"Dhau 2 lub xyoo Lawm los lub Siab Tseem Mob.."
Muaj Qee Zaus lub caij nyoog yog ib pob tshuaj los kho kom yus lub siab kaj thiab txhob nco yav tag los lawm..tab sis qee zaus sij hawm yim dhau mus ntev yus lub siab yim mob...heev dua qhov qub xwb.. nws zoo yam li lub qhov nqaij uas haj yam ua kas thiab lwj ntau dua qhov qub tuaj xwb.....Cua tuaj ntxuj ntxiag hnov tej me nplooj xyoob nplooj ntoos tseem ya nplawm cuag dab tsi...Kuv lub siab los yeej tseem nyob tsis kaj thiab tsis tus kiag li.......
"Twb tau ntau2 lub xyoo no lawm los kuv lub siab tseem mob mob mob thiab hlub hlub koj os kuv me leej muam tus kuv hlub tus me neeg siab phem siab dub dub a!." Suav txij xyoo 2010-2012 yog 2 lub xyoo uas zoo thiab ua rau kuv kaj siab zoo tas li yam nkaus nyob saum qaum huab, nws zoo rau kuv tshaj plaws nyob hauv kuv lub neej txoj sia yeej tsis muaj ib yam dab tsis yuav los pauv tau hlo li. Nyob rau lub xyoo tshiab thaum hnub xiab 5 lub hli hmoob lub peb caug ntawm lub zoo noos hais xyoo 2010 lub ntuj txawj tig lub teb txawj puag tab sis txoj hmoo tsis pov tsis puag Kuv LAJLIM thiaj tau mus ntsib tus neeg uas kuv hlub thiab nyiam tshaj plaws nyob rau lub zos Noos hais.
Lub zos noos hais yog ib lub tshav pob uas loj thib 2 ntawv tshav pob 52km nyob rau xeev Vientiane. Txhuas 2 hnub suav txij li hnub xiab 1-4 kuv yeej mus tas li tab sis kuv ho tsis pom tus neeg kuv hlub ntawv. Txog rau hnub xiab 5 thaum tav su tej neeg pib los mus noj su zom zaws lub sij hawm ntawv kuv tab tom xav kiag tias ua si tau 3-4 hnub no los zoo li qub xwb thiab twb tsis tshua lom zem lawm ces lam ib nyuag ncig mus kom thoob lub tshav pob no ib lwm tso yuav mus tsev no ua cas kuv cia li ho mus ntsib kiag tus hluas nkauj ntawv ua cas kuv yuav nyiam nws thiab cia li tsis xav qhov yuav mus tsev li lawm.
Suav txij hnub ntawv los wb thiaj tau ua ke tsis sib nrug tsis hais nruab hnub los yog hmo ntuj txog rau thaum xaus pob los kuv kuj tau nrog nws mus saib lawv nyob rau 52 thiab mus pw hauv nws tsev tau 3 hmos kuv mam li rov los tsev. Suav txij hnub ntawv los ces wb txoj kev hlub yeej zoo thiab sib hlub heev li tsis hais noj mov txhua pluas yeej yuav tsum hu xov tooj sib qhia thiab tuaj sib cuag tsis tu ncua kiag li. Lub xyoo ntawv kuv twb kawm ntawv yog xyoo 3 nyob hauv Vitentiane Capital lawm txawm yuav nyob deb me ntsis los kuv yeej yuav tsum mus kom pom thiab tau nrog nws hais lus mas lub siab thiaj li yuav kaj vim ntshai tsam lam ho muaj leej twg tuaj tham vim nws yog ib tug ntxhais uas zoo nkauj thiab txim txiaj heev kuv yeej xav tsis tag li tias ua cas nws ho lam nyiam thiab hlub tus neeg phem nraug zoo li kuv no li.,
Nws txhua lo lus hais tuaj rau kuv mas zoo li cov tshuaj kho mob uas zoo tshaj plaws nyob hauv qab ntuj no yog kuv tau hnov nws lo lus lawm mas ua rau kuv zoo siab thiab kaj siab lug xwb. Hos hais txog ntawm kuv los kuj zoo ib yam li rau nws thiab. Kuv yeej xav cia lawm tias tshuav 2 lub xyoo lawm xwb ces wb yuav tau nyob ua ke. Wb txoj kev hlub yeej xav tias yuav tsum sib tau xwb vim nws niam thiab nws txiv lawv tsev neeg txhua leej txhua tus yeej ua zoo rau kuv tib yam txawm hais tias kuv yuav yog neeg pluag. Muaj tsawg pluas yuav qab yuav tsuag los kuv yeej yuav tsum tau koom nrog lawv noj xwb thiaj tag.
Wb yeej piav kev npau suav lawm tias yuav ua wb rooj tshoob kom loj yog hnub twg wb sib sau ua ib yim neej vim wb sib hlub heev cov laus yeej tsis hais tsis txwv wb li lawm yuav mus ua si, ....yuav mus ua liaj ua teb los wb mus ob leeg thiab txawm kuv mus kawm ntawv los yeej tsis tshaib plab li yav tag los li lawm., ib lub week twg nws niam thiab nws txiv yeej muab li ntawm 600000=80$ txhua 2 zaum rau kuv vim lawv yeej paub tias kuv txom nyem , nyob deb niam deb txiv, kev siv nyiaj rau txoj kev kawm no zoo li cas thiab vim kuv hlub lawv tus txhais heev.
