Tu Siab Vim Kuv Txom Nyem |
Tus sau: Aib tshuaj Lee
Email:keebkwmhmoob@gmail.com
Phone :+85 - 620 - 23338160
From:Laos
Hnub no cua tuaj ntxiag pos huab zig niab rau tej toj roob hauv pes...kho siab zim zoo li kuv lub siab nyob tsis kaj yam cov huab tsis paub tshem tawm ntawm lub hnub mus li...kuv yuav hais txog ib zag dab neeg uas muaj tseeb nyob hauv kuv lub neej ib vuag 7 xyoo dhau los lawm . Please follow my love story from The start to the End.
nyob rau xyoo 2006 muaj ib tug tub hmoob toj siab tau kawm tag high school thiab tuaj mus kawm nyob rau University xyoo 2006 tom qab kuv kawm xyoo 3 second Exam lawm kuv thiaj li tau mus ntsib ib tug hluas nkauj nws yog xeem hawj nyob rau lub zos Moos Kauj Xeev Npaus Lib Qhas Xais npe hu ua : Maiv hawj, Nws yog ib tug ntxhais ua ntxim hlub heev thiab zoo tau raug kuv lub siab heev , nyob rau thawj zaug uas kuv tau ntsib nws thiab nrog nws hais lus xwb twb zoo li kuv paub nws los tau ntaus 2 xyoo lawm dhau ntawv los kuv thiaj li tau thov nws tus xov tooj thiab thiaj li hu rau nws txhua 2 hnub thaum kuv lawb ntawv los tsev. Txij li hnub ntawv los wb txoj kev hlub kuj pib loj hlob zuj zus tuaj nws lub suab thiab lo lus tseem ua tau rau kuv nyob luag ntxhi tsis muaj kev nyuaj siab dab tsi li. Tus hluas nkauj no nws yog thawj tug tib neeg uas muaj lub peev xwm heev. yog li Maiv thiaj li nyiag tau kuv 48 nplooj siab tag mus lawm , tsis ntev dhau mus lub sij hawm noj 30 twb los yuav txog lawm tiag 2 li yog li kuv thiaj li tau mus nrog nws ua si thaum hmoob lub tsiab 30 nyob rau lub zos pham moos tau ib lub week...tom qab ntawv yuav rov txog kuv lub caij yuav rov mus kawm ntawv lawm yog li kuv thiaj li tau ncaim nws los mus kawm ntawv lawm ...txawm tias kuv ncaim mus lawm los lub siab yeej nrog maiv nyob txhua2 lub sij hawm ...tom qab hmoob lub tsiab 30 tau tag mus lawm nplog lub Boun Pi Mai ho los txog yog li kuv thiaj li rov qab mus nrog maiv tab ssi tu siab zaum no kuv tsis paub tias mus es leej twg yuav mob siab thiab yuav rov los nrog txoj kev lwj siab,..yog li thaum kuv mus txog tom maiv lawv lub zos kuv thiaj li tau mus so ntawm kuv ib tug phooj ywg hmoob hawj nws lub tsev nyob rau hnub ntawv tsaus ntuj kuv tau mus nrog maiv hais lus thiab nyob ib pliag li ntawm 9 teev xwb kuv rov los mus pw lawm ... Tag kis kaj ntug kuv rov hu xov tooj rau maiv tias ib pliag kuv tuaj es wb mus ua si os nawb tab sis maiv nws hais rau kuv tias Tau kawg mas tab si kuv tseem nrog kuv pog lawv ua hauj lwm es kuv tseem tsis tau khoom os ..yog li kuv thiaj li hais rau maiv tias tsis ua li cas cia koj ua hauj lwm kom tag tso wb mam li mus ua si los tau kawg ....kuv tos maiv twb yog 9 teev lawm ces kuv mam li rov hu foos rau maiv los nws tseem hais li qub rau kuv thiab yog li kuv thiaj li xav tias ab ...yog ua li cas txhia niaj txhia zaus maiv twb tsis zoo li no nab ua li cas rau nws lawm ...kuv tseem xav li no hauv kuv lub siab xwb yog li kuv thiaj li ua siab ntev tos maiv zaum 3 los maiv tseem hais li qub rau kuv thiab yog li kuv thiaj li txiav txim siab mus tim maiv lawv tsev tab sis kuv tsis qhia maiv paub ( Tu siab heev li os cov phooj ywg) thaum kuv mus txog tim maiv lawv lub tsev no ua li cas kuv pom maiv thiab ib tug tub hmoob hnub nyoog kwv yees li ntawm 35-40 xyoo ntawv lawm nrog maiv sib thab sib thab hauv maiv lawv tsev |
thaum kuv pom zoo li no kuv thiaj li xav twj ywm hauv siab tias yog vim li cas maiv nws thiaj li tua tau kuv las ntsev zoo li no...yog li kuv lub kua muag poob nthav tam sim ntawv kuv tsis qhia rau maiv paub kuv thiaj li ua ib siab so kua muag tsis pub poob rau tus neeg siab nyoos siab ntais ntuj li maiv no yog li kuv thiaj los ntawm kuv tus phoojywg lub tsev uas kuv pw thiab kuv los tu kuv cov khoom tag ces kuv rov qab los mus tsev lawm kuv twb los txog ib tog kev lawm kuv mam li hu rau maiv tias maiv as koj mam nyob nawb mog koj tsis khoom ces kuv mus tsev lawm os kuv tus neeg siab dawb siab zoo...kuv hais rau maiv tias cia seb kuv pusa muaj sij hawm tuaj saib koj lawm os nawb yog muaj no kuv mam li rov qab tuaj saib koj dua lwm zaus lawm xwb mog ...
