Kev sib hlub yeej muaj tiag txawm tias ib tug twb yuav tuag mus los yog tias tuag mus lawm..txoj kev hlub haj tseem cim nyob ntsoov cia mus kom tag ib sim neej rau thaum koj tseem ua neej nyob....lub neej tiam no.. Txoj kev sib yuav yog ib qhov kev zoo siab rau ntawm tus nkauj nyab thiab nraug vauv nkawv ob leeg..Tab sis txoj kev sib yuav zaum no ntawm tus tub Luj Laim thiab nws tus hluas nkauj Khawj ci ci yog ib txoj kev sib yuav uas tu siab tshaj plaws ntawm lub neej vim tom qab txoj kev tshoob kos tiav tag ces nws tus me hluas nkauj uas ib txwm hlub ntawv txoj sia yuav tu thiab ncaim nws mus tag ib sim neej.. Xov xwm nthuav tawm hnub tim 19 lub 9 hlis 2013 , tus ntxhais Khawj ci ci tus mob nyhav heev li tom qab nws yeej pw hauv chaw kho mob loj los tau 2 lub xyoo no...pib txij li thaum xyoo 2011 los. Khawj ci ci thiab nws tus hluas nraug Luj Laim yog ib nkawm nkauj nraug sib hlub heev thiab nkawv twb npaj tau tias yuav sib sau los ua neej koom ib yig, tab sis muaj ib hnub Luj Laim tau txais xov tooj ntawm Khawj ci ci ib tug phooj ywg tias Khawj Ci Ci tsis hnov qab ntawm chaw ua hauj lwm thiab raug xa mus kho mob lawm...txij li ntawv los tus ntxhais Khawj ci ci yeej pw ntsiag to tsis hnov tom ntej tom qab tsuas yog nws lub hauv siab tseem sov sov xwb nws yeej tsis paub dab tsi li lawm, yog tias kws kho mob rho txoj ntsaws pa pab nws tawm thaum twg ces nws tag sim neej thaum ntawv xwb. Los txog hnub no tus ntxhais Khawj Ci Ci muaj hnub nyoog puv 28 xyoo thiab nws tus hluas nraug Luj Laim tau txiav txim siab ua rooj tshoob sib yuav nrog nws ua ntej uas cov kws kho mob yuav muab txoj ntsaws pa pab nws rho tawm, tsis tas li xwb tus ntxhais no niam thiab txiv kuj yuav muab nws lub cev tej yam tseem zoo coj mus pub rau lwm tus neeg mob uas yuav cawm tau lawv txoj sia. Khawj ci ci tsev neeg thiab nws tus hluas nraug tau sib tham pom zoo tias cia rho nws txoj pab ntsaws pa tawm kom nws tus ntsuj plig tau mus yam kaj siab lug txhob hnov tus mob lawm... Luj laim uas yog yog Khawj ci ci tus hluas nraug tau hais ntxiv tias: " Kuv zoo siab uas nws lub nrog cev yuav tau siv mus pab thiab cawm lwm tus tib neeg uas tos txoj kev pab kom lawv ho dim txoj sia...Tab txawm tias Khawj ci ci tau ncaim lub ntiaj teb no mus lawm los, tsuas yog ncaim nws lub cev thiab tus ntsuj plig xwb....Nyob li ntawm kuv...nws yeej tseem nyob rawv hauv kuv lub siab mus tsis ploj kiag li kom tag tiam no..." Txoj kev hlub nyob lub ntiaj teb no yeej muaj nqi tiag...yog li thov kom peb cov tseem ua neej nyob muaj txij nkawm , muaj tus hluas nkauj los yog muaj tus hluas nraug nrog koj nij hnub nim no yuav tsum sib hlub...yog koj tsis hlub...muaj ib hnub yuav lig rau koj heev thaum ntawv koj nrhiav tus neeg uas yuav hlub koj thiab koj yuav hlub ces hnub ntawv koj nrhiav tsis tau lawm......
Thank you for inf. and pictures from: http://www.ycwb.com/ &http://news.dayoo.com/ Txwv: Txwv tsis pub leej twg tuaj muab cov dab neeg kev hlub thiab lwm yam hauv no coj mus tso rau lwm lub vas sab yog tsis tau txais kev tso cai los ntawm 3haivhmoob.com.Warning: No one can copy these stories at 3haivhmoob.com to post on your own or other website without our permission. Thank you for your cooperation.
Npaj kev tuav pov fwm koj tsev neeg nco ntsoov hu rau peb txhob tos tag kis tsam muaj mob yuav tsis tau kev tuav pov fwm rau tus kheej lawm. Ua tsaug Ntau.