Taub Thiab Phau Txoj Kev Hlub
|
Txwv: Txwv tsis pub leej twg tuaj muab cov dab neeg kev hlub thiab lwm yam hauv no coj mus tso rau lwm lub vas sab yog tsis tau txais kev tso cai los ntawm 3haivhmoob.com. Warning: No one can copy these stories at 3haivhmoob.com to post on your own or other website without our permission. Thank you for your cooperation.
|
Nplooj-1 Txoj Kev Hlub Yuav tsis los kua muag yog tias koj tham tau lawm es koj yuav mam li hlub....Txhob cia tham tau hlub lawm es mam li yuav...Muaj qee leej txoj hmoo tsis zoo koj tham tau koj hlub koj mam li yuav ces tau raws lub siab xav...Muaj qee leej tham tau tos Hlub mam li yuav ces ntev thiab ntev ua rau lwm tus tuaj pom koj tus hluas nkauj los yog hluas nraug luag cia li tuaj muab nyiag yuav lawm ua rau koj lub me kua muag poob ntws cuag dej....Txog lub me ntuj tshav koj nco nws ib zaug...txog lub me ntuj los nag los koj nco nws ib zaug....Lub ntuj tsaug ntuj no tawm tuaj los ua rau koj nco nws ib zaug thiab...Raws li kuv tuaj nyeem cov phooj ywg hauv no cov kev hlub mas nej feem coob tham tau hlub lawm mam yuav, sij tos ib lub caij dhau mus ib lub caij dhau tuaj ua rau nej plam nej tus hlub mus lawm tiag ua rau txoj kev nyuaj siab thiaj muaj nrog yus....Nyob li ntawm kuv tham tau ces yuav kiag mam hlub yog li kuv thiaj tsis plam tus neeg kuv hlub es nij hnub no wb thiaj muaj txoj kev kaj siab...Vam tias nej nyeem kuv zaj kev hlub tag yuav ua tau ib qho kev kawm rau suav daws...os mog...
Kuv txoj kev hlub uas kuv yuav los sau no yog los ntawm kuv tus kheej tiag,,,thaum kuv muaj 6 xyoo kuv kawm ntawv nyob rau hoob 1, rau lub zos hu ua zos teb tshiab , kuv yog ib tug me nyuam yaus uas txhua tus nai khu nyiam heev, los rau hoob 3 pib muaj me nyuam tub nyiam kuv heev, tab sis kuv xav tias tej ntawv yog hom me nyuam yaus tsw quav tsw paus xwb, thaum kuv me kuv yog ib tug me nyuam uas nqus ntswg tas li thiab quaj taug heev li...los rau thaum kuv kawm rau hoob 6 kuv mus kawm rau lub tsev kawm ntawv uas deb heev tseem yog mus zeem phooj ywg dua tshiab tab sis lub tsev kawm ntawv ntawv muaj hmoob coob heev li thiab kuv cov niam laus thiab nus lawv kawm hauv tib si thiab thaum ntawv kuv nyuam qhuav mus tshiab mas me nyuam tub mes nyuam ntxhais nyiam kuv heev thaum ntawv kuv muaj 11 xyoos, thaum kawm rau hoob 8 lawm kuv lub npe nrov heev mus rau txhua hoob kuv pib tiav me nyuam hluas nkauj tuaj lawm zuj zus, muaj ib tug tub hluas nyiam kuv heev cov tub hluas ntawv puav leej kawm ntawv siab tshaj kuv lawm thaum ntawv ua rau kuv ntshai lawv heev lawv los tham kuv thaum twg mas kuv tau dhia qhov rai khiav lawv xwb, tab sis los rau hoob 9 kuv tiav kiag me nyuam hluas nkauj lawm hmoob nyiam kuv heev... txhua tus txiv neej hmoob tuaj kawm ntawv tshiab lawv nug kuv heev thiab xav nrog kuv tham heev, tab sis kuv muaj 1 lub hlwb no xav hais tias tham cov zoo nraug thiab tsis zoo nraug los tsuav luag hlub yus xwb. tab sis txiv neej pheej ua rau yus pom lawv kev phem. |
