Ua Neej Raws Txoj Hmoo
Tus Saua: Soob Cai Muas Email: lovetolisten49@gmail.com Phone:604 - 441 - 3950
Tus dej uas nws txhawv es txawj ntws ces nws thiaj li yuav ntshiab yeem ntws deb ces yeem loj tuaj nws thiaj muaj mi pob zeb pob ca xyoob ntoo loj hlob mos nyoos ntsuab xwb xiab raws ob sab ntug mi ntses roob ris qav txhua yam uas nyob nrog tus dej ntawd huaj vam nyob lom zem ntws. Lub neej uas peb muaj tam sim no yog peb ua raws li peb txoj kev xav thiab ntshaw zoo li tus dej uas nws txawj ntws ces nws yeej txawj ntshiab hos yog peb ua lub neej zoo li lub hav iav ces yuav kawg rau qhov uas tsis muaj chaw ntws mus mi nplooj xyoob nplooj ntoos yuav poob thiab lwj nyob nrog yus, hav iav piv txog tus neeg qia dub khav theeb chim sai nyiam liam txim rau lwm tus nyiam foom lwm tus nws tsuas pom nws ib leeg thiaj yog tus zoo xwb, hos tus dej uas ntws piv txog tus neeg siab zoo ncaj ncees pab lwm tus coj lwm tus txawj hlub lwm tus zoo li tus dej ntws ntshiab si yees ntws deb ces yeem muaj ntau tus dej los tshuam ces yeem loj tuaj xwb, yog leej twg muaj tswv yim zoo ntxiv rov muab sau dua rau peb nyeem thiab kawm, hauv qab no yog ib zaj keeb kwm tus neeg siab zoo thiab txoj hmoo.
Muaj ib nkawm niam txiv nkawd sib yuav tau tsis ntev xyoo ces tus niam txawm pib ntxub thiab dhuav tus txiv txawm nws lub ncauj tsis hais los lub siab xav kom tus txiv tuag thiab ploj mus nyob rau lawv lub teb chaws ntawd muaj ib pab tub sab uas pheej tua neeg thiab huab noj huab haus rau txoj kev ntawd ces xeev laus thiaj li hais rau txhua tus tias yog leej twg tua tau pab tub sab ntawd ces nws muab nws tus ntxhais ntxawm rau, tiam sis tsis muaj neeg yuav muaj peev xwm tua tau pab tub sab ntawd. Muaj ib hnub tus neeg ncaj ncees thiab siab zoo ntawd tus poj niam thiaj li siv lub tswv yim phem xav kom cov tub sab ntawd muab nws tus txiv tua pov tseg yog li nws thiaj li ua ib co ncuav txaum puab es muab tshuaj lom rau hauv vim nws yeej xav lawm hais tias txawm tub sab tsis tua nws tus txiv los tshaib plab ces nws noj cov ncuav ntawd nws yeej yuav raug lom tuag ib yam nws lub tswv yim phem ntawd kuj yog zoo kawg rau nws tua nws tus txiv hnub ntawd lawm ntag ces nws thiaj li ua txhua yam ntxias thiab muab cov ncuav txaum puab ntawd ntim rau hauv ib lub hnab rau nws tus txiv kom nws mus rau lwm lub zos uas yog taug txoj kev uas muaj pab tub sab tua neeg ntawd yog li nws thiaj li ua raws li nws tus poj niam hais ces nws txawm nqa lub hnab ncuav ntawd thiab taug txoj kev ntawd mus txog nrab ke ces pab tub sab ntawd txawm tawm plwb plaws los caum nws ces nws txawm ua ntia nws hnab ncuav ntawd pov tseg ces pab tub sab ntawd txawm los khaws nws lub hnab ncuav ntawd los saib ua ciav muaj ib hnab ncuav txaum puab ces tab tom pab tub sab ntawd tshaib2 plab lawv tus thawj thiaj hais tias muab faib rau peb noj saib ces txawm muab sib faib noj tag ces pab tub sab ntawd tuag tag nrog huv si ces xeev laus thiaj li noog saib hnub ntawd leej twg yog tus taug txoj kev ntawd thiab tua pab tub sab ntawd tuag tag nrog ces tus poj niam ntawd thiaj li hais rau xeev laus tias twb yog nws muab tshuaj lom rau cov ncuav txaum puab es kom nws tus txiv coj mus lom pab tub sab ntawd ntag ces tus txiv thiaj teb tias es