Tub Ntsuag Lis Zaj Dab Neeg 17 Xyoo Dhau Mus
Tus sau: Tub Ntsuag Lis Email:Chicoasiab2014@gmail.com Phone: 285 - 114 - 28 "17 lub xyoo dhau mus lawm los txoj kev nco tseem tsis tau ploj” Ua ntej no thov txim ntau rau 3HaivHmoob lub was sab no thiab mog.Ttxuas no mus kuv yuav los sau me ntsis txog ib tus tub ntsuag li kuv txoj kev hlub 17 lub xyoo dhaus los, yeej tsis tsim nyog kuv yuav muab los piav rau hauv no lawm tab sis zoo li tsis muab tham ces yeej nyob lub qawv hauv kuv lub hlwb tas li xwb thiaj li muab tham kom lub siab kaj. Nkauj Nria Xyooj & Tub Ntsuag Lis: Nkauj Rhia wb tau sib paub los puas thaum tseem me kuv twb tsis tau txawj rau khau hos nkauj Rhia nws los twb tsis tau txawj sia siv, 3 lub xyoo dhau mus nws tiav me nyuam ntxhais hluas nkauj hos kuv tiav me nyuam tub hluas, wb tau pib wb txoj kev hlub tau zoo heev tab sis tu siab ntau uas kuv yog ib leej tub ntsuag xwb muaj txiv tsis muaj niam peb txom nyem heev ces kuv txiv tau xa kuv mus kawm nyob rau ib lub tsev kawm me nyuam ntsuag uas nyob deb heev puab rau yav qauv teb lawm, lub sij hawm ntawv kuv xav tias tsis tuaj mus kawm los ntshe kuv txiv yuav tag txoj kev cia siab rau kuv thiab hos tuaj mus los kuv hos nco nco nkauj Rhia heev vim kuv tseem me hnub nyoog muaj 11 xyoos xwb. Xyoo ntawv kuv ua ib siab tuaj mus kawm raws kuv txiv txoj kev cia siab rau lub tsev kawm hais los, tom qab kuv tuaj kawm deb lawm nws haj yam ua rau kuv nco nkauj Rhia hos nws los haj yam nco thiab tos kuv heev yam qhia tsis tau rau leej twg,, nyob rau lub sij hawm ntawv tsis tau muaj xov tooj siv wb tsuas yog sib sau ntawv faj mus-los sib cuag xwb, txawm tias ntau lub hlis wb mam tau sib ntsib hauv tsab ntawv thiab txog caij noj 30 mam li tau los sib cuag ib zaug xwb los wb nyias yeej rau siab nrho kawm ntawv thiab txoj kev hlub yeej tseem tsis pauv li. Poob los rau xyoo 1998-1999 txoj hmoo tsis muaj Nkauj Rhia lawv cov dab laug tuaj nqis tsev hais tau 4 hnub ces nws niam lawv cia li muab nws rau hmoob yuav nws los nyob rau sab Av Liab lawm, xyoo ntawv ua rau kuv tu siab heev nyob nrog txoj kev quaj xwb qee lub sij hawm yeej xav tias tub ntsuag li kuv cia tuag kiag mus yuav zoo dua tab sis hos xav txog kuv txiv txoj kev cia siab rau kuv, kuv thiaj li ua ib siab kawm raws li kuv txiv txoj kev cia siab xwb. 2 xyoo tom qab no kuv kawm tag qib 12 kuv raug npe los mus kawm nyob rau National University Dong Dok uas yog xyoo 2001. Lub xyoo no tsis muaj nkauj Rhia lawm ces kuv tu siab heev li thiab yus los yog ib tus tub ntsuag xwb xav tias yog tsis kawm tiag ntshe yuav nrhiav tsis tau noj thiab ntshe yuav tsis muaj leej twg kam lees yus tsis tas li xwb ntshe yuav txaj muag heev rau nkauj Rhia rau lub neej pem suab. Yog li kuv thiaj li txiav txim siab tuaj mus kawm nyob txawv teb chaws lawm uas yog xyoo 2003, vim kuv muaj xoj kev tu siab rau