Txhob Cia Rov Qab Mob Siab Dua Ib Zaug Ntxiv
Lub Zos Tawg Rog Vib Nais
Tus sau:Koobmeej Xiong
Email: koobmeejxyooj@yahoo.com
Muaj ib lub xyoo yuav txog peb caug, tsoom fwv tso sawv daws kev mus txiav taws coj los siv rau hmoob lub xyoo tshiab thiab npaj rau lub caij ntuj no nyob rau hauv yeej tawg tsog. Tib neeg sib yaum pes daws mus txiav taws coob kawg nkaus, tus yuav ev khib los muaj, ev kawm los muaj thiab cab laub los muaj tib si. Muaj ib tag kis, tus me nyuam tub hluas hmoob xyooj nrog nws tus tij laug mus txiav taws. Lawv txawm mus txog puag tom teb taws. Tus tij laug lawv tseem khaws taws hos tus tub hluas ntawd thiaj taug kev mus ncig ua sis, saib hmoob txiav taws.
Cua tuaj ntxuj ntxiag thaum sawv ntxov tsees ntawd, tej me nroj tsuag tseem ntub ntub. Tus me nyuam hluas taug kev los txog ntawm ib txoj kev sib tshuam uas muaj ib cov tauj ntxhw thiab nroj kalama tawg dawb vog thaiv kev. Ob tug me nyuam hluas nkauj hmoob ev ib leeg lub kawm sib tw khiav tom sab kev uas cov nroj ntis thaiv los qawm lias tus me tub hluas ntawd, tus hluas nkauj loj zog tsawv nkaus tus tub hluas cov ntiv tes xis rub thiab sib zog nyem ruaj ruaj. Tus tub hluas tias koj.. koj tso kuv txhais tes tso ma. Mob heev na. Tus menyuam hluas nkauj tsis hnov thiab tsis tso li, nws haj yam rub, nyem thiab nchos tus tub hluas txhais tes.
Tus me nyuam hluas nkauj qw tias Pab kuv os, pab kuv. Kuv ntshai niag Twm ntawv na. Tus tub hluas thiaj xuas sab tes laug lawv tus twm thiab khiav lawm. Tus tub hluas tias tus muam tso kuv os, mob mob heev lawm. Tus me nyuam hluas nkauj thiaj ras dheev thiab tias “aub..thov txim, thov txim os” Muab rau kuv saib seb, vuag liab thiab ntsuab lawm os. Nws hais ntxiv tias thov txim os zaum no ces kuv ua rau koj lov tes lawm laus. Ib tus me nyuam hluas nkauj tso dag tias, Ntxawm koj yuav nws nawb yog koj muab nws ua lov tes. Tus tub hluas saib nws sab tes cas liab thiab ntsuab lawm tiag tiag li thiab mob heev, los nws lub ntsej muag tsis npau taws thiab tsis chim rau tus me nyuam hluas nkauj ntawv li.. Nws tias kav liam os. Tej zaum hmoov zoo es peb thiaj tau sib ntsib, es koj thiaj tau tuav kuv tes. kuv thiaj pab tau neb.
Tus tub hluas tias es nej tuaj txiav taws thiab los? Tus me nyuam hluas nkauj teb tias, aw!, peb tuaj thiab. Tus tub hluas tias es nej puas tau npaj tau taws thiab mus tsev na? Tus me nyuam hluas nkauj tias tsis tau thiab, tag kis no peb ua qaib ntej es tej zaum yuav lig lau. Thiab nej twb muab taws txiav tas lawm es..nws tso dag li ntawd. Me nyuam tub hluas teb tias txhob dag li ntawd os, peb ntag cov tuaj lig na. Me nyuam tub hluas tias aws.. twm twb mus lawm ces kuv yuav mus thiab, es neb puas xav tau kev pab dab tsi lawm? Tus menyuam hluas nkauj thiaj tias tsis muaj lawm tab sis kuv, kuv thov…tus menyuam tub hluas teb tias txhob hais lawm. Tsis muaj txim os zoo siab tau sib ntsib tom teb taws no.
Txoj kev nkauj kev nraug yeej muaj txhij thiab muaj txhua rau sawv daws. Tej tus tseem muaj ob peb txog dab neeg, tiam sis tus menyuam tub hluas thiab menyuam hluas nkauj hmoob nov ces lawv nyob sib kom zej kom zos. Yeej sib pom thiab tab sis tsis tau tham. Nws yeej xav hais tias tos muaj caij ces lis mus nrog nws nyob thiab tham saib hluas nkauj puas nyiam yus. Tab sis vim yog tsis muaj peev xwm es thiaj pheej tos lub sij hawm dhau mus xwb. Muaj ib xyoos kho kho suav daws siab heev. Lub neej nyob ua ywj fab thiab ywj fwj. Tsis paub tias tag kis yuav sib ncaim. Muaj tej tus ces yog niam thiab txiv coj khiav mus txawv teb chaws, khiav mus ua hmoob thaib, thiab mus nyob txawv yeej thaj nam lawm. Muaj tej khub menyuam hluas nkauj hluas nraug sib ncaim yog vim qhov nov, muaj tej khub tham tham los tsis txawj sib yuav ces lwm tus ho tuaj muab zij thiab yuav lawm ua rau yus plam tus yus tham tham thiab nyiag nyiam hauv nruab siab mus lawm.
