Vaj Huam Txoj Kev Hlub
Nplooj1 Kuv tau paub Maiv thaum xyoo 2009, wb yog ib nkawm nkauj nraug ntsuag nos uas txiv tuag thaum wb tseem yau yau lawm. Tsis ntev kiag lub sij hawm twb dhau mus 3 xyoo lawm, uas kuv tau ncaim nws mus kawm ntawv. Thaum kuv rov los txog ib phaum phooj ywg nyob koom zej zog kuj yuav poi niam thiab yuav txiv tag lawm, tsuas tshuav Maiv Vwj wb uas thiaj tseem tsis tau muaj cuab yig xwb. Kuv rov los txog wb txoj kev hlub kuj tsis tau tsuag ib tug kuj hlub ib tug heev li..
Txij hnub tim 24/2/2012 wb txawm rov pib wb txoj kev hlub loj zuj zus tuaj lawm, wb sib hlub los tau lub sij hawm 5 hlis ntau. thaum wb sib hlub sib nkag siab zoo, wb kuj niaj hnub ua ke mus ua liaj ua teb thiab tu txiaj tu txhuv. Wb sib hlub heev li ua rau kuv ntseeg tau hais tias nws hlub kuv tiag2 li. Lub sij hawm no nws tau tso nws cov hluas nraug pov tseg tag tsuas muaj kuv ib leeg xwb. …tej neeg zej zog yeej paub tias wbsib hlub heev li. Ntawm tej nyab tej nus tej viv ncaus yeej muab kuv hu ua yawm yij , txiv laus los yog txiv hluas tag li. Tej phooj ywg los kuj nrog wb zoo siab heev thiab npaj siab yuav tuaj koom wb rooj tshoob nyob hnub wb sib yuav ntawd. Maiv yeej hais rau luag tej tias nws hlub kuv heev, nws yuav tsis tham leej twg li lawm, txawm leej twg nug nws los nws hais tias nws muaj kuv lawm yuav tsis tham leej twg li lawm. Nov yog ib lub caij uas zoo zoo ntawm wb. Maiv cog lus rau kuv tias nws yuav hlub kuv ib leeg mus tag ib sim, nws lub neej, txoj kev hlub, tus npau suav, thiab txoj sia muab khi rau kuv ib leeg mus kom txog hnub kawg… nws hu kuv ua : me naib hos kuv los yeej hu nws ua me naib thiab xwb. Txoj kev nyuaj siab raws txog wb… Thaum lub 5 hlis ntuj kuv tau tuaj mus ua kuv cov ntaub ntawv kom tiav es kuv mam los yuav Maiv… tab sis kuv ho mus xam tau phaj tuaj mus kawm ntawv thiab ua hauj lwm nyob txawv teb chaws. Sai sai kiawg no kuv tau muaj npe tuaj mus txawv teb chaws lawm. Yuav mus ntev li 11 lub hlis mam rov los. Vim sai dhau Ces kuv thiaj xaiv 2 txog rau maiv wb xaiv seb yuav txoj twg thiaj yog txoj zoo dua rau wb…? Txoj 1 cia wb sib yuav es nws los nrog kuv niam lawv nyob hauv tsev, yog tsis sib yuav no ces cia muab sib qhaib tseg es kuv los txog wb mam ua wb rooj tshoob no... Txoj 2 tsis sib yuav es cia sib tos xwb Rov teb txoj 1 yog wb sib yuav tau es kuv coj nws los nrog kuv niam lawv nyob hauv tsev, es kuv tuaj mus kawm lawm tseg nws nyob hauv tsev nrog cov laus xwb ntshe nws yuav laj nyob heev thiab ntshe nws yuav tsis tau swm kuv niam lawv ntshe nws yuav nco kuv heev. Vim wb sib yuav kiag tau xwb wb twb tsis tau nyob ua ke ntev li kuv twb ncaim mus lawm, thiab tsis tas li ntawv los yog wb sib yuav tau lawm ntshe wb yuav txom nyem heev, kuv niam los kuj hais tias twb muab nyiaj ua nqi nyuab hoom tas lawm thiab, yog tseem yuav tus nyab no los nrog kuv niam lawv nyob mas yuav nyuab heev rau kuv niam lawv thiab yuav nyuab heev rau nws. Vim kuv los kuj tsis tshuav cov muam yau lawm thiab. Tiam sis yog kuv tsis yuav kuv ho ntshai tsam muaj ib hnub wb tsis sib tau tsis tau nyob ua ke ces kuv