3HaivHmooB.Com nrog Chen Vang Sib Tham - Nyeem Raws Cov Lus Nram no.... |
Chen Vang yog peb Hmoob ib tug tub Hmoob hu nkauj thiab ua yeeb yaj kiab movie rau ib tsoom Hmoob tau saib thiab mloog los tau ze 10 lub xyoo no lawm thiab nws kuj tseem yuav npaj siab ua txiv lawm tom ntej. Chen muaj hnub nyoog 29 xyoo , siab 5 feet 10. Koj xav nrhiav Chen ntawm Facebook ces ntaus nws lub npe Chen Vang los yog ho muaj tej yam tseem ceeb heev xav nug Chen sau ntawv rau nws tau ntawm:
Email: chen_vang01@yahoo.com |
1. Nyob zoo kwv Chen
Chen: Nyob zoo os 2. Zoo siab nrog koj ua kwv tham ua li os 3. Peb yuav sau txog koj tus kheej rau ib tsoom phooj ywg Hmoob tau paub txog koj tus kheej kev hu nkauj thiab ua yeeb yaj kiab (movie) Chen : Koj sau tau ma tso cai koj sau, muaj dab tsi los nug tau. 4. Koj nyob lub teb chaws twg tam sim no, koj tsev na? Chen : kuv yeej ib txwm nyob Fab Kis teb, ntawm lub nroog Paris os. 5. Koj twb ua nkauj los ntev li cas lawm? Chen : Kuv ua nkauj tau 8 xyoo lawm. 6. Koj ua tau tsawg daim tawm rau ib tsoom hmoob tau mloog lawm? Chen: Kuv twb ua tawm 6 daim nkauj lawm. 7. Kev ua movie ne koj ua tau tsawg zaj tawm lawm thiab? Chen: Kuv ua tawm 6 daim movie lawm thiab. 8. Tam sim no ne koj puas tseem npaj nkauj tshiab rau ib tsoom Hmoob tau mloog npaj yuav tawm tshiab na? Chen: Kuv tseem tab tom npaj yuav tawm daim tshiab sai sai no thiab. 9. Feem ntau pom koj cov movie thiab nkauj ua tawm yog nyob Thaib teb, thiab Nplog teb tuaj xwb, tej roob hav, tub ntxhais nrog koj ua, Ua li nyob Fab Kis teb koj puas npaj siab ua ib daim movie txog nkauj nraug Hmoob nyob Fab Kis teb rau suav daws tau saib thiab? Chen: Nyob Fab Kis Teb tsis tau npaj siab ua os.. 10. Koj puas npaj siab mus saib kwv tij Hmoob nyob Australia, Canada los yog Suav Teb tom ntej no thiab vim cov neeg mloog koj cov nkauj thiab saib koj cov movie nyob thoob plaws qhov txig chaw li? Chen: Kuv kuj npaj tias yuav mus saib lawv tom ntej thiab ma. 11. Yog tej kwv tij phooj ywg Hmoob lawv ho xa sau ntawv los yog email rau koj no ho yuav sau tau rau qhov twg? Thiab koj puas khoom teb rov qab thiab..? Chen: Yog koj ho muaj tej yam tseem ceeb sau ntawv rau kuv los kuv yeej teb kawg thiab. 12. Tom ntej no koj lub hom phiaj ho yuav ua dab tsi ntxiv? Chen: Kuv xav mas xav ua director movie thiab thaij movie edit movie txhim kho kom Hmoob tej movie zoo zuj zus ntxiv caum tau lwm haiv neeg li. 13. Koj yog ib tug tub Hmoob, koj yuav hais li cas rau ib tsoom Hmoob thoob ntiaj teb vim tej qho chaw tseem muaj kev tsis sib haum xeeb? Chen: Kuv tsuas xav kom peb sawv daws tsis txhob sib sib thuam sib sib khib ib tug saib taus ib tug xwb ces kev sib hawm xeeb yuav tsum muaj rau suav daws, kev sib thuam sib khib kuv tsis nyiam kiag li os. 14. Kawg no koj yuav hais li cas ua tsaug rau ib tsoom Hmoob uas txhawb nqa koj tej nkauj thiab movie ntau xyoo los? Chen: kuv tsuas muaj lo lus ua lawv tsaug uas pab txhawb nqa kuv los tau 10 xyoo no thiab tom ntej no kom nej pab txhawb kuv ntxiv mus tsis paub kawg. Lus ua Tsaug: Cov lus peb nrog kwv Chen Vang tham xaus li no, ua tsaug koj lub sij hawm los nthuav tawm tej yam koj xav hais rau koj ib tsoom phooj ywg Hmoob thoob ntiaj teb uas lawv txhawb nqa koj los lawm ntau lub xyoo nawb kwv Chen Vang. www.3haivhmoob.com |
|
Tus phooj ywg Chen Vang hais tias kom peb Hmoob Tseg txoj kev sib khib, sib thuam thiab ib tug saib taus ib tug xwb ces kev haum xeeb ntawm peb Hmoob yeej muaj xwb koj puas ntseeg li ntawv? Sau rau nram qab no.
Nias rov nov mus nplooj Tub Yeeb Yaj Kiab
Widget is loading comments...