Kib Yaj Txoj Kev HLub

Tus Sau: kib yaj
Emai;l:k_vongyang@hotmail.com
Phone: 856 - 020 - 58282728

"Kib Yaj Txoj Kev HLub "
-Muab Lub Neej Tham Pub KOj Nyeem-

Nplooj1

Nplooj2

“ Muab lub neej qub tham pub koj nyeem ”
Nyob rau xyoo 1998 hauv lub zos Thongnamee nroog Pakkading Xeev Bolikhamxay nws yog lub caij noj 30 thiab yog lub caij ntuj no, xyoo ntawv kuv kawm ntawv nyob rau paksane high school hnub ntawv yog Friday peb cov phooj ywg muaj li tsib rau leej sib yaum mus pov pob ua si nyob rau nram zos Thongnamee, nws yog ib lub sij hawm uas zoo thiab dai siab heev li peb pib nce tsheb bus thaum 4:30 pm nyob rau paksan, ncua kev peb yuav mus yog 64 km siv sij hawm li ntawm ib xuab moo tawm, Hnub no peb yuav mus poob rau tus npawg Tub xeem xyooj lub tsev uas nws yog peb ib tus phooj ywg zoo nrog peb kawm ntawv ua ke rau paksan no.
Peb kuj sib tham txog cov hluas nkauj nyob rau lub zos Thongnamee coob leej ntau tus kom paub ua ntej tias muaj leej twg thiab ho zoo li cas vim hnub no yog thawj thawj hnub uas peb yuav tau mus ua si rau lub zos no. pheej sib tham sib dag mus taug kev yam tsis nco ntev lub hnub twb poob qho lub ntuj twb tsaus peb los kuj mus yuav txog zos thongnamee lawm thiab. Tau hnov cov cua tuaj txias zias ntsia mus rau ob sab thiab tom qab tsis pom dab tsi li ntsia mus tom ntej tsuas pom ib ncua kev uas lub qhov muag tsheb ntsa txog xwb, lub ntuj tsaus lawm tiag ua tau kho siab zim, lub siab xav tias Thongnamee yuav zoo li cas puas yuav muaj hluas nkauj ntxim siab yog muaj es lawv puas yuav kam tham yus thiab, tseem xav mus xav los li ntawv lub tsheb twb nres cov phooj ywg hais tias txog lawm os txog zos thongnamee lawm nqi nqi kuv hnov li ntawv kuv zuag zog tau kuv lub hnab sawv tsees nrog cov phooj ywg nqi tsheb kiag ntawm ntug kev ( ntawm ntug tab laj Thongnamee nej hnub no ntag ). Peb sawv daws nqis tsheb tag ces lub tsheb maj mam khiav mus lawm ntsias mus rau qhov twg los tsaus ntuj nti pom hluav taws ntsa ntsa hauv hmoob tej tsev tuaj xwb thiab hnov aub tom tom pug pem hauv zos tuaj xwb, vim tsaus ntuj tsheb los kuj khiav qeeb peb los txog nov twb yog yim moo tawm lawm lig lawm peb sawv daws nyias nqa nyias lub hnab taug txoj kev raws roob ntawm tab laj thongnamee nce toj rau pem plawv zos, peb ke sib tham thiab kev mus, kuv nco tau tias peb taug txoj kev ntawv los yog muaj kev khaub lig plaub txog yog peb qho, txog qhov thib peb ces peb lem rau sab lauj ( suav ntawm kev khaub lig ntawv mus lub thib peb yog npawg Tub niam lawv lub tsev ) hnov npawg tub niam hu tias cov me tub nej sawv daws tuaj los,.. los tsev os peb kuj sawv daws teb tias tuaj os, peb tuaj tab kawm nej li ob peb hnub os niam awd..,
Npawg tub niam teb tias tsis ua cas li os kav tsij tuaj, nqa nej cov hnab los tso rau tim txaj no os.Peb sawv daws muab tog los zaum rau nraum zoov saib hnub thiab ntsia pom lub hli twb qaim rau pug tim npoo ntuj lawm vim hnub no yog peb caug xiab tsib lawm zaum sib tham ntev loo li plaub caug na thi npawg tub niam thiab npawg tub tus muam twb ua mov siav thiab rau tau lawm, npawg tub niam hu tias tub awd coj cov me tub ko los noj mov os tsam nej yuav mus ua si os.
Peb noj mov thiab da dej tag ntshe twb yuav yog li kaum moo lawm peb mam mus ncig ua si vim lub caij noj peb caug hluas nraug coob coob hmoob tej ntxhais yeej tsis tau pw li, peb cov tuaj ua ke nov muaj plaub leeg twb tau paub hluas nkauj ua ntej lawm uas yog pom duab thiab sau ntawv sib tham tab si tsis tau sib ntsib xwb ces lawv tau hluas nkauj tham tag lawm hos kuv thiab ib tug npawg wb ces tsis muaj hluas nkauj tham li mus txog twg los luag muaj khub tag li lawm ces wb ua siab los pw ua ntej lub niag hmo mas cas yuav ntev ua luaj tsis txawj kaj li, qaib los tsis txawj qua li thiab no los kuj no kho siab tshaj xav xav tsim looj hlias lawm xwb tsim dheev na twb pom kev dawb vog lawm, tawm mus saib rau sab nraum zoov mas pos huab nti ntsia pom lub roob kaub xab kaub lws ( ພູເກົ້າຊັ້ນເກົ້າລຶບ ) dub lus pug tim ub xwb. Pom hmoob tej ntxhais twb sawv ntxov kwv dej los lawm.

