"Kuv Hlub Koj-Koj Hlub Luag"
Nplooj1 Ntuj aw! ua neeg nyob mas muaj qee yam yus ua zoo tau zoo ua phem tau phem, tab si muaj qee yam yus ua zoo tau phem ua pem tau zoo yeej ua tsis tau tej yam zoo uas yus xav tau kiag li os ib tsoom phooj ywg hmoob. Es nej puas zoo li kuv thiab os?Muaj ntau zaug ntawm kuv lub neej txoj kev hlub uas kuv tau tsim muaj tabsi kuv yuav tsis piav rau nej vim tsis muaj sij hawm kuv tsuas piav txoj kev hlub uas kuv tau tsim muaj uas zoo thiab ua rau kuv mob siab tshaj plaws rau nej paub xwb.
Xyoo 2011 uas yog lub caij peb hmoob pib cog nplej zom zaws ua tej niam txiv kwv tij neej tsa thiab tej tub hluas ntxhais hluas tuaj mus sib pauv zog cog plej ua tsheej pab tsheej boj. Muaj ib hnub muaj ib yim kwv tij hmoob vaj lawv tuaj hus zog txog rau ntawm peb lawv hais tias: Lawv tsis muaj zog cog plej es seb peb puas kam mus li 1-2 leeg mus pab lawv cog es lawm hnub lawv li ho mus pauj peb no. Tag kis sawv ntxov ces kuv thiaj li mus. Hnub ntawv kuj cuag li lub ntuj mas nim ua wb siab los xyov yog tus hluas nkauj ntawv nws txhob txwm los tsim kuv lub siab. Hnub ntawv peb mus sib tos tim ncauj ke uas yuav mus tom teb kwv yees li 6: 30 am. Neeg twb tuaj yuav txhij ib pliag zoj ces txawm pom tus hluas nkauj ntawv tuaj. Kuv thiaj li nug nws tias: Nyob zoo os tus muam nej mus cog nplej thiab lod? Nws txawm teb luag nyav rau kuv tias: Aw...... mus thiab mad.... es... nej mus nrog lawv yim no thiab lod....? Kuv thiaj teb tias: Aw yog mad. Kuv thiaj nug ntxiv tias: Es tus muam koj nyob twg tuaj cas zoo li tsis tau pom koj dua ne yog koj nyob hauv zos no los yog nyob twg tuaj? Nws teb kuv tias: Nyob hauv zos no xwb o..... nej tsis xav pom peb xwb o....peb twb pom pom nej ned........Kuv thiaj hais ntxiv tias: Puas yog ma ! ua cas pom peb ho tsis hu peb no ? Nws txawm teb tias: Peb yog poj niam hu nej ua ntej kuj txaj muag ..... Wb kev sib tham ntawm wb kuj tham sib tso dag ntev loo tsis nco qab twb txog teb lawm. Kuv thiaj tso dag rau nws tias; ua li koj puas kam kuv nkaug koj rau es ib pliag sab no ces wb ho sib pauv? Nws tias: Kam mad tabsis tsam koj tsis kam xwb o... twb xav hais rau koj tag kis no peb pib tuaj tom zos tuaj lawm o... Kuv lub cauj tsis hais lub siab xav zoj tias: Cas tus hluas nkauj no yuav zoo nkauj ua luaj nws txhua lo lus, lub zeem muag thiab yam ntxwv rub tag nrog kuv lub siab hlub nws lawm. Kuv thiaj nug nws ntxiv tias: koj puas tau muaj tus hlub uas koj nco nco thiab nws tuaj nrog koj nyob txhua2 hmo nab lod? Nws teb kuv tias: tsis tau muaj