Teem Caij Ces Teem Tau DaB
Zaj dab neeg no tshwm sim nyob rau lub zos Naj Khaub uas nyob rau Xeev Khuam, teb chaws los tsuas. Vim tej niam tej txiv sij txwv txwv tub ntxhais yog li thiaj ua rau tus tub hluas no tau ntsib dab thiab thaum kawg tau tuag lawm.
Lub zos naj khaub no nws tsis loj heev tab sis teb chaws cuam kawb ua roob ua hav tus tub hluas hu ua Neeb no tham tau ib tug ntxhais Hmoob Lauj hu ua Maiv Ko. Maiv Ko niam thiab txiv txwv tsis pub nws tus ntxhais tham leej twg li tab sis Neeb nkawv nyiag sib tham puag thaum 1 tag hmo thiab thaum niam txiv mus ua teb tag lawm xwb. Nkawv sij sib tham li no tau ob lub xyoos los lawm ces niam thiab txiv paub thiaj tau hais rau Neeb tias kom Neeb txhob tuaj tham nkawv tus ntxhais lawm vim tsis pom zoo cia sib yuav. Vim txoj kev nkauj nraug sib swm los tau ntev ua rau nkawv sib tseg tsis taus yog li Neeb thiaj tau hais rau nws ib tug muam hu ua Kab Npauj kom mus hais rau Maiv Ko tuaj ntsib neeb puag thaum 1 tag hmo dua nyob rau nram Maiv Ko lawv lub qab txhab ces hmo ntawv ib tag hmo Neeb mus txog nram qab txhab no muaj ib tug hluas nkauj plaub hau ntev ntev ib ntawm yav cav taws uas lawv muab tsa rau ntawm txhab. Neeb xav tias yog Maiv Ko no ces Neeb cia li ncaj qha mus muab tus ntxhais no puag kiag thiab hais tias" Maiv Ko kuv nco koj heev li.."ua cas tsw nyoos ntxiag xwb..nws tig kiag los saib neeb no ua cas tsis yog Neeb tus hluas nkauj ces Neeb thiaj qw nrov nrov thiab muab tso kiag Neeb mam khiav los tsev lawm. Txij hmo uas Neeb tau puag tus dab tuag no los ces neeb cia li mob sawv tsis taus li lawm...thiaj tau kom ib tug Hmoob nyob rau ntawm lawv zos tuaj ua neeb saib no nws hais tias tus dab tuag no qaim tau neeb tus ntsuj lawm thiab neeb tau hais tias Neeb nco nco nws no ces nws yuav coj kom tau Neeb mus ua nws tus txiv xwb li. Qhov uas Maiv Ko tsis tuaj ntsib neeb mas vim yog hmo ntawv nws niam los nrog nws pw ces nws sawv tsis tau mus qhov twg li nws thiaj tsis tuaj ntsib Neeb li tau hais rau Neeb tus muam. Neeb mob mob tau ib hlis tom qab no ces neeb cia li tuag lawm. Thaum uas Neeb tuag tag no lawv kuj tsis pom muaj dab tsi txawv txav tab sis mas Neeb los ua npau suav rau Maiv Ko tias " Kuv mus yuav poj niam lawm es koj nyob no ces txhob quaj thiab txhob nco kuv.. nawb mog". Qhov no mas yog raws li Maiv Ko tau piav qhia suav daws tom qab no. Zaj dab neeg no qhia tias kom txhob sib teem caij tsam ib tug tuaj raws li cog lus los ib tug ho tsis tuaj ces tau ntsib dab li tus tub Neeb no. Es ua tsaug tau rau www.3haivhmoob.com uas muab nplooj ntawv no rau kuv tuaj sau txoj dab neeg teem caij ntsib dab no rau suav daws nyeem. Sau Npe: Tub Txawj Kaim Nyob Los TSuas Teb. |
Ceeb Toom: Tsis pub leej twg muab peb cov dab neeg txhua yam hauv no mus tso rau koj lub vas sab website, forum los yog lwm qhia uas tsis tau txais kev tso cai ntawm peb. Tsis pub muab luam mus muag thiab. Ua tsaug.
|
Koj xav li cas rau zaj dab neeg dab no sau 6 nram no:
HTML Comment Box is loading comments...