koj twb tsis qhia kuv tias koj muab tshuaj lom rau cov ncuav txaum puab ntawd rau kuv ne ces tus poj niam hais tias yog kuv qhia ces koj yeej tsis kam ua li, ces xeev laus teb ntua tias tau lawm os mi tub thiab mi ntxhais, mi tub kuv muab kuv tus ntxhais hnub no rau koj thiab koj muab koj tus poj niam no nrauj pov tseg vim nws siab phem xav kom koj tuag tab sis vim koj yog neeg zoo koj thiaj li tsis tuag txij hnub no mus koj yuav los ua kuv tus vauv thiab ib tug thawj loj tshaj ntawm kuv xub ntiag tiv thaiv kuv saib xyuas kuv thiab laj mej pej xeem ces nws thiaj li tau los ua ib tug thawj rau xeev laus nws ua lub neej kaj siab lug muaj noj muaj haus tsis tshaib tsis nqis tsis tag khwv los muaj nyiaj tau noj tau haus tsau npo tsis ua los muaj neeg ua rau yus lawm. Tab sis lawv lub teb chaws ntawd muaj ib tug tsov pheej tom2 neeg thiab yog li xeev laus thiaj li hais rau nws tus thawj tub rog ntawd tias koj mus tua tus tsov ntawd vim muaj tus tsov ntawd nyob rau peb lub teb chaws no ces laj mej pej xeem ntshai2 tus tsov ntawd lawv tsis tau luag mus ua liaj ua teb ces sawv daws tsis muaj noj muaj haus yog li lub sijhawm ntawd kuj tsis muaj phom thiab ces xeev laus muab tau ib rab ntaj rau nws ces nws txawm nqa rab ntaj ntawd mus thaum nws mus txog thaj chaw uas tus tsov ntawd nyob ces tus tsov txawm tawm plaws los caum nws tom ces nws khiav ceev2 mus nce kiag ib tug ntoo ces tus tsov txawm los nyob hauv qab ntoo rua ncauj us saib ntsoov nws ces nws ntshai2 tshee hna ces nws rab ntaj cia li xaub poob ntad mus nkag kiag tus tsov ntawd lub qhov ncauj thiab chob kiag tus tsov ntawd lub caj pas ces tus tsov ntawd cia li tuag kiag lawm ces nws tshee2 nqes los txog ces nws muab rab ntaj thiab laws daim tawv tsov nqa los rau xeev laus ces xeev laus thiaj li zoo siab heev thiab tej laj mej pej xeem los kuj zoo siab heev yog li xeev laus thiaj li ua ib pluag loj heev los noj los haus nrog rau laj mej pej xeem sawv daws tuaj koom ces xeev laus thiaj hais rau nws tus vauv ntawd tias kuv laus lawm ces kuv yuav muab kuv tus xeev laus no rau koj es koj los coj laj mej pej xeem txij hnub no mus lawm yav tom ntej ces nws thiaj li tau los ua xeev laus thiab tau xeev laus ntxhais nkauj ntxawm tus uas zoo nkauj tshaj thiab ua lub neej kaj siab lug nrog ntxawm tag nkawd sim neej. Ua neeg siab ncaj siab zoo yeej tau ntuj ntoo yog yus muaj lub siab hlub ces txoj kev ntxub yuav tsis muaj chaw rau nws nyob yog yus coj zoo ces kev phem yeej yuav khiav tawm ntawm yus mus. Vajtswv thiab lub ntuj yeej muaj qhov muag pom yam yus ua thiab xav hauv yus lub siab tawm tuaj, ua neej nyob koj tsis nyiam los txhob thuam koj tsis hlub los txhob ntxub yog koj nyeem kuv zaj lus no koj tsis nyiam los txhob sau ntawv thuam cia li pab qhia peb ua neeg nyob yeej tsis muaj ib tug twg es yuav paub txhua yam raws li yus siab xav yus thiaj li paub yus lub siab yus tus kheej nco ntsoov hlub yus ua ntej es yus thiaj paub hlub lwm tus, ua tsaug rau koj lub sijhawm los nyeem thiab xav txog zaj lus kev ncaj ncees rau txoj hmoo. |
Lwm Yam Koj XavNyeem |
Ua Neej Raws Txoj Hmoo Yog ib Zaj keeb kwm kev kawm zoo rau koj..koj ho xav li cas thiab sau rau nram no. Nias nov mus nplooj1
Comment Box is loading comments...