ho yuav nco nws heev… khuv xim nws mus tag ib sim neej… thiab ho yuav tsis xav ua neeg nyob ntxiv… vim kuv lub neej tsuas muaj nws ib leeg thiaj yog tus kuv hlub thiab nco tshaj xwb… tab sis yog xaiv txoj kev no yuav nyuab heev rau sawv daws…yog li ntawv thiaj los xaiv txoj 2 Rov teb txoj 2 yog wb tsis sib yuav es cia wb sib tos kom txog hnub wb sib jib es wb mam sib yuav nws yog qhov zoo rau wb vim nws nyuab rau wb, tsuas yog wb sib ntseeg siab thiab sib nkag siab zoo ces tos yog qhov zoo rau wb… yog li ntawv nws los kuj kawm tsis tau tas mos/4 los yog hoob 9 ces cia nws kawm mos/4 tos kuv ib xyoos es thaum kuv los txog kuv mam li txhawb nws mus kawm thiab mam xa nws mus kawm ntxiv… thaum wb los xaiv txoj no nws niam nws cov nyab cov nus los kuj pom zoo li wb hais tseg thiab. Yog li ntawv nws niam lawv thiaj hais rau kuv tias kom kuv ua siab loj thiab txhob poob siab kuv kav tsij rau2 siab tuaj mus kawm thiab ua hauj lwm es kom tau nyiaj tso kuv rov mus txog tsev wb mam sib yuav es wb lub neej thiaj yuav tsis txom nyem thiab thiaj yuav tsis ntshaw leej twg… txawm kuv ncaim nws tuaj mus kawm lawm los kom kuv txhob ntaus siab me lawv nyob lawv mam saib nws rau kuv thiab lawv yuav tsis pub nws mus yuav leej twg lawv yuav tseg nws rau kuv ib leeg xwb. Lawv yuav tsis pub rau leej twg li, lawv yuav tsis pub kuv muaj kev tu siab rau lawv li vim lawv yeej cia siab rau kuv ntau yam thiab kuv los yeej hlub nws tiag… yog li ntawv kuv kuj xav hais tias yog lawv hais baum li ntawv lawm ces tsis yuav es cia wb sib tos xwb kuv vam tias lawv yuav ua txhua2 yam li lawv hais rau kuv. Yog li ntawv kuv lub sij hawm los kuj tsis tshuav ntau lawm thiab kuv twb ua tau kuv daim passport lawm twb them nqi nyuab hoom tas lawm yuav baj tuaj mus lawm xwb… kuv thiaj tau hais rau nws hais tias : me naib kuv tsis pom qab yuav hais li cas rau wb thiaj yog qhov zoo os, tab sis yog wb tsis sib yuav ces cia wb sib tos xwb. Kuv ncaim koj mus los kuv yuav tsis ua siab phem rau koj thiab kuv yuav tsis muaj dua tus tshiab, koj nyob ua siab loj, siab zoo, siab ncaj nyob tos kuv kom txog hnub wb tau nyob ua ke, koj tuav wb tus bau suav, txoj kev hlub kom ruaj tsis txhob pub leej twg los rhuav tshem tau os…es wb thiaj yuav tau nyob ua ke thiaj yuav tsis ntshaw leej twg… thov koj mloog kuv hais koj os… yogkoj tos kuv hnub twg wb los sib tau lawm kuv yuav yog koj tus txij nkawm zoo yuav hlub koj mus ib sim neej yuav tsis pub koj txom nyem, koj lub kua muag los thiab tu siab li yav tas los lawm os... txawm kuv mus lawm los thov koj tso siab rau kuv thiab kuv yuav tsis ua siab dub rau koj os, koj nyob no yog muaj neeg tuaj hais li ub li no, muaj neeg hais ntau2 yam, muaj neeg hais tias kuv dag koj kuv phem li ub li no koj tsis txhob mus ntseeg nawb, wb txoj kev hlub thiaj yuav tsis tu os. kuv ncaim koj mus lawm los kuv yuav rau2 siab mus khwv mus kawm coj los tsim kho wb lub neej kom wb lub neej tsis txhob txom nyem es wb thiaj tsis ntshaw luag tej lawm…ces nws thiaj teb rau kuv hais tias : kom kuv ua siab loj thiab tso siab rau nws, nws yuav tsis ua siab phem