"Hlub 4 Xyoo Nco Txog Hnub Tuag"
Nplooj1 Wb txoj kev hlub 4 xyoo kuv yuav nco koj mus kom txog hnub kuv tuag ...Lub sij hawm no koj sawv los koj zaum...koj zaum los koj pw...lub sij hawm uas kuv tab tom sau zaj dab neeg no ..nws yog ib lub sij hawm uas kho siab tshaj plaws ntawm lub neej...tsis muaj yam dab tsi los pauv tau...ntshe koj yuav tsis nco kuv li kuv nco koj...ntshe koj yuav tsis hlub kuv li kuv hlub koj lawm....txawm li cas los thov kom koj mus tau kev kaj siab xwb..nyob li ntawm kuv txhob xav txog lawm mog me neeg zoo tus kuv hlub thiab nco tag nrho kuv ib sim neej.... wb txoj kev hlub 4 xyoo thiab 8 lub hlis txij li thaum lub 5 hlis 2009 los txog rau hnub 3/13/2014 uaS yog hnub no tau tag lawm tiag tiag os, kuv ua tsaug rau txhua tsav txhua yam tag los, ua tsaug rau koj txoj kev hlub uas koj ib txwm hlub hlub thiab muab rau kuv los txog hnub no. kuv tu siab uas kuv tsis ua zoo thiab tsis muaj sij hawm rau koj es ua rau koj tu tu siab thiab xav tias kuv no tsis hlub koj tsis pab koj, tab sis qhov tseeb nyob hauv kuv lub neej no kuv hlub koj tshaj li os zuag, yog paub tias yuav zoo li hnub no ntshe tag los kuv yuav hlub hlub koj tshaj tsis pub koj quaj ntshaw luag poob kua muag li yav tag los lawm os tus neeg kuv hlub, hnub no raug koj tso lawm ces mam paub mam nco xav ces twb lig lig rau kuv heev li lawm. Txawm tiam no kuv tsis muaj txoj hmoo hlub tau koj, nrog koj nyob los kuv yuav muab koj cim ntsoov rau kuv nruab siab mus ib ntxhis kom txog hnub uas kuv tuag kiag os. Zuag thaum kuv hnov tias koj lam nrog luag mus xwb koj tseem hlub hlub nco nco kuv koj hais tias sim neej no yog tsis muaj kuv lawm es xyov koj yuav ua cas ua neeg nyob mus txog hnub kawg no ua rau kuv yuav tuag tiag tiag li os… vim kuv hlub koj heev li na kuv los xav kom koj paub tias yog ntiaj teb no kuv tsis muaj koj lawm es xyov kuv yuav ua li cas nyob thiab no os, kuv yuav mus nrhiav ib tug neeg zoo zoo hlub hlub kuv li koj ko qhov twg os, ua neeg nyob tsis muaj koj zoo li lub ntiaj teb no ntsiag to lub siab ntxhov nyho xav kom koj rov los nrog kuv nyob ntshe zaum no kuv yuav quaj yuav nqov los ntshe koj yuav tsis rov los lawm os, yog tiam no kuv txoj hmoo yeej los zoo li no xwb es ntshe tiam no kuv yuav dhau mus ua ib tug neeg vwm neeg npab ntshe kuv lub neej yuav poob qab ntshe yuav caum tsis cuag tej phooj tej ywg li os. Zuag as ua cas kuv twb lav ib puas tsav yam lav ciaj lav tuag los ua cas koj tseem tsis xaiv kuv thiab os, txawm tias koj xaiv luag los kuv tsis tu siab rau koj os nawb tsuas yog tias luag hlub hlub koj xwb ces yeej zoo zoo kuv siab kawg lawm os qhov kuv ntshai tshaj ces kuv ntshai tsam luag paub txog ntawv koj thiab kuv wb txoj kev hlub tag los es luag yuav tsis hlub koj luag yuav coj koj mus tsim xwb os yog tias tseem muaj hnub ntawv thiab ntshe xyov kuv yuav ua li cas li os vim kuv hlub koj heev. Txawm li cas los kuv yuav thov lub ntuj lub teb pab kom luag hlub hlub koj, ua zoo rau koj, yuav koj siab, tsis pub koj poob lub kua muag, kom koj mus ua lub neej nyob tshav ntuj nrig muaj txhua yam raws li koj siab xav thiab ntshaw os nawb es koj ua ib siab muab tus txiv neej uas tau ua phem phem rau koj no hnov qab mus os es cia nws mam muab koj nco ib leeg mus kom tag sim me neej no xwb os. |
