Poj Ntxoog Caij Nees Los Noj Nqaij Nyoos
                                              Tus sau:  dejsiab Thao      Email:      dejsiab.kubthao@yahoo.com

Picture
       Poj ntxoog thiab dab nij hnub no tseem muaj nyob  tsis hais tej chaws nplog los yog teb chaws vam meej yog tias koj twv txog ces ib chim yeej los nrog koj pw los yog tias los tsum koj li..Muaj tej txhia dab ces cia li los muab zaub muab mov noj li ob txoj uas piav nram no rau suav daws nyeem.            
                xyoo 1998 nyob trau lub zo nakooj, lub zos no mas muaj ib cov kwj tij hmoob nyob hauv nroog phonesavanh tuaj ua liaj, lawv tuaj ua tsev nyias nyob nyias ib qho nrug deb tsawv, txawm muaj ib lub tsev nyob ze rau ntawm tsob txiv nkhaus taw, lub tsev thaum nyav nyuam qhuav ua tau thiab nyob tshiab ntawv, txawm muaj ib tug dab tuag, los sis pom ntxoog, nws txawm los noj lawv cov nqaij tag li xwb, ua rau tsev neeg tuaj ua liaj no ntshai heev li, nws los noj thaum lawv pw hmo ntuj xwb.                yog nruab hnub no ces thaum lawv tsis nyob tsev lawm, nws pheej los noj li no tag li thiab xwb, tiam sis noj nqaij xwb tsis noj mov thiab zaub ntsuab li, nws npo nqaij noj xwb, yog koj pw hmo ntuj ces koj qi qhov muag ua txuj tsaug zog ces hnov nws caij nees khiav tso sas ntws tov los, thaum los txog ntawm tus ntaiv nces mus saum tsev ces ntsiag to li lawm, ib pliag ces hnov qheb qhov rooj nrov li yus niaj hnub qheb ntag, thaum ntawv tus txiv tsev sawv tsees los kab teeb saib, lub qhov rooj kuj kaw li qub hos txhua yam zoo li qub, tus txiv tsev no rov mus pw ua txuj tsaug zog lawm ces, nws cia li qheb hau lauj kaub ces cia li npo nqaij noj lawm xwb.
          Thaum nws noj tag nws rov npog hau lauj kaub suab nrov ntsuag qees li neeg kaw thiab, tsev neeg no swm tus dab tuag no heev lawm, lawv thiaj hais rau lawv cov me nyuam hais tias yog nej noj zaub noj mov no nco ntsoov tseg ib qho rau yawg paj ntxawg ov, ib pliag peb pw tag lawm nws mam los noj nws thib, pheej ua li no tau ib nyuag ntus , tsev neeg hais tias yog nws noj tau nqaij mas nws yuav tsum yog dab tuag lawm xwb, yog li lawv thiaj muab cov ntshuaj (lom nas) do xyaw nqaij tso rau saum lub phaj nqaij, ua cas ib chim nws los noj tag nws cia li ploj mus 6-7 hnub mam rov los phov dua yog li tsev neeg no ntshai heev lawv thiaj khiav los nyob nram zos loj no mus ua liaj lawm xwb.
              Tus dab tuag no niaj hnub no tseem nyob li, yog leej twg ho xav sim no mus sim tau nawb, nws noj nqaij nyoos, nqaij siav tib sis.
           Hos nyob rau lus zos (B. koen)(ບ້ານ ເກີນ), xyoo 2008 ntawv muaj ib yim hmoob vwj nyob xiengkhouang tuaj ua teb pob kws rau ntawv, nws tuaj ua pob kws rau ntawv nws nyob2 tsis nco qab nws pheej mus ua teb pob kws lawm, thaum nws los txog ua csa tej nqaij txawm pawv lawm , pom tsuab noj liab vog pov rau hauv nws lub tsev rau ub rau no, ua cas nruab hnub nws tsis nyob lawm nws tej nqaij nyoos pom lo ntshav liab vog rau ub rau no hauv nws tsev tawm mus rau nraum zoo lawm, yog li nws thiaj mus yuav tau 5 tug txiv aub uas loj muaj zog heev los nrog nws nyob.
              Muaj ib hnub nws thiab nws tus me nyuam ntxhais nkawv nyob hauv tsev, tus ntxhais txawm tsaug zog lawm, ua cas nws tseem zov nws tus ntxhais tsaug zog na has, nws tus ntxhais sawv tsees los hais tias txiv poj ntxoog los hauv qab tsev lawm, leej txiv mam xauj hauv na has ua cas muaj ib tug zoo li miv, tiam sis loj dua miv nyob hauv saib tuaj rau nkawv , leej txiv mam tso aub thiab txhub aub rau, aub muab nws rau khiav dua ntais tom ntug teb lawm, tus poj ntxoog no yeej tsis ntshai lawv li, yog yim neeg tsis nyob lawm mas nws yeej los noj nqaij tag li xwb, yeej tsis ntshai aub li, txawm aub tom npaum twg los nws yeej tsis ntshai li, tsev neeg uas tuaj ua teb no thiaj li khiav los mus nrog nplog nyob nram nplog zos lawm, tam sim no yeej tseem nyob li yog leej twg xav mus sim no mus tau vim thaj teb no, yeej tseem muaj neeg ua teb tiam sis tsis mus pw lawm xwb, txoj dab neeg neeg thiab poj ntxoog los xaus li xwb thov ua ntsaug ntau rau peb hmoob www.3haivhmoob.com uas tsim muaj qhov chaw sau txog dab no rau sauv dawas tau tuaj nyeem..Nej leej twg muaj tej keeb kwm li no ho coj tuaj piav khaws tseg rau suav daws tau nyeem thiab.
 Sau npe:  Dej Siab Thoj.
Ceeb toom: Txwv tsis pub leej twg tuaj muab peb cov dab neeg kev hlub thiab dab poj ntxoog hauv no mus tso rau koj lub vas sab website , forum los yog lwm qhov chaw uas tsis tau hais rau peb paub. Tsis pub koj muab luam tawm coj mus muag ua lag luam thiab, vam tias koj yuav muab kev koom tes. Ua tsaug.
Warning:  No one can copy any of our stories to post on your website or forum without our permission. You are not permitted to print these stories for selling too. Thank you for your cooperation.