20 Xyoo Dhau Mus Los Tseem nco Koj
Nplooj1 "20 xyoo dhau mus lawm tab sis kuv tseem nco ntsoov koj tsis ploj tsuas yog lub caij nyoog tau hloov mus lawm xwb..Ua li koj puas tseem nco txog kuv li kuv nco koj thiab...Koj pus tseem hlub kuv li kuv hlub koj..."
Lee You txoj kev hlub nyob yeej tawg rog Noom Xeem (Nong Seng) nco txog hnub no lub caij lub nyoog txawj pauv txawj hloov txawj dhau. tiam sis txoj kev hlub uas kuv muaj rau Maiv Lauj nyob hauv kuv siab los tau 20 xyoo no tsis txawj ploj mus li. Xyoo 1993 nyob rau lub yeej tawg rog Noom Xeem (nongseng) maiv lauj wb tau tsim muaj wb txoj kev hlub ua ib vuag dua ua ke tab txawm tau tsis ntev pes tsawg los nws tau ua rau kuv nco Maiv Lauj los txoj hnub no. Maiv lauj wb sib paub los ntawm ib tug phooj ywg hmoob Lauj nws thiab kuv wb mus kawm ntawv ua ke. nws tham maiv lauj tus niam laus ces nws coj kuv mus nrog mai lauj tham. Kuv yeej nyiag nyiam maiv lauj los ntev lawm suav txij mai lauj lawv tsiv tom lub yeej Na phau los nrog peb nyob rau lub yeej Noom Xeem (nongseng). Kuv yog ib tug tib neeg tsis muaj peev xwm pes tsawg nyiam maiv lauj los ntev tiam sis tsis muaj peev xwm hais qhia nws tias kuv nyiag nyiam nws lawm yog li tus phooj ywg hmoob lauj no thiaj li tau pab kom kuv ntsib mai lauj. Maiv lauj wb tau pib txoj kev hlub los tsis muaj pes tsawg hli tiam sis wb txoj kev hlub mus tau zoo heev.txhua hnub mai lauj wb mus ua paj ntaub nram tej kaum vaj tej hav pob kws thaum twg nkees ces koj pw kuv xwb ntiag ib chim kuv pw koj xub ntiag ib chim ua tib neeg nyob txawj yug ces yuav txawj tuag, txawj hlub yuav txawj tshua. Muaj hnub hlub yuav muaj hnub ncaim. yog li hnub sib ncaim kuj tau los txog rau wb. |
Nplooj2Maiv Lauj niam thiab txiv tau coj maiv lauj lawv tawm mus nyob rau tom vaj loog tsua lawm thiaj ua rau maiv lauj wb txoj kev hlub plam plhuav mus ib sim neej tsis sib cuag thiab ua rau wb ob lub kua muag tau poob ntws tawm los yam teev me dej uas ib sij nrog ib teg rau hauv av.. Wb ob lub siab tau mob yam piav tsis tau qhia rau leej twg li ua rau kuv paub tias txoj kev hlub no mob npaum li cas thaum kawg kuv thiaj li txiav txim siab tsis hlub leej twg mus ntxiv li lawm tsuas tos saib puas muaj ib nhub twg kuv rov tau ntsib maiv lauj dua xwb.
Kuv tos2 maiv lauj los tau 10 lub xyoo los tsis pom mai lauj rov qab los yog li los txog rau xyoo 2006 kuv thiaj los pib kuv lub neej dua lawm vim txoj sia tsis tu ces yuav tau muaj ib lub me neej thiaj tsheej ib yig. Txawm lub caij nyoog dhau mus tau 20 tawm lub xyoos lawm los kuv mloog mas zoo li txoj kev hlub nrog Maiv Lauj no nyuam qhuav dhau mus ib pliag xwb. Txoj me kev hlub uas ib nplooj siab tsis qhuav ntshav ib nplooj ntsws tsis qhuav dej ntshe tsis yog muaj rau kuv ib leeg xwb tab sis peb txhua tus uas tsim muaj txoj kev hlub es tsis tau tus yus hlub hlub nws ntawv yeej zoo ib yam thiab taug ib txoj kev. Hmongmeka.com yog nej leej twg paub thiab pom maiv lauj no pab hais rau nws tias kuv tseem nco nws kawg li no nawb. Thaum kawg thov ua tsaug rau Hmongmeka.com uas tsim qhov chaw no rau ib tsoom phooj ywg lwj siab tuaj tso pa kom peb lub siab ho kaj thiab zoo tsis hnov qab txoj kev lwj siab mus lawm ib pliag es kuv mam rov ntsib nej dua rau lwm lub caij nyoog. Suav daws nyob zoo. Sau npe: HER LEE YOU HER Tus uas tseem Nco Ntsoov Maiv Lauj Txog Nij Hnub No. |
Lus Ceeb Toom:
Cov dab neeg kev hlub thiab txhua yam hauv 3haivhmoob.com no peb tsuas yog tso rau sauv daws tau tuaj nyeem laug caij nyoog xwb txwv tsis pub leej twg muab luam mus muag los yog ua lag luam, yog koj coj mus kho los yog ua lwm yam tsis tau qhia rau peb paub , thaum peb tshawb tau lawm koj yuav raug nplua raws txoj cai ntawm lub teb chaw koj nyob ko. Ua tsaug ntau: 3HaivHmooB.Com |
|
Nco Ntsoov: Txhob hu xov tooj rau lawv cov kev lag luam lawv tso hauv no yog tias koj tsis muaj feem txog kev lag luam nawb. Ua tsaug