"Kuv Yuav Nco Koj Mus Txhua Tiam"
Nplooj1 Ua cas ib leeg yuav muaj ib txoj kev zoo siab..ib leeg yuav muaj ib txoj kev lwj siab nyob nrog nraim uas koj faib tsis tau rau kuv...Kuv los faib tsis tau rau koj ib yam nkaus li thiab....nyob zoo ib tsoom phooj ywg hnub no kuv yuav tuaj piav ib zag dab neeg kev hlub rau nej sawv daws tau nyeem raws txoj kev lwj siab iab plawv os nawb.
Nyob rau lub tim 26/03/2008, kuv tuaj mus kawm ntawv nyob rau mab ham lais, xyoo 2 thiab tau paub ib tug phooj ywg xeem hawj, wb kawm ntawv zaum ib lub rooj ua ke, yog li muaj ib hnub nws thiaj li tau yaum kuv kom kuv nrog nws mus saib lawv lub zos. Nyob rau lub weekend kawg ntawv wb thiaj tau mus pem lawv zos rau li hais. Thaum wb ob leeg los txog ntua rau tus phooj ywg lub zos ces wb so ib pliag xwb kwv yees li ntawm 15 feeb (minutes) ces tus phooj ywg nws txawm coj kuv wb mus ncig saib lawv lub zos thiab saib lawv lub kiab khws thaum lub sij hawm no kuv los kuj tseem txaj2 muag thiab vim tias yog thawj zaug rau kuv xwb tuaj mus saib lub zos no . Hnub tom qab los kuv tsis mus ncig ua si li thiab ces kuv tus phooj ywg txawm hais rau kuv tias vim li cas koj ho tsis mus ncig tham hluas nkauj li? kuv teb tias kuv tsis mus vim tsis paub leej twg thiab txaj muaj es kav liam cia lwm zaus tso yog wb rov los dua no kuv mam li mus os phooj ywg . Thaum kuv hais li no tag ces nws thiaj lis hais rau kuv tias yog koj tsis xav li cas no kuv tshuav ib tug muam kawm nyob high school es kuv lam coj koj mus saib seb koj puas nyiam nws ma. kuv thiaj li teb nws hais tias: tau kawg yog tias koj coj no ces kuv mam li mus saib nws . Hnub ntawv thaum yuav tsaus ntuj tab tom nws mus kawm ntawv los txog tsev ces wb thiaj li mus tom lawv tsev thiab tau mus pom nws , thaum kuv pom deev tus hluas nkauj no ua li cas nws yuav zoo tau ntxim hlub ua luaj li. Nyob rau lub sij hawm ntawv kuv lub siab ntsws cia li muab nws coj los nco los xav nraim hauv kuv nruab siab lawm . thaum kuv mus pom dheev nws ces nws hu wb luag ntxhi tias: Aib nruas neb tuaj lod? los tsev os zaum ntawm no es kuv nqa dej rau neb hau os nawb , wb teb tias kav liam os lod tsis ua li cas os twb yog kuv coj tau ib tug phooj ywg nrog kuv los thiab tab si zoo li nws txaj2 muag es kuv thiaj li coj tuaj nrog koj hais lus xwb os Maiv. Dhau ntawv los ces maiv nws txawm nug kuv npe , xeem thiab nyob qhov twg tuaj , kuv kuj tau teb rau nws raws li cov lus nug tag ces, kuv hais rau maiv tias ab ...! maiv cas zoo li twb yuav tsaus ntuj lawm ces koj kav tsij mus ua hmo rau niam lawv noj nawb ib pliag kuv mam li tuaj nrog koj hais lus dua. Maiv teb kuv tias : wm tau kawg tsis ua cas li os lod? dhau ntawv los wb kuj tau rov qab los mus tsev lawm . Tom qab noj hmo tiav tag ces kuv thiaj li tau mus nrog maiv nyob tham lus ua si tab sis zoo li maiv los kuj hais lus zoo kawg li rau kuv thiab , yog li kuv thiaj li tau hais ib lo lus tso dag ntxuag tiag rau maiv tias: ab Maiv a..! kheev lam koj lam nyiam kuv li kuv nyiam koj mas ntshe kuv yuav zoo siab heev li thiab yuav tsis thov hlub leej twg ntxiv lawm tiag. Maiv txawm teb kuv tias : yog tias kuv yeej muaj siab hlub thiab nco tiag tsis dag ces maiv los yeej yuav hlub kuv ib leeg thiab xwb tsis dag kuv li , yog li wb ob leeg kuj tham zoo li ib pliag xwb ua li cas lub sij hawm yuav khiav ceev ua luaj li rau wb. Yog li kuv thiaj tau thov maiv tus npawb xov tooj thiab hais rau maiv tias yog koj tsis xav li cas no muaj sij hawm kuv mam li hu tuaj nrog koj tham os nawb maiv teb tias: wm tau kawg ntshai tsam koj lam hais dag kom kuv muaj siab tos2 koj xwb laub? kuv yeej hais tiag2 tsis dag li cog lus rau koj los tau kawg. yog li hmo ntawv kaj ntug xwb kuv tus phooj ywg twb yuav rov qab los mus kawm ntawv lawm tiag , Kuv thiaj tau tso maiv nyob ib leeg rau tom qab xwb kuv los lawm mas kuv lub siab quaj dhi rau rov tom qab xwb yog xav txhog Maiv Thaum twg. Thaum kuv los txog tsev kawm ntawv lawm kuv thiaj li hu rov qab mus rau maiv thiab wb sib tham ntev li teev kiag ces txij li hnub ntawv los maiv wb txoj kev hlub zoo yam li tej me nroj me tsuag uas pib loj zuj zus tuaj lawm xwb ua rau wb ib leeg tseg tsis taus ib leeg li lawm. Kuv nco maiv heev li ua rau kuv cia li kawm tsis tau ntawv zoo li lawm vim txoj kev hlub thiab kev nco maiv xwb , wb tau los sib paub thiab sib hlub tau ib lub xyoo kiag xwb ces tom qab lub xyoo ntshiab 2009 tag mus lawm kuv tau hais rau maiv tias kom nws tos kuv xeem ntawv tag nrho ces kuv mam li kom kuv niam thiab txiv nkawv tuaj nqis tsev hais nws rau kuv yog li maiv wb kuj tau cog lus li no cia. |
