Roob Nkauj NraugTus Sau: Nyiaj Nkaub - USA
|
Txwv: Txwv tsis pub leej twg tuaj muab cov dab neeg kev hlub thiab lwm yam hauv no coj mus tso rau lwm lub vas sab yog tsis tau txais kev tso cai los ntawm 3haivhmoob.com.Warning: No one can copy these stories at 3haivhmoob.com to post on your own or other website without our permission. Thank you for your cooperation.
|
Nplooj1 Roob Nkauj Nraug (Phu Thaub thiab Phu Na) yog txoj kev hlub uas tshwm sim los ntawm ib tug Nkauj Nyav thiab tub zoo nraug - Phuv Thab Xeem-uas thaum kawg nkawd ob leeg tau tuag tag vim txoj kev hlub thiab txoj kev sib nco uas tsis sib tau..Nkawv ob lub cev thiaj li sawv mus ua ob lub roob nyob ua ib txig rau ntawm Nroog Luam Phab Npas los yog Moos Loob teb hauv teb chaws Los Tsuas...nyob los txig nij hnub nim no..
Thaum lub ntuj tsim teb raug nyob rau ntawm lub nroog Moos Loob teb chaws Los Tsuas muaj ib tug Nkauj nyav npe hu ua Kis Nas no nyob li leeg twm zeej tsis muaj txij nkawm li.. Thaum ntuj kaj Kis Nas tawm mus nrhiav noj ncig roob ncig hav thiab mus saib nroj saib tsuag...Lub hnub poob ntuj pib tsaus nws mam rov los rau ntawm nws lub tsev xwb....Txoj kev nyob nrog roob nrog hav nrog nas nrog noog thiab tej tsiaj txhu loj no ..tej zaum koj yuav pom nws caij ntxhw los yog zaum nrog tej nas tej noog mloog lawv tej suab quaj suab seev kho siab zim li... Muaj ib hnub tus nkauj nyav Kis Nas no tau pom ib tug tub hluas zoo nraug heev tuaj yos hav zoov ua rau nkauj nyav cia li qaug kev hlub rau tus hluas no lawm...vim nws xav tau ib tug zoo txiv uas zoo nraug li tus hluas no ntag....tab sis nws nco dheev txog tias nws lub ntsej muag tseem yog poj nyav tsam tus hluas no pom nws ces ntshai.. Tus poj nyav no thiaj tau hloov kiag nws lub cev ua ib tug hlaus nkauj zoo nkauj heev li thiab nqi plhuav saum pob zeb mus tav kiag tus hluas no kev. Tus nkauj Nyav Kis Nas no thiaj hais rau tus tub hluas zoo nraug no tias: " Leej nus...koj tuaj mus dab tsi os?" Tus tub hluas zoo nraug no thiaj teb tias: Kuv tuaj yos hav zoov tua tsiaj xwb, es koj nyob ntawm no ib leeg xwb los leej muam?" Nkauj nyav teb Tub zoo nraug tias:"Yog lawm leej nus...kuv nyob ntawm no nrog hav zoov hav tsuag ib leeg xwb" Tus nkauj nyav no yees tau nws lub cev zoo nkauj dhau hwv lawm ua rau Tub zoo nraug cia li nyiag nyiam thiab txav ze zuj zus nrog nkauj nyav sib tham... Tub zoo nraug tau nrog nkauj nyav sib tham ntau yam los zoo li yim tham yim hais lus zoo txoj kev hlub cia li loj hlob lub siab qaug rau nkauj nyav lawm zuj zus... Nkauj nyav tau nug ntxiv tias: Leej nus koj npe hu li cas tsis tau nug koj ?" Tub zoo nraug thiaj qhia rau nkauj nyav tias: Kuv hu ua Phuv Thab Xeem. Nkauj nyav hais ntxiv tias..." Leej nus, thov koj nrog kuv nyob ntawm thaj hav zoov no mus kom ntev ntev puas tau, vim kuv ib leeg xwb kho siab heev li.." Thaum hnov kiag lo lus no ua rau tub zoo nraug Phuv Thab Xeem lub siab mas dhia piag poog li...nws thiaj tau teb rau nkauj nyav tias: " Tau kawg mas leej muam ntshe koj ntshai tsis kam kuv nrog koj nyob xwb" Tub phuv Thab Xeem cia li qaug kev hlub nrog tus hluas nkauj zoo nkauj no thiab tsis nco qab tias yuav rov los tsev li lawm...tab txawm tshuav nws niam txom txom nyem thiab laus laus nyob tom tsev ib leeg xwb los xij... Lub caij nyoog dhau mus ntau lub hli Tus nkauj nyav no ntseeg tub zoo nraug Phuv Thab Xeem siab heev lawm nws thiaj hais rau phuv thab xeem tias: " Leej nus nyob rau hauv lub thawv no nws muaj ob peb lub txiv kab ntxwv qaub, tsis paub lwj, tsis paub ntsws li...yog ib co txiv muaj fwj huaj uas qub txeeg qub teg los ntawm kuv pog kuv yawg lawv ntau tiam dhau los lawm. Ua li koj puas tau mus ncig ua si nram kuv lub vaj?Tub Zoo nraug Phuv thab xeem teb tias kuv tsis tau mus ncig nrav ib zaug li..yog li no koj lub vaj ho nyob qhov twg? Nkauj nyav teb tias: " Nyob tsis deb ntawm no mus li ib nyuag ncua kev xwb.., tab sis koj txhob ncig mus saib vim yog ib qho phom sij txaus ntshai heev li.. Tub zoo nraug Phuv thab xeem tsis teb li cas tab sis nws xav tias tej zaum yuav tsum muaj dab tsi xwb xwb li... Muaj ib hnub nkauj nyav mus nrhiav noj lawm Phuv thab xeem thiaj li ncig mus nram lub vaj nws hais no ua cas es pom pob txha tib neeg mas puv nkaus qhov txig chaw li... Zaum no tub zoo nraug paub tias tus hluas nkauj zoo nkauj uas nws nrog nyob no tsis yog tib neeg lawm ntshe yuav yog dab los yog nyav lawm xwb lau Lus Ceeb Toom:
Cov dab neeg kev hlub thiab txhua yam hauv3haivhmoob.com no peb tsuas yog tso rau sauv daws tau tuaj nyeem laug caij nyoog xwb txwv tsis pub leej twg muab luam mus muag los yog ua lag luam, yog koj coj mus kho los yog ua lwm yam tsis tau qhia rau peb paub , thaum peb tshawb tau lawm koj yuav raug nplua raws txoj cai ntawm lub teb chaw koj nyob ko. Ua tsaug ntau: 3HaivHmooB.Com |
Nplooj2....