Hnub ntawv peb mus yos pov pob ib hnub kuj lom zem kawg thiab lub zos Thongnamee xyoo ntawv muaj tsib pua tawm yim, nws yog ib lub zos loj kawg li lawm thiab hluas nkauj coob tiag tiag tiam sis tsis tau muaj ib tug tseem ceeb li. Zoo li tsis tau ntev lub ntuj twb yuav tsaus pom tej me hluas nkauj hluas nraug sib sib hlub tham lo me lus yau yau hais ze ze ntawm lub me pob ntseg niam taug kev mus tsev ua ib khub ib khub thiab tseg kiag yus tsis muaj tus nrog luag caum mus tsev tiag tiag los cas ne, Xav xav yus kuj tu siab rau yus tus kheej Xav xav kuj xav luag yus tus kheej tias tham hluas nkauj tsis keej los cas ho tsis muaj hluas nkauj li luag ne. Hnub no twb yog Saturday lawm ntshe yuav tsis ntsib ib tug ntxim siab li los cas lau vim tag kis twb yuav rov los kawm ntawv lawm. Hmo no muaj cov kwv tij hmoob yaj ua ib rooj tshoob nyob tsis deb ntawm tshav pob kuv tsis muaj hluas nkauj tham li ces npawg tub coj kuv mus tham ib tug hluas nkauj hmoob vaj uas yog tham hauv tsev tshoob hais kwv txhiaj thiab haus cawv ib tug hluas nkauj xwb tab sis mas wb ob leeg tham nws hais ib txoj kwv txhiaj rau kuv tag ces nws hais ib txog rau kuv yawg npawg tub. Nws hais tau mob siab ib yam nkaus rau wb ob leeg yog li kuv kuj hais teb rau li kev hluas khauj hluas nraug hos nws hais rau kuv yawg npawg tub yawg haus cawv txhua txhua zaus xwb ua rau kuv yawg npawg qaug cawv thaum kawg, Kuv coj yawg npawg tub los pw tom tsev kuv rov mus txog tom tsev tshoob ho tsis pom hluas nkauj lawm ib pliag zoj txawm siv pom npawg tub rov tuaj txog kuv thiaj xav tias tus hluas nkauj ntawv yog npawg tub tus hos kuv mam nug lawv tias yog kawg tus hlusa nkauj ntawv yog npawg tub tus tiag.
Kuv thiaj hais rau npawg tias thov txim vim kuv tsis paub tias nws yog koj li hluas nkauj koj los tsis tham qhia kuv li thiab. Hais los txog nov rov tsis muaj hluas nkauj dua lawm thiab ces kuv hais tias kom wb mus pw no vim nws lig lawm twb muaj li ob sij sawv ntxov lawm, wb sib tham taug kev los tam li neeg tau dej tau cawv thiab neeg auv hav tshiab tshiab los yuav luag txog npawg tub tsev cas txawm pom teeb ciaj ciaj hos hnov neeg sib tham luj loos hauv tsev tuaj npawg tub txawm hais au kuv tias koj puas mus xauj kuv ib tug muam ntawm ko na nws hu ua Neeb mus xauj seb koj pusa nyiam kuv xav zoj mus pw hos ib siab ho xav zoj tias mus saib kiag tso mam los pw.
