2 Leeg Tuag 1 Lub Qhov Dej
|
|
Nplooj-1 2 leeg tuag ib lub qhov dej
nyob zoo ib tsoom phooj ywg sawv daws uas nej tau tuaj nyeem dab neeg nyob rau hauv www.3haivhmoob.com.ntawm no kuv yuav piav ib txog dab neeg uas tu siab thiab txaus ntshai heev rau peb sawv daws tau mloog thiab ua kev kawm .. Muaj ib hnub nyob rau xyoo 2008 thaum lub 8 hli ntuj ntawv txawm muaj ib yim hmoob vaj nyob tom lub zos xoom xab maim uas nyob ze rau sab av liab lav kaum hauv teb chaws nplog. Yim neeg no muaj ib lub qhov dej tsw 2 lwj ces txawm muaj ib tug tub hmoob vaj nyob rau pem lub zos moos om tuaj kawm ntawv tom Dong dok los saib lawv ces tus txiv tsev hauv yim hmoob vaj ntawv txawm hais rau tus tub ntawv tias: "me tub koj sim nqis mus saib hauv lub qhov dej seb yog muaj dab tsi tuag rau hauv cas ho tsw2 lwj os.?".ces tus tub ntawv teb tias awm ua li os koj mus nrhiav ntaiv los es kuv mam nqis mus os... Tus txiv tsev ntawv thiaj mus nrhiav tau tus ntaiv los ces tus tub ntawv cia li tuav tus ntaiv thiab txoj hlua uas khi lub cav nqus dej nqe mus lawm xwb ces tus tub ntawv txawm hais tias tos lub qhov dej ho tsw tsw lwj los twb yog muaj niag nab tuag poob hauv no es thiaj tsw tsw lwj os...ces tus tub txawm hais tias kom tus txiv tsev mus nrhiav dab tsi tuaj nws yawm tus nab ntawm pov tseg...thaum ntawv tus txiv tsev thiaj mus nrhiav tau ib lub cib laug tuaj ces tus tub uas nqis mus hauv qhov dej ntawv twb ploj twj ywm lub qhov dej los twb tsis laim li lawm twb teeg teeg lawm xwb.. Lub sij hawm ntawv tus txiv tsev no thiaj hu hais tias me tub "me tub ua cas rau koj lawm ua cas koj tsis hais lus thiab ho tsis pom dej co lawm" ces tus txiv tsev ntawv mam quaj hu ces ho tab tom muaj ib niam txiv hu txawj xyooj vaj no nkawv muaj ib tug tub ces tab tom hnub ntawv ib niam txiv ntawv thiab nkawv tus tub tseem mus sau pob kws ces lawv nyuam qhuav mus sau pob kws thauj los txog tsev xwb thaj tsam li 4 moo tsaus ntuj ces lub tsheb ho puas lawm ces leej tub ho muab lub tsheb hle coj mus kho pem ib tug kwv tij hmoob vaj uas lawv nyob ua ke ib pawg ntawv... Thaum no tus txiv tsev ntawv leej niam txawm quaj hu nrov 2 khiav tuaj nram yim hmoob vaj uas tus tub mus kho tsheb ces tus tub ntawv hnov dheev ces txawm cia li tso plhuav lub log tsheb cia ces cia li khiav mus pem yim hmoob uas tus tub poob dej ua ntej ntawv lawv lub tsev ces tus tub ntawv txawm dhia dhia mus txog ces tus txiv tsev hais rau tias "me tub koj nqis mus pab tus tub nyob hauv qhov dej os nws poob hauv es tog hauv lawm os.." |
Nplooj-2ces tus tub ntawv thiaj tau dov txoj hlua khi lub cav nqus dej ntawv nqis mus pab tus poob ua ntej tab sis mas tus poob ua ntej ces hnav lub ris luv thiab lub tsho me tab sis tus nqis tom qab ces hle khaub ncaws tag lawm tsuas hnav lub ris me xwb thaum nws nqis mus txog hauv ces nws tsuas hais tau rau lawv tias tus poob ua ntej tog lawm os... thiab nws twb tuag lawm os..es nej yuav tau cev tus ntaiv tuaj pab kuv es kuv mam nrub nws los .
