Xob Tua Me nyuam Thiab Nyuj Tuag
Ua npog, pom kooj chob pos, nraj los nyob hauv zos
Tus sau: Dejsiab Thoj Email:dejsiab.kubthao@yahoo.com
Nplooj-1Kev uas raug xob tua mas muaj ntau yam los cuam tshuam xws li tej zaum koj muaj tej yam hlau los yog khoom uas koj nqa es nws twv xob los yog tias cov hluav taws txob tuaj nkag tau. Raws Hmoob txoj kev ntseeg los yog lwm haiv neeg txoj kev ntseeg mas nyias kuj txawv yias. Tej zaum noj tau cov me nyuam tseem noj noj mis li kua mis xob kuj tua thiab. Hais txog ntawm qhov koj pom kooj cia li ya mus chob pos tuag nws kuj yog ib qho kev ua npog loj heev rau lub teb chaws uas koj nyob ntawv los yog tias pom nraj los yog qaib qus cia li khiav los nyob hauv zos nrog cov tsiaj nyeg yog li soj ntsuam nyeem txoj keeb kwm nram no seb txaus ntshais npaum li cas tau. Nyob rau Thaum xyoo 1996 nyob rau lub zo phuxeekhio (ພູ ຊຽງ ເຄີອ) nyob rau peb lub zos no mas yog tiaj nrag xwb, hav nyom do dus rau ub rau no xwb, nyob rau lub caij ntuj nag ntawv, muaj ib yig hmoob thoj hu ua (txhiaj yig thoj) nws muaj ib tug me nyuam tub muaj li ntawm 6 xyoo, thaum tav su dua nws txawm mus nram taj laj mus yuav tau ib cov maj npis, coj lo tua ua si, thaum yuav luag tsaus ntuj nws thiab nws ib tug phooj ywg yog hmoob tsab, nkawv yog me nyuam yaus ib yam xwb, nkawv muaj 6 xyoo ib yam, nkawv txawm ua ke mus tav nyuj los tsev rau qhov twb yuav tsaus ntuj lawm, yog lub sij hawm 5:30 tsaus ntuj( pm) ntawv lawm. Thaum nkawv mus tav cov nyuj nram ntug liaj los tsev los dhau plaws ib lub me nyuam psa dej me2 xwb ua cas nag lam los ib kob me2 rau nkawv, thaum los txog ntawm nkawv ces xob txawm tua kiag tus me nyuam hmoob thoj lawm, hos muab tus me nyuam hmoob tsab nqa pov mus rau ib qho deb lis 30 daj ntawm thaj chaw ntawv yog tiaj nrag xwb, thaum hnov xob tua ntawv cov neeg uas nyob pem tsev theem saum toj tawm tuaj saib no ua cas tsis pom 2 tug me nyuam ntawv lawm rau qhov thaum nkawv tav nyuj los msa nws txiv yeej ntsia ntsoov nkawv tav nyuj taug kev los , thaum hnov xob tua thiab tsis pom, cov neeg mam qw khiav mus saib, thaum mus txog lawm, ua cas xob twb tua tus me nyuam hmoob thoj tuag lawm hos tus me nyuam hmoob tsab ces nws nyob ib qho deb deb lawm thiab tus me nyuam hmoob tsab tsis nco meej pem li lawm. |
Nplooj-2Thaum pom li ntawv lawv cov ua niam ua txiv thiaj hlawv xab hlawv ntawv thov ntuj tag ces mam coj tus me nyuam los pam, dhau ntawv rau tag kis xwb xob cia li tua ib pab niam tub nyuj thiab twm ua da ib lub pas hawv loj2 ua ke tuag tag nro rau hauv lub pas hawv ntaw thiab, yog 5 tug, cov tsiaj uas xob tua no nyob sab roob sab tiv ntawm qhov chaw tua tus me nyuam no, dhau ntawv lawm xyoo 2009 no cia li tua kiag kuv tus yawg tooj kub thoj, lub sij hawm nag los ntawv tsev neeg no nyob hauv tsev, tus txiv sawv ntsug tim lub qhov rai, hos tus niam ua paj ntaub ntawm hauv plag tsev, cov me nyuam nyob tom txaj lawm, lub sij hawm ntawv nag xob nag cua mas los hlob thiab ntsawj rau lawv tej zej zog mas co cuag tsi xwb, thaum kob nag no dhau plaws xwb ces xob txawm tua kiag tsev neeg no ntag, tus yawg tooj kub ces kub nyiab me ntsis xwb, hos tus poj niam ces tab tom muaj ib plab me nyum pom2 heev, cia li tuag kiag rau ntawv lawm, cov me nyuam nyob tom txaj lawm tsis ua cas li thiab, peb thiaj tau mus pab nta dab nta qhua nrog lawv tsev neeg no.
kuv pom kiag tej xwm txheej li no mas txaus ntshai kawg li, nyob rau lub teb chaws ntawv mas tsis tsim nyog nyob lawm rau qhov yus mus tom tej hav nyom puam khab pom tej kooj mas, tej kooj, tej noog ws, tej kooj txig, tej qav mas dhia ua yus ntej, ya ua yus ntej ntawv mas ya mus chob xov pos, tuag zom zaws xwb, tej tsiaj ntawv chob pos ntis2 tsis dim li yog koj tsis ko los yog tsis pab mas lawv yeej tsis dim li, nws nti2 txog thaum tuag kiag lawm, hos yog yus pom ces yus mus txhom mas nws nti2 ces plam nplaws mam ya mus lawm xwb. txaus ntshai heev peb thiaj khiav lub teb chaws ntawv los lawm. lub zos peb nyob ntawv mas muaj 1 tug nyuj cia li muab nws tus tw coj mus dai saum ntoo ces cia li tuag li lawm os, hos nraj cia li los nrog neeg nyob hauv zos li, ua rau txaus ntshai heev li peb thiaj muab lub teb chaws no tso tseg lawm. Thaum kawg no kuv dej siab ua tsaug 6 vas sab www.3haivhmoob.com uas pab muab tso thiab txhawb nqa es thov suav daws npaj siab tos lwm hnub muaj zaj tshiab kuv mam rov tuaj piav rau suav daws tau kawm los yog nyeem laug lub caij nyoog. Thov ib tsoom phooj ywg noj nqab nyob zoo. Dej Siab Thoj. |
Ceeb Toom: Txwv tsis pub leej twg lam tuaj muab cov cov keeb kwm los yog dab neeg hauv no coj mus tso rau lwm hlub vas sab website los yog Forum thiab tsis pub coj mus luam muag ua lag luam. Ntawm no peb tsuas tso rau suav daws tuaj nyeem laug lub caij nyoog xwb , vam tias suav daws yuav koom tes. Ua tsaug.
Warning: No one can copy our stories at www.3haivhmoob.com to post on your website, forum or print these materials for the purpose of selling. Thank you for your cooperation. 3HaivHmooB
Warning: No one can copy our stories at www.3haivhmoob.com to post on your website, forum or print these materials for the purpose of selling. Thank you for your cooperation. 3HaivHmooB