Mus Tua Nyuj Qus Txaus Ntshai
CeeB Toom: Txwv tsis pub koj muaj cov dab neeg hauv no mus hais rau youtube los yog xov tooj cua.
Tus Sau: Hmoob Khej3 Email: Birdybrid@yahoo.com Plob Tua Nyuj Qus Teb Txaus Ntshai Tua Nyuj Qus Txaus Luag Txaus Ntshai Zaj ntawm no nws yog ib zaj muaj tshwm sim tseeb rau kuv txiv. Ntev heev los lawm thaj tsam 40 tawm xyoo los lawm thaum ntawv tab tom yog lub caij ua rog Vaj Pov ntag. Thaum ntawv sawv daws tau cov phom M16 thiab cov 15 teg ntau rab sawv daws nqa coj los cia hauv tej vaj tej tsev. Muaj 1 hmos ces hauv lub zos uas kuv txiv lawv nyob txawm muaj 1 tug heev nyuj qus ncig 1 lwm los dhau plaws tag kis kaj ntug sawv daws mus ua teb ces txawm mus pom tus neev taw nyuj qus ntawv. Sawv daws txawm muaj muaj siab ces tag nrho kuv txiv lawv pab me yawm yij yawm dab txawm sib yaum mus raws tus nyuj qus ntawv hnub ntawv sawv daws teb los tsis qab siab mus ua li ntag laiv cia poj niam menyuam mus ua xwb kuv txiv tseem yog tub hluas tsis tau yuav poj niam. Sawv daws ntim mov ntim txhuv tib sib txhaub tau cov dev raws nqaij muaj 4-5 tug thiab ces sawv daws txawm mus raws. Hnub ntawv lawv raws 1 hnub raws tsis cuag tus heev nyuj qus li ntag. Mus mus 1 hnub tsaus ntuj lawv raws mus txog rau 1 lub kwj ha yog hav nplooj ntse xyaw hav tsawb. Sab tim ub ces yog nce mus rau 1 lub niag roob loj loj npe hu ua Roob Phus Xam Leej hos sab tim no ces yog rov qab los rau tim lawv zos. Txog qhov ntawv ces tus hneev nyuj qus txawm tsuj hla rau sab ntug kwj ha sab tim ub nce rau saum Roob Phus Xam Leej lawm. Txog rau ntawm kwj ha ntawv ces txawm tsaus ntuj ntawv lawm thiab sawv daws txawm sib sab laj hmo ntawv sawv daws txawm pw rau ntawm tus ntug kwj ha ntawv 1 hmos tag kis noj tshais tag tso mam li mus raws ntxiv mus. Hmo ntawv tom qab sawv daws ua hmo noj tag sawv daws txawm los zaum ua ke ncig ntug cub sib tham ces kuv txiv muaj 1 niag yawm yij nws yuav kuv txiv 1 tug muam kwv tij tus yawm yij ntawm no txawm hais rau kuv txiv lawv tias dab laug...hnov luag tej tham tias tsib nyuj qus mas zoo ua tshuaj heev zoo puas tsav yam tshuaj yog tias raws tau niag nyuj qus nov leej twg yuav yuav nqaij li bcas nws yuav nws...kuv li ces thov yuav tib lub tsib xwb os. Yawg txawm hais li no rau lawv ces lawv txhua tus kuj tsis hais li cas vim tias sawvdaws puav leej yog yawm yij yawm dab xwb. Kuv txiv 1 tug tij laug kwv tij txawm hais rau niag yawm yij ntawv tias yog koj ho xav yuav lub tsib xwb los yog tias peb tua tau peb mam li muab lub tsib rau koj 1 leeg xwb los tau kawg... Hmo ntawv sawv daws pw 1 hmos tag kis kaj ntug tshais twb tsis tau noj sawv daws muaj muaj siab ces cia li sawv ntxov mus raws tus heev nyuj qus ntawv lawm xwb tso cia ib chim tshaib plab thaum twg mam li los ua tshais noj. Tus heev nyuj qus ntawv ces nws hla lub kwj ha lawv pw ntawv mus rau pem laj roob yuav luag txog saum npov roob xwb ces nws txawm mus pw rau pev. Nyuj qus mus pw rau hauv 1 koog niag xyoob ntxhov ntxhov. Thaum lawv nce mus txog rau ntawm koog niag xyoob ntawv ces ua cia dev mas tsem tsaug tsi thiab nkag tag mus rau hauv koog niag xyoob lawm. Thaum ntawv niag yawm yij kuv tham ntawm no txawm hais rau sawv daws tias dab laug a...dev ua heev npaum ntawv rau koog niag xyoob nov ntshe niag nyuj qus nyob hauv pob...neev taw twb nkag dua hauv lawm thiab as... Nyuam qhuav hais li ntawv xwb lub suab twb tsis tau