Yeej Suab Muas & Ntxhais Yaj Lub Neej
Nplooj1Tus Sau: yeej suab muas
Email: hmoobmovtsuas@gmail.com Phone: 963 - 473 - 498 Hnub no kuv yuav los sau kuv zaj dab neeg ntawm kuv txoj kev hlub thiab kuv lub neej uas tau muaj los tau ntau lub xyoo dhau mus lawm. Kuv lub npe hu yeej suab muas, kuv tus poj niam hu ntxhais yaj sij hwm thaum wb pib ua wb lub neej nyob ntawm nyab laj qab teb thaum kuv yuav kuv tus poj niam kuv muaj 16 xyoo nws muaj 17 xyoo txij thaum kuv yuav tau nws tau li 3 lub xyoos nws tsis txawj muaj me nyuam li kuv hlub nws heev kuv thiaj tau mus nrhiav tshuaj los kho nws vim lub sij hawm ntawv kuv txom nyem heev tsis muaj ib lub nyiaj li kuv thiaj tau mus nrhiav zog ua kom tau nyiaj los kho nws. Sij hawm thaum kuv mus tau li ib lub hlis xwb ces nws txawm hloov siab mus tham hluas nraug kuv rov los txog tsev ces nws tsis zoo li txhua zaug lawm nws hais lus rau kuv los hais chav zog lawm xwb ces kuv tsis paub tias yog dab tsi li thiab tau ib hlis tom qab ua cas ntsia nws pheej kho kho siab heev txhua txhua hmo nws cia kuv pw tsaug zog tag nws mam li mus tham hluas nraug lawm. Li ntawm kuv los kuj muaj mob nyob hauv kuv tus kheej thiab tsis muaj zog qaug zos xav pw txhua sij hawm xwb ces thaum twg los yog kuv pw ua ntej nws xwb ces muaj ib hmos nws los pw kiag ntawm kuv sab npab ib pliag li ib nas thi xwb ces rov sawv tsees mus tham hluas nraug lawm thaum ntawv kuv tsim dheev kuv paub lawm ces kuv ua pa hlob heev ces nws nres lawm hos kuv ua pa yau zog nws ho txawv zog lawm ces kuv xav tias zaum no mas yog nws tham hluas nraug lawm ntag ces kuv txawm tsis ua pa li nws taug kev ncaj qha mus rau saum qaum tsev lawm hmo ntawv qaim hli kaj nrig xwb. peb nyob lub tsev xov ntsa xwb kuv xauj hauv qhov ntsa mus ces pom nws mus ncaj qha rau pem roob lawm kuv thiaj sawv tsees mus txog ntua nws tus hluas nraug tseem tsis tau tuaj. kuv txawm muab nws cab kiag los tsev thaum ntawv nws thiaj tau quaj thov kom txhob pub kuv qhia neej tsa thiab niam txiv poj yawm yog kuv qhia ces nws yuav tuag xwb ces kuv hlub nws heev kuv kuj tsis qhia leej twg li thiab. Tau tsis ntev xwb mob kuv siab heev kuv thiaj tau muab hais tawm lawm ces wb lub neej yuav luag nrauj rau lub sij hawm ntawv tab sis thaum kawg nws kuj tau thov heev thiab cog lus khov kho rau nom tswv txawm li cas los tsuav tau nrog kuv nyob thov los ua kuv ib tug qhev ua zaub ua mov rau kuv noj lwm nub kuv xav yuav niam yau los tau tib si ces kuv nyuaj siab heev kuv thiaj tau mus rau saum roob thiab quaj quaj tab sis kuv tsis paub yuav txiav txim siab li cas ces kuv niam mob siab kuv heev nws thiaj raws kuv qab tuaj mus hais rau kuv tias yog koj nyuaj siab heev ces cia niam muab koj xa mus rau qaum teb nyab laj. Thaum ntawv kuv thiaj ua hlo ib siab nce rov mus qaum teb nyob tau ib as thiv xwb ces kuv raug mob nyob rau pev lawm thiab kuv nyob tau ib hlis xwb tseg tsis taus nws li thiaj tau ua ib siab rov los yuav nws dua ces tom qab ib xyoos wb muaj ib tug me tub kuv muab tis npe hu pheej hmoo vim kuv lub neej pheej hmoo xwb tau tsi nev yog xyoo 2008 lub xya hli kuv tau ua yeeb yaj kiab mov vim txog hmoob lub neej txoj kev tshaw thiab tau muaj ib cov kwv tij yog nrog peb ib lub xeem tuaj nruab nrab teb nyab laj tuaj thaum tsiab peb caug kuv tseem ntaus pob nyob tshav pob kuv txiv tau hu kuv los tias muaj kwv tij tuaj lawm kom kuv rov qab los tsev thaum ntawv tav su wb tseem tab tom noj su peb tseem saib daim cd hmoob keeb kwm ces tus kwv tij ntawv txawm thov peb daim cd coj mus saib rau nruab nrab teb. Thaum nws nqa mus ces nws kuj coj peb daim cd mus cob rau nom tswv liam tias kuv ntseeg me kas thiab yuav ntxeev teb chaws yuav tsim kho hmoob teb chaws no ces lawv cov nom tswv txawm ua ntawv hu kuv mus ua teeb meem nyuaj heev yuav raug kaw no ces kuv thiaj khiav nkaum hav zoov tau ib as thiv. |
Nplooj2 Kuv cov neeg hauv tsev xa zaub mov rau kuv noj xwb tau ib as thiv ces kuv thiaj ua ib siab muab poj niam me nyuam tso tuaj tom qab tseg cia thiab khiav tawm teb chaws los mus rau phab mab teb lawm. kuv tau mus rau suav teb los mus nyob maaj teb tau 3 xyoos kuv los kuj mus tau lub neej zoo tiam sis qee zaug txom nyem heev tej zaum yuav luag tuag vim tsis muaj nyiaj yuav mov noj thiaj tau mus ua zog nyob tau xya lub hlis tau nrog cov phooj ywg nyob maaj teb mus cuab npua teb los mus ua nyiaj siv tau 8 lub hlis tom qab kuv thiaj tau hla mus rau maaj qab teb lawm.
