HmooB Thiab Co Sib Ntaus Nyob Xoom Chiang Kham Tawg Rog
Tus Sau: Hmoob Khej3 Email: Birdybrid@yahoo.com Zaj ntawm no tsis yog kev hlub tiam sis nws yog kev sib ntaus Hmoob ntaus nrog Co nyob rau Xum Chiang Kham Xeev Phayao Thaib Teb. Xyoo 1992 kuv yog Senior nyob rau High School lub sij hawm thaum ntawv kuv muaj ib tug phooj ywg nyuam qhuav tuaj Thaib Teb tuaj nws tuaj kawm lub school uas kuv kawm xyoo ntawv nws yog Freshman tiam sis nws twb muaj 17 xyoo lawm. Nws piav rau kuv tias nyob rau Xum ChiangKham nws kuj muaj ntau yam neeg nyob ua ke xws li yog Hmoob, Co, Tin, Kui thiab Ekor. Hmoob thiab Co mas yeej tsis sib haum hlo li. Cov Co uas nyob rau Xum ChiangKham tsis zoo li cov uas nyob rau Xum Vib Nais cov Co uas nyob rau Xum Vib Nais mas lawv ntshai Hmoob tiam sis cov Co nyob rau Xum ChiangKham lawv tsis ntshai Hmoob tows nrhw Hmoob kev ntaus xwb. Kem ib tug kwj faim Co nyob Co ib sab hos Hmoob nyob Hmoob ib sab. Tiam sis kuj ho muaj ib txhia Hmoob nyob rau Co sab tib yam nkaus nyob rau Hmoob sab ces ho tsis muaj Co nyob. Ces tus phooj ywg ntawm no txawm mus tham tau ib tug hluas nkauj nyob rau sab tim cov Co nyob nws kuj niaj hnub niaj hmo mus tham nws tus hluas nkauj ntawv txhua zaug tsis muaj dab tsi tsis ua li cas ces txawm muaj ib zaug twb tsaus ntuj lawm nws txawm mus tham nws tus hluas nkauj li txhua hmo. Tiam sis nyob rau hmo ntawv nws tsis muaj hmoo nws mus txog ntua ntawm lub tsev uas nws tus hluas nkauj nyob tseem tab tom yuav mus nrog hluas nkauj tham xwb. Thaum ntawv cia li muaj ib pab tub hluas Co coob txog 7-8 leej tuaj muab nws puav ntaus. Cov Co ntawm no tuaj muab nws ntaus sab kawg ntaus raug nws taub hau to los ntshav nws ib ce doog tag ntaus raug nws sab plhu ua rau nws qhov ntswg los ntshav loj. Nws kuj peem khiav dim los mus lawm. Tom qab no pab Co uas ntaus nws ntawv ho tuaj rau tim Hmoob sab thaum nws pom muaj 2 tug yog cov ntaus nws yav tag los nws thiaj li mus yaum nws cov phooj ywg cov txheeb ze 6-7 leej tuaj muab 2 niag Co ntawv puav ntaus ua nwg 2 niag Co ntawv sab heev sawv tsis taus khiav mus rau tim Co sab li lawm thaum ntawv lawv thiaj li mam li tsum (tsam tuag). Txij ntawv los ces Hmoob thiab Co ciaj caub Co tuaj tsis tau tim Hmoob sab Hmoob mus tsis tau tim Co sab yog yuav mus tim Co sab mas yuav tsum mus coob tus Co thiaj li tsis muaj cuab kav ntaus. Tiam sis mas lub tshav npas uas sawv daws niaj hmo mus ncaws npas ces nyob rau tim Hmoob sab lawm. Txog caij sawv daws tuaj mus ncaws npas Co los tuaj Hmoob los tuaj li sawv daws tuaj mus ncaws npas ua ke. Muaj ntau zaug uas Co thiab Hmoob tuaj ncaws npas ua ke tsis sib haum sawv daws sib ntaus ua ntxov pes niab rau ub rau no muaj qee zaum Hmoob