Dab Coj Neeg NyoB TeB Chaws Los Tsuas
Tus sau: Lis Kwm Email: MaiVangLove001@gmail.com
Nplooj 1
Nyob rau lub zos...ncov uab..sab qaum teb ntawm teb chaws los tsuas thaum xyoo 1998 ntawv muaj 1 tug yawm txiv Hmoob tuaj mus kav kiab kav khw rau lub tab laj sawv ntxov lawm tab sis thaum nws rov qab los mus tsev nws ho yog yav thaum yuav tsaus ntuj lawm yog li thaum nws los tsev ntawv mas nws ho caij 1 lub tsheb kauj vab xwb ces nws los mus txog rau ntawm yuav luag txog ib nrab ke xwb txawm muaj ib lub roob uas nws nce nce toj ces nws tau nqis mus kaw taw thiab cab lub tsheb kauj vab lawm xwb thaum uas nws cab lub tsheb kauj vab ntawv nce plas toj ntawv los mus txog ntua rau qhov uas ib nyuag tsis tshua nce toj pes tsawg lawm ces nws thiaj maj mam los kaw taw thiab cab lub tsheb kauj vab ntawv xwb cas lub ntuj cia li tsaus zog ntsia tsis pom tom hauv ntej lawm nws txawm pom ib tug txiv neej hnav ib ce khaub ncaws dub thiab muaj ib lub kaus mom khwb nws lub taub hau ua rau tus yawg ntawv ntsia tsis pom nws lub ntsej muag lawm tias yog leej twg li.
Tus txiv neej ntawv cia li los tuav nkaus tus yawm txiv hmoob no sab tes thiab ua rau tus yawm txiv Hmoob no tsis meej pem lawm ces tus txiv neej loj loj no cia li muab tus yawm txiv Hmoob no cab mus rau nram qab ke lawm thiab tus yawg dab no cia li muab yawm txiv Hmoob lub tsheb kauj vab coj mus zais rau nram ib tsob qab xyoob lawm uas yog nram qab ke ..Tus yawm txiv Hmoob no cia li nrog tus txiv neej dab uas tsis pom nws lub ntsej muag no ntawv mus tab sis tus txiv neej dab ntawv ho tsis tuav yawm txiv Hmoob tes lawm tus txiv neej dab ntawv nws mus ua ntej hos tus yawm txiv Hmoob no mus lawv qab. Thaum nkawv mus mus txog ntua rau ib ya cav ntoo uas loj pw tav nkawv kev ntawv ces tus txiv neej dab ntawv nws hla mus dhau rau sab cav tov lawm ces yav cav ntawv cia li sawv tsees los tav kiag tus yawm txiv Hmoob no kev thiab nws ntsia kiag no uas cas ho yog ib tug txiv neej plaub hau ntev ntev dawb paug hnav ib ce khaub ncaws dawb paug thiab ces tus txiv neej plaub hau dawb paug ntawv no cia li tuav nkaus tus yawm txiv Hmoob no sab tes cab kiag rov qab los lawm thaum ntawv nws xam los tsis pom tus txiv neej dab uas hnav cev khaub ncaws dub dub ntawv lawm. Nws cia li nrog tus txiv neej uas hnav cev khaub ncaws dawb ntawv los lawm thiab ces tus txiv neej ntawv ho coj nws rov qab los mus rau tom tab laj uas yog nws tuaj ntawv dua tab sis ho coj nws los mus pw rau sab nraum ib tug tub thiab tus nyab qaum kwj tse lawm tag kis ntawv tus tub thiab tus nyab ntawv sawv los ua tshais thiab qhib tab laj no ua cas ho mus pom tus yawm txiv Hmoob no pw nyob rau sab nraum qaum kwj tse ces tus tub txawm mus muab nws tsa kiag sawv los thiab nug tias yawg nag hmo koj twb mus tsev lawm es ua cas koj ho pw ntawm no thiab os….?ces tus yawg ntawv nws yeej tsis paub dab tsi kiag li lawm nws yeej nco tsis tau ib yam dab tsi lawm ces tus tub no ho coj nws los noj tshais tag thiab muab tsheb cav thauj nws los mus rau tom nws lub tsev lawm…. |
Nplooj2 Tom qab tus yawm txiv hmoob no rov los tsev tau 2 hnub xwb nws txawm cia li sawv saum txaj tawm los mus rau sab nraum zoov ces cas muaj ib tug txiv neej hnav ib ce khaub ncaws dub nciab nyob sab nraum qab khav los tuav nkaus nws sab tes ces nws txawm nrog tus txiv neej ntawv taug kev rau nram hav zoov lawv…tus yawg no ploj tau 2 hnub tej neeg zej zog los kuj tau tuaj mus nrhiav thoob plaws tej qab roob qab ha los yeej nrhiav tsis pom nws li lawm lawv nrhiav nws tau li ntawm 1 lub hlis ntau ces muaj ib hmos muaj 2 tug ntxhais tau tuaj nrog tus pog pw na has uas cas nkawv ho tuaj pom nws pw tib pob tim txaj tshaib tshaib plab kwv thiaj qw nrov nrov ces neeg mam li khiav tuaj saib ces yog tug yawm txiv Hmoob uas ploj no xwb lawv mam li muab nws tsa sawv los zaum ces lawv mam li nug hais tias ua li nws mus tau 1 lub hlis ntau no es nws mus dua qhov twg lawm.?
Ua cas lawv ho tuaj mus nrhiav tsis pom nws kiag li ces nws mam li hais qhia rau lawm hais tias nws nrog ib tug txiv neej mus lawm ces lawv nug nws hais tias ua li nws mus tau ntev npaum li ntawv es ua li nws ho noj dab tsi xwb ces nws hais tias kuv ces noj roob ris thiab kab cua nab xwb tab sis nws noj tsis taus li ces nws noj pob kws nyoos xwb ….. Ces nws hais tias kuv mas yeej hnov thiab pom nej tuaj nrhiav kuv thiab tab sis kuv hu nej los nej tsis teb kuv li thiab nws nrog tus txiv neej dab ntawv mus mus ces tus txiv neej ntawv ho coj nws los mus tshwm rau saum nraum qaum zos. Cov dab coj kuv mus no hais tias lawv coj kuv mus tsis taus lawm ces lawv cia li muab kuv xa los ntawm tsev no lawm xwb ….ces kawg no nws kuj tau rov los tsev lawm thiab os ib tsoom phooj ywg E………Ua tsaug ntau rau vas sab: www.3haivhmoob.com thiab cov phooj ywg nyiam nyeem keeb kwm dab. Mam ntsib nej dua lwm zaus, Sau npe: Lis Kwm |
Zaj dab coj neeg no koj puas ntseeg tias yog tus yawm txiv plaub hau dawb dawb uas coj tus yawm txiv hmoob no rov los tsev yog nws li dab qhuas zoo es dab thiaj coj tsis tau nws mus?
Comment Box is loading comments...
