Txwv:  Txwv tsis pub leej twg tuaj muab cov dab neeg kev hlub thiab lwm yam hauv no coj mus tso rau lwm lub vas sab  yog tsis tau txais kev tso cai los ntawm 3haivhmoob.com.Warning: No one can copy these stories at 3haivhmoob.com to post on your own or other website without our permission. Thank you for your cooperation.
Tus piav: HMONGMEKA
From:  USA

Picture
Npaj kev tuav pov fwm koj tsev neeg nco ntsoov hu rau peb txhob tos tag kis tsam muaj mob yuav tsis tau kev tuav pov fwm rau tus kheej lawm. Ua tsaug Ntau. 

                 Kev Tso Dab Pob Tawb Saib Yaig

Ceeb Toom:
     Zaj keeb kwm kev tso dab pob tawb no tsuas yog peb tso tawm ua kev kawm rau suav daws xwb, txwv tsis pub nej leej twg lam coj mus siv ua raws nraim cov kev qhia hauv no. Yog leej twg coj mus ua raws txoj kev qhia hauv no, muaj teeb meem txog nej tus kheej peb lub Vas Sab no yuav tsis thaj tsob txhua yam, vim peb tsuas tso ua kev kawm rau sawv daws xwb.
Ua tsaug,
3haivhmoob Admin.​​​
Daim duab 1.
Picture
Siv: 1 lub pob tawb - 1 Tug pas li daim duab no
Daim duab 2.
Picture
Siv 1 lub tsho zoo li cas los tau
Daim duab 3.
Picture
Npaj 1 co xov txheej zoo li cas no
Daim duab 4
Daim duab#4 no yog qhia txog lub caij thaum tus tib neeg tab tom thov lub qhov cub thiab cov pa taws mus tos niam nkauj txhiaj txiv mim tuaj ua neeb saib yaig qhov no yog  nyob hauv tsev es ua ntawm lub qhov cuab 
Daim duab 5.
Daim duab #5 no yog qhia txog tias thaum tus tib neeg uas txheev tus nkauj txhiaj txiv mim  saum ntuj tuaj saib yaig nws yuav ua raws li no, thiab thaum xa tus nkauj dab pob tawb no mus los yuav ua tib  yam nkaus li.
Daim duab 6.
 Daim duab #6 no qhia tias thaum tus nkauj dab pob tawb no tuaj txog lawm ob tug poj niam yuav tuav ib leeg ib sab ces nws yuav co qaij kiag rau sab tov thiab sab tom no, koj muaj lus dab tsi ces koj nug tau nws yuav qhia koj tias yam koj saib ntawv yog ua li cas lawm.
Lus Ceeb Toom:
 Cov dab neeg kev hlub thiab txhua yam hauv 3haivhmoob.com no peb tsuas yog tso rau sauv daws tau tuaj nyeem laug caij nyoog xwb txwv tsis pub leej twg muab luam mus muag los yog ua lag luam, yog koj coj mus kho los yog ua lwm yam tsis tau qhia rau peb paub , thaum peb tshawb tau lawm koj yuav raug nplua raws txoj cai ntawm lub teb chaw koj nyob ko. 
                 Ua tsaug ntau:  
                       3HaivHmooB.Com
1 Qhia Ntxiv:
  • A. Cov laus hais tias koj yuav tsum muab tus neeg tsim txiaj , tseem ceeb lub tsho rau tus pob tawb hnav xwb  thiaj tau tus pob tawb hais lus leej.
  • B. Yog koj muab cov neeg tsis tseem ceeb lub tsho rau hnav ces koj yuav tau tus pob tawb dag dag tsis tseem ceeb thiab saib tsis leej hais lus tsis khev. Nco ntsoov ob nqi  no.​

       Pib Raws Li Nam No

Cov khoom koj npaj los siv ces muaj raws nkaus li nqi 1 txog nqi 6 nyob sab laug tov
1. Nyob hauv sev: 
 Thaum koj pib txheev tus dab pob tawb no koj hlawv 3 daim xov txheej thiab coj mus yoj rau saum lub qhov cub ua zaub mov noj thiab hais tias: " Koj niam nkauj ncho ncej cub ncej tawg nawb, koj ua rau peb noj peb haus hmo no peb thov koj dag koj zog mus tos fuab tais qaum ntuj 7 leej txhais niam nkauj txhiaj txiv mim tuaj ua neeb saib yaig vim tias ".  
  •  1. muaj mob muaj nkeeg
  •  2..muaj khoom ploj....los yog
  •  3. saib yaig dab tsi ces hais rau...
​Es muab 3 com nyiaj  txiag no thov koj dag koj zog mus tos kom tau tuaj nawb. ( Tag li no ces  koj kho lub tsho looj rau lub pob tawb thiab hlawv 3 daim xov  txheej rau,  thiab koj muab lub pob tawb coj los lwm 3 lwm saum qhov cub).
​
2. Tawm nraum zoov.​
  -Koj nqa  ib tug hluav taws  kom tseem cig liab liab tawm mus nraum zoov nrog 3 daim xov txheej (ntawv)  ​thaum mus txog nrauv lawm koj thov los yog hais li no. " Auv..1 koj niam nkauj txhiaj txiv mim Fuab Tais 7 leej ntxhais nyob qaum ntuj nawb, koj nyob nruab ntug, neej los koj paub , dab los koj pom hnub no mas....( koj hais tus neeg mob uas koj yuav kom nws tuaj saib lub npe..) nws noj tsis qab nyob tsis zoo yog li peb yaj ceeb thiaj thov niam nkauj ncho tuaj tos koj tuaj nrog ua ib thaj neeb saib tsawv saib yaig kom nws noj mov paug cev haus dej paug siab nawb...( Thov li no tag ces koj hlawv 3 daim xov txheej rau.) Hais ntxiv tias, " muab 3 com nyiaj txiag no thov koj dag koj zog nawb es koj tuaj pab ov.." (Tag li no ces koj rov qab los hauv tsev)

