Hmoob Khej3 Rov Mus Pom Tus Qub Hluas Nkauj Lub Tsev
Mus sawv qhov chaw qub..Seev...nco txog nws..Hmo ntawv rov los pw ho muaj dab tsi tshwm sim rau nws...? Ua li tus hluas nkauj tuag lawm los tseem Ciaj thiaj zoo li no...
![]() Hmoob Khej3 Txoj Kev HLuB Zos Vib Nais [email protected] Nyob Zoo ib tsoom phooj ywg cov tuaj nyeem txhua tus. Nyob rau hauv kuv thawj zaj dab neeg kev hlub kuv sau rau hauv no kuv tau sau txog ib tug hluas nkauj thaum ub tseeb nyob rau Xum Vib Nais nws nyob ntawm Khej 2 sab npuab Khej 4 uas yog yuav los rau tom Npaus Kaus Khej 4 ntawv. Kuv tau sau txog ntawm nws tias wb sib tham zoo heev tsis tau sib yuav vim kuv tau tuaj mus rau Xum Phanatnikhom npaj yuav tuaj mus rau Meskas Ua ntej thaum wb yuav sib ncaim wb tau cog lus zoo lus phem puas tsav yam ua ke kuv mam li ncaim nws tuaj lawm. Hnub uas kuv yuav ncaim nws tuaj kuv tau mus nrog nws nyob ib pliag tim nws tsev. Peb nce tsheb bus hauv Vib Nais tuaj mus rau Phanat yog 10:00 sawv ntxov wub nyob txog 9:00 nws mam li xa kuv tuaj mus rau nram tshav npas vces hnub ntawv nws yog ib hnub niag los los nag tag zog nws kwv ib lub kaus nrog kuv tuaj. Thaum wb tuaj txog ntawm qaum UN uas yog npuab tshav npas ntawv bus tseem tuaj tsis tau txog wb so ib pliag sib khawm sib hnia pov khawv tag li twb yuav txog 10:00 cov Buses mam li pib tuaj txog. Txij li thaum kuv ncaim nws tuaj mus nyob rau Xum Phanat lawm kuv tau sau ntawv rov qab mus rau nws nyob Vib Nais thaum ntawv nws kuj teb kuv txhua tsab ntawv. Txhua tsab ntawv wb sau sib cuag puav leej yog hais txog kuv sib hlub sib nco xwb kuv paub tias nws yeej nco kuv heev kuv tus kheej los yeej nco nws tib yamm nkaus. Taum muaj 8 lub hli kuv tuaj nyob rau Phanatnikhom thaum ntawv kuv tseem tab tom kawm ntawv yuav tag (Kawm Ntawv Cycle..kuv yog Cycle 68) ib txhia ces lawv twb kawm tag tos tawm npe lawm xwb peb li ces peb poob npe lawm tsis tau nrog lawv thawj cycle ces peb tseem kawm. Thaum ntawv kuv tau sau ntawv rov qab mus saib nws tau yuav luag 2 weeks tom qab ntawv nws teb ntawv tuaj txog hauv nws daim ntawv nws sau rau kuv tias tej zaum lawv tsis nyob ntawm Khej 2 lawm lawv yuav mus nyob lawm tim Khej 1 Khoob 6 uas yog npaub rau sab Khej 3. Nws kuj qhia lub tsevas qhas lawv yuav mus nyob ntawv tib si rau kuv. Vim tias Vib Nais thaum xyoo 1990 neeg pib tsawg lawm cov uas tuaj mus rau Xum Phanat los tuaj hos cov rov mus Nplog los mus lawm cov uas tsis txiav txim siab mus qhov twg ces 1. Thaib mus xa mus rau Xum Chiang Kham 2. yog xa mus rau Xum Nas Phaus xwb. Thaum ntawv neeg tsawg zog lawm lawv tsis tau luag nyob ntawm Khej 2 lawv thiaj li mus nrog kwv tij nyob rau sab Khej 1 khoob 6 li kuv hais tag los ntawv. Thaum uas kuv tus hluas nkauj ntawm no lawv mus nyob rau sab Khej 1 ntawv lawm kuv sau ntawv los rau nws sau raws nraim li qhov chaw nyob nws qhia kuv tiam sis zaum no nws tsis zoo li txhua zaug kuv sau rau nws es nws teb rov qab tab sis zaum no kuv sau tsawg tsab ntawv los rau nws los zoo li ntsiag to xwb tsis hnov nws teb rov qab rau kuv. Tsab ntawv kawg ntawm kuv uas kuv sau qhia nws hais tias kuv twb kawm ntawv tag lawm twb tawm npoe lawm thiab tshuav 10 tawm hnub lawm xwb kuv yuav mus Meskas lawm tiag tiam sis nws kuj tsis teb kuv daim ntawv rov qab li thiab. Kuv thiaj li sau ib tsab ntawv los nug