Dej Siab Thiab Nkauj Hmoob Nyab Laj

Tus sau: Dej Siab Thoj Email: dejsiab.kubthao@yahoo.com

From: Laos

Nyob rau lub zos phonesavanh xiengkhouang, nyob hauv kuv lub neej muaj ib tug hluas nkauj uas nws yog ib tug ntxhais kawm , uas kawm ua kws qhia ntawv. Tus muam no wb sib nyiam heev thiab tau sib cog lus cia tias wb yuav sib yuav nyob rau peb hmoob lub peb caug uas los yuav txog tom ntej no.
Hnub tsis ntev hmo tsis ntau tus hluas nkauj uas kuv hlub thiab cia siab ntsoov rov mus kawm ntawv lawm, ua cas ho muaj ib tug ntxhais nkauj hmoob nyab laj tuaj thiab nws yog ib tug ntxhais uas hais kwv txiaj zoo thiab txawj hais heev li, nws zoo nkauj thiab hais lus zoo, muaj ib hnub kuv tsis paub xyov ua cas kuv lub neej ho nyob tau ze nws, thaum kuv nrog nws tham zoo li tsis muaj leej twg yuav txawj tham thiab hais lus zoo tshaj nws li lawm.
Tus muam no nws los kuj nyiam kuv kawg siab kawg ntsws thiab, muaj ib hnub nws tus nyab yuav tau ib cov dib dej los si dib liab los, nws muab hlais ua tej daim los rau wb noj, nws muab ib daim coj los rau wb noj, ib leeg noj ib sab mus kom sib ntsib ces mam muab ob lub qhov ncauj los sib lo, ces lub sij hawm no kuv thiaj raug nws tus khawv koob lawm, kuv tsis paub hais tias kuv raug nws tus khawv koob tau li cas vim thaum kuv tus qub hluas nkauj rov los saib kuv thiab hais lus npaum li cas los kuv tsis pom nws kev hlub thiab tej lus zoo uas nws hais rau kuv tsis muaj nqis li lawm, thiaj ua rau nws tu siab rau kuv heev .
vim nws wb teem tej laus tag lawm hais tias wb yuav sib yuav rau lub caij noj peb caug ntag, kuv ua rau nws tag kev cia siab lawm, nws tau rov mus kawm ntawv ces nws mus tsis los li lawm, hos hais txog tus ntxhais hmoob nyab laj no, thaum wb sib tham tau 4 week lawm nws kuj rov mus teb chaws nyab laj lawm thiab, kuv lub neej tau ua ib tug neeg nco nws kawg siab kawg ntsws heev li, kuv tau xa xov tooj cua tshaj rau cov nyob sab nyab laj los ntsiag moo to xwb tsis hnov teb li, kuv tos tau 3 lub xyoo ua rau kuv twb tag kev cia siab lawm. nws mam rov tuaj txog teb chaws nplog ua cas zaum no ho muaj ib plab me nyuam tsaub thiab, ua rau kuv tag kev cia siab heev, kuv mam nco txog tej lus uas tus qub hlusa nkauj hais rau kuv hais tias txhob ua 2 lub siab , kom ua 1 lub siab xwb, tiam sis lub sij hawm ntawv tsis muaj ib leeg twg yuav ua rau kuv txoj kev nyuaj siab ploj mus li.
kuv tau ua lub neej nyob tsaus ntuj nti tau 1 lub xyoos uas tus ntxhais ntawv los daws cev tag, nws tau tuaj mus teb chaws mes kas lawm, hnub ntawv los kuv mam xav tau tias nws muab kuv ua lub chaw so ntawm ib nrab kev xwb, kuv thiaj maj mam muab txoj kev nco tso zuj zus los yeej tsis ploj hauv kuv lub neej txog tam sim no twb muaj neej lawm los txoj kev hlub wb muaj dhau los yeej tsis ploj hauv kuv lub neej li. kuv thov muab sau ua ib zaj dab neeg rau sawv daws tau hnov txog dejsiab thiab nkauj hmoob dhau kev txoj kev hlub. Hlub ib tug tso ib tug thaum kawg npam yus ces plam tag nrho ob tug ces txawm yog kuv ntag...ib tsoom phooj ywg thov ua ib lub siab xwb txhob ua ob lub siab li kuv nawb..thiaj tsis lwj siab mog. Kawg no thov ua tsaug rau vas sab www.3haivhmoob.com uas pub qhov chaw no rau kuv tso pa kom lub siab ho kaj lawm ib chim os mog..Mam ntsib nej dua.
Sau npe: Dej Siab Thoj

Lus Ceeb Toom:
Cov dab neeg kev hlub thiab txhua yam hauv 3haivhmoob.com no peb tsuas yog tso rau sauv daws tau tuaj nyeem laug caij nyoog xwb txwv tsis pub leej twg muab luam mus muag los yog ua lag luam, yog koj coj mus kho los yog ua lwm yam tsis tau qhia rau peb paub , thaum peb tshawb tau lawm koj yuav raug nplua raws txoj cai ntawm lub teb chaw koj nyob ko.
Ua tsaug ntau:
3HaivHmooB.Com