3. Thaum rov los txog hauv tsev:

Thaum los txog hauv tsev ces kom ob tug poj niam ib leeg tuav ib sab ntawm lub pob tawb thiab muab tus pas ntxig ntawm lub pob tawb tawm sab tov  li daim duab #6.
      -Yog koj hu tau tus dab pob tawb no tuaj lawm ces thaum ob tug poj niam no tuav kiag xwb lub pob tawb yeej dhia kiag ntxeev hlo sab tov , ntxeev hlo sab tom no lawm., los yog tias qaij hlo sab tov, qaij hlo sab tom no lawm. Thaum zoo li no koj muaj lus yuav nug ces koj nug kiag tus pob tawb tias: 
  •             1. Koj saib seb nws mob nkeeg no yog tim li cas?
  • Teb:  Piv xam tias yog tus mob no raug dab zaj ces  nws yuav kos kiag ib lub pas dej tag nrho ces kos kiag ib kab ntev ntev zoo li tus nab los tus zaj, ces koj paub tias raug dab zaj lawm.
  •           2. Koj ho nug tias: Yog li yuav muab dab tsi kho thiaj zoo no ces?Teb: Nws yuav kos kiag ua ib tug tsiaj muaj kub zoo li tus mes es  (tus tshis) los yog tus npua ces ntaus nqi tias koj muab tus zoo li no los kho  tus neeg no xwb ces zoo lawm.
  •           3. Yog khoom ploj lawm ,  los yog tub sab nyiag lawm, koj nug tias koj yam khoom no ploj lawm nyob qhov twg?
Teb :Yog tias poob rau hauv tsev xwb ces nws cia li kos kiag ib lub tsev thiab kos kiag ib qho khoom rau hauv lub tsev xwb ces xam tias koj yam khoom no nws tsis mus deb tseem nyob hauv tsev xwb nrhiav yuav tsum tau. Yog yam khoom no tub sab nyiag los yog poob deb heev lawm ces nws kos kiag lub tsev tag nrho ces nws yeej kos kiag ib txoj kab mus deb heev...ntaus nqi tias koj yam khoom no tub sab nyiag los yog koj coj mus ua poob deb heev yuav nrhiav tsis tau lawm.
​​​​​​    ​

​
Saib Yaig Tag Xa Dab Pob Tawb Rov Mus Tsev​
Thaum koj saib yaig tag lawm ces koj xa tus dab pob tawb no mus tsev koj yuav hais thiab ua li nram no:​
  • 1. Niam nkauj txhiaj txiv mim nawb, koj ua neeb saib yaig tag  - txog caij txog nyoog lawm ces koj rov mus vaj mus tsev yog tias kuv yuav thov koj dag koj zog , hu txog koj thaum twg mas mam li tuaj , hu tsis txog koj mas koj tsis yeem rov tuaj lawm ov...
  • 2. Koj muab 3 daim xov txheej rov mus yom thiab lwm rau saum qhov cub tag: " Koj niam nkauj ncho nawb koj tos nkauj txhiaj txiv mim tuaj ua neeb saib mob saib yaig tag lawm, zaum yog muab 3 com nyiaj txiag no thov koj dag koj zog rov xa nws mus kom txog vaj txog tsev ov..( Hais li no tag ces  muab hlawv rau ntawm ntug cub)​​
  • 3.  Koj tawm rov mus nraum zoov thiab thiab hlawv 3 daim xov txheej rau tus dab pob tawb tias, ", Nkauj txhiaj txiv mim Fuab Tais 7 leej ntxhais nawb kuv muab 3 com  nyiaj txiag no xa koj rov mus vaj mus tsev lwm zaus  noj txog koj nkaub hu tuav txog koj npe koj mam rov tuaj peb tsis hu koj tsis yeem tuaj lawm nawb​ koj yeej meem lees ov..." (Li no ces hlawv rau ).  Txheej txheem thiab kev hu dab pob tawb tuaj saib yaig ces tsuas muaj raws li no xwb nawb,tab sis tej zaum kuj muaj tej sab teb chaws tib neeg hu tus dab pob tawb no thiab lawv yuav txheev txawv me ntsis tsis sib  thooj los lub ntsiab lus ces yeej mus ib yam xwb.
Ceeb Toom:
     Zaj keeb kwm kev tso dab pob tawb no tsuas yog peb tso tawm ua kev kawm rau suav daws xwb, txwv tsis pub nej leej twg lam coj mus siv ua raws nraim cov kev qhia hauv no. Yog leej twg coj mus ua raws txoj kev qhia hauv no, muaj teeb meem txog nej tus kheej peb lub Vas Sab no yuav tsis thaj tsob txhua yam, vim peb tsuas tso ua kev kawm rau sawv daws xwb.
Ua tsaug,
3haivhmoob Admin.​​​