thiab yuav tsis muaj dua tus tshiab li, nws yuav nyob tos kuv kom txog hnub wb sib jib tau nyob ua ke. Thaum ntawv wb thiaj tau cog lus hais tseg ua ke rau cov laus cov nyab cov nus nrog hnov kom sawv daws paub es wb thiaj yuav tsis sib2 txhawj… ces hnub ntawv kuv thiaj li yuav raws li niam tais hais tseg. Kuv thiaj li ua ib siab tsis yuav lawm es cia sib tos xwb… los txog rau hnub tim 28/7/2012 kuv thiaj li sawv kev tuaj mus rau hauv vieng lawm vim kuv lub sij hawm yuav txog hnub kuv mus kawm ntawv nyob txawv teb chaws lawm. Ces kuv thiaj tau ncaim nws tuaj lawm. hnub tim 7-8/8/2012 nws niam thiaj li khiav rov mus yuav txiv lawm tseg nws nyob ces nws thiaj li hu xov tooj rau kuv nws quaj2 heev li. Nws tsis pom qab yuav hais zaj twg li, nws hais tias muaj ib hnub kuv yuav tsis pom nws lawm no… tab sis kuv kuj hais rau nws zoo siab tuaj lawm thiab. tab sis kuv kuj chim heev rau nws niam vim nws niam cia li ua li ntawv nws niam yeej tsis qhia kuv li. Tab sis kuv kuj tsis xav li cas kuv kuj hais rau nws kom ua siab loj txawm niam mus lawm los twb tseem tshuav kuv kuv yuav hlub nws mus ib sim thiab tsis pub nws tu siab lawm… los txog rau hnub tim 14/8/2012 kuv thiaj li tau sawv kev nce nyuab hoom tuaj mus kawm nyob rau israel country lawm. Kuv tuaj tau 10 hnub kuv kuj nco nws heev li thiab tsis xav nyob li tab sis vim kev txom nyem yuav tsum tau uv, vim twb muaj tus tos2 yus cia2 siab rau yus hauv kuv tus kheej yeej hlub nws ib leeg xwb kuv yeej tsis tham leej twg li lawm. Kuv khwv tau nyiaj pes tsawg los kuv yeej tsis yuav dab tsi li, kuv tseg cia mus baj wb rooj tshoob thiab mus tsim kho wb lub neej xwb vim kuv hlub nws heev… tau ntau hnub ntxiv kuv kuj tsis tau hu rau nws lawm tab sis kuv muaj ib tug phooj ywg yog maiv cov nus nyob tim laos. kuv kuj kom nws hu tas li mus nug thiab muaj dab tsi maiv xav nug kuv xav qhia dab tsi thiab kuv xav qhia dab tsi los kuv kuj kom tus phooj ywg ntawv pab wb, muaj dab tsi los hais rau nws mam ua tus qhia rau xwb…nws yeej hais rau kuv hais tias maiv nco kuv heev thiab maiv yeej nroo txog kuv nkaus xwb, maiv ntsia ntsoov thiab tos ntsoov seb hnub twg kuv mam tshwm ntawm txoj ncauj ke xwb maiv yeej roo kuv tas li rau tus phooj ywg ntawv, tus phooj ywg kuj kom nws cov bawg siv tus xov tooj tshiab hu mus sim seb puas hlub kuv tiag? Nws kuj qhia ncaj2 raws li qhov nws muaj kuv hlub rau tus phooj ywg ntawv, tus phooj ywg yeej ntseeg nws thiab nws yeej txaus siab pab wb tiag2 li… vim nws cia siab rau wb heev…qhov kuv tsis hu xov tooj rau nws vim lub teb chaws no hu mus kim heev tsis zoo li lwm lub teb chaws es kuv thiaj tsis paub hu. Lub sij hawm kuj dhau mus lawm ntau hnub ua rau kuv lub siab kuj nyob tsis kaj li vim kuv xav tau ntau yam heev ua hauj lwm los kuj tsis qab siab ua lawm, yog li ntawv kuv thiaj tau hu mus nyob rau hmo tim 2-3/10/2012 hu mus thawj zaug nws tsaug zog heev nws teb lo ub lo no xwb tab sis nws cov lus uas nws teb kuv yog ib co lus tu siab heev ua rau kuv kuj xav tsis tas li… kuv thiaj muab tua tos lub sij hawm kaj ntug tim nplog teb 4:00 sawv ntxov hos ntawm