Kev cai caiv ntawm Hmoob kuj muaj ntau lub caij caiv tab sis feem ntau Hmoob cov hnub caiv thiab kev cai caiv ces muaj raws li nram no xwb.
1. Caiv Noj 30
1 xyoo puag ncig ntawm kev khwv noj khwv haus lub caij nyoog ncig los txog thaum 12 hlis ntuj Hmoob noj 30 Hmoob caiv 3 hnub tsis pub tej me tub me nyuam siv nyiaj tawm hauv tsev vim ntseeg tias cov plig nyiaj plig kub los nyob hauv tsev lawm yog koj siv nyiaj 3 hnub no ces lub xyoo tshiab ntawv rau tom ntej koj yuav khwv tsis tau nyiaj los rau tsev neeg. Nim no Hmoob feem coob lawv kuj tsis quav ntsej txog qhov no , cov coob tseem caiv tab sis ib txhias kuj tsis caiv lawm. 2. Npau Suav Caiv: Yog tias nyob nyob koj lam ua npau suav phem npau suav tsis zoo ces koj yuav tau caiv nyob rau hauv tsev li ntawm 1 txog rau 3 hnub tsam koj tawm mus ho lam mus ntsib tej yam tsis zoo. 3. Caiv Cim Kev Ntseeg Yog ntawm tsev tib neeg ntawv muaj ib tug neeg muaj mob es kom txiv neeb tuaj ua neeg kho los yog ua neeb saib , tus txiv neeg ntawv kom caiv txhob tawm mus ub mus no ces yuav tau cev raws li hais. Kev Caiv Lwm Yam Ntawm HmooB4. Caiv Tsis noj plawv
Tsev neeg Hmoob Xeem Yaj yog ib pab uas caiv tsis pub noj plawv li txij thaum ntuj tsim teb raug los txog nij hnub nim no. Qhov caiv no kuj muaj ntau zaj keeb kwm tias vim li cas ho caiv? Ib cov laus piav tias thaum ub ntawv tsev neeg Hmoob Yaj no lawv tus pog tus yawg ua nyuj dab ces muab cov hauv nqaij xws li yog. Plab , hnyuv, siab ntsws, plawv, tes taw, pob ntseg coj los hau rau hauv yias siav mam li muab los ua kev cai. lawv txawm kom ib tug ruam los zov cov nqaij no thiab rauv taws rau yias nqaij, vim lub yias kub dhau lawm ces lub plawv khub los rau hauv qab yiag lawm , thaum siav lawv npo cov nqaij los laig dab no ua cas tsis pom lub plawv lawm, cov neeg tuaj coob coob nov cia li hais tias yeej yog niag ruam muab hais noj lawm xwb yog li cia li muab niag ruam tua es hlais nws lub plawv los ua dab xwb. Lawv cia li muab tus ruam zov lub yias nqaij no tua thiab muab nws lub plawv los ua dab , tab sis thaum lawv npo ruam lub p lawv tawm los ua cas npo tau ob lub, mam li paub tias yog lub yias kub dhau lawm es lub plawv lawv xub hau ntawv khub lo rau lub yias lawm xwb. Paub tsis tseeb tias yog tus ruam no tau foom tseg los yog tus muam phauj tuaj foom tseg kom hu ua yog Hmoob Yaj ces noj tsis tau plawv txij hnub ntawv los mus vim cov coj dab coj qhua no tsis ua zoo saib cia li tua tus ruam muab nws lub plawv los ua dab lawm. Yog tias leej twg lam noj lub plawv mas muaj kev khaum xws li, dig muag, los yog daig caj pas. Nij hnub nim no yog nej leej twg tsis yog Hmoob Yaj muab lub plawv hau rau cov Hmoob yaj tsis paub noj tau lub plawv los yeej tsis khaum lawv , thiab lawv yeej paub tias yog plawv kiag tam sis ntawv ces lawv muab nti pov tsev lawm. Leej twg paub zaj keeb kwm no zoo dua no piav rau suav daws paub ntxiv rau nqam qab. |