Keeb Kwm Lis Txoj Kev HLub
Nplooj1Ib xyoo ntuj zeeg dhau mus lawm ib xyoo tag ib xyoo dua los txoj kev lwj siab haj tseem nyob rawv nruab siab tsis ploj li tsis hais hnub no tag kis, lwm lub hlis, xyoo no los yog lwm xyoo koj tus duab luag haj tseem tsis ploj ntawm kuv ib pliag li....... Zaj me dab neeg kev hlub lwj siab no yuav piav txog ntawm kuv tus kheej...twb tau ntau lub xyoo los lawm tau muaj ib nkawm nkauj nraug nyob rau ib lub zos me2 hu ua Zos pas nkoj wb tsim txoj kev hlub los puag thaum wb tseem yau lawm, tiam sis vim kuv yog neeg pluag hos tus hluas nkauj no yog yim neeg muaj wb txoj kev hlub thiaj tau plam mus raws txoj hmoo uas tsis muaj leej twg yuav los pab tau.... Wb kawm ntawv nyob ib hoob zaum ua ib ke los txog rau thaum wb tau kawm tiav secondary school, ces wb ho tau mus kawm ntxiv rau hauv university of Laos, tab sis tu siab heev li vim tus hluas nkauj no yog neeg muaj ces nws tau mus kawm rau hauv university lawm hos nyob li ntawm kuv ces txom2 nyem tsis muaj nyiaj thiaj li ua ib siab mus kawm nyob rau hauv ib lub tsev kawm nws kuj yog ib lub College thiab. Ob lub tsev wb kawm ntawv no kuj nyob tsis nrug deb heev thiab thaum kawg wb 2 leeg nyias kuj tau kawm nyias ib qho. Thaum wb kawm nyob rau college xyoo 1 wb txoj kev hlub nws tseem zoo li qub tom qab kawm tag xyoo 1 lawm yuav pib mus kawm rau xyoo 2 ces txawm pib muaj qee yam uas hloov pauv mus lawm. Tus hluas nkauj no niam thiab txiv tsis pom zoo wb sib hlub mus lawm vim yog tias kuv yog neeg pluag tsam lwm hnub yuav pab tsis tau nws niam thiab nws txiv nyob rau thaum yav laus yog tias nws tsis ua li nws niam thiab nws txiv hais ces nkawv yuav tsis kam pab nws mus kawm ntawv lawm thiab yuav tsis hlub nws lawm, yog li tus hluas nkauj no thiaj tau ua li niam thiab txiv hais. Tom qab txhua yam hloov pauv mus tag li ntawv lawm ces kuv yeej tso tsis tau nws li thiab haj yam nco nws heev dua qub lawm xwb nyob mus muaj ib hnub tab tom hmoob lub xyoo tshiab los yuav txog lawm tiag2 li ces nws niam lawv tus dab laug tus tub txawm los yuav nws , nws tsis kam yuav li los nws niam thiab nws txiv cia li muab nws yuam kiag rau dab laug tus tub lawm xwb. nws quaj tau 3 hnub 3 hmo tsis noj ib lub mov tsis hau ib dia dej li los lawv yeej tsis pub kuv mus cuag nws lawm.. |
Nplooj2 Kuv kho2 siab kawg li quaj txhua2 hnub muab lub kua muag coj los noj ua tshais ua hmo xwb nyob rau lub sij hawm ntawv kuv xav tias ua neej nyob mus los twb tsis tau nws lawm ces cias kuv tuag mus ua ib pawg av thiaj li yuav hnov qab txhua yam thiab thiaj li yuav tsis nco nws lawm. Lub sij hawm ntawv kuv yeej coj txawv heev li yog li kuv niam thiab kuv txiv thiaj li saib rawv kuv xwb vim nkawv ntshai tsam kuv ho txov kuv tus kheej txoj sia. thaum ntawv los ces wb tsis sib ntsib ntxiv lawm lawv tus dab laug thiaj li ua ntawv los tos tau tus ntxhais mus rau sab ntuj tim ub lawm. l Nyob li ntawm kuv tseem nco nws tsis ploj txhua yam uas tau tshwm sim yav tag los nws zoo li nyuam qhuav yog nag hmo rau kuv xwb, kuv twb mus ua kuv ib lub neej lawm los kuv tseem tshuav ib nplooj siab tsis qhuav ntshav txawm tuag mus lawm los yeej tshuav ib nplooj siab tsis pub lwj yuav cim nws lub suab thiab lub ntsej muag thiab yuav sau nws lub npe rau kuv xib teg kom lwm tiam yog muaj tiag yuav rov los hlub kom tau nws pauj rau tiam no. Kuv txoj me kev hlub lwj siab lwj ntsws thiab kho siab no tsuas los xaus li no xwb. thiab ua tsaug ntau2 rau tus tswv uas koj tau tsim muaj lub topic no rau qee leej neeg uas muaj txoj kev hlub zoo los si kev nyuaj siab tseem tau tuaj sau piav qhia rau neeg ntiaj teb paub thiab yuav nco koj tus txiaj ntsig mus ib sim neej nawb mog . Yog tias leej twg tau taug ib lub neej zoo li kuv lawm no los tsis txhob tu siab rau luag nawb mog vim yog yus yeej txom nyem tiag yog lwm tiam muaj tiag no mam li mus thov dua daim ntawv tshiab kom muaj nyiaj txiag nplua nuj zoo li luag yus thiaj li yuav tsis muaj kev tu siab lwj siab zoo li tiam no lawm nawb mog Uatsaug ntau22. Saub npe: Keeb kwml ee Tus tseem nyob kho siab zoo li txoj kev npau suav tsim tsis nto li.. |
Lus Ceeb Toom:
Cov dab neeg kev hlub thiab txhua yam hauv 3haivhmoob.com no peb tsuas yog tso rau sauv daws tau tuaj nyeem laug caij nyoog xwb txwv tsis pub leej twg muab luam mus muag los yog ua lag luam, yog koj coj mus kho los yog ua lwm yam tsis tau qhia rau peb paub , thaum peb tshawb tau lawm koj yuav raug nplua raws txoj cai ntawm lub teb chaw koj nyob ko. Ua tsaug ntau: 3HaivHmooB.Com Nco Ntsoov: Txhob hu xov tooj rau lawv cov kev lag luam lawv tso hauv no yog tias koj tsis muaj feem txog kev lag luam nawb. Ua tsaug
|
|