kuv yog 23:00 tag hmo kuv thiaj li hu rov qab rau nws ces nws txais kuv nws thiaj nrog kuv tham thawj2 lo lus kuv nug nws tias: koj puas paub kuv os? Nws teb tias paub mas… kuv thiaj nug nws tias koj puas nco kuv os? koj nyob li cas lawm os? Ua cas tsis pom koj hu kuv li os? Puas yog koj hnov qab kuv lawm os? Los yog ua cas lawm cas koj cia li ntsiag to lawm os? Nws thiaj teb rau kuv tias: nws nco kuv thiab nws yeej tseem nyob zoo…nws hu tsis tau kuv li no…nws yeej tsis tau hnov qab kuv li txawm 100 xyoo los nws yeej tseem nco kuv thiab tos kuv... tab sis nws txiav txim siab lawm hais tias nws yuav tsis tham leej twg li lawm nws yuav rau2 siab kawm ntawv lawm xwb. Vim tham hluas nraug nyuab siab heev thiab kawm tsis tau ntawv li… yog li ntawv kuv thiaj rov nug nws tias: es kuv ne koj tsis tham lawm thiab los? Nws thiaj teb tias: tsis tham lawm vim tham nco kuv heev thiab nyuab siab heev kawm tsis tau ntawv li yog li ntawv nws thiaj txiav txim siab ua ntej kom nws tso tau kuv es thiaj yuav kaj ..siab… kuv thiaj rov nug tias: ua li cas rau koj lawm nas cas koj coj txawv ua luaj os puas yog wb tus bau suav koj twb muab tso lawm los? Wb txoj kev hlub koj tsis khaws lawm los? puas yog koj muaj dua tus tshiab los yog leej twg ntxias koj lawm los yog koj niam lawv txwv tsis pub koj tos kuv lawm es koj thiaj ua li no los? Nws thiaj teb kuv tias: txhua2 yam uas nws ua rau kuv ntawv tsuas yog nws tus kheej ua xwb yeej tsis muaj leej twg hais kom nws ua li… nws thiaj hais rau kuv hais tias kom kuv ua ib siab hnub no txawm kuv tso tsis tau nws los ib hnub tom ntej kuv yuav tsum tso tau nws thaum kuv tso tau nws lawm yuav zoo rau kuv heev. Vim nws twb tso kuv 2 hnub nram ntej lawm ziag no nws twb ua tau ib siab lawm no… nws hais tias kom kuv rau2 siab ua hauj lwm txhob nco2 nws lawm es kuv thiaj yuav xav nyob no… Kuv thiaj teb tias: cas yuav txawv ua luaj li os maiv… kuv ntseeg tsis tau hais tias wb txoj kev hlub yuav zoo li no li os… yog vim li cas tiag es koj thiaj ua li no rau kuv os thov koj tsis txhob ua li no os txhob txiav wb txoj kev hlub txhob rhuav wb tus bau suav mas los… |
Nplooj2…kuv lub siab yeej tsis kam ua li no li os… yog kuv ua dab tsi tsis haum koj siab thov koj qhia kuv mam pauv os… thov koj txhob tso kuv li no mas los… kuv lub neej muaj koj xwb, kuv ua txhua yam yog ua rau koj, kuv tuaj khwv los tsuas yog khwv los tsim kho wb lub neej kom zoo xwb. Thov koj txhob txiav wb txoj kev hlub os thov koj rov qab los wb ua zoo sib hais kom sib nkag siab os vim kuv nyuab siab heev tsam kuv ua tsis tau hauj lwm thiab kawm tsis tau ntawv no
Nws teb tias : yog nws mus lawm ces nws yuav tsis los lawm txawm kuv cheem baum li cas los nws yeej tsis los lawm. Kuv nrog nws tham 1h 40 nas this wb yeej tham tsis nkag siab li nws yeej hais kom kuv tag kev cia siab zuj zus xwb. Kuv tws kev tag kuv kuj quaj ib zaug ua rau kuv lub kua muag ntws los tsis tu li xav li cas los tws kev lawm xwb…Wb hais tsis nkag siab lawm ces kuv thov ua tus swb nws thiab kuv ua tus quaj nyoos nws mam zam kev rau nws mus li nws xav…txoj kev zaum no ua