xaus ua ciav nrov rhev hauv koog niag xyoob tuaj ua nwg xyoob tu tus yees tuaj ua nwg dev mas dhia pos tw ntoob hauv tawm khiav los. Sawv daws xov zoj tsis tau li lau zaum no nyuj qus dhia tuaj lawm ces sawv daws tib tsaug khiav tus khiav nce toj los muaj hos ib txhia khiav nqis hav twb tsis nco qab tua 1 phom li. Ces kuv txiv niag yawm yij ntawm no yuav khiav qhov twg tsis pom qab khiav ces nws txawm tib teg khiav nqis hav rau nram qub qab uas cov niag khiav ua ntej lawm...hauj yau...zaum no ces nyuj qus raws niag yawm yij ntawv los ces pab niag ntawv ces tus khiav rau ub tus khiav rau no tus khiav nce too los muaj khiav khiav lawv cov niag phom poob tag. Niag nyuj qus tsom niag yij laug ntawv tib leeg raws xwb ntag laiv lwm leej lwm tus nyuj qus ho tsis raws. Yawg txawm khiav mus 10 tawm daj nram hav hmoov los muaj thiab txawm muaj kiag 1 tsob niag ntoo loj loj ua ua nreej nyob kiag rau ntawv hauv niag hauv paus ntoo cov niag cag txawm ua nreej thiab siab tsawv. Yawg saib zoj tsis tau zaum no nyuj qus raws yuav tau yawg tiag tiag tshuav 2 dga lawm xwb nyuj qus ti ntho ntawm yawg pob tw lawm ntag. Niag nyuj qus mas tshuab plig pleg txog ntawm yawg pob tw lawm thaum ntawv yawg saib zoj yuav tsis khws yawg tso plhuav cev tib paj paws nkag kiag hauv lub niag hauv paus ntoo nkag kiag rau puag pem cov niag cab ntoo tuab tuab lawm. Thaum ntawv niag nyuj qus twb pib nyo taub hau yuav muab yawg nrau nqa nnchos lawm ntag xyov yog niag nyuj qus khiav ceev heev es nws brake tsis tau los yog vim nws tsis nco pom nreej niagcag ntoo los xyov ua cas nyuj qus cia li rau ntua nreej niag ntoo ua muaj tus niag cag ntoo tuab tuab ntawv tib ncaws kub rau ntag ua nwg nyuj qus 2 niag kub ntsia nkaus rau ntawm niag cag ntoo tag nrho 1 nrab rau hauv nyuj qus lub taub hau nkag kiag rau tauv niag cag ntoo ntawv tshuav kiag deb li 1 yag npab xwb ti ntho ntawm yawg zaum ntag. Yawg ces tshee cuag ua neeb hos txog siav los txog siav ntshai los ntshai. Npaj no ces niag nyuj qus lub niag taub hau ho mag cov niag cag ntoo ntawv muab zoj ruaj ruaj cuag muab nws khi tau tseg rau ntawv lawm thiab lau. Niag nyuj qus nti nti tsis palm li lawm thiab lau cuag li muab zoj tau ruaj ruaj lawm ntag. Thaum no ces yawg mam li nrhiav phom los mus tua los xyov phom poob phom qhov twg lawm tsis pom qab ua li cas yawg xav zoj tshuav yawg rab riam ntawm duav yawg thiaj li rho hlo tau yawg rab riam txib ntawm duav loj muaj 1 xib coj los 2-3 nplhos riag rau nyuj qus caj pas nyuj qus thiaj li txhos caug ntua ntawv tuag kiag lawm. Yawg thiaj li mam tawm los qw rau sawv daws kom tawm los pab yawg hlais niag nyuj qus. Tiam sis sawv daws kuj tsis ntseeg vim tias twb tsis hnov yawg tua phom es ho kom los hlais nqaij nyuj qus. Sawv daws thiaj li maj mam tawm los xauj xauj no ua cas niag nyuj qus tuag lawm tiag sawv daws thiaj li mus sib pab muab hlais zaum ntawv lawv thiaj li muab kiag lub tsib rau yawg 1 leeg thiab lub taub hau nyuj qus nrog rau 1 phuv nqaij rau yawg. Lus Ua Tsaug: Hmong Khej 3 is a dedicated writer for this website. Thank you for your time. Ua tsaug ntau koj sau cov dab neeg zoo zoo tuaj ua kev lom zem rau ib tsoom niam txiv kwv tij neej tsa. 3Haiv HmooB Admin. |
Lwm Yam Uas Koj Xav Mus SaiB
Suab Nag Lauj Tham
|
Koj xav li cas rau txoj Dab Neeg saum no sau nram qab no. Nias nov rov mus Nplooj Kev SiB HLUB
Widget is loading comments...