Thaum kuv hais li no tag rau maiv ces maiv paub tias tej zaum kuv pom qee yam ntawm maiv lawm kuv thiaj li los yam tsis hais qhia rau maiv paub yog li maiv thiaj li quaj kiag rau kuv thiab maiv hais rau kuv tias: maiv thov txim yam uas kuv pom ntawv tsis yog li qhov uas kuv xav nws yog maiv tus txiv ntxawm xwb los kuv hasi rau maiv tias kuv tsis xav li cas nws yog koj tus txiv ntxawm xwb ned? kuv tsis xav li cas os zoo siab xwb os maiv ces kuv muab foos tu kiag lawm twb tau li ib lub week lawm kuv mam li rov qab qhib kuv lub foos ces maiv mam li hu tau tuaj rau kuv. Nyob li ntawm kuv los yeej hlub maiv tag kuv lub siab lub ntsws yeej tsis muaj ib yam dab tsi yuav pauv tau maiv ntawm kuv li ...zaum no kuv zam txim rau koj lawm os kuv tsis xav li cas rau koj li mog... txij hnub ntawv los maiv wb rov sib hlub zoo dua qub lawm thiab kuv tsis paub tias xyov kuv lub siab no tseem yog siab neeg los yog siab aub lawm xwb ...vim yog txoj kev hlub maiv thiaj li ua rau kuv dig muag tag zoo li no ..kuv tau ua txhua yam rau maiv li maiv lub siab ntshaw tab sis tu siab thaum kawg vim yus txoj kev txom nyem maiv thiaj li khiav kuv mus yuav txiv hmoob mes kas lawm maiv rov tua kuv tuag ciaj dua zaum 2 kuv yuav luag ua poj ntxoog noj qaib nyoos ...maiv mus yuav txiv yam tsis qhia rau kuv ib los li....... Ntuj aws.... yog ua li cas luag thiaj li ua li no rau yus... maiv koj nim mus tau lub neej noj qab hnav zoo tau nyob lub teb chaws vam meej li koj txoj kev npau suav lawm tej zaum koj yuav tsis nco qab kuv lawm os maiv ...kav tsij ua lub siab loj siab zoo hlub yus tus txiv nawb mog koj lub neej thiaj li yuav zoo os nawb... Nyob li ntawm kuv ces mam li xav tias koj tuag mus lawm tab sis tsis muaj ntxa no os mog yog ib hnub twg koj tau tuaj pom kuv tsab ntawv no ces tig tuaj rau sab los tsuas thiab xav txog lub caij thaum wb tseem zoo zoo ib nyuag pliag nawb mog.... kuv tseem nyob li qub tsuas yog koj hloov sib mus lawm..thiab tej nroj tsuag uas ib txwm nrog wb nyob rau lub caij ntawv los nws kuj tau loj hlob hloov tag mus lawm..tus tsis tau hloov ces tsuas yog tshuav kuv lawm xwb... Kuv zaj lus taum huam los xaus li no lawm xwb thov ua tsaug ntau2 rau 3haivhmoob.com uas koj tseem muaj qhov chaw no rau leej tib neeg uas muaj txoj kev lwj siab tuaj hais qhia rau tib neeg ntiaj teb tias muaj neeg lwj siab no os lod,...es mam rov ntsib dua ib tsoom phooj ywg rau lwm zaus...nyob zoo nej mog.. Saunpe: Aibtshuaj LEE Tus uas tseem nyob nrog thaj chaw qub.. |
Lus Ceeb Toom:
Cov dab neeg kev hlub thiab txhua yam hauv 3haivhmoob.com no peb tsuas yog tso rau sauv daws tau tuaj nyeem laug caij nyoog xwb txwv tsis pub leej twg muab luam mus muag los yog ua lag luam, yog koj coj mus kho los yog ua lwm yam tsis tau qhia rau peb paub , thaum peb tshawb tau lawm koj yuav raug nplua raws txoj cai ntawm lub teb chaw koj nyob ko.
Ua tsaug ntau:
3HaivHmooB.Com
Cov dab neeg kev hlub thiab txhua yam hauv 3haivhmoob.com no peb tsuas yog tso rau sauv daws tau tuaj nyeem laug caij nyoog xwb txwv tsis pub leej twg muab luam mus muag los yog ua lag luam, yog koj coj mus kho los yog ua lwm yam tsis tau qhia rau peb paub , thaum peb tshawb tau lawm koj yuav raug nplua raws txoj cai ntawm lub teb chaw koj nyob ko.
Ua tsaug ntau:
3HaivHmooB.Com