Tub zoo nraug tau khiav rov los tsev thiab qhib lub thawv tus nkauj nyav qhia nws no...muab tag nrho cov txiv kab ntxwv qaub nqa khiav tawm...mus lawm thaum Nkauj nyav rov los txog tsev tsis pom tub zoo nraug lawm..nws thiaj mus saib no ua cas twb muab lub thawv qhib thiab nqa cov txiv kab ntxwv mus lawm.. Nkauj nyav paub tias zaum no Phuv thab Xeem khiav lawm thiab paub tias nws yog nyav lawm..yog li tus hluas nkauj zoo nkauj no thiaj rov hloov kiag nws lub cev ua ib tug poj nyav txaus ntshai heev ya caum tub zoo nraug phuv thab xeem...vim nws yog nyav ces ya raws xwb ...tib pliag li ib ntsais muag ces mus caum yuav luag tau Phuv Thab Xeem... Nkauj nyav tau hu kom phuv thab xeem cia li nres tos es nkawv sib tham kom nkag siab tso ..tab sis tub zoo nraug phuv thab xeem tsis mloog li ..nws cia li thau kiag ib lub txiv qaub pov kiag rov tom qab ces sawv tsees ua ib lub roob hlawv taws loj heev los thaiv kiag poj nyav lawm...ua rau poj nyav saib tsis pom phuv thab xeem li.. Tab sis tub zoo nraug phuv thab xeem khiav mus ib pliag xwb twb rov hnov nkauj nyav lub suab hu raws yuav cuag tiag tiag li..yog li nws thiaj tau thau kiag ib lub txiv rov pov kiag tom qab...zaum no lub txiv no ua kiag ib lub pas hiav txwv loj heev saib tsis pom ntug dej li lawm...Nkauj nyav tsis tau tag kev cia siab..nws cia li ya thiab kwm kiag lub paj hwv txwv no tuaj mus ...thaum tus nkauj nyav no hla dhau dej tuaj lawm nws sab heev li...pw nthi ntawm ntug dej sawv tsis taus li lawm.... Nkauj nyav tau thov lub ntuj lub teb kom rau txim rau tub zoo nraug Phuv Thab Xeem uas tsis ncaj ncees rau nws...kom txhob tau zoo neej ua vim siab phem dhau hwv lawm... Tom qab thov ntuj tag nkauj nyav tau qi muag thiab tuag rau ntawm tus ntug dej no mus lawm.....Thaum tus nkauj nyav no qi muag thiab tsis nti lawm tub zoo nraug xav tias tej zaum sab dhau lawm thiaj tsis nti xwb..txawm nws mus kov los nyaj yuav ua tsis tau li cas lawm... Phuv thab Xeem tau rov qab mus saib no na ha ua cas nws tus me poj niam zoo nkauj uas siab ib txwm zoo rau nws twb tau tuag lawm hu npaum cas los tsis hnov..diaj npaum cas los tsis nti...Tub zoo nraug xav txog lub neej tag los txoj kev sib hlub yav nram ntej ub uas koj xub qhib kuv lub siab..kuv xub qhib koj lub me cev hluas nkauj...ua cas yuav nco nws ua luaj li...Zaum no nws tuag lawm tiag...yus nyob los ntshe tsis zoo ua neeg li lawm....Yog li tub zoo nraug phuv thab xeem thiaj tau muab nws tus me poj niam siab zoo puag thiab tuag ua ib pawg av nrog nws...ua ke seb lwm tiam puas tau rov los ua txij ua nkawm lawm xwb...Nkawv ob lub cev tau sawv ua ob lub roob nyob rau lub nroog Luam phab Npas uas nim no nplog muab tis npe tias: " Phu Thaub Thiab Phu Na" Muaj tej nkawm nkauj nraug uas sib tham niam txiv txiav kev hlub tsis pub sib yuav...lawv tau mus thov ntawm ob lub roob Phu Thaub Thiab Phu Na no kom Nkauj Nyav thiab Tub zoo Nraug Phuv Thab xeem pab no.... tej niam tej txiv cia li kam lawv ros sib hlub...thiab sib yuav ntau ntau leej lawm.. Yog koj tsis muaj tus hlub mus txog teb chaws los tsuas ho mus thov...los yog koj nyob teb chaws los tsuas ho xav tau cov hluas nkauj Hmoob Mes Kas..thiab Hluas nraug Hmoob Mes Kas no los mus thov nyaj Tub zoo nraug thiab nkauj nyav nkawv yuav foom kom koj tau raws siab xav thiab mog cov phooj ywg..... Mam rov ntsib suav daws dua lwm zaus los yog lwm zaj keeb kwm zoo zoo li zaj no.. Ua tsaug ntau 3haivhmoob.com |