Nws zoo sib xws li tus menyuam tub hluas nov es nyiag nyiam tus menyuam hluas nkauj los tsis muaj peev xwm mus tham thiab qhia rau. Muaj ib xyoos ces hmoob cia li tuaj muab tus menyuam hluas nkauj zij mus lawm. Nws mus ua nws lub neej raws li nws niam thiab nws txiv qhia. Nws mus tab cuab vij zeej, mus cheb qab plag qawj ntxuav luag yias to. Lub sij hawm dhau mus, nyias mus ua nyias lub neej, nyias khiav nyias. Tus tub hluas thiaj tau mus America, 15 lub xyoo tom qab, nws ho rov mus ncig teb chaws thiaj li mus pom menyuam hluas nkauj tiav niam. Ncauj tsis hais tab sis siab khuv xim kawg. Sij hawm dhau, hos rov tau sib ntsib nyob rau America, los nyias muaj nyias lub neej. Tom qab no hnov tias nkawv ua neej tsis kawg. Hnov li ntawd los tsis zoo li siab xav vim tsis yog menyuam tub hluas puag thaum ub lawm, nws thiaj xav tias txhua yam yeej tsis yog yus li es ua ib siab txhob seev thiab txhob hais txog nws lawm. Cia mob txhais tes xwb txhob cia mob rau nruab siab thiab txhob cia tus uas hlub hlub yus ntawm yus xub diag mob. Ua tsaug sawv daws thiab vas sab www.3haivhmoob.com uas muaj qhov chaw no rau peb tuaj tso pa! Enjoy the lives and happiness that you are currently possessing.
sau npe: Koob Meej
Ceeb Toom: Txwv tsis pub muab cov cov dab neeg txhua yam hauv no mus tso rau koj lub vas sab, Forum los yog lwm qhov chaw uas tsis tau txais kev tso cai ntawm peb, tsis pub muab luam muag thiab, vam tias koj yuav muab ke v koom tes . Warning: Please donot copy our love stories to post on your website, forum or any other internet sites without permission. Printing for selling is also prohibited. Thank you for your cooperation.
Email: koobmeejxyooj@yahoo.com
Muaj ib lub xyoo yuav txog peb caug, tsoom fwv tso sawv daws kev mus txiav taws coj los siv rau hmoob lub xyoo tshiab thiab npaj rau lub caij ntuj no nyob rau hauv yeej tawg tsog. Tib neeg sib yaum pes daws mus txiav taws coob kawg nkaus, tus yuav ev khib los muaj, ev kawm los muaj thiab cab laub los muaj tib si. Muaj ib tag kis, tus me nyuam tub hluas hmoob xyooj nrog nws tus tij laug mus txiav taws. Lawv txawm mus txog puag tom teb taws. Tus tij laug lawv tseem khaws taws hos tus tub hluas ntawd thiaj taug kev mus ncig ua sis, saib hmoob txiav taws.
Cua tuaj ntxuj ntxiag thaum sawv ntxov tsees ntawd, tej me nroj tsuag tseem ntub ntub. Tus me nyuam hluas taug kev los txog ntawm ib txoj kev sib tshuam uas muaj ib cov tauj ntxhw thiab nroj kalama tawg dawb vog thaiv kev. Ob tug me nyuam hluas nkauj hmoob ev ib leeg lub kawm sib tw khiav tom sab kev uas cov nroj ntis thaiv los qawm lias tus me tub hluas ntawd, tus hluas nkauj loj zog tsawv nkaus tus tub hluas cov ntiv tes xis rub thiab sib zog nyem ruaj ruaj. Tus tub hluas tias koj.. koj tso kuv txhais tes tso ma. Mob heev na. Tus menyuam hluas nkauj tsis hnov thiab tsis tso li, nws haj yam rub, nyem thiab nchos tus tub hluas txhais tes.
Tus me nyuam hluas nkauj qw tias Pab kuv os, pab kuv. Kuv ntshai niag Twm ntawv na. Tus tub hluas thiaj xuas sab tes laug lawv tus twm thiab khiav lawm. Tus tub hluas tias tus muam tso kuv os, mob mob heev lawm. Tus me nyuam hluas nkauj thiaj ras dheev thiab tias “aub..thov txim, thov txim os” Muab rau kuv saib seb, vuag liab thiab ntsuab lawm os. Nws hais ntxiv tias thov txim os zaum no ces kuv ua rau koj lov tes lawm laus. Ib tus me nyuam hluas nkauj tso dag tias, Ntxawm koj yuav nws nawb yog koj muab nws ua lov tes. Tus tub hluas saib nws sab tes cas liab thiab ntsuab lawm tiag tiag li thiab mob heev, los nws lub ntsej muag tsis npau taws thiab tsis chim rau tus me nyuam hluas nkauj ntawv li.. Nws tias kav liam os. Tej zaum hmoov zoo es peb thiaj tau sib ntsib, es koj thiaj tau tuav kuv tes. kuv thiaj pab tau neb.