kuj sab coob tug tiam sis feem ntau Co yog cov sab dua. Co mas Co ntshai yawg Koo Dub thiab ib yawg hu ua Choj yog thaum twg ob yawg no tuaj lawm ces Co kawg dhia xwb Co tsis kam tiv> Yawg Koo Dub mas muaj zog thiab paub me ntsis Kung Fu tej zaum nws kuj tau mus kawm me ntsis ntawm As Cas Xab thaum ub nyob Vib Nais. Yawg Choj ntawm no mas nws tuaj ces nws rau khau kas las poos tuaj tsuj Co kav ceg tuaj nplawm kav ceg xwb ces Co ntog pawg lug. (lub sij hawm thaum ntawv kuj muaj ib yawg Xib Fwb qhia Kung Fu nyob rau Xum ChiangKham hu ua Tsu nws qhia nws cov tub kawm lawv kuj muaj peev xwm ntaus yeej Co ntau zaug) Xyoo 1990-1991 Hmoob thiaj li muab pab Co uas heev heev ntawv ntaus ua nwg Co swb kiag Co thiaj li tsis tshua thab Hmoob ntxiv mus lawm tiam sis mas Co kuj tseem tsis tau tais tsuas yog tias tsis tshua ua phem phem rau Hmoob lawm xwb. Tom qab no tus phooj ywg ntawm no nws mus tham nws tus hluas nkauj nkawv ob leeg kuj tau sib yuav los ua txij nkawm. Tiam sis mas tu siab ntau thaum ntawv muaj ib yawg hluas npe hu ua Vaj Neeb no nws mus qhia ntawv Askiv nyob rau cov tsev kawm ntawv sab tim Co ces muaj ib hmos nws qhia ntawv los lig twb tsaus ntuj lawm nws los txog tom taw choj Co xuas phom tua nws tuag kiag rau ntawm tawv choj. Kuj tsis paub tias tus Co twg tua nws lawv kuj ntes tsis tau zoo li cia li tag li lawm thiab xwb. Thaum ntawv muaj ib yawg Co npe hu ua Naim Fub loj siab muaj zog kab ham heev tuaj thab me nyuam Hmoob ntaus 5-6 leej me nyuam Hmoob ntaus tsis yeej yawg Co ntawv hlo li. Muaj ib hmos pab me nyuam Hmoob ntawv lawv nqa ib leeg ib rab qws Naim Fub rov qab tuaj thab lawv lawv thiaj li xuas qws ntaus ua nwsg Naim Fub tshuav tuag xwb txij ntawv los ces tus Co ntawm no thiaj li tais pab me nyuam hmoob ntawm no tsis kam thab lawv ntxiv lawm. Hmoob thiab Co nyob rau Xum ChiangKham thaum ntawv yeej tsis sib haum sib ntaus tas li xwb. Thaib los lawv kuj tsis muaj peev xwm yuav hais tau li cas rau tog twg tiam sis mas zoo li tom qab no Thaib lawv tuaj cov Co tog me ntsis qhov no yog vim hais tias thaum ntawv tus Huam Nab Phaum Co ntawm no nws coj nws tus ntxhais hlob mus ua ib tug yug cov Thaib ntawm no Thaib thiaj li tuaj Co tog thaum ntawv los. Txog rau xyoo 1992 thaum lawb Xum Vib Nais lawm Hmoob Vib Nais cov uas tsis tau xav mus txawv teb chaws lawv kuj tau los mus nyob rau Xum ChiangKham thaum Hmoob los nyob coob tshaj li Co lawm Co thiaj li mam ua zoo rau Hmoob tsis thab Hmoob ntxiv mus lawm. Nkauj Dab Los Tos Xyum Part 2 |
Lwm Yam Uas Koj Xav Mus SaiB
Ci Vaj Lub Neej Tu Siab
|
Koj xav li cas rau txoj kev hlub tu siab saum no sau nram qab no. Nias nov rov mus Nplooj Kev SiB HLUB
Widget is loading comments...