Nplooj2Ntshe tiam neej no koj thiab koj txoj kev hlub yuav ua mob zwm rau hauv kuv lub siab mus ib sim. Kuv nco txog thaum wb tseem nyob ua ke ua rau kuv lub kua muag los los kuv tus neeg zoo as ntshe yav tag los tsuas yog bau suav lawm xwb xyov kuv yuav ua cas muab koj nco mus tag tiam no os ntshe kev hlub tag los tsuas yog bau suav lawm xwb lub kua muag yuav ntws mus tag ib sim yog paub tias sib hlub los yuav tsis sib tau es cia wb tsis txhob sib hlub los ua lub chaw nco es thiaj li yuav tsis mob kuv lub siab lub ntsws ntshe yuav nco nco koj kom kuv tuag kiag ntshe wb daim ntawv los tsis raug es wb thiaj li sib hlub los tsis muaj chaw xaus ua tsaug ntau ntau rau koj txoj kev hlub uas muab rau kuv los txog hnub no kuv yuav khaws koj tej me lus zoo rau hauv nruab siab yog lwm tiam muaj tiag mam los sib hlub dua os kuv tus neeg zoo aws..... hnub no wb yuav sib ncaim mus ntshe yuav tseg ncua tus neeg uas kuv hlub koj yuav tau mus pw luag lub xub ntiag kuv ces ntshe yuav muab koj nco ua tshais ua hmo kom tag kuv tiam neej no yuav nco koj tsis ploj li os zuag tus neeg kuv hlub……. Ib tsoom phooj ywg yog nej leej twg muaj ib txoj kev hlub zoo, muaj tus hlub zoo zoo lawm no thov nej ua zoo rau tus neeg uas nws hlub hlub nej nawb, ua kom zoo tshaj plaws ua txhua yam uas nws xav kom nej pab nws, yuav nws siab hlub nws kom kawg nej lub siab nrho tsis pub nws mus ntshaw leej twg txoj kev hlub li, poj niam nyiam lus zoo nawb peb cov txiv neej yuav tsum hais lus zoo rau poj niam tseg kiag tsis txhob hais ib lo lus nyhav rau lawv os, txhob xav hais tias nws nyiam thiab hlub yus lawm ces yuav hais li cas rau nws los tau no nawb yog leej twg xav li no ces yuam kev deb heev lawm os thaum nws nyob nrog yus hlub yus tsis txhob muab nws saib tsis khuab qhov muag os yus yuav tsum muab nws saib kom muaj nuj nqis tsam ib hnub twg yus mam xav tau ces lig heev dhau tshav ntuj nrig puag nram kwj ha koj yuav khuv xim nws mus txog hnub koj tuag zoo li hnub no kuv os… thaum kawg no tsuas thov kom txoj kev phem kev tsis zoo tsuas pub muaj txij kuv lawm xwb nawb es tsis pub poob rau nej txhua tus ua nyeem kuv zaj dab neeg no os…….Muaj lub caij lub nyoog mam rov sib ntsib dua. Kuv thov ua tsaug rau Hmongmeka.com uas muaj qhov chaw no rau peb suav daws tuaj tsa pa kom lub siab ho kaj lawm ib chim yam nkaus lub nra uas muab txo kom sib . Cov duab uas kuv yees nrog tus muam los yog tus phooj ywg no no tsuas yog tso tau saib xwb txawm nws ho mus muaj cuab yig los yog muaj dua tus hlub tshiab lawm los thov koj txhob ntaus nqi li cas rau wb. Yav tag los tsuas yog phooj ywg es wb yees tau saib xwb, tsis tas li cov duab no los tsis cuam tshuam txhog ntawm 3haivhmoob.com lawv tsuas yog tus pab tso zaj dab neeg tawm xwb. Es ua tsaug ntau ntau dua ib zaug ntxiv. Saub Npeb: Thaib Vaj Tus hlub tsis tau koj es yuav ncog txog hnub tuag. |
Txoj Kev Hlub Cas Yuav Tu Siab Luaj No Koj Xav Li Cas?
Widget is loading comments...