o....yog muaj ces kuv yeej qhia kiag xwb tsis tas nkim sij hawm nrog koj hais lus li o..... tham txhij tham txhua twb txog caij noj su lawm. Lub caij los noj sus wb tau noj ua ke hnub ntawv wb twb sib swm heev npaum li wb twb yog hluas nkauj hluas nraug sib hlub los ntau xyoo lawm. Kev sib tham hnub ntawv lom zem xauv npo tsis nco qab nkees thiab tham tau muaj siab kawg nkaus. Peb cog plej hnub ntawv mas lub caij nyoog luv heev rau kuv. tus hluas nkauj ntawv wb sib tham twb tsis muaj pes tsawg lo lus tseem tsis tau xav kom lub hnub poob li los lub hnub yeej qis zuj zus li lawm cheem yeej tsis tau. Dhau li ntawv los mus wb kev sib ntsib sib cuag nyob rau txhua2 hmo yeej tsis nrug. Xyoo ntawv twb yog xyoo kawg ntawm kuv txoj kev kawm (BA) kuv tsuas tos nws lo lus teb kuv tias nws puas tau pub kuv tuaj coj nws lawm xwb vim nws tseem yau tseem xav ua si li 1-2 lub xyoo mam sib yuav. Nws nyuam qhuav kawm yog mos 6, kuv thiaj cia nws xav tsam lwm hnub nws ho tu siab. Wb nyob ua ke sib tham tsis sib nrug kiag li tab sis wb yeej tsis tau muaj dab tsi tsuas nyob zoo2 li tej phooj ywg xwb, kuv yeej tsis xav tias yuav ua li cas rau nws tsuas hais lo lus zoo thiab ua txhua txhia yam txhawm rau nws xwb xav tias yuav tau thaum twg lawm mam tau nws lub cev yeej tsis lig, nws los kuj hlub kuv heev thiab raws li ntsia nws coj. Txhua hmo lub ntuj tsaus zuag xwb kuv twb yeej mus txog tim lawv tsev lawm. Wb tau pib wb txoj kev hlub zoo thiab loj hlob yeej xav tias zaum no ces yog wb ntawv txij nkawm lawm no kev ua zoo yeej zoo li zoo los tau 2 lub xyoo txwm nkaus. Vim kev txom nyem nyiaj txiag kawm tiav lawm thiaj tau ncaim nws tuaj mus ua hauj lwm rau PHU BIAB txawm kuv tuaj mus deb lawm los tsuas yog lub cev xwb lub siab txoj kev xav kev nco ces yeej muab tso nrog tus hluas nkauj uas kuv hlub tshaj txoj sia ntawv lawm, txawm li ntawv los wb kev sib tham hauv lub xov tooj yeej tsis tu ncua tshaj tej txij nkawm uas sib sib hlub lawm thiab. kuv yeej xav tias nyaj nws yuav ua siab zoo rau kuv li kuv ua rau nws.txhua zaug kuv muaj hnub so yeej yuav tsum mus kom pom thiab tau nrog nws nyob, nrog nws nyob ib lub week ntawv zoo li 1 xuaj moo xwb ces kuv twb rov tuaj mus hauj lwm lawm. Lub sib hawm uas wb zoo zoo no twb tig mus tsis tau ntev txog xyoo 2013 uas noj peb caug tag los no ces txoj kev cia siab ntawm kuv nws hloov pauv mus deb heev lawm. Muaj ntau zaus uas kuv mus nrog nws tham ces yeej hu tsis tshua tau nws li yav tag los thiab thaum kuv mus nrog nws nyob nws yeej nyob tsis txawv yav tag los