Picture
Xyoo 2015 no yog Yaj xyoo. Tus tsiaj no nws yog ib tug tsiaj uas zoo heev nyob rau ntawm tib neeg suav los yog cov haiv neeg uas tseem coj tej laus li kev cai ntau tiam neeg los.  Raws li keeb kwm 12 tug tsiaj kav lub niaj lub xyoo txoj hmoo kav lub xyoo 2015 no yog Ntoo thiab cov kob los kav yog ntsuab ( los yog xim ntsuab). Tus tsiaj xyoo no uas yog Yaj no nws yuav pib kav thaum  hnub tim 19 Lub 2 Hlis ntuj Xyoo 2015 no ncig mus txog rau Hnub tim 7 Lub 2 Hlis ntuj xyoo 2016. Yaj yog tus tsiaj 8 ntawm tag nrho 12 tuag tsiaj thiab tus zauv 8 ( los yog lej 8) no nws yog ib tug zoo.  Qhov tau txais yog, Kev txawj ntses, Koob Hmoov Zoo, thiab kev Muaj Nyiaj Nplua nuj.

                                   Cov tsiaj 12 kav lub niaj xyoo muaj li nram no:

  1. NAS 
  2. NYUJ 
  3. TSOV
  4. LUAV
  5. ZAJ  
  6. NAB
  7. NEES
  8. YAJ
  9. LIAB
  10. QAIB
  11. DEV
  12. NPUA
12 tug tsiaj no suav ntawm nas mus txog rau npua ces ho rov qab los pib nas dua. 12 lub xyoos  twg rov ncig los txog tus tsiaj qub dua ib zaug. Kev khwv noj khwv haus nyob ntawm lub xyoo tus tsiaj twg kav nws lub fwj chim zoo li cas ces tib neeg txoj kev ua noj ua haus nws ncig mus raws li ntawv xwb,  seb koj yug rau xyoo twg ces txoj kev khwv noj yuav mus raws fwj chim ntawm tus tsiaj kav lub ntiaj teb xyoo ntawv.
Sib Yuav Zoo
Yuav txij nkawm  tus tsiaj dab tsi thiaj sib haum? Koj thiab nws yug raws cov tsiaj nram no ces tsis sib ceg, txawm sib ceg los me ntsis xwb  tsis ua cas , khwv noj khwv haus los kuj tau.
  • Yug  Nas thiab Nyuj xyoo sib yuav zoo.
  • Yug Npua thiab Tsov xyoo sib yuav zoo
  • Yug Dev thiab Luav xyoo sib yuav zoo
  • Yug Qaib thiab Zaj  xyoo sib yuav zoo
  • Yug Liab thiab Nab xyoo sib yuav zoo
  • Yug Yaj thiab Nees  xyoo sib yuav zoo.
Sib Yuav Tsis Zoo
Yuav txij nkawm tus tsiaj dab tsi tsis sib haum? Yog koj los yog nws yug rau lub xyoo uas poob rau cov tsiaj li nram no neb sib yuav tau mas muaj ntsis sib ceg rau lub neej, kev khwv noj haus los nyuaj .
  • Yug Nas thiab Nees  yuav tsis zoo
  • Yug Nyuj thiab Yaj yuav tsis zoo
  • Yug Tsov thiab Liab yuav tsis zoo
  • Yug Luav thiab Qaib Yuav tsis zoo
  • Yug Zaj thiab Dev yuav tsis zoo
  • Yug Nab thiab Npua yuav tsis zoo.
Ceeb Toom: 12 tug tsiaj thiab cov kev tshab txhais cov lus saum no peb tsuas yog tso ua kev kawm xwb tsis tau ntaus nqi tias txhua yam yuav siv tau thiab muaj tseeb raws li kev teev tseg yog li..nej tuaj nyeem ua kev kawm xwb, txhob muab khaws rau koj lub siab ua ib qho kev zoo siab los yog ntshai rau yus tus kheej. Yam koj nij hnub ua tau thiaj yog qhov tseeb xwb nawb.