Mus yos hav zoov Raug Dab Phim Nyoob Vais
Tus Sau: dejsiab Thao Email: dejsiab.kubthao@yahoo.com
Piav Txog dab mas tsis hais lub ntuj twg yeej muaj dab tag nrho li..tej qho chaw muaj dab phem hos tej qho chaw muaj dab zoo tab sis dab ces feem ntau yeej phem xwb. Tus txiv raug dab tuag lawm tab sis nws yeej tseem nco ntsoov rov los zov tus niam yeej tsis pub ib tug txiv neej twg tuaj tham tau nws tus poj niam li..Leej twg lam tuaj tham ces yeej mag pob zeb pob a ..ua rau ntshai heev thaum kawg ces khiav mus tsev lawm xwb...
Xyoo 1994 nyob rau lub zos phu xieng khoaus (ພູ ຊຽງ ເຄືອ), nyob zes rau sab khas xim, (ze rau qub zos phwj lwj), xieng khouang, lub zos no muaj peb cov kwv tij hmoob tawm tom hav zoo los nrog peb nyob ua ke ua kwv ua tij sib hlub li ib tsev neeg, xyoo ntawv thaum lub 5 hlis ntuj uas yog lub caij ntuj nag, muaj ib yig hmoob yaj, yim ntawv muaj peb tug me nyuam xwb, Leej txiv npe hu (txawj xyum yaj), nws muaj 2 tug tub hos 1 tug ntxhais, cov me nyuam npe hu: ( 1. nkaub yaj, 2 ntaub yaj, 3. Maiv yaj) , tus tub hlob lub npe hu: ntaub yaj, nws yog ib tug tub hluas xwb nyob rau xyoo ntawv nws mus ua teb, tab sis ho mus khawb raug BongBib (Khoob pob) tawg ua rau nws tshuav txoj sia lawm xwb, peb cov kwv tij tau sib pab kwv mus kho mob rau tom nroog phonesavanh (Hopital phonesavanh), tau 3 as thiv (3 week) thiaj li zoo zuj zus los, thaum zoo lawm, nws txiv thiaj coj nws mus nrhiav nyab rau nws, thaum mus yuav tau ib tug poj niam yog xeem hmoob ham, nws kuj ua neej tau 2 lub xyoo nrog poj niam, thiab kuj muaj 2 tug me nyuam thiab, tus 1 yog txhais, hos tus 2 yog tub, nkawv kuj ua neej sov siab so, tsis nco txhawj dab tsi li. Los txog 1996 yog lub caij ntais pob kws, cov neeg hauv zos mas nim niaj hnub mus tua npua teb thiab tua dais mas txhua zaus lawv mus mas yeej tau txhua zaus tag li xwb. yog li zaum no lawv yaum tau (Nkaub yaj) nrog lawv mus thiab, thaum lawv mus txog tom hav zoov lawm, 1 tug txiv tsev hu ua (tooj kub) no nws txawm ua ib zaj npau suav hmo nws pw ntawv hais tias, muaj ib tug tswv teb chaws hais rau nws tias ua cas nim muaj neeg tuaj muab nws tej qaib tej npua tua tag li lawm xwb, tshuav tsawg2 lawm xwb ces nws yuav cia ua noob lawm xwb, nws tsis kam rau lawv tua lawm, thaum nws tsim dheev los twb kaj2 ntug lawm tiam sis nws tsis qhia leej twg li, thaum lawv noj tshais tag lawv txawm mus caum npua teb tua, txhua tus mus ntawv txawm mus tos kev tag lawm, hos nkaub ua tus raws npua teb, thaum nkaub pom dheev tus npua teb khiav ua Nkaub ntej sab ntug hav tiv dhau nplaws ua nplooj nroj laim txias tiv nws xav tias yog npua teb lawm no,nws tua tib phom rau, zoo li raug lawm, tiam sis thaum nws khiav mus txog no tsis muaj dab tsi li. Pom qhuav qhawv xwb twb tsis muaj hneev taw npua li, nws poob siab ntav tias ntshe tsis yog neeg lawm lau, lawv cov mus tos kev los xyuas nws thiab noog tias tua puas raug no nws qhia tej uas nws tua rau lawv tag ces, lawv mus xyuas na muaj li nws hais, thaum ntawv tus uas hu tooj kub uas ua npau suav txawm hais tias tua tsis tau ces peb mus tsev lawm xwb tsis tua lawm, rau qhov nws xav txog zaj npau suav tag kig kaj ntug es nws ua ntawv, ces lawv thiaj los tsev lawm. |