tab sis yeej muaj lwm tus tuaj nrog nws nyob thiab tus tuaj nrog nyob ntawv mas ua ntej nws yuav hais ib lo lus zoo rau kuv mas nws yuav tsum ntsia kiag lawv mas mam li rov los hais rau kuv txawm kuv yuav los tsev es kuv hais rau nws tias kuv mus tsev lawm no los nws yeej tsis cheem kuv li yav tag los li lawm. Nws ib sij kom kuv muab nyiaj rau nws yuav khoom thiab thiaj tau yuav bav xov tooj es thiaj tau hu rau kuv no los yeej tsis hnov nws hu kuv li muaj ntau zaus kuv tau nug nws tias es koj yuav baum cas thiab coj mus ua dab tsi nws hais rau kuv tias: nws yuav khaub ncaws thiab khau rau xwb. kuv tias: es kuv twb pom koj cov khaub ncaws thiab khau ntau dua koj cov niam laus thiab niam hluas cov ne ua cas koj yuav yuav heev ua luaj ma.? Kuv nug tsij2 ces nws tsis teb kuv lawm xwb ib pliag nws mam li teb kuv tias: yuav rau cov niam hluas ne... lawv taij2 kuv niam es kuv niam twb tsis yuav es kuv thiaj hais koj kom koj muab rau kuv yuav rau lawv xwb ..es kuv twb tsis muaj nyiaj ne kuj hais koj xwb es koj tsis kam lod...kuv teb nws tias: ces zoo xwb ma kuv los twb tsis muaj thiab o ua hauj lwm ces kuj tau me me rau yus yuav noj dhau hli xwb tsis muaj ntau o. Kuv kuj tso dag nws tias: yog kuv yog hmoob mes kas mas yeej tsis pub koj tu siab li os.. yeej yuav ua kom tau li koj lub siab nyiam xwb. |
Nplooj2 Yus tus hluas nkauj uas yus hlub mas tseem txhawj tshaj yus tsev neeg lawm thiab " xyov li laus! ntuj aw! ". Muaj ib zaug yog thaum PI MAI LAO ( Nplog lub xyoo tshiab) nws tus hluas nraug uas nws paub tom qab kuv ntawv coj hluas nkauj mus ua si rau nws pom mas nws chim kawg nkaus li ua nws tauv tsis tau nws lub kua muag mas ntws baum dej kuv hais lus rau nws los nws yim ua ntsej muag dub nciab rau kuv caug li kuv ua tub qaug nws li, kuv thiaj paub tias tej zaum nws tsis hlub kuv lawm, tej kev kuv ua zoo rau nws ces xav tias yog nuj nqi es them rau nws xwb. Thaum ntej kuv kuj mob siab heev ntau zaus ces kuj uv tau lawm thiab. los yeej tsis xav qhov yuav tso nws vim kuv tsuas muaj nws thiab hlub nws ib leeg xwb. Txoj kev hlub uas kuv ua no tsis yog ua kom nws nco kuv, yog ua txhawm rau tus neeg yus txhawj thiab hlub tshaj plaws hauv yus lub siab lub ntsws yeej tsis khuv xim tias yuav kom tau ib yam rov qab. Muaj ib zaug kuv mus nrog nws nyob nws tus niam hluas meme muaj hnub xyoog 6 xyoo qhia kuv tias: Koj muab nyiaj rau laus es laus muab nyiaj rau laus tus hluas nraug xwb, thaum nws hnov li ntawv kuv ntsia nws ces nws ua ntsej muag liab ploog zoo li lub ntuj tsis pab bog nws li.
