Hmoob Thiab Vav los yog Tsev Teev Hawm Thab Kab Npauj:
Tsev Teev Hawm Thab Kab Npauj: Tsim tsa los tau ze ntawm 40 tawm xyoo lawm. Nyob rau ntawm tsev teev hawm no muaj kev pab txiav yaj yeeb kom tib neeg dim txhob haus yaj yeeb lawm thiaj tsis muaj cov tib neeg mus cog nyob rau sab qaum teb Thaib.
Hmoob thiab Vav Thab Kab Npauj ho cuam tshuam li cas? Vim phaum tsov rog nyob sab nplog teb ua rau Hmoob tau khiav los nyob Thaib teb ntau lub yeej thoj nam tawg rog kuj muaj ib co tsis xav mus txawv teb chaws lawv kuj ho tsis xav rov qab mus qub teb qub chaw thiab yog li cov Hmoob no thiaj tau los nyob rau ntawm thaj chaw no.
Hmoob pib los nyob rau Vav Thab Kab Npauj Thaum twg lawm? Kwv yees li thaum xyoo 1982 xwb yeej muaj Hmoob los mus nyob rau hauv lub tsev teev hawm no lawm.
Yog li cas cov Hmoob no ho tau mus nyob txawv teb chaws? Vim nom tswv Thaib paub tias cov Hmoob nyob hauv no yog Hmoob los sab Nplog teb los xwb , Thaib tsis kam muab ntaub ntawv Thaib rau ua neeg Thaib yog li thiaj yuav tsum tau kom nom tswv Mes Kas tuaj tos mus nyob Mes Kas teb los yog lwm lub teb chaws uas kam txais cov neeg no mus nyob.
Yog vim li cas ib co Hmoob nyob rau ntawm Vav Thab Kab Npauj no ho tsis tau tuaj txawv teb chaws?Vim thaum ntej nom tswv Thaib kuj ua ntawv tseb thoob plaws rau cov xeev nyob sab qaum teb kom txais cov Hmoob no mus nyob ua ntaub ntawv kom raug cai yog li ib co Hmoob uas lawv xav mus nrhiav kev ua noj thiaj li tau tawm mus lawm raws li cov ntaub ntawv uas nyob nram qab no. Yog li cov tawm mus no thiaj tsis tau tuaj mus nyob txawv teb chaws.
Hmoob Thab Kab Npauj tawm mus txawv teb chaws xyoo twg? Hmoob Thab Kab Npauj tau tawm mus nyob txawv teb chaws pib rau thaum xyoo 2004 los txog rau ze 2007 ces lub zos no thiaj tsis muaj Hmoob lawm, tseem tshuav li 2-3 yim Hmoob nyob ua keeb lawm xwb. Keeb kwm muaj ntau yam sib cuam tshuam tab sis nov tsuas yog piav qhov luv luv rau suav daws to taub xwb.
Tsev Teev Hawm Thab Kab Npauj: Tsim tsa los tau ze ntawm 40 tawm xyoo lawm. Nyob rau ntawm tsev teev hawm no muaj kev pab txiav yaj yeeb kom tib neeg dim txhob haus yaj yeeb lawm thiaj tsis muaj cov tib neeg mus cog nyob rau sab qaum teb Thaib.
Hmoob thiab Vav Thab Kab Npauj ho cuam tshuam li cas? Vim phaum tsov rog nyob sab nplog teb ua rau Hmoob tau khiav los nyob Thaib teb ntau lub yeej thoj nam tawg rog kuj muaj ib co tsis xav mus txawv teb chaws lawv kuj ho tsis xav rov qab mus qub teb qub chaw thiab yog li cov Hmoob no thiaj tau los nyob rau ntawm thaj chaw no.
Hmoob pib los nyob rau Vav Thab Kab Npauj Thaum twg lawm? Kwv yees li thaum xyoo 1982 xwb yeej muaj Hmoob los mus nyob rau hauv lub tsev teev hawm no lawm.
Yog li cas cov Hmoob no ho tau mus nyob txawv teb chaws? Vim nom tswv Thaib paub tias cov Hmoob nyob hauv no yog Hmoob los sab Nplog teb los xwb , Thaib tsis kam muab ntaub ntawv Thaib rau ua neeg Thaib yog li thiaj yuav tsum tau kom nom tswv Mes Kas tuaj tos mus nyob Mes Kas teb los yog lwm lub teb chaws uas kam txais cov neeg no mus nyob.
Yog vim li cas ib co Hmoob nyob rau ntawm Vav Thab Kab Npauj no ho tsis tau tuaj txawv teb chaws?Vim thaum ntej nom tswv Thaib kuj ua ntawv tseb thoob plaws rau cov xeev nyob sab qaum teb kom txais cov Hmoob no mus nyob ua ntaub ntawv kom raug cai yog li ib co Hmoob uas lawv xav mus nrhiav kev ua noj thiaj li tau tawm mus lawm raws li cov ntaub ntawv uas nyob nram qab no. Yog li cov tawm mus no thiaj tsis tau tuaj mus nyob txawv teb chaws.
Hmoob Thab Kab Npauj tawm mus txawv teb chaws xyoo twg? Hmoob Thab Kab Npauj tau tawm mus nyob txawv teb chaws pib rau thaum xyoo 2004 los txog rau ze 2007 ces lub zos no thiaj tsis muaj Hmoob lawm, tseem tshuav li 2-3 yim Hmoob nyob ua keeb lawm xwb. Keeb kwm muaj ntau yam sib cuam tshuam tab sis nov tsuas yog piav qhov luv luv rau suav daws to taub xwb.
