Alee Thiab YooB YiB Txoj Kev Hlub Tag Los Nco Tsis Ploj....
Tus sau: Yoob Yib Lee Email: tseemhlub@yahoo.com Peb ua neeg nyob hauv ntiaj teb no yog yus tau tus neeg yus hlub lawm ces twb tsis luaj twg, tiam sis yog leej twg plam tus neeg yus hlub uas ob leeg tseem sib2 hlub es cia li mus ua luag tus lawm mas mob lub siab luaj lub ntuj khuv2 Xim tuag kiag los twb tsis nrov zoo li os. Alee thaum koj tau nyeem wb zaj dab neeg no thov kom koj paub tias: txawm yuav muaj tib neeg coob npaum nplooj ntau npaum cov xuab zeb nram hiav txwv los yeej tsis muaj ib tug neeg twg zoo li koj, koj thiaj yog tus nraug hmoob uas kuv nyiam, kuv tshaw, tus yog Txiv neej uas kuv npau suav toog nrhiav hauv kuv lub neej kuv txoj kev hlub tsuas xav muab rau koj ib leeg xwb no os mog. Kuv tau hlub nrog ib tus nraug hmoob Muas hu ua Alee wb tau los Sib Paub thiab muaj txoj kev hlub zoo heev vim lub sij hawm ntawv wb nyias ua nyias hauj lwm ib leeg nyob ib qho thiaj li tsis tau Sib cuag li lub siab xav, wb tos lub sij hawm Sib ntsib mas tos cuag me nyuam qhis Niam lub mis los cas twb tsis txawj txog tiam sis sij hawm sib ntsib yuav tau Sib ncaim cas yuav sai cuag li ib ntsais muag xwb. Muaj ib hmo koj puas tseem nco tsaus ntuj hmo ntawv kuv thiab koj wb zaum nraum zoov koj pw hauv kuv xub ntiag wb ob leeg sib thab sib zeg muaj txoj kev lom zem, kev zov siab tshaj tiam no tshe yuav nco tshoov rau nruab siab mu ib ntxhis mu li os..... Sij hawm ua rau wb muaj txoj kev kaj siab heev os tus hlub koj puas tseem nco muaj ib tug neeg tau los nrog koj pw qee hmo ntawm koj lub tsev so wb ob leeg tham tuj taws ntuj teb tag hmo kuv pw koj xub ntiag koj npab rau kuv ncoo hnov koj lub suab txhi yau yau tias hlub kuv no ua cas lub neej no yuav muaj txoj kev kaj siab ua luaj li. Kuv tseem nco muaj ib hmo kuv pw koj xub ntiag kuv ua ib tug npau suav phem koj tau hais rau kuv tias tus hlub koj npau suav phem sav puas yog koj rub zog kuv los puag koj hais tias txhob tshai muaj kuv nyob ntawm no lawm kuv tsis pub koj ua cas li o, sij hawm ntawv ua rau kuv tsis nco ntshai dab tsi li os. Tab sis tom qab Alee raug xa mus hauj lwm nyob txawv nroog nws thiaj yog txoj kev ua wb yuav tau Sib ncaim mus. Ua cas muaj ib hmo dab ntub los tsis tuaj PW los tsis tsaug zog hmo no koj tseem puag kuv pw li txhua txhua hmo los cas hnov lub kua muag poob ntws sis twj ywm los koj so kuv lub kua muag koj hais tias txhob quaj ma txawm kuv mus deb lawm los wb txoj kev hlub yeej tsis hloov kuv tsuas hlub koj xwb mus hauj lwm tsuag tsuag kuv yuav rov tuaj cuag koj dua. sij hawm ntawv koj lub kua muag poob nthav ua rau kuv Paub tias koj yeej mob siab zoo li kuv thiab hmo ntawv wb lub suab luag nrog lub suab quaj ua ke ib hmo. Txoj kev Sib nco ua rau lub sij hawm khiav ceev heev los cas nrog koj nyob tsis txaus txawm siv txog sij hawm ncaim lawm tiag. Koj tej khoom koj tseg CIA rau kuv kuv yuav ua zoo khaws cia nrog tiv plhaib koj muab rau kuv kuv yuav coj thiab khaws tseg mus ib sim tias yog koj ntiag tug , hos kuv li khoom tau muab rau koj los ua zoo khaws cia saib ua dab muag tias yog kuv muab rau koj no mog yog tsis zoo li lub siab xav koj tsis nrov tuaj los yog koj tuaj es tsis muaj kuv lawm. Hnub Tim 5/12/2015 yog hnub wb tau Sib ncaim mob wb ob lub siab khis rhe vim yog kuv tsis yog koj lub cev es koj txog twg kuv txog ntawv os tus hlub คิวรถสายเหนีอ thaj me chaw poob kua muag 4:00 pm kuv xa koj tuaj txog wb tau mus yuav khoom rau koj kuv tsis muaj dab tsis tsuas ntim tau ib pob su rau koj xwb kuv tseem nco koj mus yuav tau ob lub tsho rau kuv niam thiab ua tsaug nawb kuv tus me neeg siab zoo, yuav sib ncaim lawm tiag hais tsis tau ib los li cas thiaj zoo kuv lub siab tsis quaj los kua muag poob kuv xa koj los nce tsheb kuv hais rau koj tias tus hlub mus zoo koj nawb mog saib xyuas koj tus kheej kom zoo mus txhob siab phem nco ntsoov tias kuv tseem zov wb thaj me chaw nyob tos koj rov tuaj tsis txhob muab wb txoj kev hlub los xaus li no nawb mog. Koj hais rau kuv tias koj nyob los saib xyuas koj tus kheej rau siab ua hauj lwm txhob siab phem tsis ntev xwb wb twb yuav sib cuag