Nplooj2Tau li 2 lub hlis xwb maiv nws niam thiab nws txiv cia li muab nws yuam yuav ib tug thaub laus hmoob mes kas lawm maiv quaj thov npaum li cas los lawv yeej tsis nrog maiv hais dab tsi li lawv cia li muab maiv yuam qhi rau tus thaub laus hmoob meka ntawv lawm xwb , txog thaum kuv paub ces txhua2 yam nws twb lig2 rau kuv lawm kuv yeej ua tsis tau ib yam dab tsi li tsuas yog tau quaj ib leeg xwb rau txhua txoj kev saib saum ntuj los pom cov huab dawb ya zom zaws...Saib ntiaj teb los pom cua tuaj nplawm tej me xyoob ntoo ya zom zaws..Kuv lub kua muag ib sij ntws poob ib lub tawm ntawm lub qhov muag los xwb..., yog li thaum kuv hnov dheev li ntawv kuv thiaj li tau hu xov tooj mus rau maiv na has ua li cas tsis yog maiv los teb lawm hos yog maiv niam los teb kuv lawm xwb. Maiv nws niam hais trau kuv tias : kom kuv tsis txhob hu xov tooj rau maiv lawm vim maiv twb mus yuav txiv lawm yog tias kuv hu mus ntxiv ces yeej yuav muaj teeb meem rau kuv xwb yog li kuv thiaj li thov maiv niam es cia kuv nrog maiv tham ua zaum kawg vim kuv nco maiv heev li los maiv niam yeej tsis kam li , thaum kawg kuv ua tsis tau li cas kuv thiaj li tua xov tooj lawm lub sij hawm ntawv tab tom kuv yuav xeem ntawv thiab ua rau kuv nyuaj siab mus tag txhua3 yam tig mus ntsia sab ntuj twg los tsaus ntuj nti rau kuv xwb kuv quaj tau 3 hnub 3 hmo los lub kua muag tseem ntws si cuag li kob me dej nag uas poob saum ntuj los xwb. Xyoo ntawv kuv thiaj li xeem tsis tau ntawv. kuv nim xav hais tias yog kuv nco koj npaum li no ntshe txoj kev tuag thiaj li yuav pab tau kuv lawm xwb vim yuav tsis nco thiab thiaj li yuav hnov qab tau txhua yam os.. , Tshuaj txoj kev nco thiab hlub maiv tsis yog yuav nco tiam no xwb yuav nco maiv mus kom txhua2 tiam tsis hais tiam twg yog muaj maiv thov kom muaj kuv thiab yuav nco maiv mus kom txog hnub kuv lub qua ntxa tiaj kiag os maiv. Sim me neej no saum yaj kuv tsis tau koj lawm los kuv mam li sau koj lub npe rau kuv xib teg txawm kuv tuag mus lawm los kuv yuav tsis pub lwj thiab kuv yuav tsis yuav lub qe laig dab thiab kuv yuav tsis yuav tus txhib ntawg quas pob nawb kuv yuav tuag nco ntsoov mus nyob saum huab paj huab pos tos koj los wb mus hnav tsho tsuj tsho npuag, koj tus ntsuj plig kuv mam li qaim nkaus nrog kuv. Kuv mam li coj mus hais qhia rau yawm xeev laus nyob qaum ntuj ntsuab kom nws muab wb los sib txis ua txij nkawm pauj kev chim qhov kuv tsis tau koj nyob tiam no....thiab qhov uas kuv this koj tuag vim txoj kev nco nawb mog maiv tus neeg kuv tshua,.. thaum kawg no thov ua tsaug ntau ntau rau hmongmeka.com uas muab qhov chaw no rau kuv tso txoj me kev lwj siab no ua keeb kwm tseg...vim yog muaj nej hnub no kuv thiaj li tau tuaj muab kuv lub neej lwj siab ntxhov plawv no hais thiab piav qhia rau tib neeg ntiaj teb kom paub tias muaj ib tug neeg tuag tsi tu siav vim txoj kev nco maiv xwb no nawb. Txawm kuv sau tau tej los uas tsis zoo es nej tsis tau tso cai ( Authoried )los thov zam lub txim rau kuv nawb mog vim txhua2 yam kuv yeej sau muaj tseeb txhua2 lo lus nws yeej ntawm kuv lub neej tuaj xwb , ua tsaug rau nej 3haivhmoob.com ib zaug ntxiv mam sib ntsib dua nyob zoo.... Sau Npe: Tij Laug Tshuaj Lis - Tus uas Nyob Nrog Txoj Kev Nco Koj Mog Maiv.......- Lus Ceeb Toom:
Cov dab neeg kev hlub thiab txhua yam hauv 3haivhmoob.com no peb tsuas yog tso rau sauv daws tau tuaj nyeem laug caij nyoog xwb txwv tsis pub leej twg muab luam mus muag los yog ua lag luam, yog koj coj mus kho los yog ua lwm yam tsis tau qhia rau peb paub , thaum peb tshawb tau lawm koj yuav raug nplua raws txoj cai ntawm lub teb chaw koj nyob ko. Ua tsaug ntau: 3HaivHmooB.Com |