rau kuv quaj tsis nrov tau 2 hnub nkaus, ua rau kuv ruam tas thaum kuv quaj tsis taus lawm wb tham li cas los tsis nkg siab li lawm ces kuv muab tua lawm, kuv thiaj hu mus nug nws cov nyab ces lawv hais tau ib lo lus tu siab heev li kuj ua rau kuv xav tsis tas thiab kuv xav ntau yam tuaj lawm . Yog li ntawv hnub tawv tsaus ntuj maiv kuj sau ib tsab ntawv tuaj hais tias: me naib hmo no kuv nco koj heev li os koj los puag kuv thiab los hnia kuv os kuv xav puag koj thiab hnia koj lub qhov ncauj ua zaum kawg ntawm wb os… Kuv kuj tsis zoo siab rau nws lo lus zaum kawg ntawv. Tag kis kuv mus ua hauj lwm ua rau kuv ntsoos heev li, ntsia lub ntuj tsaus ntais nriaj teb tsaus nti xwb, nyuab siab heev li os… ua hauj lwm ib hnub ntev baum ib hlis xwb. Thaum tsaus ntuj kuv rov los kuv rov hu mus rau nws tias: maiv koj puas zoo siab os? cas kuv tsis zoo siab li os, nyuab siab tshaj li os thov koj tsis txhob tso kuv cia os vim kuv cheem tsis tau kuv tus kheej li, thov koj tsis txhob tso wb txoj kev hlub rau lwm tiam os. Vim lwm tiam xyov puas muaj tiag lawm thiab xyov lwm tiam wb yuav thawj thiab ua dab tsi? Xyov wb puas yuav nco tau txhua2 yam thiab xyov wb puas yuav sib jib lawm os? Tiam nod sib jib sib hlub lawm ces kav tsij sib hlub thiaj tsim nyog os Nws teb tias nws mam tsis ua li ntawv… ces kuv muab tua lawm xwb vim kuv mob siab heev tsis xav hnov nws hais lus phem li lawm… Suav txij li hnub ntawv los kuv thiaj li swb nws thiab kuv thiaj li quaj tu siab heev xav li cas los xav tsis thoob li ntsia lub ntuj tsaus ntais xwb, mob lub siab baum li riam hno, tsuas hnov ua pa yau zuj zus thiab nyuab siab tshaj qhov qub tuaj xwb, mloog lub cev mus rau lub nrob qaum mus rau lub taub hau ces ntshav nce thoob taub hau tag ib hnub nyuaj siab tshaj ib hnub tuaj, ntawv los ploj tag kawm tsis tau li lawm, mov los noj tsis qab dej los haus tsis nqis li lawm,noj mov ces tsuas yog lam noj me2 cawm txoj sia xwb, jib cov phooj ywg tsawg tus tuaj ua si facebook los quaj rau lawv txhua tus, vim lawv cia siab tshaj tab sis ho tu tag lawm. kuv quaj tau 3 hnub vwm tau 6 hnub xam tag nrho tau 9 hnub, 9 hnub ntawv noj mov ces noj me2 hauv qab tais los cawm txoj sia xwb, tsuas xav ntsoov tias yog ua li cas tiag…? Xav ua yam phem rau los ua tsis tau li, xav ua yam zoo los swb tag lawm… vim yus nyob rau ib sab ntuj es thiaj li swb tag txhua yam mob siab dhau lawm vim tus yus cia siab tshaj hauv yus lub neej rov tua yus tus kheej tuag lawm. Xav mus xav los ua rau kuv ruam tag, txhua2 yam ntawm kuv tus kheej kuv yeej nco tsis tau li lawm, yog kuv xav mus qhov twg los kuv cia li mus lawm xwb, thaum kuv zoo li ntawv lawm kuv cov phooj ywg lawv kuj tuaj saib kuv thiab lawv kuj tuaj pab kuv ua rau kuv kuj xeev tau rov tig los xav tias yog kuv ua dab tsi yuam kev lawm… yog li ntawv cov muj khub lawv kuj hais ntau2 yam rau kuv tus yuav hais li cas los yeej hais kom kuv hnov qab nws mus, tab sis thaum ntawv kuj hnov qab tau tab sis dhau ntawv rov mus ua hauj lwm, yog xav txog txoj kev uas yus ua zoo rau lawv tsev neeg thiab maiv mas chim heev thiab mob siab heev