Dhau li ntawv los mus txog rau xyoo tshiab peb hmoob lub tsiab peb caug thaum xyoo 2012, nws yog ib lub xyoo phem heev rau kuv txhua txhia yam hloov pauv mus tsis zoo li qub yav tag los li lawm tsis hais lawv tsev neeg los yog kuv tus hlub nws txawv tiag2 li txawm li ntawv los kuv yeej tsis xav li cas. lub xyoo tshiab no kuv mloog zoo li yeej tsis yog xyoo tshiab li qhov kuv mob siab thiab chim siab tshaj plaws mas yog hmo xiab 3 nws tias kom kuv nyob hauv tsev es nws nrog tus hmoob mes kas ntawv nkawv mus yuav khoom hauv Vientiane kuv xav tias kuv mus thiab tab sis nws niam thiab nws txiv lawv kuj tsis pom zoo kuv mus nrog kawv kuv tsis tso siab li vim khawv 2 leeg mus xwb thaum nkawv mus kiag lawm hnov mob mob ib teg ib teg hauv kuv lub nrog cev tuaj ua rau kuv ua pa tsis taus ntsia kiag ib puag ncig kiv pes lees kuv lub caj pas ces npaum li lawv npuj tsuas thoob plaws rau...mob nruj nreem...
Hmo ntawv kuv nyob tsis tswm pw tsis tsaug ib hmos zog li tsis tas li los kuv yeej tsis pw li ib sij tawm ib ce fws twb kaj ntug pom pom kev lawm kuv tus hluas nkauj thiab tus hmoob me kas nkawv mam li los txog tsev. Suav txij hnub ntawv los txhua yam hloov mus tig tsis tau tej yam zoo zoo rov qab los li lawm. Thaum kawg nws tau yuav tus hmoob mekas kiag ntawm kuv lub qhov muag ua rau kuv tauv tsis tau kuv lub kua muag ces yeej ntws npaum dej tsis quaj no los yeej cheem tsis tau kuv lub kua muag ntws tawm los li.. kuv yeej ua tsis tau li cas li tsuas tau qhov quaj thiab lub kuas muag xwb. Lub sij hawm dhau los tau 5 lub hlis kuv mam li tsis quaj thiab tseg tau kuv lub kua muag me2 xwb.
Txoj hmoo tsis zoo hmoob mes kas ho tsis tos tus hluas nkauj no, nws thiaj tau mus yuav ib tug txiv rau sab xeev xais nyab npus lis lawm tsuas hnov moo tias lawv khwv heev ua liaj ua teb mus pw zov teb pub qaib pub npua tom teb xwb no ua rau kuv yim hlub nws tshaj qhov qub tuaj lawm thiab, txawm li cas los tsuas thov kom lawv hlub2 xwb ces kuv yeej zoo siab lawm, niaj hnub no txawm nws mus ua luag tug lawm los kuv tseem khib khib thiab hlub hlub nws.
Niaj hnub no qhov kuv ua tau ib siab ces xav tias nws twb nrog luag sib puag pw sov so ntshe lawv twb tsis txhawj, tsis tshua, tsis nco yus lawm no es thiaj ho ua tau ib siab me ntsis lawm xwb. kuv zaj dab neeg los xaus li no xwb mam ntsib nej dua lwm zaus. Es zaum kawg no tsuas thov kom nej cov muaj koob meej, nplua nuj tsis hais nyob: USA, AUSTRALIA, FRANCE thiab lwm qhov ho txhob dag dag peb cov hluas nkauj kom peb kev hlub tawg thaum kawg no ces ho muab lawv tso ua ntsuag ciaj tuag tsis muaj ntxa nyob nrog lub kua muag thiab txoj kev lwj siab os nawb. Uatsaug ntau2 rau tus tsim tus Website www.hmongmeka.com no uas tseem muaj lub siab dawb siab zoo siab dav ua qhov chaw no rau peb tau tuaj ua chaw tso pa tham daws kev mob siab lwj siab pov tseg rau zaj zeg zaj qho kom ntsej tsis hnov muag tsis pom. Kawg no nyob zoo xyoo tshiab rau suav daws nawb mog...
Sau Npe:Laj Lim Vwj
Tus Nyob Nrog Txoj Kev Lwj Siab Uas Tseem Kho Siab Khuav....
Lus Ceeb Toom:
Cov dab neeg kev hlub thiab txhua yam hauv 3haivhmoob.com no peb tsuas yog tso rau sauv daws tau tuaj nyeem laug caij nyoog xwb txwv tsis pub leej twg muab luam mus muag los yog ua lag luam, yog koj coj mus kho los yog ua lwm yam tsis tau qhia rau peb paub , thaum peb tshawb tau lawm koj yuav raug nplua raws txoj cai ntawm lub teb chaw koj nyob ko. Ua tsaug ntau: 3HaivHmooB.Com |
Nco Ntsoov: Txhob hu xov tooj rau lawv cov kev lag luam lawv tso hauv no yog tias koj tsis muaj feem txog kev lag luam nawb. Ua tsaug
|