Dab Mes Kas Deev HmooB Tua Mos Lwj

1 pab kwv tij Hmoob nyob  rau ntawm lub xeev Wisconsin teb chaws Mes  Kas tau mus  tua mos lwj nyob  rau pem chaw tua mos lwj..thaj tsam chaw no  yog ib lub roob loj heev thiab qhov chaw no tib neeg yeej mus  tua mos lwj  txhua xyoo li, tsis  tas li tib neeg  yeej cav zom zaws tias muaj ib tug niam tais poj dab mes kas mas  zoo hnub zoo hmo koj yeej pom nrog cov mos lwj ua ke . 
              Lawv pab mus tua mos lwj no txawm muaj ib tug kwv tij Hmoob  nws  plhom moj  saib tsis taus  tias muaj dab no vim nws coj kev cai  tshiab ntseeg Vaj Tswv lawm  nws txawm hais rau cov phooj ywg tias, nej txhob ntshai kuv ntseeg  Vaj Tswv lawm yog tias nws los  ces kuv muab nws mos ua  paum ib hmos kom txaus  txaus zoo zoo  siab ces nws mus tav mos lwj los  rau peb tua xwb mas cov  phooj ywg.  Cov phooj ywg mus no hais zom laws tias txhob hais li ko hais tsis tau laiv phooj ywg no los nws tias, kuv ntseeg vaj tswv lawm kuv tsis ntshai li os..xav kom nws los xwb tiag.  
               Hmo ntawv lawv los pw ntawm chaw pw  suav daws nyuam qhuav tsaug zog  kiag xwb  ces  tus poj niam dab mes  kas no twb los muab yawg kwv tij Hmoob khav theeb no tsuam  , zawm caj pas  thiab caij nws plab tsaj lawm  tsis paub tias  xyov yog ntev los luv li , thaum ib tug phooj ywg sawv los tso zis nws hnov tus  phooj ywg ntawv quaj qw tsis nrov li ces nws mam li tsa kiag no  tus  phooj ywg ntseeg vaj tswv ntawv thiaj hais tias..vuag!...ib niag poj mes kas los muab kuv zawm caj pas thiab nws caij kuv plab  ua rau kuv nti tsis  taus li hu nej npaum cas los nej tsis teb  tsis los tsa kuv li yuav tuag li os.."   ces  nkawv thiaj tsa cov phooj ywg los zaum thiab piav rau lawv mloog,  suav daws thiaj hais rau tias..twb kom koj txhob khav theeb no ne...koj khav theeb  koj thiaj mag ntag.......Hmo ntawv lawv nyob ib hmos ces cia li  los tsev xwb tua tsis  tau mos lwj  li.
            Yog  mus yos hav zoov txhob khav theeb li tus  kwv tij hmoob no tsam ho raug teeb meem li nws nawb  ib tsoom phooj ywg  suav daws.  Zoo li no mas txaus ntshai kawg li, tom qab no lawv pab phooj ywg no cia li tsis mus tua mos lwj li lawm vim lawv ntsib  teeb meem li no.  Mam ntsib nej suav daws dua.
Ua tsaug rau   www.3haivhmoob.com uas  tsim qhov chaw no rau peb tau tuaj sau dab neeg dab  rau suav daws  nyeem.
Sau npe:  Kwv tij Hmoob tua mos lwj nyob Wisconsin. 

Mus Tua Mos Lwj Ntsib DAb

Txoj Kev Khav Theeb es mag dab tsuam li no koj xav tias puas muaj tseeb tiag thiab?

Comment Box is loading comments...