"Txoj Kev HLub Thaum 2009 Dhau Mus"
Nplooj1nyob nraim nruab siab tsis ploj li os me ab NAWM tu me dai siab. Tej nroj tsuag hlob lawm ob peb phaum, tej xyoob ntoo laus thiab tej tsob twb qaug vau tag lawm tab sis kuv txoj kev hlub uas kuv muaj rau koj nws tseem tsis tau hloov tseem nyob li qub, zoo nkaus thaum kuv tau ntsib koj thawj zaug nyob rau hnub ntawv. Koj lub me ntsej muag thiab tus suab luag yuav nyob zwm rau kuv lub siab mus kom tag ib sim neej tsis ploj kiag li mog......"
Xyoo 2009 thaum lub hli yuav txog rau PI MAI LAO (Lao New Year) uas yog nplog lub xyoo tshiab, kuv tau paub ib tug hluas nkauj hu ua Nawm xeem xyooj. Nawm yog thawj tug hluas nkauj uas kuv hlub thiab nco nws tshaj plaws ntawm kuv lub neej ib vuag dhau mus. Kuv yog ib tug tub uas nyiam kawm ntawv tshaj plaws nyob hauv peb yim neeg tab sis cov laus tau hais txhua yam kom kuv tag kev cia siab rau txoj kev kawm tsuas yog nij hnub hais kom kuv yuav poj niam los ua noj ua haus raws li tej laus tus hneev taw qub thaum ub tag li xwb, txawm li ntawv los kuv kuj ua siab tawv qhawv tsis yuav poj niam txog rau niaj hnub niam no. Nawm yog ib tug hluas nkauj meme quav kuj tsis zoo nkauj npaum li cas tab sis nws zoo ntxim hlub heev rau kuv. Vim txoj kev txom nyem tsis muaj nyiaj txiag nws thiaj li tau tuaj ua hauj lwm nyob rau tsev xaws tshuab hauv tuam ceeb vees cas (Vientiane). Qhov wb los sib paub yog muaj ib tug phooj ywg coj kuv mus ntsib nws thaum ntawv yog lub sij hawm uas tsheb los tsoo kuv ua rau kuv lub tsheb cav(Motorcy) puas es coj mus kho. Thaum kho tau kuv lub tsheb lawm ces wb thiaj mus coj kuv lub tsheb, sij hawm ntawv twb yog kwv yee li ntawm 8:30 pm lawm. Tus phooj ywg no wb los txog ntawm lub tsev xaws khaub ncaws ntawv tus phooj ywg no thiaj kom wb mus tham hluas nkauj ib pliag tso mam li mus tsev . kuv hais rau nws tias lwm zaus wb li tuaj vim kuv lo lo av heev, nws txawm hais tias tsis ua li cas li os no ces wb thiaj tau mus ntsib tau tus hluas nkauj no. Txij li wb sib paub los kuv kuj mus saib NAWM tsis tu ncua li tiam sis zoo li tsis nyiam kuv li. Dhau no los 3 lub lim tiam tom qab uas txog rau hnub PI MAI LAO kuv thiaj yaum Nawm mus ua si. kuv tau yaum nws ntau zaug tab sis nws kuj tsis kam nrog kuv mus li txog rau hnub thib 3 hnub kawg ntawm PI MAI LAO los kuv kuj tau yaum nws los nws yeej tsis kam mus li thiab yog li kuv thiaj tau hais rau nws tias kuv xav nrog koj mus uas i ib hnub yog koj tsis mus ces kuv mus tsev lawm? nws teb kuv tias koj kav tsij mus tsev kuv tsis xav mus ua si yog li kuv thiaj tau los mus tsev lawm. Thaum kuv los txog rau hauv zos lav 52 kuv thiaj hu xov tooj rau nws tias kuv mus tsev lawm, nws teb kuv tias txhob dag dag koj txawm siv mus txog 52 lawm ntag kuv xav tias yog koj hais dag no xwb koj rov qab los es wb mus ua si? kuv thiaj teb tias: deb deb lawm kuv twb hais koj ntau zaus lawm koj tsis mus ces kuv mus tsev lawm lwm zaus wb li mus. Nws kuj tau cheem kom kuv rov qab los thaum ntawv kuv xav mus xav los tias tsam nws dag kuv kuv thiaj li tau mus tsev lawm thiab hais rau nws tias kuv mus 5-6 hnub xwb kuv rov tuaj lawm os es mam rov tuaj saib koj os nawb thaum kuv hais li tag zoo li nws chim heev rau kuv kuv thaij xav tias tej zaum nws nyiam kuv meme thiab. Suav txij li ntawv los wb tau pib txoj kev hlub suav hnub loj zuj zus zoo zuj zus los mus. Nawm yog thawj tug hluas nkauj uas kuv yeej tseeg tsis tau thiab mus ntsib nws txhua hmo puv 1 lub xyoo txwm nkaus. Kuv thiab Nawm wb yeej sib tseg nrug ib hmo tsis tau li.Lub sij hawm ntawv kuv txom nyem nyiaj txiag kuv thiaj li yuav tsis tau ib yam dab tsis zoo rau nws li. Qhov ua rau kuv hlub nws tshaj yog kuv pom nws tsis muaj 1000 kip nyiaj nyob ntawm nws tus kheej li nws tsuas ntsia luag lwm tus yuav khaub chaws thiab zov caum lawv qab mus mus los los de tes nrhuj nrho ntsais ntsais muag ntsia lawv xwb kuv ntsia nws tej khaub ncaws uas nws hnav los yeej yog tib co khaub ncaws phem phem caws caws xwb ua rau kuv xav tsis txawj tag thiab kuv tu siab tias cas kuv yuav pab tsis tau nws lis. |
Nplooj2 Muaj ntau zaus uas kuv pom nws zoo li no kuv cheem tsis tau kuv lub kua muag tab sis kuv kuj txaj muag rau nws thiab kuv thiaj li ib nyuag mus nrug zog es mam so kuas muag tsis pub nws pom, muaj ib qhov yog thaum nws nrhab nws 2 sab me nyuam tes meme ua rau kuv xav luag nws heev vim nws 2 sab me nyuam tes cov nriv tes luv luv pob pob taub haj yam ua rau kuv hlub nws heev, txhua hnub kuv yeej yuav tsum kom nws nthuav tes rau kuv saib ua kev zoo siab, txhua zaus thaum kuv hais nws muab tes kuv saib ntawv kuv rub rhe nws ob sab tes los tuav ruaj2 tsis tso kuv thiaj hais rau nws tias: "Me ab ....cas koj yuav ntxim hlub ua luaj li os....kuv hlub koj dhau lawm! koj ntxim ntxim hlub heev os me ab. " kuv muab nws rub rhe los puag ruaj2 rau kuv lub xub ntiag nws luag luag kuv xwb thiab ntsais muag luag nyuj nyav ua rau kuv haj yam hlub nws heev tuaj.