Tus tub hluas tias es nej tuaj txiav taws thiab los? Tus me nyuam hluas nkauj teb tias, aw!, peb tuaj thiab. Tus tub hluas tias es nej puas tau npaj tau taws thiab mus tsev na? Tus me nyuam hluas nkauj tias tsis tau thiab, tag kis no peb ua qaib ntej es tej zaum yuav lig lau. Thiab nej twb muab taws txiav tas lawm es..nws tso dag li ntawd. Me nyuam tub hluas teb tias txhob dag li ntawd os, peb ntag cov tuaj lig na. Me nyuam tub hluas tias aws.. twm twb mus lawm ces kuv yuav mus thiab, es neb puas xav tau kev pab dab tsi lawm? Tus menyuam hluas nkauj thiaj tias tsis muaj lawm tab sis kuv, kuv thov…tus menyuam tub hluas teb tias txhob hais lawm. Tsis muaj txim os zoo siab tau sib ntsib tom teb taws no.
Txoj kev nkauj kev nraug yeej muaj txhij thiab muaj txhua rau sawv daws. Tej tus tseem muaj ob peb txog dab neeg, tiam sis tus menyuam tub hluas thiab menyuam hluas nkauj hmoob nov ces lawv nyob sib kom zej kom zos. Yeej sib pom thiab tab sis tsis tau tham. Nws yeej xav hais tias tos muaj caij ces lis mus nrog nws nyob thiab tham saib hluas nkauj puas nyiam yus. Tab sis vim yog tsis muaj peev xwm es thiaj pheej tos lub sij hawm dhau mus xwb. Muaj ib xyoos kho kho suav daws siab heev. Lub neej nyob ua ywj fab thiab ywj fwj. Tsis paub tias tag kis yuav sib ncaim. Muaj tej tus ces yog niam thiab txiv coj khiav mus txawv teb chaws, khiav mus ua hmoob thaib, thiab mus nyob txawv yeej thaj nam lawm. Muaj tej khub menyuam hluas nkauj hluas nraug sib ncaim yog vim qhov nov, muaj tej khub tham tham los tsis txawj sib yuav ces lwm tus ho tuaj muab zij thiab yuav lawm ua rau yus plam tus yus tham tham thiab nyiag nyiam hauv nruab siab mus lawm.
Nws zoo sib xws li tus menyuam tub hluas nov es nyiag nyiam tus menyuam hluas nkauj los tsis muaj peev xwm mus tham thiab qhia rau. Muaj ib xyoos ces hmoob cia li tuaj muab tus menyuam hluas nkauj zij mus lawm. Nws mus ua nws lub neej raws li nws niam thiab nws txiv qhia. Nws mus tab cuab vij zeej, mus cheb qab plag qawj ntxuav luag yias to. Lub sij hawm dhau mus, nyias mus ua nyias lub neej, nyias khiav nyias. Tus tub hluas thiaj tau mus America, 15 lub xyoo tom qab, nws ho rov mus ncig teb chaws thiaj li mus pom menyuam hluas nkauj tiav niam. Ncauj tsis hais tab sis siab khuv xim kawg. Sij hawm dhau, hos rov tau sib ntsib nyob rau America, los nyias muaj nyias lub neej. Tom qab no hnov tias nkawv ua neej tsis kawg. Hnov li ntawd los tsis zoo li siab xav vim tsis yog menyuam tub hluas puag thaum ub lawm, nws thiaj xav tias txhua yam yeej tsis yog yus li es ua ib siab txhob seev thiab txhob hais txog nws lawm. Cia mob txhais tes xwb txhob cia mob rau nruab siab thiab txhob cia tus uas hlub hlub yus ntawm yus xub diag mob. Ua tsaug sawv daws thiab vas sab www.3haivhmoob.com uas muaj qhov chaw no rau peb tuaj tso pa! Enjoy the lives and happiness that you are currently possessing.
sau npe: Koob Meej
Ceeb Toom: Txwv tsis pub muab cov cov dab neeg txhua yam hauv no mus tso rau koj lub vas sab, Forum los yog lwm qhov chaw uas tsis tau txais kev tso cai ntawm peb, tsis pub muab luam muag thiab, vam tias koj yuav muab ke v koom tes . Warning: Please donot copy our love stories to post on your website, forum or any other internet sites without permission. Printing for selling is also prohibited. Thank you for your cooperation.
Txoj Kev HLub Yav Thaum Yau Koj Puas Nco Tau Li Tus Kwv Tij no lawm thiab?
Widget is loading comments...
