Xeev Khuam
Txoj Kev Hlub 1 Vuag Dua
Thaum lub 4 hlis ntuj xyooj 2013 no,kuv muaj ib tug hluas nkauj hu ua hnub yaj nyob rau xeev khuam. Wb tau ua nkauj nraug sib hlub heev.sib tseg tsis taus li,tab sis kuv ua hauj lwm tsis tau tag yuav tsis tau nws xwb vim tseem tos lub caij nyoog.
Hnub tau hais tias yog li cia nws tuaj mus ua si nyob rau teb chaws Alaman kom kuv nyob tos nws yuav rov los wb mam sib yuav sib sau ua lub neej..Lub sij hawm thaum wb tseem nyob ua ke rau Vees Cas (vientiane ),wb tau ua nkauj nraug tsis pub niam txiv paub li .. Nyob rau lub sij hawm ntawv wb tau dag rau niam rau txiv tias wb tsis yog nyob ua ke no...Hnub hlub kuv heev, yog li Hnub thiaj tau txiav txim siab dag tau hnub niam hnub txiv yam tsis paub hlo li tias wb tsis tau nyob ua ke, yog li kuv thiaj ntseeg tau tias nws hlub kuv heev, tej zaum txoj kev hlub ntawm wb yuav nyob tau ua ke rau tom ntej.thiaj ua nkauj nraug mus zoo li no. Thaum hnub yuav tuaj mus txawv teb chaws.nws tau cog lus rau kuv yam txaus ntseeg tshaj plaws li.tias nws yuav rov los hlub kuv ib leeg li yav tag los xwb kom kuv nyob ua siab ntev uv txoj kev txom nyem tos wb txoj kev txij nkawm vim hnub yuav los hlub kuv ib leeg mus ib sim kom tag tiam no. Kuv tau ntseeg nws tej lus qab zib zaum no yog li thiaj tau tso nws tuaj yam zoo siab hlo. Nws tuaj rau teb chaw Alaman tau 2 hnub xwb kuj tau hla mus rau fab kis teb los mus khwv nyiaj coj los txhawm rau wb lub neej tom ntej kom xws teb xws chaw, tab sis hnub tuaj tau ib lub lwm tiam, hnub yeej tsis hu ib tsab xov tooj rov los rau kuv li. Tom qab ib lub lwm tiam ntawv hnub tau hu los hais tias nws nco kuv heev xyov nyob pos taus lawm... kuv tau teb rau hnub tias li ntawv ces rov qab los xwb es mam los khwv rau los tsuas teb tau li cas los yuav li ntawv. Kuv twb ua hauj lwm thiab kom txhob txhawj txog ntawm nyiaj no, hnub tau teb tias cia seb zoo li cas tuaj lawm ces ua zog hnub puav tso mam los. Kuv tau hais tias ua li los tau dhau ntawv mus tau ib hlis ntxiv tsis hnov hnub hu kuv li lawm. Kuv tsuas niaj hnub tos saib ntsoov lub xov tooj xwb tsis paub lub sij hawm hnub yuav hu los li. Kuv tos tos tau 2 lub hlis dhau mus tau hnov hnub tus phooj ywg nyob koom zos hu rau kuv tias kom kuv tsis txhob tos hnub ntxiv lawm hnub twb yuav txiv lawm. |
Lub sij hawm no...ua kuv tau ceeb loj tshaj li, tsis txaus ntseeeg li tias nws yuav ua tau li no rau kuv vim wb sib hlub heev. Kuv tau hu rov mus rrau hnub tus phooj ywg tias kom nws hu rau hnub hu kuv, tsis li ntawv ces kuv twb ua hauj lwm nyob rau tub ceev xwm thiab, kuv yuav muab hnub thau tawm rov los rau nplog teb. Thaum kuv tau tso khav thawj li ntawv rau tus phooj ywg ntawv, nws thiaj tau hu rau hnub ,ces hnub thiaj hu los rau kuv. Lub sij hawm no nws tau hais ub hais no, tus Hnub uas ib txwm hlub kuv ntawv tau ploj mus kiag lawm hais lus txawv tag tsis yog tus qub li yav tag los ib txwm sib hlub..