Kuv kuj tau nug txog ntawm nws tias nws puas kawm ntawv? nws teb kuv tias nws kawm txog hoob 9 thiab ib nrab xyoo xwb ces nws tawm tsis mus kawm lawm vim nws niam lawv tsis pub nws tuaj kawm lawm yuav kom nws mus ua teb pab lawv ua noj ua haus xwb thiab tsev kawm los kuj deb ntawm lawv zos mus txog ib me nyuam hnub kev deb kev mus los tsis yooj yim , kuv thiaj li hais rau nws kom nws mus kawm kom tiav hoob 12 tso tuaj kuv mam pab nws ces nws kuj tau txiav txim siab rov mus kawm tab sis nws niam lawv kuj tsis pub nws kawm. Lub sij hawm ntawv kuv thiaj tau hu xov tooj mus kom nws niam thiab nws txiv lawv cia nws kawm thaum kawg nws kuj tau mus kawm lawm. Txawm tias wb nyob deb ib leeg ib qho los wb ob lub siab yeej sib nco thiab sib tseg tsis taus li dhau ntawm hoob 10 nws kuj kawm tsis tiav vim nyob deb mus saib tsis tau lawm. tsis ntev tom qab hmoob thiaj tuaj yuav nws mus lawm. Nws quaj heev thaum kawg ua tsis tau li cas kuv thiaj tau kom nws ua ib siab thiab kom nws ua lub siab loj loj mus ua kom tau ib tug niam tsev kom zoo rau lawv. Nws mus ua nyab tsis ntev ntawv niam pog txiv yawg tsis nyiam nws li thiab nws tus txiv los kuj tsis tshua hlub nws. Thaum kuv hnov li no ua rau kuv haj yam txhawj thiab hlub nws heev. Txawm li cas los xij nws hu xov tooj tuaj rau kuv nws quaj heev kuv thiaj qhia txog meme txoj kev mus ua ib tug nyab kom zoo tsis ntev los no kuv hnov tias nws ua tau ib tug nyab siab loj siab dav ua rau niam pog txiv yawg kuj nyiam nws thiab kuj hnov tias tus txiv los kuj hlub nws lawm thiab no ua rau kuv kuj kaj siab lawm ntau heev li. Kuv Tseem tau yuav qee yam khoom mus pub rau nkawv ua neej kom tsuas muaj zoo thiab vam meej mus lawm tom ntej. Kuv xav mas yeej tsis tshua zoo nkauj hais txog tej yam uas kuv yuav ua no. Txawm li cas los xij KUv tsis tau xav tias kuv yuav ua tej yam no kom nkawv lub neej tawg. kuv tsuas xav rau qhov hlub nws thiab txhawb nkawv lub neej mus lawm yav tom ntej xwb.Thov nej sawv daws txhob muab xav rau qhov tsis zoo qhov no kuv yeej xav pab tiag tiag qhia siab dawb paug. Thaum kawg zaj dab neeg no kuv muab tis npe hais tias "Mam hlub koj rau luag,.. Nyob yav Laus." Ua taug ntau rau Hmongmeka.com uas muab qhov chaw zoo zoo no rau peb ib tsoom phooj ywg tuaj sau peb tej kev hlub zoo siab, nyuaj siab , lwj siab thiab kaj siab kom suav daws lub siab ho kaj lawm ib chim es mam rov ntsib nej rau lwm zaus. Tus sau: Nyiaj vwj |
Lus Ceeb Toom:
Cov dab neeg kev hlub thiab txhua yam hauv 3haivhmoob.com no peb tsuas yog tso rau sauv daws tau tuaj nyeem laug caij nyoog xwb txwv tsis pub leej twg muab luam mus muag los yog ua lag luam, yog koj coj mus kho los yog ua lwm yam tsis tau qhia rau peb paub , thaum peb tshawb tau lawm koj yuav raug nplua raws txoj cai ntawm lub teb chaw koj nyob ko.
Ua tsaug ntau:
3HaivHmooB.Com
Cov dab neeg kev hlub thiab txhua yam hauv 3haivhmoob.com no peb tsuas yog tso rau sauv daws tau tuaj nyeem laug caij nyoog xwb txwv tsis pub leej twg muab luam mus muag los yog ua lag luam, yog koj coj mus kho los yog ua lwm yam tsis tau qhia rau peb paub , thaum peb tshawb tau lawm koj yuav raug nplua raws txoj cai ntawm lub teb chaw koj nyob ko.
Ua tsaug ntau:
3HaivHmooB.Com