ces ua rau yus tus kheej rov ruam tuaj thiab hnov qab ntau yam zuj zus ua rau nyuab siab heev tuaj, yog xav txoj kev phem uas nws ua rau yus ntawv ces yus yeej xav ua phem tshaj xwb. Yeej tsis zoo siab tau 9 hnub nkaus, nyuab rau kuv kawg li os. Tom qab 9 hnub ntawv dhau mus lawm kuv kuj tswj tau kuv tus kheej zuj zus lawm, kuv kuj xav hais tias ua li cas kuv thiaj raug nws tsim txom loj ua luaj yam nws ua no kuv yeej nkag siab tsis tau li xyov yog ua li cas es cas yuav ua tau txawv ua luaj li… tab sis kuv xav hais tias kuv tuaj khwv no kuv niam lawv cia siab rau kuv heev kuv yuav tsis pub kuv tus kheej mus tuag rau txoj kev hlub tsis muaj nqis ntawv, kuv yuav tsum tswj kuv lub siab kom dhau mus ua tus neeg tshiab xwb. Tab sis kuv tso tsis tau nws li kuv thiaj li txiav txim siab muab kuv lub cev plhis ua lub cev tshiab, muab kuv lub neej, txoj kev hlub, kev npau suav,kev cia siab, kev chim siab, kev lwj siab,kev tu siab, kev mob siab nrog kuv lub siab lub ntsws thiab kuv lub npe kuv thiaj muab txhua2 yam ntawv coj mus faus rau hauv av lawm ces kuv lub cev thiaj li plhis mus ua lub cev tshiab… tus neeg tseem zoo li qub tsawv… tab sis tsis thooj li tus qub lawm coj tus cwj pwm los txawv lawm, tus kheej los txawv lawm lub siab lub ntsws los kuj txawv lawm, lub npe los kuj yog lub tshiab lawm thiab. Tag tiam neej no yuav tsis lees lub npe qub lawm txawm leej twg yuav hu lub npe ntawv los yeej tsis paub thiab tsis teb li lawm. Vim thaum lub sij hawm pauv tag txhua yam ntawv ces tsuas nco tau tias yav tag los tsuas yog tiam dhau los xwb, tiam no yog tiam tshiab lawm xwb. Txij ntua li hnub ntawv los ces txhua2 yam yav tag los yeej tsis nco qab txog li lawm tsuas muaj lub suab luag thiab lom2 zem lawm xwb. Txawm yuav muaj neeg tuaj nplog teb tuaj ua si es lub npe ntawv los kuv yeej tsis paub li lawm, vim kuv plhis kuv lub cev zaum no mas txawv tshaj li txawv tshaj txhua2 tus… Tej zaum nej sawv daws yuav xav hais tias lo lus kuv hais tias plhis ntawv ib sim neej plhis tsis tau li tsuas yog kuv dag xwb. Tsuas yog Ntau2 hnub es kuv ua tau ib siab es kuv lam hais li ntawv xwb no… tab sis tsis yog li nej xav os tsoom phooj ywg… yog kuv tsis plhis kuv lub cev ntawv kuv tso tsis tau maiv mus ib zaug li os tab sis kuv yuav tsum plhis kom tau thiab pauv kom tau txhua2 yam es kuv thiaj hnov qab tau nws yog li kuv thiaj plhis thiab pauv txhua2 yam ces kuv thiaj tso tau nws lawm… kuv plhis ntawv yog kuv lub ces tus poj duab uas mob rawv hauv kuv lub siab nrog nraim kuv lub cev ntawv kuv muab tus poj duab ntawv faus nrog txhua2 yam mus es kuv thiaj li hnov qab mus lawm os… suav txij li hnub ntawv los rau ziag no kuv yeej tso tau nws mus lawm os kuv muaj txoj kev yuav taug mus lawm os niaj hnub no kuv muaj kev lom zem thiab kaj siab heev tuaj lawm os. Txoj kev hlub zaum no yog maiv vwj tua kuv pov tseg es kuv thiaj tuag mus lawm. Kuv txhais tsis tau yam nws ua no li os xyov yog ua cas li lawm os ? yeej txhais tsis tau li os? Vim yeej ntseeg tsis tau tias yuav zoo li no li os… txhua2 yam uas cov laus muaj kev cia siab thiab cov phooj ywg