kuv tus kheej heev tias kuv yog ib tug tub ntsuag xwb ntshe luag niam luag txiv thiaj li tsis pom zoo luag tus ntxhais tos kuv es thiaj li muab nws qua rau cov neeg uas lawv muaj kev cia siab lawm los xyov vim kuv yog ib tus tub ntsuag xwb es nkauj Rhia tsis muaj txoj kev cia siab es nws thiaj li lees luag lus nrog luag mus lawm. 8 lub xyoo tom qab uas kuv tuaj kawm tiav txawv teb chaws rov los txog, rov los pom nkauj Rhia wb tej me kev taug, tej chaws nyob, tej chaws mus liaj mus teb uas puag thaum wb tseem uas nkauj ua nraug es wb tau 2 leeg tau pom thiab tau mus ua ke, muaj ntau yam completely pauv txawv tag nrho lawm, tab sis kuv txoj kev nco nkauj Rhia yeej tsis pauv thiab yeej tsis tau ploj hauv kuv lub hlwb li thaum rov los pom tej chaws ntawv yeej tseem zoo li pom pom nkauj Rhia lub me ntsej muag luag ntxhi ntawm kuv tus zaim muag, muaj 1 qho kuv nco ntsoov mas yog muaj ib hnub nkauj Rhia wb mus nrog lawv ib yim neeg pauv zog cog nplej los es los nag loj heev ua rau txoj kev nplaum aiv heev kuv thauj nws saum kuv lub tsheb kauj vab los tsis tau es kuv kom nws nqa kuv sab khau es kuv kwv lub tsheb kooj vab los dhau ntu kev hav nkos nkos ntawv kuv mam rov thauj nws dua hnub ntawv wb los txog tsev twb yuav txog 7 teev tsau ntuj lawm. Nkauj Rhia a…txawm tias lub sij hawm yuav dhau los ntau npaum li ntawv lub xyoo lawm los koj txoj kev hlub, koj txoj kev ua zoo thiab koj tej kev pab kuv txhuas 2 yam nws yeej tseem nyob lub qawv hauv kuv lub siab tsis ploj li os mog. Tom qab kuv kawm tiav txawv teb chaws los uas yog xyoo 2011 kuv kuj los nrhiav tau hauj lwm ua, los khwv tau nyiaj txaus yuav poj niam tau rau kuv thiab kuj hos yuav tau tsheb loj los caij xws li teb li chaws lawm thiab. Ib qho ntxiv uas kuv zoo siab tshaj mas yog kuv tig rov los pab tau kuv txiv thiab kuv tsev neeg ua ntu zus los txog niaj hnub niam no lawm. Nkauj Rhia, yog koj los yog tsoom phooj ywg uas paub kuv nej leej twg tuaj pom kuv sau wb zaj dab neeg no los txhob xav yuam kev rau koj lub neej nawb mog, kuv tsis yog yuav sau tsim kev kub ntxhov txog neb lub neej thiab kuv lub neej os, kuv tsuas sau raws li qhov muaj tseeb thiab kuv lub neej tub kawm ntsuag no tu siab, chim siab uas yog tom qab 17 lub xyoo uas koj tso kuv tseg koj mus yuav txiv lawm los txog hnub no 2016 no xwb. Yog li ntawv kuv tsuas muab sau tseg ua ib zab dab neeg khaws tseg rau kuv lub neej xwb es koj/nej ua siab loj txhob xav yuam kev. Tub ntsuag Lis zaj dab neeg tsuas los xaus li no xwb. Kawg no thov ua tsaug ntau ntau rau 3haivhmoob, thov kom nej txhuas leej uas tuav/tsim lub was sab no tsuas muaj loj hlob thiab zoo zuj zus mus xwb. Tub ntsuag Lis |
Lwm Yam Uas Koj Xav Mus SaiB
Ci Vaj Lub Neej Tu Siab
|
Koj xav li cas rau txoj kev hlub tu siab saum no sau nram qab no. Nias nov rov mus Nplooj Kev SiB HLUB
Widget is loading comments...