Kuv yeej tsis xav li cas vim me nyuam yaus meme xwb xav hais li cas los hais yeej tsis muaj tseeb li ntawv. Nov yog qee yam uas tshwm sim rau kuv paub. Tom qab no nws cov phoojywg poj niam kuj hais tias cas kuv yuav hlub nws ua luaj es nws puas hlub kuv, yog zoo li ntawv lawv yog kuv ces twb tsis tham lawm yog kuv es thiaj pheej tseem yuav them nuj nqi rau nws. kuv thiaj xav tias tej zaum yeej muaj me me lawv thiaj hais tau li no pub kuv paub los vim nws tau hais ntau yam lus rau kuv thiab coj yam ntxwv txawv txawv kiag thaum twg nws tus hluas nraug tuaj peb sawv daws nyob ua ke. Lub sij hawm peb sawv daw nyob ua ke kuv thiaj sim saib nws yuav ua li cas? Kuv thiaj kom nws wb mus ua si ces nws txawm tsis kam mus. tsheb sib nrau ntau zaug ces kuv thiaj li ua ib siab tsis mus tim nws zuj zus lawm. Ntev zog tsis pom kuv mus ces nws hu xov tooj tuaj kom kuv mus saib nws thiab kom kuv muab nyiaj rau nws ntau zaus kuv thiaj tsis muab rau nws lawm kev kom kuv muab nyiaj rau nws no tsis tau xav tias nws yog neeg thov khawv. Vim nws paub tias kuv hlub nws heev kuv keev muab rau nws lawm es thiaj zoo 2 taij xwb. Piv txwv li yus niam los yog yus txiv tus twg keev muab nyiaj rau yus ces yus pheej xav taij nyiaj tas li, nej sawv daws pab xav seb puas yog? vim yus paub tias lawv hlub yus heev yus taij lawv yeej yuav tsum muab xwb. Suav txij hnub kuv tso tseg tsis mus cuag nws zuj zus lawm ces kuv twb tu siab heev li lawm thiab khuv xim lub caij lub nyoog ua rau yus nrhiav tsis tau ib tug zoo los hlub thiab laj laj mus tham kom tau tus swm swm li no lawm. Kev yuav nrhiav ib tug los ua yus tus tav mas nyuaj heev tej thaum ntsib tus yus thiab nws sib nyiam ho hais lus tsis sib nkag siab, yus nyiam nws nws ho tsis nyiam yus thiab nws nyiam yus yus ho tsis nyiam nws lawm. Oh! yau! Nyuaj dhau lawm os. Txawm yog zoo li no es thaum muaj txoj kev hlub lawm ces thiaj mob mob siab khib khib ua luaj li yuav tuag los tuag tsis tau rau txoj niag kuv hlub uas zoo li no os. Yog zoo li txoj kev mus tom teb los sis lub koob xoo ntes pom deb deb los yog yawm saub yeej tis ib txog xov paj khi rawv ntawm tus yus hlub sab me tes los rau yus sab tes ces txawm kuv tus hlub nws yuav yog 20-30-40 lub xyoo tom ntej no mam yug los, los kuv yeej yuav tos kom tau kuv tus txij nkawm yug los loj mam yuav nws xwb os tsis tas yus yuav ua zoo rau tej tus neeg uas tsis hlub yus li no es niaj hnub no thiaj Tsuas tau qhov xav tias: " khuv xim tsis tau deev " no nrog yus tus kheej lawm xwb. Kuv zaj dab neeg kev hlub los xaus li no xwb kawg no thov kom peb ib tsoom phoojywg uas tsis tau muaj tus hlub li kuv no ho txhob ntseeg 2 cov hluas nkauj es nim hlub hlub nws ua txhua yam pub rau nws yog koj yuav ua zoo rau nws no ces yuav tsum muaj poob muaj tau xws li nram qab no: 1. Ua yawg nplaum 2. Tau lub cev tag mam yuav 3. Thaum nyob nrog yus tus hluas nkauj zoo deev ces deev 4. Txhob tshais nws tu siab 5. Tham 2-3 leeg 6. Yeej meem thab yog koj yuav taus ( Yuav tsis taus txhob deev) 7. Tau nws tag mam muab kom tsim nyog xwb 8. Nej muaj li cas ntxiv rau Kawg no ua tsaug rau www.3haivhmoob.com tus tsim qhov chaw no rau peb tuaj daws kev khuam siab kom peb kaj siab nawb. Saub Npe: Uv Vwj Tus raug dag tsis tau deev. Lus Ceeb Toom:
Cov dab neeg kev hlub thiab txhua yam hauv 3haivhmoob.com no peb tsuas yog tso rau sauv daws tau tuaj nyeem laug caij nyoog xwb txwv tsis pub leej twg muab luam mus muag los yog ua lag luam, yog koj coj mus kho los yog ua lwm yam tsis tau qhia rau peb paub , thaum peb tshawb tau lawm koj yuav raug nplua raws txoj cai ntawm lub teb chaw koj nyob ko. Ua tsaug ntau: 3HaivHmooB.Com |