Hlub Thaum Yau Los Tsis Tau Koj
Nplooj1 Lub sij hawm no koj sawv los koj zaum...koj zaum los koj pw...lub sij hawm no kuv tab tom sau txog wb txoj kev hlub yav tag dhau los...thiab kuv tab tom nco txog ib tug tib neeg nyob rau nruab siab txhua lub sij hawm ib vuag dua zoo li npau suav dhau mus....
Kab yog kuv thawj tug hluas nkauj nyob hauv kuv lub neej wb sib paub thaum wb tseem yau2 thaum tseem khawb2 kab npis los txog hnub kuv nyiam nws thiab nws nyiam kuv, kuv nco nws thiab nws nco kuv heev li... Dhau los tau 6 xyoos tom qab wb tseem txawj sib nco tshaj qhov qub tuaj lawm ntau npaug ntxiv thiab wb 2 leeg nyob zoo li txij nkawm, thaum nws mus ua teb lawm txog caij nws rov los teb kuv khiav2 tuaj tos nws rau tej yas kev. Thaum wb sib ntsib kiag lawm yog tias tsis puag thiab tsis hnia siab yeej tsis nqig li yuav tsum hnia xwb mas thiaj li kaj siab. Txhua2 txoj hauv kev thiab txhua daim teb wb tau mus ua ke wb yeej lom zem npaum li qhov wb yuav lom zem tau. Yeej tsis muaj dab tsi yuav los pauv tau wb txoj kev sib hlub kiag li, muaj tej lub sij hawm wb tau mus ncig txog tej roob hav cua tuaj nplaws ntws hnov kab noog quaj zom zaws wb kev hlub yeej lom zem npaum li ntawv thiab. Tom qab ntawv cov laus thiaj li muaj dua ib txog kev xav lawv thiaj li muab wb sib cais zoo li tus mi nyuam muab txiav mis yog ib txog kev tsaus ntuj tshaj nyob rau lub sij hawm thaum ntawv, ntau zaug nws ua nws lub kua muag poob rau kuv saib ntawm kuv lub ntsiab muag mob kuv lub siab li ib tug neeg muab rab riam hlais kuv cov siab ntsws ua rau kuv los2 lub kua muag ntws tawm los cuag dej. |
Nplooj2 Ua ntej thaum nws yuav mus yuav txiv zoo li lub ntiaj teb no rov pob puas ntsoog tag yam tej nplooj xyoob nplooj ntoos uas raug kub hnyiab es thaum kawg tsuas tshuav cov hluav lawm xwb... Thaum kuv tus hluas nkauj txiav txim siab mus yuav txiv lawm yuav kuv tshuav ces yog lub kua muag thiab nplooj siab nplooj ntsws uas mob cuag muab riam hlais pleev ntsev lawm xwb... Nws thiaj tso tag nrho wb tej chaw sib cuag thiab txhua txoj kev wb tau tsim muaj los rau kuv ib leeg nco daws txoj kev nco lawm xwb os cov phooj ywg.
Nij hnub nim no tej nroj ntsuag xyoob ntoo twb loj hlob hloov tag mus lawm tab tsis tshuav kuv lub siab tseem hloov tsis tau tau kiag li...tsis paub tias xyov yuav ntev mus pes tsawg xyoo lub neej no nplooj siab thiaj yuav kaj thiaj yuav tsis hnov qab txob ib tug neeg uas ib txwm hlub thaum yus tseem me me los lawm...Muaj qee lub caij kuv tseem ua yog toog zoo li taug kev mus tos nws tim tej kev ua liaj ua teb uas kuv yeej ib txwm tos nws tab sis tsim los no yog ua yog toog npau suav xwb.... Kuv xav tias yog nws tuag lawm no ntshe kuv twb tsis nco nws luaj no vim lub caij kuv nco txog nws kuv mam li nqa ib res paj coj mus tso tim ntxa xwb..tab sis tus neeg mus yuav txiv li no no ces nws yeej tuag lawm thiab tab sis yog tuaj caij xwb ces nco npaum cas los tsis pom qab yuav nqa tau ib res paj mus pub rau nws ...cas yuav kho siab luaj no... Txawm li cas los lub neej no tseem tshuav ntev ntev kuv yuav maj mam peem mus lawm tom ntej seb puas muaj ib hnub yawm saub yuav muab tau ib tug uas hlub hlub kuv los hloov nws qhov me chaw es kom lub siab no thiaj yuav kaj xwb....Thaum kawg no thov ua tsau ntau rau vas sab www.hmongmeka.com uas muab qhov chaw no rau kuv coj kuv txoj kev lwj siab tuaj pov tseg....es hnub no lub siab kaj zog lawm...Mam rov ntsib nej dua lwm zaus.. Ua tsaug ntau.... Cai Xyooj |
Lus Ceeb Toom:
Cov dab neeg kev hlub thiab txhua yam hauv3haivhmoob.com no peb tsuas yog tso rau sauv daws tau tuaj nyeem laug caij nyoog xwb txwv tsis pub leej twg muab luam mus muag los yog ua lag luam, yog koj coj mus kho los yog ua lwm yam tsis tau qhia rau peb paub , thaum peb tshawb tau lawm koj yuav raug nplua raws txoj cai ntawm lub teb chaw koj nyob ko. Ua tsaug ntau: 3HaivHmooB.Com |
|
Nco Ntsoov: Txhob hu xov tooj rau lawv cov kev lag luam lawv tso hauv no yog tias koj tsis muaj feem txog kev lag luam nawb. Ua tsaug