Txoj Kev Tsheb Uas tuaj ntawm Vees Cas Mus rau Na Xu es tuaj mus rau Moos Cab nyob teb chaws Nplog pib nrau thaum xyoo 1967 hla roob hla hav thiab tho toj roob hauv pes tuaj mus ntawv tau raug cov dab ntxaug uas nyob rau toj roob hauv pes vaj tse puas tag , dab nyob tsis taus thiab tau khiav tawm mus rau lwm qhov lawm. Tus txiv ntxawm Liaj Txiab yog tus thawj coj nrau txoj kev no tau piav tias lawv nrau txoj kev no tuaj mus mas tej zaum ncaj pov toj los yeej nrau mus li lawm ncaj roob los lawv yeej tho kom dhau plaws mus. Yog li thaum lawv nrau tuaj txog rau ntawm lub zos Thooj Khub thiab Thooj Miab uas ze rau ntawm Moos Cab es muaj Zos Hmoob nyob lawm tau nrau mus ncaj ib lub pov toj loj heev mas cov me nyuam nas liab ntswg mas tuag coob li coob xwb. Cov dab ntxaug no tau los ua npau suav rau tus tswv zos los yog tus nai npab ntawm lub zos no hais tias muaj ob peb tuag maum npua qhuav mas tuaj mus tshom lawv tej vaj tse ua rau poj niam me nyuam tuag lawm coob kawg nkaus li.. Hmo ntawv tsaus ntuj lawv tau los muab nqus ntshav ib hmos los kaj ntug nws yeej rov qab tshom npaum li qub tsis tuag li ..yog li ntawv los hais rau tus tswv zos tias zaum no lawv yuav khiav tawm tsis nyob rau lub teb chaws no lawm ces yuav tseg ntua txoj kev ua kwv ua tij es txawm lawv mus lawm los kom cov Hmoob no ho nco txog lawm thiab. Kaj ntug tus tswv zos tsim los ua cas npau suav li ntawv, thiaj tau tuaj nug lawv cov neeg nrau kev tsheb no tias lawv pom dab tsi no ces txiv ntxawm Liaj Txiab thiaj qhia tias lawv nrau ib lub pov toj mas nas liab ntswg tuag coob kawg nkaus. Qhov no qhia tau tias nrau kev mus ncaj zos dab ntxaug ua rau dab nyob tsis taus thiab tau khiav lawm. Thaum tsaus ntuj cov dab no tau los nqus maum npua ntshav no yog ...los haus cov tsheb tshom kev cov roj xwb. Tej yam no yeej muaj tseeb tiag. Ua tsaug ib tsoom phooj ywg uas tau tuaj nyeem zaj keeb kwm dab no mam ntsib nej dua lwm zaj. Sau npe: Txus Lis.
Zos Moos Cab
Raws zaj dab neeg saum no koj ntseeg tias puas muaj tseeb tiag.?