Kalia Lub NeejTus sau: Kalia: tsabntawvhlub@hotmail.com
|
Txwv: Txwv Tsis pub leej twg tuaj muab cov dab neeg hauv no coj mus tso tawm lwm qhov yog tsis tau txais kev tso cai los ntawm 3haivhmoob.com.
Warning: No one can capy these stories at www.3haivhmoob.com to post on your own or other websites without our permission. Thank you for your cooperation. |
Txoj kev ntsuag...txoj kev lwj siab tsis muaj leej twg yuav paub txog ntawm kuv lub neej los txog hnub kuv sau kuv zaj dab neeg no tawm... Lwm tiam yuav los thov ib daim ntawv zoo kom nrog luag muaj niam muaj txiv thiab muaj txoj kev hlub kom kaj siab Txhob zoo li tiam no lawm.....
Nplooj-1 Kuv tsev neeg yog Hmoob nyob rau lub zos Noom Hej , Xeev Khuam. Tom qab lub teb chaws hloov nom tswv tshiab tag lawm peb tau tsiv los nyob lub zos Av Liab. Kuv niam thiab kuv txiv tag sim neej rau ntawm lub zos Av Liab no tab sis tau muab kuv txiv thauj rov mus tso rau qub teb qub chaw Noom Hej vim nws yeej hais tseg ua ntej tag sim neej...
Kuv lub neej tu siab heev..niam txiv yug tau 3 viv ncaus, kuv yog tus yau hos muaj ob tug niam laus hlob ib tug hu ua Dauj Cas, ib tug hu uas Dauj tab vas...Thaum kuv tseem yau xwb kuv niam kuv txiv tau tso peb tseg..ua lub neej tu siab heev ..Txog ib cim 30 los yus nco niam thiab txiv ib zaug ..pom luag muaj niam muaj txiv..lub caij xyoo tshiab los txog luag tau khaub ncaws tshiab..hu plig los luag tau qe..nyob li ntawm peb ces nyob de tes nrho xwb... Yus txoj sia tsis tu lam nyob pheej txoj hmoo xwb...muaj ib zaug tu siab tshaj nplaws ntawm lub neej yog..kuv mus kawm ntawv los txog thaum ntawv..kuv txiv mob mob nyob rau sab hauv qab tsev theem ib..kuv nqi saum chaw pw los no..ua cas kuv hnov kuv txiv lub suab quaj qw quaj qw..kuv mus xauj no ua cas pom nws ob lub kua muag ntws nto ntawm ob sab plhu los....Saib mas pom tus yawg laus muab kuv txiv zawm caj pas...kuv thiaj hu tias " Kuv txiv yog ua li cas rau koj lawm"..ces thaum no tus tib neeg ntawv tso kiag kuv txiv tseg ..kuv mam mus puag kiag kuv txiv quaj nrog nws...thiab so nws cov me kua muag....vim kuv txiv nws mob mob los tau ntau xyoo ces nws tsis taus lawm cia nyob hauv tsev nrog tus phauj thiab tus yawg laus xwb..ntshe yog lawv ntxub heev tu los tu tsis taus lawm thiaj muaj qhov xwm txheej no tawm tuaj... Tsis ntev tom qab ntawd ces ...tus phauj thiab tus yawg laus sib ceg heev ces tus phauj thiaj cem tias yog tim kuv xwb nws lub neej thiaj li yuav puas..yog nws lub neej puas hnub twg ces nws yuav muab peb 3 viv ncaus ncaws ...ua rau kuv tu siab kawg nkaus..xav tias tuag los kav liam..lub neej no chim siab dhau lawm.. Kuv tau khiav kiag nce mus saum kuv txiv chav pw muab lub rooj paim xauv kiag ..muab ib txoj hlua los dai kiag rau ntawm tus yees tsev...Kuv tau muab ib lub rooj coj los tiag ko taw nce rau sauv ..muab txoj hlua los khi kiag kuv caj pas..thiab tib ncaws taw rau lub rooj vau hlo..txoj hLua plam khi kiag kuv caj dab.....kuv xav tias chim ua luaj no cia tuag zoo dua... Tab sis thaum kuv khiav mus saum kuv txiv chav pw lawm kuv ob tug niam laus txhawj heev tau khiav lawv kuv qab los thiab kom kuv cia li qhib qhov rooj xwb..lub sij hawm ntawd kuv twb qhib tsis tau qhov rooj lawm..nkawd thiaj ncaws kiag lub rooj paim qhib plho los ces nkawd tau muab kuv txiv rab ntaj uas dai ntawm phab ntsa los txiav kiag txoj hlua tu nrho...ua rau kuv poob nthav los...lub sij hawm no peb 3 tug viv ncaus nyias quaj nyias... nws yog ib lub caij uas tu siab tshaj plaws hauv lub neej...ntawm txoj kev tsis muaj niam txiv ua ntsuag es nrog luag nyob..luag tsis hlub yus.... Dhau ntawm no los kuv tau rov mus kawm ntawv nyob rau hauv nroog Vees Cas....txom nyem kawg nkaus li..nqa ntxhuv mus noj tag ces rov qab los nqa |