lawm Tsheb yuav tawm kuv xa koj nce tsheb lawm hos kuv tig loo los mus cab kuv lub tsheb tawm los mus tsev sij hawm ntawv kuv pom koj khiav2 los ntawm kuv thiab los hle hlo kuv lub kaus mom thiab hnia kiag kuv ib pas koj lub kua muag poob nthav ces koj khiav rov mus tsis hais ib los li cas. Wb Sib ncaim zaum no ua rau Sib nco heev ib hnub tag 3-4 daim npav los twb tsis tag tej lus yuav Sib qhia. Koj nciam kuv mus lawm kuv nrov tuaj mus txog thaj chaw koj nyob lub tsev xauj koj ib txwm so, lub rooj noj mov uas koj ib txwm noj thiab ho tau muaj kuv los nrog koj noj ua ke nyob rau qee zaus, sab khau koj hle tseg cia tsis muaj tus los rau, lub qhov rooj koj ib txwm qhib hnub no kaw rooj nti qhov me chaw ntxuav tais diav uas kuv los ntxuav qee zaus, lub chav dej uas wb da ua ke niam no ces phob xuav tseg cas yuav ua rau kuv NCO koj ua luaj li zoo li pom koj zim zuag kuv yuav ua cas NCO koj pluas mov zaub tsuag ntxuag zaub kib xyaw nqaij haus dej qab zib lom zem ua ke vim li cas koj thiaj yog tus txiv neej uas muab tau txoj kev zoo kev zov siab rau kuv ua luaj. kuv lub kua muag poob qhia hais tia skuv NCO koj tshaj plaws tiam sis hais qhia tsis tau rau leej twg kuv ces niaj hnub muab koj wb tej chaw ncig NCO koj ua tshav ua nag los kuv lub siab twb tsis zoo. Koj los mus hauj lwm zaum no koj tau los mus saib niam thiab txiv lawv thiab ua rau kuv zoo siab nrog koj thiab muab 30 xyoo 2015 noj dua tsis ntev tom qab koj tau hu ib tsab xov tooj tuaj koj quaj quaj thiab hais rau kuv tias , koj qhia tias koj paub kuv nyob nram vieng koj xav yuav kuv ua poj niam no tiam sis niam thiab nkawv tsis pom zoo vim nyob txoj kev deb nkawv thiaj li kom koj mus yuav ib tug ntxhais nyob ze ntawm nej ua koj poj niam thaum kuv hnov koj hais tej lus no ces kuv lub kua muag teev tsis tau mob kuv lub siab npaum nkaus koj muab ib rab niam npub2 haus coj los mus npuj rau hauv kuv lub plawv. Sim men neej no ntshe wb hmoov tsis txog es wb thiaj los xaus li no.vim koj yog tus niam thiab txiv CIA siab niam nkawv yog tus yug tau koj los ces koj yuav tau ua li luag hais, thaum kawg Alee thiaj Txiav txim siab ua raws li niam nkawv txoj kev npau suav seb raws puas tau tus npau suav uas luag cia siab rau nws. Wb txoj kev hlub kev ua zoo yav tag dhau los kuv txoj kev tos koj thiaj dhau los mus ua lub kua muag ua cas tus neeg koj yuav ho tsis yog kuv tus kuv yuav ho tsis yog koj......ntshe lub neej no yuav mus ua lub neej nrog ib txoj kev tshua poob kua muag nyob nrog txoj kev khuv Xim mus tag ib sim neej. Alee koj tau hais rau kuv tias tiam no txawm wb tsis tau sib sau los ua txij nkawm los kom kuv nco ntsoov tias koj yeej yuav hlub yuav pab kuv yuav nyob ntawm kuv ib Sab mus ib ntxhis kom kuv Paub tias hauv tiaj teb no tus Poj niam uas koj hlub tshaj plaws yog yoob yib ib leeg xwb no os mog. Kuv tsis pom qab tu siab dab tsis rau koj vim niam thiab Txiv txoj kev cia siab lawm ces kuv mam ua ib siab nyob tos txoj hmoo lawm xwb lub neej no kuv tsis xav nrhiav dua tus tshiab lawm vim yeej Paub lawm tias yeej tsis muaj tus yuav los nyob tau koj qhov chaw lawm os. Koj txoj kev hlub kev ua zoo yuav nyob nrog kuv mus txhua2 tiam kuv yuav khaws koj tej me kev hlub rau kuv rau nruab siab mus tag kuv ib sim neej. Ib tsoom phooj ywg Zoo txoj kev sib hlub loj tshaj txhua yam tiam sis kev hlub yeej ua tsis tau txhua yam yog koj plam tus neeg koj hlub vim txoj kev tsis txhawj sib yoog ces yuav tsis pom qab tu siab tiam sis yog koj plam koj txoj kev hlub vim raug luag quab yuam ces yuav mob ob leej lub siab mus tsis txhawj zoo, tshe txoj me kev khuv xim yuav nrog koj ua neej mus txog hnub tuag os mog. Ua tsaug uas koj tseem muab sij hawm los nyeem kuv zaj dab neeg no thiab ua tsaug rau www.3 haivhmoob.com uas tseem muaj qhov chaws no rau kuv tau sau kuv zaj dab neeg hlub no thiab. Alee tiam no koj yog tus ib ntawm kuv ces CIA koj ua tus kawg ntawm kuv thiab tiam no tsis tau koj rau kuv hlub lawm yog lwm tiam muaj tiag li hais thov kom koj tsis txhob los ua neeg zoo li tiam no es seb tiam ntawv wb puas Sib tau o mog. Sau npe: Koj tus Yoob Yib uas ib txwm hlub koj