Part -II
Hmoob Khej3 Rov Mus Pom Tus Qub Hluas Nkauj Lub Tsev
Mus sawv qhov chaw qub..Seev...nco txog nws..Hmo ntawv rov los pw ho muaj dab tsi tshwm sim rau nws...? Ua li tus hluas nkauj tuag lawm los tseem Ciaj thiaj zoo li no...
![]() Hmoob Khej3 Txoj Kev HLuB Zos Vib Nais [email protected] Li kuv tau tham tag los ua ntej ntawv kuv xuav zaj nkauj ntawv tag kuj tsis muaj dab tsi tsis hnov dab tsi txhua yam ntsiag to xwb ib lub suab kab suab noog quaj twb tsis hnov. Kuv tus kheej kuv muaj ib qho feeling zoo li nws nyob ntawv kiag ntag tab sis peb tsis pom nws xwb zoo li nws yeej nyob nrog nraim kuv li ntag kuv mloog tau zoo li ntawv. Peb tsav tsheb mus txog rau tom Zos Pakchom uas yog nyob deb li thaj tsam 7 kilometers sab hnub poob ntawm Vib Nais peb mus txog rau tov peb ho tsis mus xauj cov hotel loj pw peb txawm mus xauj cov niag tsev so tsev tos qhua (Home Stay) vim tias nws pheej yig me ntsis ib hmos yog tias cov muaj 2 lub txaj pw nyuam qhuav yog $20 xwb cov 1 lub txaj pw yog $15 xwb pheej yig tshaj li hotel lawm thiab tiam sis tsev tos qhua ntawm no mas chav dej nws ho nyob nws ib qho ho tsis nyob ua ke hauv tsev. Peb xauj tau 2 lub tsev tos qhua puav leej yog muaj 2 lub txaj ces hmo ntawv peb txawm mus yuav tau ib co nqaij lav thiab mov nplaum nrog rau ib co ntses xwv coj los noj muaj ib yawg phooj ywg tseemyuav tau ib thawv beer yog hom niag Singha nqa coj los rau peb haus ntxuag nqaij lav. Hmo ntawv peb noj hmo thiab haus ib leeg ib poom beer tag xwb ces sawv daws ces tsaug zog cuag tuag li tsis hnov ntiaj teb xyov yog mus ncig ib hnub es sab heev lawmlos xyovyog qaug beer tej zaum yuav tsis yog qaug beer peb ib leeg nyuam qhuav haus tag ib poom xwb tsis ntxim li yuav qaug Thaib cov beer ntawv haus qab ib yam li cov niag Budlight teb chaws no. Peb 3 yawg pw lub tsev sab tom no 3 yawg pw lub sab tom ub tab sis yeej nyob ua ke kiag ntawv deb li 10 tawm daj ntawv xwb kuv ho tsis paub tias 2 yawg tov puas tsaug zog heev npaum li cas tiam sis 2 yawg tom noces tsaug zog ua qaj qig qug li lawm ntag dej twb tsis nco qab da tag nrho no hmo tag xwb cia li tsaug zog li lawm. 2 yawg nkawv tuaj 2 lub txaj tag hos kuv ces kuv pua pam rau hauv cov niag txiag ntoo lam pw xwb. Hmo ntawv kuv pw tsis tsaug zog li xyov yog pwhauv daim txiag ntoo xwb es lub lub pw tsis taus thiaj tsis tsaug zog los xyov yog li cas. Kuv pw tig ntxeev tiaj khwb rwg tig sab twg los tsis tsaug zog li hos 2 yawg saum txaj mas rau rau siab ua qaj xwb tsis hnov ntiaj teb li. Thaum ntawv nws twb lig heev li lawm twb yuav txog 2 moos ib tag hmo thaum no kuv mam li pib hnov kuv lub cev nkees nkees ho 2 lub qhov muag tawv tawv zoo li yuav tsaug zog tiamsis kuj ho tsis tau tsaug zog tam sim ntawv. Tib pliag ntsis tsis ntev tom qab ntawv kuv txawm hnov zoo li leej twg kov lub pob qhov rooj sab nraum zoov nrov nrij nrawj li muaj ib tug neeg los dawj qhov rooj hauv kuv siab kuv xav tias tsam yog tus tswv tsev nws los check nws cov tsev xwb kuv xav sawv los tsa 2 yawg tab sis nkees heev li sawv tsis taus. Tom qab ntawv qhov zoo li pheej dawj nrov nrij nrawj ntsiag lawm kuv hnov lub suab qhib qhov roojnrov qe los lub qhov rooj qhib plho kuv saib tseeb tseem mus seb yog leej twg cas ib tag hmo no tseem los qhib qhov rooj ua cas yog kiag kuv tus hluas nkauj kuv piav ntawm no ntag. Cov teeb taws hauv tsev peb tua tag lawm tiam sis tshuav lub sab nraumzoo tomib sab kaum tsev nws ci los rau ntawm qhov rooj los rau hauv tsev. Tus uas nkag los ntawv nws yog kiag kuv tus hluas nkauj ntag nws tseem zoo li nws qhov qub tus neeg thaum ub wb sib tham es nws 16 xyoo ntawv xwb