kuvib tug phooj ywg zoo kompab mus saib seb ua casrau nws lawm tiam sis kuj ntsiag to thiab tsis hnov tus phooj ywg teb rov qab rau kuv. Thaum kawg kuv muaj npe kuv thiaj li tau tuaj rau America lawm. Txij thaum ntawv los ces kuv yeej tsis hnov nws xov txog kiag rau thaum lub 4 Hlis Ntuj xyoo no (2017) Thaum lub 4 hlis ntuj tag los no kuv thiab kuv ib tug phooj ywg nyob rau Kansas City wb tau sib yaum mus ua sib rau Thaib Teb. Thaum wb mus txog rau Thaib Teb lawm wb planned tias wb yuav mus rau Vib Nais mus saib ib pliag tso mam li mus lwm qhov tiam sis tus phooj ywg ntawv nws kom wb mus lawm puag pem Zos Hoi Han Xeev Chiang Rai mus saib nws cov kwv tij lawm pev tso yog ho yuav mus rau Vib Nais los peb mam li mus tom qab. Thaum wb mus txog rau pem Zos Hoi Han lawm wb thiaj li mus ntsib ib tug qub phooj ywg yog cov phooj ywg zoo uas thaum ub sawv daws tseem nyob ua ke rau Vib Nais es niaj hnub ua ke tsis hais mus tham hluas nkauj los sawv daws mus ua ke mus pla lub roob lub hav twg los sawv daws ua ke mus. Thaum wb ntsib nws lawm thiaj li mam sib tham sib nug txog tej qub phooj ywg thiaj li mam nug tau ib yawg nyob rau Xeev Tak hos ib yawg nyob rau Xeev Phetchabun ze ze hauv Zos Khej Me. Thaum nom tswv Thaib thiab UN muab Yeej Vib Nais kaw lawm lawv cov ntawm no lawv tsis tuaj mus txawv teb chaws ces lawv txawm khhiav mus ua Hmoob Thaib mus nrog Hmoob Thaib nyob lawm. Thiaj li mam hu mus nrog 2 yawg ntawv tham mam li sib yaum rov qab mus saib qub Zos Vib Nais. Thaum peb sawv daws rov mus txog rau Vib Nais lawm peb txawm mus ncig txhua qhov chaw tsis hais sab twg qhov twg li peb yeej mus ncig txhua tej kev thaum ub kuv thiab kuv tus hluas nkauj ntawm no wb niaj hnub ncig niaj hnub niaj hmo nyob ua ke los peb yeej mus ncig txhua. Los txog rau ntawm thaj chaw ua thaum ub yog tus hluas nkauj no nws lub tsev nws nyob kuv yeej tseem cim thaum nco tau zoo zoo txawm nws yuav yog hav fab hav ntoo yas lawm xwb los kuv yeej tseem cim tau zoo zoo yog tias taug txoj kev ntawm Khej 5--9 uas ntxee mus rau sab Khej 3 txog ntu kev ntawv ces kuv yeej paub tias nqis ntawv rau nrav ces nws tsev nyob nrav lawm xwb. Thaum ntawv twb yuav tsaus ntuj ces peb txawm ncig los txog rau ntawm nws lub qub tsev thaum ub los txog rau ntawv ces kuv txawm los sawv ntawm thaj chaw uas thaum ub wb tseem nyob ua ke kuv niaj hmo mus tham nws es kuv us sawv ntag. Thaum ntawv kuv txawm xuav zaj nkauj "Leej muam Hmoob tus kuv nco" (kuv tsis paub tias zaj nkauj ntawm no leej twg yog tus original singer tiam sis 88-89 kuv twb yeej hnov lawm). Tos kuv ho xuav zaj nkauj ntawm niov vim tias thaub wb wb tseem yog hluas nkauj hluas nraug txhua hmo kuv mus tham nws kuv yeej ib txwm xuav hu nws tab txawm nws tseem ua hauj lwm losyog nwsua dab tsi thaum nws hnov lub suab xuav ntawv xwb nws paub tias yog kuv nws yuav tsum tawm tuaj tab txawm nws tsis tau khoom los nwswtwb kom kuv tos. Thaum kuv xuav tag ntawv kuj tsismuaj dab tsi tshwm sim txhua yam ntsiag to xwb peb nyob ib pliag xwb peb nce mus rau pem tsheb thiab mus rau tom hotel lawm.Kuv mam li tuaj tham ntxiv seb dab tsi tshwm sim rau kuv. |
Lwm Yam Uas Koj Xav Mus SaiB
Ci Vaj Lub Neej Tu Siab
|
Koj xav li cas rau txoj kev hlub tu siab saum no sau nram qab no. Nias nov rov mus Nplooj Kev SiB HLUB
Widget is loading comments...