Nplooj-2kuv yog neeg ntseeg vaaj tswv txhua zaus kuv pw kuv yuav thov tias " tus tswv thov koj foom koob hmoov kom kuv noj qab nyob zoo nrog rau kuv tsev neeg thiab kom kuv kawm tau ntawv zoo os,, thiab tus tswv thov koj tso ib tug txiv neej uas hlub kuv tiag los rau kuv os tus tswv... amen" Thaum lub 11 hlis ntuj los yog 12 hlis ntuj xyoo 2011 peb mus noj peb caug xyoo ntawv kuv muaj 14 xyoo hmoob mas cov me tub hluas zoo nraug nyiam kuv heev thiab thaij kuv duab, ntawm kuv kuv tsis paub tias thaij coj mus ua dab tsi tab sis ib txwm tsis tau xav ua kom luag ntxub txog kuv vim yog nkauj hmoob nlpog tsis tau tham yawm txiv laus hmoob Mes Kas vim tib cov yawg dag nyas quav txias xwb, kuv ntxub heev li. Thaum noj peb caug tas ces cov txheeb ze txawm nqa duab los rau ib co txheeb ze saib ces txawm kom ib tug dab laug tus tub hu los nrog kuv tham seb puas nyiam kuv ce nws hu lo thawj zaug ces wb sib tham txog kev kawm ntawv kev txawj nqaum paj nqaum nruas ub no ces wb zoo li yog neeg sib swm heev li ce wb txawm sib tham tau li 2 week xwb ces nws twb xa khoom los qhaib kuv lawm ces nws hlub kuv heev li tab sis kuv tseem yog me nyuam yaus xwb tsis paub kev hlub ces tsuas xav tias kev hlub ces yog kev sib dag xwb mas, tab sis tom qab lub peb caug xyoo 2012 no ce, ib co txheeb ze tus tub nyiam kuv ces nws txawm yuav lo yuav kuv thiab ib co phooj ywg kawm ntawv ua ke rau xyoo ntawv paub tias muaj hmoob nyob sab ntuj tim ub yuav los coj kuv mus ua lawv xeem ces, cov phooj ywg ntawv mob siab ceev ces tus phooj ywg ntawv qhia nws tus tij laug uas yog kuv ib tug phooj ywg txiv neej thiab tab sis nws ua hauj lwm lawm thiab nws yog ib tug saib xyuas hav zoov, ces nws txawm tos hli xiab yuav tuaj zij no xwb lau thaum ntawv peb tsev neeg ntshai heev ces kuv niam xa kuv mus kawm ntawv txhua hnub lawm xwb lau, kuv niam thiab txiv lawv xav tias yuav ua cas, tab sis kuv tus hlub uas kuv ib txwm cia siab tias nws yuav hlub kuv tiag nws txawm los ces wb sib pom thawj zaug mas wb sib nyiam heev li nws los tau ib ntus wb txawm sib yuav ua niam txiv lawm thaum ntawv kuv mam paub kiag tias vuag txoj kev hlub zoo nkauj thiab yog zoo li no os, nws hlub kuv heev nws take care kuv txhua yam, kuv hlub nws heev li os... kuv paub kiag lawm hais tias tus kuv hlub yog nws wb thiaj sib hlub los txog niaj hnub niam no... thov koj nco ntsoov tias tham tau ces yuav...mam hlub..txhob cia tham tau hlub mam yuav lub kua muag thiaj tsis poob os mog... TAO & POR THANK YOU SO MUCH.... (KUV HLUB KOJ ) |
Lus Ceeb Toom:
Cov dab neeg kev hlub thiab txhua yam hauv3haivhmoob.com no peb tsuas yog tso rau sauv daws tau tuaj nyeem laug caij nyoog xwb txwv tsis pub leej twg muab luam mus muag los yog ua lag luam, yog koj coj mus kho los yog ua lwm yam tsis tau qhia rau peb paub , thaum peb tshawb tau lawm koj yuav raug nplua raws txoj cai ntawm lub teb chaw koj nyob ko.
Ua tsaug ntau:
3HaivHmooB.Com
Cov dab neeg kev hlub thiab txhua yam hauv3haivhmoob.com no peb tsuas yog tso rau sauv daws tau tuaj nyeem laug caij nyoog xwb txwv tsis pub leej twg muab luam mus muag los yog ua lag luam, yog koj coj mus kho los yog ua lwm yam tsis tau qhia rau peb paub , thaum peb tshawb tau lawm koj yuav raug nplua raws txoj cai ntawm lub teb chaw koj nyob ko.
Ua tsaug ntau:
3HaivHmooB.Com