ntag tsis txawv ntawv li ntag. Nws tseem hnav nws cev khuab ncaws qub thaum ub hnub wb sib ncaim nws hnav nrog kuv tuaj mus rau nram tshav npas xav kuv tuaj mus nce tsheb. Nws hnav daim tiab Nplog xiav txaij ua paj liab paj daj ntawv hos hnav lub tsho T-shirt daj ua 2 tug cartoons rau ntawm hauv siab plaub hau ntxhee yees txog ntawm duav hos rau txhais khaub khiab yog homkhau thaum ub nyob vib nais cov poj niam, cov hluas nkauj nyiam nyiam rau. Tiam sis mas ua cas ho tsis kwv kaus. Kuv nco tau tias hnub uas nws xa kuv tuaj rau nram tshav npas tuaj mus nce tsheb hnub ntawv nws yog ib hnub niag los los nag thaum wb tuaj pem nws tsev tuaj nws kwv ib lub kaus dub roos nws thiab kuv wb 2 leeg ua ke tuaj. Thaum wb tuaj txog rau ntawm ceg kaum tsev UN qum tshav npas wb los nkaum nag me ntsis ntawv wb sib puag sib hnia ntev loo tsis muaj leej twg pom vim niag los nag loj loj tsis muaj leej twg taug kev tuaj qhov ntawv. Thaum nws nkag los txog hauv tsev lawm nws los zaum kiag ntawm kuv ib sab yeej hnov ua tuaj ntxiag txias zias nw luag ntxhi xwb kuv saib ces kuv tus thaum ub tsis txawv li ntag lub cev yiag ntxiag tsis rog tsis yuav plaub hau ntxhee yees. Nws hais rau kuv tias "Tub...koj twb rov qab los txog lawm lov...cas koj es mus ntev ua luaj cia kuv nyob txog tav li no tos koj txog tav li no...txij hnub koj mus lawm kuv yeej tsis tham leej twg li nyob tos koj txog hnub no xwb tiag" Hauv tus dab ntub npau suav kuv hais rau nws tias "es koj ho mus nyob rau qhov twg lawm no" nws teb kuv tias "kuv nyob kuv qhov qub xwb...koj hu kuv ces kuv twb teb koj kuv twb tawm tuaj saib koj koj cia li tsis teb kuv koj los rau tom no lawm koj tsis tos kuv li" Nws hais li ntawv rau kuv thiab nws ua lub ntsej muag zoo zoo nkauj ntxim ntximhlub li thaum ub wb tseem nyob ua ke kuv mus nrog nws nyob xaws paj ntaub yav nruab hnub es nws ua rau kuv saib cas yuav zoo nkauj tiag tiag li ua rau kuv nyiam nws heev. Thaum wb tseem nyob ua ke thaum twg nws ua li ntawv ces nws yeej tsis dim li raug hnia thiab rau npuav qhov ncauj tag li xwb. Kuv nco zoo li kuv sawv tsees los khawm kiag nws rau hauv kuv xub ntiag tuav nws lub npe hu nws thiab hais rau nws tias cas kuv ncaim koj mus lawm kuv yuav nco koj ua luaj txog tav li no es kuv twb laus laus lawm twb muaj tub muaj nyab muaj ntxhais muaj vauv tag koj tseem zoo koj li qhov qub es koj puas tseem nyiam kuv li qub lawm. Nws teb kuv tias "koj twb tsis tau laus koj tsuas yog koj lub tsho koj hnav qub zog lawm xwb kuv tseem hlub koj li qub" Hauv tus npau suav wb sib thamntau yam tab sis kuv tsis nco qab ib txhia tag lawm thaum kuv niag phooj ywg yuav tsa kuv es kuv yuav tsim nruab dab ntub los ces nco tau tias nws kom kuv mus saib nws lawm pem nws tsev kuv tseem tsis tau teb nws li cas kuv niag phooj ywg cia li los diaj kuv thaum ntawv kuv thiaj li tsim nto los. Niag phooj ywg hais rau kuv tias " Cas koj pheej ua ig wg ig ag li ko zoo li koj pheej hais lus dab ntub koj tsim tsis nto kuv thiaj los tsa koj...koj ua npau suav dab tsi" Kuv txawm tsis hais li cas rau kuv niag phooj ywg ntawv kuv teb nws tias tsis muaj dab tsi. Kuv saib mus rau ntawm lub qhov rooj cas qhov rooj kaw zoo zoo li qub kuv cev tes mus xuas ntawm qhov puag ta tus hluas nkauj zaum nws zoo nws li qub tsis hnov sov hnov txias to xwb. Sij hawm thaum ntawv twb yog tyuav txog 5 moos kaj ntug kuv tsaug zog thiab ua npau suav ntawv tau 3 xuab moos tawm.Thaum ntawv kuv pw tsis tsaug zog lawm thiab kuv sawv losnyob pom kev kaj ntug cov yawg mam sawv los. Thaum noj tshais tag kuv thiaj li mam piav qhia covphooj ywg dawv daws tiam sis kuv tsis piav kuv