cia siab ces poob tas thiab tus neeg ntawv nws twb tuag mus lawm ces txhua2 yam uas lawv tos ntawv tsis muaj lawm. Cov phooj ywg los kuj tu siab tag lawm kuj tsis muaj ib tug neeg uas yog cov phooj ywg zoo yav tas los lawm thiab vim kev hlub tu tus neeg tuag mus lawm ces txhua2 yam thiaj hloov mus tas lawm thiab… Thaum nws tua kuv pov tseg ntawv tag txhua2 yam tsis hais nyiaj txiag los yog yam khoom nws muab rau kuv thiab yog kuv li ntawv muaj ib co poob lawm xwb nrhiav tsis tau lawm, muaj ib co kuv muab pov tseg lawm, muaj ib co yog yam khoom uas yav tag los maiv vwj wb saib ua ke thiab wb kov wb pom ua ke ntawv kuv muab muag tag lawm, txhua2 yam kuv tsis tso nrog kuv lub cev lawm vim kuv pauv tas txhua yam lawm kuv thiaj hnov qab nws mus lawm os. Txawm txhua yam ntawv poob lawm los kuv tsis khuv xim li vim kuv raug tsim txom es thiaj li poob li ntawv los kuv zoo siab ua ib txoj kev kawm rau kuv qhia rau kuv paub xwb… yav tom ntej thiaj li yuav tsis muaj rau yus lawm… Txhua2 yam ces cia ua dab neeg lawm xwb yuav tsis hais tsis taug txog yav tag los li lawm txawm yuav zoo yuav phem npaum li cas los tsis thov mus taug lawm, txawm yuav muaj neeg hais npaum li cas los yuav tsis nco qab tau tus neeg uas maiv vwj muab tua tuag ntawv lawm, tus nod yog tus neeg tawm tshiab2 lawm xwb os… Zaj dab neeg kev hlub no muab lub ntsiab los txhais qhia rau sawv daws tias “ yog yus muaj kev npau suav zoo lawm yus yuav tsum ntes kom tau kiag nws los ua yus txoj kev kiag tsis txhob xav tias yuav tos txoj hmoo xwb txoj hmoo los thawj ces tau tsis thawj ces tsis tau qhov ntawv yog txoj kev yuav yuam kev rau yus tus kheej ruam ib yam li kuv nawb “ tsoom phooj ywg e…. Thov ua tsaug rau ib tsoom phooj ywg uas los nyeem kuv zaj dab neeg kev hlub no os kuv muab sau ntau zog lawm vim kuv hais raws li kuv txoj kev hlub uas muaj los ntawv kiag es thiaj li ntev zog lawm nej cov nyeem yuav nyuab tsawv rau nej os tab sis ua siab ntev nyeem thiaj nkag siab nawb thiab nej thiaj paub tias mob siab tu siab npaum li cas? Tus kheej tuag taus rau txoj kev hlub no tsis yooj yim li xav li… “ yog leej twg tsis ntsib leej twg yeej tsis paub yog leej twg tsis raug leej twg yeej tsis pom” tias yog zoo li cas? Yog cov ntsib lawm yuav paub zoo heev li os Thaum kawg no kuv vam tias nej yuav los tsim kho kuv zaj dab neeg kom zoo dua qub tuaj. Yog leej twg xav paub thiab xav nyeem ntxiv kuv tseem muaj ntau2 zaj uas tu siab heev thiab muaj zaj tub ntsuag luag tej saib tsis tau es thiaj raug tsim txom kua muag ntws los yam tu siab heev li os ua tsaug rau nej lub sij hawm os tsoom phooj ywg…. Yog muaj neeg xav ntsib kuv rau hauv facebook kuv lub npe hauv yog : vajhuamyeejswb ibtxwm Ceeb Toom: Cov dab neeg kev hlub thiab txhua yam hauv 3haivhmoob.com no peb tsuas yog tso rau sauv daws tau tuaj nyeem laug caij nyoog xwb txwv tsis pub leej twg muab luam mus muag los yog ua lag luam, yog koj coj mus kho los yog ua lwm yam tsis tau qhia rau peb paub , thaum peb tshawb tau lawm koj yuav raug nplua raws txoj cai ntawm lub teb chaw koj nyob ko. Ua tsaug ntau: 3HaivHmooB.Com |