Kuv mus nhriav tau ib co hmoob nyab laj tuaj nkaum rau nrav muaj li 30 tawm yim kuv tau nrog lawv thiab mus tua nqaij qus lom zem heev tsis nco qab txog kuv tsev neeg moo li lawm. Kuv poj niam me nyuam niaj hnub quaj nco txog rau kuv thiab kuv niam kuv txiv tau txhawj kuv heev kuv los kuj noog tsis tau kuv tsev neeg moo li. Tom qab tau nkaus li 2 xyoos kuv thiaj poo tau cov xib fwb ntseeg yog suav kuv thiaj mus nrog lawv nyob tau ib lub sij hawm kuv tau nrog tej me nyuam yaus kawm ntawv ua ke tau 3 lub xyoo kuv rov qab hu los hauv tsev thaum ntawm kuv thiaj li tau quaj heev thiab kuv los kuj kawm tsis tau ntawv li ces kuv txiv hais tias me tub koj tseem muaj txoj sia nyob thiab lov cas koj ploj tau 2 xyoos ntau no tsis hnov moo li. Kuv txiv hais tias peb txhawj koj heev xav tias ntshai koj tsis muaj txoj sia nyob lawm no os kuv txiv wb quaj quaj tau ib pliag kuv txiv thiaj hais tias cia li rov qab los tsev yog tias nyab laj ua phem thiab muab koj kaw no ces cia rau kuv ua txiv mam los hloov koj chaw vim koj poj niam me nyuam txom nyem heev niaj hnub quaj xwb koj tus me nyuam los ntshaw kawm ntawv heev kws qhia ntawv tias tsis muaj txiv ces tsis muaj leej twg los pab li. Koj tus me nyuam tsuas yog mus tuaj sab nrauv ntsia cov txiv ntxawm kawm xwb. Thaum kuv hnov li no mas mob kuv siab heev tsis xav hla mus rau thaib teb lawm ces cia ua ib siab rov los vim yus yog lawv txiv. Nyob rau lub sij hawm ntawv los muaj ib tug ntxhais hmoob nyiam kuv heev li nws ntxiv txhua kuv tej khaub ncaws rau KUV HNAV TAS Li XWB THIAB NWS HNOV TIAS KUV YUAV TAU ROV QAB LOS Mus TSEV LAWM MAS UA RAU NWS QUAJ HEEV Li. Tus Ntxhais no nws tsis kam cia kuv rov los tsev li tab sis kuj tsis paub yuav txiav txim siab li cas. Thaum kawg kuv tau ua ib siab rov qab los lawm xwb tus hluas nkauj no nws quaj heev nws zov rawv kuv nruab hnub hmo ntuj tsis kam tso li thiab nws yuav nrog kuv los xwb xwb no mas ua rau kuv yuav luag tsis paub ua neej nyob li , txawm li cas los kuv txiav txim los mus li lawm. ces kuv thiaj tau los hla dej nab khoom lawm thiab nws sau tau ib tsab ntawv thiab muab ib txoj phuam rau kuv mas nws quaj heev saib ntsoov kuv nce tsheb los mus lawm nws kuj muab tau me me nyiaj ntsaws rau kuv hnab ris thiab. Kuv muab xav mas tu siab heev lub neej ib vuag dhau los zoo li npau suav xwb rov los txogg tsev poj niam quaj ntau dhau lawm ua rau nws muaj mob txog niaj hnub no ls tsis zoo li ces tsuas muaj yuag zuj zus lawm xwb. Los txog rau xyoo 2014 lub 11 hlis no kuv txiv tau pluav tsheb tuag lawm thiab tshuav ib cov me nyuam ua ntsuag nrog kuv niam lawm xwb tu siab heev kuv zaj dab neeg muab tham los meme li no xwb ntawm no kuv thov ceeb toom kuv zaj dab neeg no yog sau rau kuv lub neej xwb yog leej twg muaj peev xwm muab los ua muv vim los kuv zoo siab tiam sis yuav tau kev tso cai ntawm kuv thiab yog xav siv kuv zaj dab neeg no hu ncaj qha rau kuv yuav tham kom tag nro rau nws pab kuv ua vim hauv no kuv tsuas sau ib feem meme rau suav daws tau nyeem xwb. Kuv xaj dab neeg los xaus li no xwb ua tsaug rau vas sab www.3haivhmoob.com uas pub qhov chaw no rau kuv tau nthuav kuv lub neej rau suav daws tau nyeem es mam ntsib nej dua lwm zaus. Sau Npe: Yeej Suab Muas. Ceeb Toom: Txwv tsis pub leej twg muab peb cov dab neeg kev hlub thiab lwm yam hauv no mus tso rau koj lub vas sab website , forum los yog lwm qhov uas tsis tau txais kev tso cai ntawm peb. ua tsaug.
|
Muaj lus xav li cas sau rau nram qab no.
Comment Form is loading comments...