Tab sis txhua txhua yam tsis zoo li xav es tus nqis mus tom qab los tau hu hais tias pab kuv os pab kuv os...xwb ces nws cia li ploj mus nrog tus mus ua ntej lawm thiab ...tus tub uas nqis ua ntej ces nyob pem moos om hos tus nqis ua qab ces nyob xoom xab maim ..lub sij hawm ntawv ces lawv tus txiv tsev ces quaj quaj qw qw ces cov neeg zej zog mam tuaj ces lawv sawv daws siv txhua txhua lub tswv yim pab seb ho muab puas tau ob tug tub uas tau poob rau hauv lub qhov dej ntawv los yeej ua tsis tau li cas li lawm... Lub sij hawm twb dhau mus rau 8 teev tsaus ntuj mam li muab tau 2 tug tub ntawv tawm hauv lub qhov dej los...ces nkawv twb tuag tag lawm.. hmo ntawv txawm muab tus tub nyob xoom xab maim ua dab ua qhua hos tus tub nyob pem moos om ces cia li muab tu zam pw cia nraum zoov ntawm tus txiv tsev uas yog tus tswv lub qhov dej ib hmo...kaj ntug tag kis ces cov kwv tij mam tuaj pem moos om tuaj txog mam tuaj thauj mus ua dab ua qhua lawm thiab wb.... zajdab neeg no mas txaus tu siab kawg vim ib niam txiv uas nyob rau xoom xab maim ntawv nkawv tsuas muaj ib leeg tub xwb yam tej dab tsi uas cia li muab nkawv tus tub mus theej txhoj lawm xwb..thiab tsis tas li ntawv los tus tub pem moos om los tseem yog tus tub ntxawg ntawm leej niam xwb thiab mas...cov niam cov txiv uas yog ob tug tub no leej niam leej txiv mas quaj quaj seev seev tau 3 lub hlsi mam ua tau ib siab zuj zus os. Tom qab no muab ob tug tub ntawv faus pov tsev tag ces mam hnov cov hmoob uas lawv ntiav mus khawb lawv lub qhov dej ntawv tham hais tias lub sij hawm thaum lawv tuaj khawb lub qhov dej ntawv lawv twb khawb tau ib khub cua nab dawb dawb pov tseg lawm no thiab tom qab dhau qhov no ces xob ho tua lub qhov dej ntawv pob tag nrho lawm...tsis paub tias vim dab tsi li nkawv ob leeg thiaj li tau tuag rau ib lub qhov dej os..... Thov hais rau peb ib tsoom hmoob ib tug twb mus ua ntej lawm tseem muaj li cas los txhob maj maj nqis mus os yuav tsum tau sab laj tso os.. nov yog thawj zaug hauv kuv lub neej sau dab neeg xwb txawm sau tau yuam kev los thov zam lub txim pub os.....thiab thov ua tsaug rau www.3haivhmoob.com uas tsim qhov chaw no rau peb tuaj tso dab neeg ua keeb kwm tseg. Ua tsaug ntau, Sau npe: tsev neeg hmoob vaj |
Lus Ua Tsaug:
3haivhmoob.com thov ua tsaug rau tsev neeg xeem vaj los yog Txawj Xyooj Vaj uas koj muab txoj keeb kwm no tuaj piav qhia kom suav daws ceev faj txog tej yam zoo li no, Kuj nrog ob tsev neeg uas nej ob tug tub tau tag sim neej tu siab kawg nkaus thiab..ntseeg tias nkawv ob tug ntsuj plig mus kaj siab lug lawm..cov nyob tom qab los thov kom sib hlub xwb nawb mog..
3haivhmoob.com thov ua tsaug rau tsev neeg xeem vaj los yog Txawj Xyooj Vaj uas koj muab txoj keeb kwm no tuaj piav qhia kom suav daws ceev faj txog tej yam zoo li no, Kuj nrog ob tsev neeg uas nej ob tug tub tau tag sim neej tu siab kawg nkaus thiab..ntseeg tias nkawv ob tug ntsuj plig mus kaj siab lug lawm..cov nyob tom qab los thov kom sib hlub xwb nawb mog..
Ceeb Toom:
Thov txhob muab cov dab neeg dab los yog kev hlub hauv no coj mus tso rau ntawm koj lub website los yog Forum yog tias koj tsis tau qhia rau peb paub vam tias nej suav daws yuav koom tias. Nov yog ib qho peb yuav tau fwm tus neeg uas nws tau tuaj sau rau suav daws nyeem laug hnub nyoog kom txhob laj nyob.
Ua tsaug ntau.
3HaivHmooB
Thov txhob muab cov dab neeg dab los yog kev hlub hauv no coj mus tso rau ntawm koj lub website los yog Forum yog tias koj tsis tau qhia rau peb paub vam tias nej suav daws yuav koom tias. Nov yog ib qho peb yuav tau fwm tus neeg uas nws tau tuaj sau rau suav daws nyeem laug hnub nyoog kom txhob laj nyob.
Ua tsaug ntau.
3HaivHmooB
