IB Tug Tub Hluas Poob Pas Zaj Tuag

Dab  Zaj yeej muaj tseeb tiag nij hnub nim no los yeej tseem tshwm sim rau tib neeg zoo li zaj keeb  kwm no.  Thaum 2013 tag los no nyob rau  zos  Nab Kaj   muaj ib tug tub hluas  HmooB hu ua Zeb  mus ua teb los txog tom kev ces txawm los ib kob nag tshav ntuj thiab toj pob  tu cuag dab tsi ntawm tej roob los rau hauv kwj deg  nws pom ib tug me nyuam nab siv ceeb txaij txaij sib xyaws daws nrog cov av thiab cov dej  ua ke los lawm.
             Hmo ntawv  tsaus ntuj Zeb los pw ces txawm npau suav pom ib tug hluas nkauj zoo zoo nkauj los  hais zau zeb tias  nws zoo siab heev uas  tau ntsib Zeb nag hmo.  Txij li ntawv los ces Zeb txawm pib kho siab thiab yeej pom tus hluas nkauj no los  tag li xwb. Hnub twg yog  cov laus tsis nyob lawm ces  zoo li muaj dab tsi ua  Zeb siab  mas Zeb yeej yuav tsum tau mus ncig  rau ntawm lub ntug pas zaj  uas nyob tim taw tsua xwb nws  thiaj zoo siab rov los tsev.  Los txog thaum lub  5 hlis ntuj 2014 tag los ntawv ces zeb tau hais rau zeb tus  kwv yau tias  kom nkawv mus yawm ntses tim pas dej no, thaum nkawv mus  txog ces zeb nqis rau ntawm lub pas zaj no  nws yawm tau 3 tug me nyuam ntses rau tus kwv  muaj hnub nyoog 10 xyoo xwb ces zeb cia li ploj rau hauv lub pas  dej loj no  tsis tawm los li ces nws tus kwv thiaj tau khiav los pem tsev no los hais rau nws txiv thiab tsev neeg. 
             Zeb txiv lawv tau mus tim lub pas dej uas yog pas zaj loj tiv mus nrhiav thiab hu npaum cas los tsis pom qhov twg li..yog li ntawv zeb txiv thiaj tau hu ntuj tias nws tus tub tsis tau ua kev txhaum dab tsi li..tab sis mas tuaj poob rau lub pas zaj no lawm xwb yog tias tsis tso tawm los  ces nws thov kom xob cia li tua tus zaj  ntawm lub pas dej no kom tuag kiag xwb no. Tag kis lawv rov qab mus nrhiav dua ces pom zeb tuag  khuam rau ntawm ib tsob  me nyuam ntoo  ntawm lub pas  zaj no..  Lawv muab coj los ua dab ua qhua tag  thiab muab zeb faus  rau tim roob toj ntxa, Zeb txiv nij hnub mus quaj ncig lub  ntxa ces muaj ib hmo  Zeb tau los ua npau suav rau Zeb txiv tias kom nws txhob quaj lawm..vim zeb mus tau lub neej zoo ua rau hauv pas zaj lawm.   Nws mus ua  Zaj tus vauv lawm..Zaj keeb kwm no yeej muaj tiag thiab nim no yeej tseem muaj tej qho zoo li no thiab ib tsoom phooj ywg  leej twg muaj tej yam txawv txawv li no ho coj  tuaj sau rau peb tau paub nawb. 
kawg no ua tsaug rau ww.3haivhmoob .com uas tsim qhov chaw piav dab rau suav daws tau tuaj nyeem thiab kawv tej yam tshiab.
Sau npe:  Vam Lis  Thoj 
                   Nyob Los Tsuas.

Lub Pas Zaj tim Taw Tsua

Tej yam txawv es muaj dab zaj los ua tib neeg siab li no koj puas ntseeg thiab xav li cas xwb?

Comment Form is loading comments...