim me neej no yuav mob lub siab npaum li muab ib rab riam los hlais yus tus kheej lub siab lub ntsws es txoj sia tsis tau tu xwb mob npaum lis muab ib tus hmuv maj mam hno rau hauv yus lub plawv thiab yus lub siab, mob tshaj plaws tsis muaj ib yam dab tsi yuav los pauv txoj kev mob no tau lis os….; tom qab uas kuv yuav tus ntxhais uas kuv niam thiab kuv txiv lawv xaiv tseg rau kuv tag lawm kuv yeej tsis tau qhia rau NKAUJ NTXHEE YEES vim kuv xav tias yog kuv qhia ntshe yuav ua rau nws mob siab heev txog thaum kawg kuv ib tug phooj ywg nws pom tau tias txawm lis cas los nws yeej tshwm sim lawm kuv tus phooj ywg ntawv nws thiaj qhia rau NKAUJ NTXHEE YEES ua rau nws tu siab heev thiab quaj heev tau 3 hnub 3 hmos los yeej tseem tsis tau zoo NKAUJ NTXHEE YEES lub siab... Thaum ntawv NKAUJ NTXHEE YEES xav tias cia ua ib siab tso lub ntiaj teb no tseg txawm nyob los tsis muaj nuj nqis dab tsi lawm tab sis kuv tau hu xov tooj mus rau nws thiab hais rau nws tias kuv thov txim kuv tsis tau txhob txwm yuav ua li no vim raug quab yuam xwb thiab tau hais txhua2 yam rau NKAUJ NTXHEE YEES tab txawm li ntawv los NKAUJ NTXHEE YEES yeej tseem tu siab heev thiab mob tsis txawj tag lis os… Hais txog ntawm kuv los yeej mob siab tsis txawj tag ib yam li thiab lub sij hawm ntawv kuv mloog kuv tus kheej zoo li plawv yuav nres hais tsis tau ib lo li cas rau nws li tsuas yog ua lub kuas muag poob twj ywm hauv kuv lub siab xwb ..ntuj es!!! cas yuav mob siab ua luaj lis os thaum zoo lis no lawm yuav ua zaj twg los ua tsis tsheej tos luag pheej hais tias: “kev hlub ua rau tib neeg vwm thiab yuav tuag rau txoj kev hlub”… no yeej muaj tiag, tiam no ces yuav tau ncaim tus neeg uas yus hlub thiab nco tshaj plaws hauv lub neej mus lawm tiag2 tsis muaj hnub tig tau txhua yam rov qab li lawm os ntshe yuav khuv2 xim mus txog hnub kawg, hnub tuag ua ib pawg av qua ntxa tiaj li os .. NKAUJ NTXHEE YEES. Twb tau ntau xyoo dhau mus lawm los kuv yeej tseem nco ntsoov NKAUJ NTXHEE YEES rau hauv nruab siab twb xav tias muaj poj muaj sev tag li no lawm es txhob nco lawm no tab mas tseem hnov qab tsis tau li xyov yuav muab nco mus txog thaum twg thiaj hnov qab tau txoj kev nco no mus; nyob hauv kuv lub siab xav tau ntau yam yuav hais qhia rau nws tab sis tsis muaj caij nyoog yuav hais qhia lawm vim tsis zoo li qub thaum ub lawm; kuv lub ncauj hais tsis tau tawm ib los li cas vim nws muaj ib tug hlub uas hlub2 nws lawm, hos kuv los ho nyob nrog ib tug lawm thiab yog li thiaj li ua rau wb 2 leeg ib leeg taug ib txoj kev tsis muaj hnub sib tshuam sib ntsib ntxiv nyob lub neej no lawm. Kuv tu siab rau kuv tus kheej heev ..yog lub sij hawm nws lam zoo li kuv zaj dab neeg hlub no los yog daim DVD , CD ntshe kuv yuav muab kauv pib puag tom hauv paus uas thaum kuv thiab nws wb tseem yog niam hluas nkauj txiv hluas nraug os hmoob….. NKAUJ NTXHEE YEES as txawm tiam no kuv tsis tau koj los ua kuv tus lawm los kuv mam li nco ntsoov wb txoj kev sib hlub yav tag dhau los thiab txhua lo lus uas koj hais rau kuv nws yuav nyob hauv kuv lub siab tsis ploj ..LAJSIAB txoj kev nco koj thiab hlub koj yuav tsis yog nco koj tiam no xwb yuav nco koj mus txhua2 tiam tsis hais tiam twg yog muaj koj thov kom muaj kuv nawb mog kuv yuav muab koj nco mus kom txog hnub LAJSIAB lub qua ntxa tiaj os lod kuv me nplooj siab NKAUJ NTXHEE YEES tus kuv tshua.., yog nco koj npaum li no tsis paub xyov kuv lub neej yav tom ntej no tseem yuav zoo li cas ...yog muaj ib hnub twg koj ho tuaj pom koj thiab kuv wb zaj dab neeg hlub no los ho nco kuv me2 thiab os nawb. HAUV KUV LUB NEEJ NO TAU LOS PAUB IB TXOG KEV HLUB LWJ SIAB LWJ NTSWS ZOO LI NO LOS KUV YEEJ TXAUS SIAB OS. Kawg no thov ua tsaug rau www.3haivhmoob.com ua tso kev rau peb tau tuaj mus nthuav kev lwj siab thiab kev nyuaj siab tawm rau neeg thoob ntiaj teb no tau nyeem thaum muaj kev ntxhov siab; kev quaj ntsuag rau txhua txoj kev hlub thov kom www.3haiavhmoob.com tsuas ntsib kev noj qab nyob zoo; txhiab puas xyoo kom sawv nraim nrog peb nyob mus ib txhis thiab nyiaj kub ntws lug los puv hnab tsho hnab ris nces toj kom zog loj nqis hav kom zog nchav nyob luag lis ntxhis mus tag tiam xwb lau. Sau NPe: Laj Siab Tus Nyob Nrog Txoj Kev Nco Koj. Ceeb Toom: Tsis pub leej twg muab cov dab neeg kev hlub hauv no mus tso rau lwm lub vej xaij, forum yog tsis tau tso cai ntawm peb. Tsis pub muaj muam muag thiab , nov peb tsuas tso rau suav daws tuaj nyeem laug caij nyoog kom txhob laj nyob xwb. Warning: Copying our love stories to post on your website or any other internet site is prohibited. Printing for selling is also not allow. Thank you for you cooperation.
|
Txoj Kev Hlub Cas Lwj Siab Ua Luaj no... Hlub ib tug nrog ib tug nyob tab sis yus ho nco ib tug tag li rau hauv lub neej? Puas Tu Siab Thiab?
Comment Box is loading comments...