Nplooj-2dua tom Zos Av Liab mus noj xwb..nws yog ib lub sij hawm uas kuv txom nyem tshaj plaws li...yeej tsis muaj leej twg pab tau yus...Kuv txoj kev hlub tsis muaj txoj hmoo..tau hlub tus twg los tsis tau yuav..qhov uas tau ces thaum kawg yog lub kua muag thiab txoj kev mob siab xwb.... Thaj tsam ntawm xyoo 2002..kuv muaj ib tug phooj ywg nyob rau Thaib teb nws kuj hlub thiab pab nyiaj los pub rau kuv qee zaum..ua rau kuv dim pa zog......tab sis ib leeg nyob rau ib qho..tsis ntev ntawv tom qab pib rau xyoo 2003 kuv kuj tau mus ua kuv lub neej nyob rau lwm teb chaws...Kuv tau dim txoj kev lwj siab txom nyem lawm..tab sis thaum kawg..lub neej tsis xaus..kuj ua rau kuv rov nyuaj siab kawg nkaus...tsis paub tias xyov yus txoj me siav yuav mus xaus li cas... Txawm li cas los xij....thaum kawg nkaus kuv kuj ho tau ntsib ib tug tib neeg uas nws hlub kuv heev...wb tau sib sau los ua neej txog nij hnub nim no...muaj me tub me nyuam....los deev yus lub siab...dim txoj kev lwj siab lwj ntsws... Lub neej tag los tau ua ib qho kev kawm rau kuv los ua ib tug me zoo niam tsev rau tus neeg kuv hlub hlub heev tam sim no...txij no lawm tov txawm yuav phem thiab zoo los kuv txoj sia tau muab cog rau nws thiab yuav tsis pub kom plam mus lawm.... Rov qab los tham txog ntawm kuv ob tug niam laus uas yog Dauj Cas thiab Dauj Tas Vas nkawd..nim no nkawd kuj muaj nkawd ob lub neej lawm..ces peb tau tseg ncua txoj kev ua ntsuag uas tsis muaj neeg hlub peb lawm....Peb ua ntsuag niam ntsuag txiv tab sis peb muaj txij nkawm ces tsis muaj txoj kev lwj siab li thaum hlus lawm... Ib tsoom me phooj ywg, viv ncaus thiab nus...txhob tag nej txoj kev cia siab rau ntawm nej lub neej yog tias nej tsis muaj niam muaj txiv lawm...los yog tias nej ho tsis muaj txim nkawm...kuv ntseeg tau tias lub ntuj yeej foom tau ib leeg ib tug zoo zoo cia thiab tus neeg zoo ntawd tseem los tsis tau txog rau yus xwb... Txhob muab koj txoj kev txom nyem lwj siab khaws cia ib leeg...tab sis muab piav qhia rau lwm tus thiab..koj lub siab twb kaj lawm ntau heev... Kuv zaj kev Ntsuag...kev tu siab...ntawm lub neej tau los xaus li no xwb....muaj caij nyoog mam rov ntsib nej dua lwm zaus thiab lwm zaj kev hlub....uas tu siab .... Thaum kawg thov ua tsaug rau Hmongmeka.com uas tau muab qhov chaw no pub rau kuv thiab ib tsoom phooj ywg txom nyem siab ntsws tuaj tso pa...thov kom lub vas sab (website) no tsuas muaj kev vam meej lawm yav tom ntej xwb..... Ua tsaug, Kalia |
Lus Ceeb Toom:
Cov dab neeg kev hlub thiab txhua yam hauv3haivhmoob.com no peb tsuas yog tso rau sauv daws tau tuaj nyeem laug caij nyoog xwb txwv tsis pub leej twg muab luam mus muag los yog ua lag luam, yog koj coj mus kho los yog ua lwm yam tsis tau qhia rau peb paub , thaum peb tshawb tau lawm koj yuav raug nplua raws txoj cai ntawm lub teb chaw koj nyob ko.
Ua tsaug ntau:
3HaivHmooB.Com
Cov dab neeg kev hlub thiab txhua yam hauv3haivhmoob.com no peb tsuas yog tso rau sauv daws tau tuaj nyeem laug caij nyoog xwb txwv tsis pub leej twg muab luam mus muag los yog ua lag luam, yog koj coj mus kho los yog ua lwm yam tsis tau qhia rau peb paub , thaum peb tshawb tau lawm koj yuav raug nplua raws txoj cai ntawm lub teb chaw koj nyob ko.
Ua tsaug ntau:
3HaivHmooB.Com