Thaum lawv los txog tsev ces (nkaub yaj) txawm pib mob lawm ntag mob tau 3 hnub xwb ces, nkaub tus nplaig tawm ntev2 tuaj muab nkaub lub qhov ncauj yaim to tag li, cov tib neeg zov nws ntawv muaj 4 leeg txiv neej yawg lawv muab nkaub nias rau hauv av mas nkaub sawv tsees sawv tsees xwb, 4 leeg twb kov tsis yeej nkaub, cov neeg uas tuaj zov ntawv mas txhua tus ntshai thiab poob plig tag rau nkaub li, ua neeb, saib yaig los yeej pab tsis tau li, thaum nkaub yuav tuag nws hlev nws tus nplaig tawm ntev heev los yaim nws lub qhov ncauj hos, nws ntxais quav hniav ib sij ib zag hos nws hais rau nws txiv tias : txiv es muab koj cov qhiav los rau kuv noj kiag xwb los ma, ho hais rau nws cov me nyuam uas nws yug ntawv hais tias muab cov me nyuam qhiav no los rau kuv noj kiag xwb los mas, ua li ntawv tau ib hnub xwb ces nkaub tuag lawm, Thaum tuag lawv muab pam mas yeej tsis tau luag li, aub mas tom rau ub rau no tag li xwb, lub teb chaw ntawv yog tiaj nrag xwb hav nyom do dus rau ub rau no xwb thiaj tsis ntshai heev pes tsawg, aub mas tom rau ub rau no heev li, thaum muab coj mus pov tseg tag lawm, tooj kub mam piav tej ntawv rau lawv cov tuaj ntawv mloog tag ,lawv thiaj paub hais tias yog Nkaub raug tau tus dab uas nws tua ntawv lawm, txhua2 hmo Nkaub yaj mas rov lo zov nws poj niam nruj heev li, yog muaj leej twg noog txog nws poj niam los sis lub npe xwb ces tsuas pom pov pob av ntawm tej tuaj rau yus li ntag, ua li no tau ntev heev li nws tus poj niam mas tsis muaj leej twg kam yuav li, tsaus ntuj mas tsis muaj leej twg tuaj tham Nkaub tus poj niam li, thiab mus tsis tau ze lawv lub tsev ntawv li yog tsaus ntuj lawm , dhau ntawv los peb khiav lub teb chaws ntawv lawm ces thiaj tsis hnov hais txog tus poj niam no li lawm. tau 3 lub xyoo tom qab no tsev neeg no tau khiav los nyob: (av liab vientiane lawm) yog leej twg xav paub kom tseeb thiab zoo tshaj thov los noog nws txiv txawj xyum yaj tau. kuv dej siab thov tsaug rau www.3haivhmoob.com, uas pab tso thiab txhawb nqa, ua ntsaug ntau. dejsiab.kubthao@yahoo.com |
Txwv: Txwv tsis pub leej twg lam tuaj muab peb cov dab neeg dab los yog kev hlub hauv no mus tso rau lwm lub vas sab website uas tsis tau txais kev tso cai los ntawm peb vas sab www.3haivhmoob.com, peb tsuas yog tso rau suav daws tuaj nyeem laug caij nyoog xwb tsis pub koj yuav coj mus luam tawm muag ua kev lag luam tib yam nkaus.
Warning: No one can copy these stories to post on your website or other forum without our permission. Printing these materials for the purpose of commercial or selling is prohibited too. Thank you for you cooperation.
Warning: No one can copy these stories to post on your website or other forum without our permission. Printing these materials for the purpose of commercial or selling is prohibited too. Thank you for you cooperation.