Npawg tub mus ua ntej npawg tub khob khob qhov rooj thiab hais tias neeb neeb awd faj kuv tus npawg nrog nej nyob thiab os kuv hnov tus muam neeb hais tias tau ma ????, neb mus dab tsi los na cas lig ua luaj npawg tub tisa wb mus ua si tom tsev tshoob los os, kuv ntsia kiag pom tus muam neeb luag nyav tau ntxim siab kawg thiab nws tab tom nrog ob tug hluas hmoob nyob. Nws yog ib tug hluas nkauj loj thiab siab, ntxim hlub tshaj, zoo ua nyab tiag tiag li, kuv pom dheev xwb kuv twb nyiam nws lawm ntsia pom ntawm tus duab teeb taw roj av ntsa. Npawg tub tias koj mam nrog lawv nyob nawb kuv mus pw lawm, kuv tias ua li mas koj mus ua ntej ib ntsis kuv mam los. Thaum no muaj peb peb leeg txiv neej nrog tus muam neeb tham lawm xwb kuv tsis tau paub lawv dua li, tsis tau sib paub tsis tau sib pom dua.
Tus muam neeb xeem xyooj nug kuv tias kuv hu li cas ?, xeem dab tsi ?. nyob rau qhov twg tuaj ?. Kuv teb tus muam neeb tias kuv yog hmoob yaj hu ua kib hos nyob chaw nyob yog nyob rau Paksan. Kuv nco tau tias hmo ntawv kuv tau nrog tus muam neeb tham heev tshaj uas tsis muaj lub sij hawm rau ob tug hluas txuas tau ib lo lus li vim kev qaug cawv ntsej muag tuab dhau ua tau txhua yam . Kuv ua li no ua rau ob tug hluas khiav mus tsev tseg kuv ib leeg nrog nws ib leeg tham kaj ntug plaws. Txoj kev hlub nyob rau lub zos Thongnamee peb lawm tiag zaum no nws yog txoj kev hlub uas pib tau tshiab tshiab thiab pib tau rau lub sij hawm kho siab thiab sib nco tshaj.
Cas hmo tsis ntev ntuj twb kaj twb txog hnub yuav rov los tsev yuav los kawm ntawv lawm tiag tiag…..
( Thov txim tus phooj ywg no yeej sau npaum no xwb)

Sau Npe Kib Yaj..

Lus Ceeb Toom:
Cov dab neeg kev hlub thiab txhua yam hauv 3haivhmoob.com no peb tsuas yog tso rau sauv daws tau tuaj nyeem laug caij nyoog xwb txwv tsis pub leej twg muab luam mus muag los yog ua lag luam, los yog tuaj muab coj mus tso rau lwm hlub vas sab website uas tsis tau txais kev tso cai los ntawm peb, yog koj coj mus kho los yog ua lwm yam tsis tau qhia rau peb paub , thaum peb tshawb tau lawm koj yuav raug nplua raws txoj cai ntawm lub teb chaw koj nyob ko. Vam tias koj yuav muab kev khoom tes.
Warning: No one can copy these stories at www.3haivhmoob.com to post on your website or other forums without our permission. Thank you for your cooperation.
Ua tsaug ntau:
3HaivHmooB.Com