tus npau suav kuv qhia rau lawv tias tos nag hmo kuv ho kom nej nrog kuv peb mus saib thaj chaw ntawv los yog thaum ub nws yog kuv tus qub hluas nkauj lub tsev. Lawv txhua tus lawv kuj paub zoo kawg lawv tsis hais li cas lawv luag luag xwb. Vim tias thaum ub sawv daws koj txawmtham hluas nkauj qhov twg loskuv yeej paub...kuv ho tham hluas nkauj qhov twg los koj yeej paub. Tib pliag ntsis tom qab ntawv txawm muaj ib tug phooj ywg ntawm 3 tug ua musua Hmoob Thaib ntawv txawm hais rau kuv "koj tseem nco nco koj tus hluasnkauj koj hais ntawm ko ntag"..."tseem nco hos vimtias nws yog kuv thawj tug hluas nkauj kuv tahm zoo zoo tsis tau yuav kuv mas khuv xim thiab nco nws tshaj li"...."tsis tag ncolawm os phooj ywg aw...tus ntawm ko na"..."es ua cas koj hais li ko".."koj tus hluas nkauj ntawm ko ces twb tuag lawm ntev...tuag puag thaum ub koj nyuamqhuav mus Meskas tau tsis ntev xwb nws twb noj tshuaj tuag lawm peb niaj hmo mus tham kuv thiaj li paub zoo mas....koj mus Meskas lawm ces peb mus tham no cas nws tsis kam tham peb tus twg li ua ua muaj ib hmos peb mus txog hnov ntaus ntaus nruas pem lawvtsev tuaj peb thiaj li mus nug tus hluas nkauj hmoob xyooj nram lawv qab tsib taug no tus tuag ntawv yog koj niag hluas nkauj koj hais ntawm ko nws haus tshuaj ntxuav nyiaj tuag....peb nug hais tias ua cas ho noj tshuaj tus hluasnkaujhmoob xyooj teb tias vim nws niamnws txiv tsis xav tuaj mus Meskas lawv xav musua Hmoob Thaib nws tsis xav musthaumkawg nws hais tsis tau nws niam thiab txiv mus Meskas nws thiaj li noj tshuaj tuag lawm" Thaum kuv hnov nws lub moo tus phooj ywg hais rau kuv li ntawv ua rau kuv lub siab mob ib teg ua kuv ib ce loog tag kua muag poob twj ywm tab sis kuv tsis pub lawv leej twg pom. Thaum kuv tseem nyob Phanatnikhom tos kuv sau ntawv los rau nws cas ntsiag to xwb tsis hnov nws teb rov qab rau kuv ua ntej ntawv kuv txhua tsab ntawv nws puav leej teb nws hais tib qho yuav tuaj mus Meskas xwb nws mam li hais kom tau nws niam nws txiv lawv tuaj ntshe nws hais tsis tau nws chim siab ua sib siab noj tshuaj tuag lawm tsis muaj leej twg qhia kuv es kuv thiaj li tsis paub. Ntuj aw.. me nkauj Hmoob tus neeg kuv hlub thiab nco tshaj cas koj lub neej yuav txaus tu siab txaus hlub ua luaj...koj thov thovkomkuv yuav koj es coj koj tuaj Meskas los kuv tsis kamyuav koj...nrog niam txiv nyob los niamtxiv tsis hlub koj cas yuav tu siab thiab pab hlub koj ua luaj....kheev lam lub sij hawm tig tau rov qab es tig koj thiab kuv wb los ua ke li thaum ub txawm kuv niam kuv txiv lawv tsis pub kuv yuav koj tsam poob npe loscia kuv mam li ua ib siab yuav koj es poob npe lawm los puam chawj ntshe koj twb tsis zoo li no. Kuv xav tias ntshe txog txij koj tsis sau ntawv teb kuv rov qab lawmntshe koj twb muaj koj ib tug zoo lawm koj twb mus uakoj lub neej sov siab hlo nrog nws tav li no koj tub ki twb loj hlob puv tsev tag cas hnub no kuv mam li hnov txog koj moo cas yuav tu siab txaus hlub ua luaj li me nkauj Hmoob tus zoo ntxim hlub tus kuv nco. Wb txhua lolus cog tseg wb kev hlub kuv tseem khaws rau nruab siab tsis ploj. Kuv ntsib koj hauv dab ntub npau suav thaumtwg kojyeej hais tias hlub thiab nco kuv xwb. Kuv yeej paub tias koj tseemtos kuv nyob rau Vib Nais li koj lo lus cog tseg. Mus zoo koj mog me leej muamtus ntxim hlub sim neej no sib hlub li npau suav xwv lwm tiam muaj tiag thov kom wb rov tau los sib hlub es tsis txhob sib plam li tiam no lawm. |
Lwm Yam Uas Koj Xav Mus SaiB
Ci Vaj Lub Neej Tu Siab
|
Koj xav li cas rau txoj kev hlub tu siab saum no sau nram qab no. Nias nov rov mus Nplooj Kev SiB HLUB
Widget is loading comments...