Kuv tau hais rau hnub tias thov koj rov los kuv nco koj thiab hlub koj heev li...Hnub tau teb tias pab tsis tau lawm... tib los li no xwb ces muab xov tooj tua kiag lawm xwb. Thaum zoo li no kuv saib lub ntiaj teb no tig kiag rov saum ntuj zoo li lub ntuj poob los ua daim av..kuv tau chim siab tshaj plaws lub neej no...wb tau ua nkauj nraug ua ke los tau ib ntus, xav tsis txog tias yuav zoo li no.... Kuv mam ua tib zoo xav yav tag los ntawm wb tias hnub siab yeej tawv txaus vim nws muaj peev xwm dag nws niam nws txiv lub caij nws nrog kuv mus ua ke yam li niam txiv los tseem hais tias wb tsis tau nyob ua kev.....Kuv muab xav ib qho dhau ib qho, thiaj ua ib siab tias zoo li no tej zaum tsis yog yus tus ntawm txoj hmoo vim luag twb dag tau luag niam luag txiv, yog li yeej tso tau yus thiab dag tau yus.Txij li no los kuv thiaj ua ib siab. Dhau nov los tau 2 hlis tom qab kuv tseem pom hnub tuaj tawm rau hauv Facebook thiab kuv thiaj nug hnub tias ua cas muaj txiv lawm los tseem yuav tuaj ua ab tsi hauv no thiab? Hnub tau teb tias hnub tsis muaj txiv, kuv tsis ntseeg li vim hnub twb dag kuv lawm, kuv tau hais ntau rau hnub tias koj twb yuav txiv lawm mus hlub koj tus txiv li thaum koj nrog kuv ua ke es wb sib hlub xwb koj tus txiv yuav zoo siab heev rau koj mog.. Hnub teb tsis qab tsis tsuag xwb,kuv tau kom ib tug phooj ywg nyob rau rau sab As Fis Cas nug Hnub yam hnub tsis paub li... Nws tau nug hnub tias koj tuaj ua dab sti teb chaws no? Hnub tau teb tias tuaj yuav txiv. Tus phooj ywg ntawv tau nug hnub tias tus thaij duab nyob rau ntawm koj tus Facebook yog leej twg? Hnub tau teb tias yog hnub tus txiv nyob rau Nplog teb. Nws tau nug hnub dua tias uas cas koj muaj txiv lawm cas koj ho tuaj yuav txiv mas Hnub? Hnub tau teb rau nws tias tuaj txog ces yuav tim no lawm thiab, zaj dab neeg los ntawm nyiaj hnub txoj kev hlub ces tag li no thaum kawg thov ua tsaug rau www.3haivhmoob.com uas pab tshaj tawm, thov kom nej ua peb qhov chaw kaj siab mus ntev ntev lawm yav tom ntej. Vam tias nej txhua tug yuav txais txoj kev kaj siab , ua tsaug ntau. Sau npe nyiaj hnub kev hlub 13 AUG 2013 |
Lus Ceeb Toom:
Cov dab neeg kev hlub thiab txhua yam hauv 3haivhmoob.com no peb tsuas yog tso rau sauv daws tau tuaj nyeem laug caij nyoog xwb txwv tsis pub leej twg muab luam mus muag los yog ua lag luam, yog koj coj mus kho los yog ua lwm yam tsis tau qhia rau peb paub , thaum peb tshawb tau lawm koj yuav raug nplua raws txoj cai ntawm lub teb chaw koj nyob ko. Ua tsaug ntau: 3HaivHmooB.Com Nco Ntsoov: Txhob hu xov tooj rau lawv cov kev lag luam lawv tso hauv no yog tias koj tsis muaj feem txog kev lag luam nawb. Ua tsaug
|