Nraug Qaim Hli Thawj Tug HlubTus sau: Thawj Tug Hlub Nco Tsis Ploj
Tseemtoskoj560@yahoo.com Tus Sau: Nraug Qaim Hli Lauj............ From: Laos |
|
Nplooj1Xyoo ntawv yog xyoo 1995 kuv thiab nkauj sua yaj wb tau kawm ntawv ua ke nyob hauv zos thaum nkawv tseem me2 xwb..wb ob leeg kawm qib ib ua ke los txog qib5...Wb niaj hnub ua ke thiab wb tseem zaum ib lub rooj ua ke kawm ntawv... xyoo 2000 wb tau kawm tag qib 5.. Tsiab peb caug xyoo ntawv nkawj sua niam thiab txiv yuav tau ib koob tsom yees duab rau nkauj sua... Tsiab peb caug xyoo 2000 peb cov xib fwb tau coj peb mus ua si ntau tuj lub tshav pob...Thiab nkauj sua tau muab nws lub koob yees duab coj los yees peb cov tub ntxhais kawm ntawv ua kev tag tib si.
Nkauj Sua tseem hais kom nws tus xib fwb yees nkauj sua wb ib daim duab ua ke rau hauv nws lub koob yees duab.thiab... tsis tas li nws tseem hais rau kuv tias cia nws coj mus ntxuav tau tso nws mam li muab ib daim rau kuv tau saib no... Tab sis xyoo ntawv noj peb caug tag. Peb xeem ntawv tag ces nkauj sua niam thiab txiv lawv txawm coj nkauj sua khiav hauv peb lub zos mus lawm...Lub sij hawm ntawv kuv tseem yau heev li tsis paub nug tias lawv khiav mus nyob rau lub zos lub xeev twg li lawm... Xyoo tom qab..kuv tuaj mus kawm ntawv nyob nrog mab nrog suav lawm tsis tau los pem zos..Tsis paub tias Nkauj sua mus nyob rau qhov twg thiab nws puas tseem kawm ntawv los nws tsis kawm lawm...Hauv kuv lub siab tseem tos ntsoov nkauj sua thiab daim duab yees ua ke vim zaum ntawv yog thawj2 zaug uas kuv tau yees duab xwb... Lub sij hawm dhau mus tsis pes tsawg hli kuj dhau mus ua xyoo lawm...Kuv tau tuaj mus nrog mab sua nyob tau peb lub xyoo..uas txog thaum kuv kawm tag mos 1 txog mos 3... Lub sij hawm ntawv kuv thiaj li tau rov los txog tsev.los saib tej me qub tsev kawm ntawv uas thaum ub tseem me es kawm ntawv nrog tej phooj ywg ua ke...Tseem pom tej me xaum me npiv los mem uas yav thaum ub tau sau tseg tias nkauj sua yog koj tsis kam nrog kuv ua si ces kuv tsis nyiam koj lawm...rov los saib tej qub chaw thaum ub tau zaum kawm ntawv sau ntawv ua ke..nphob xuav cia.. Tab sis tej mem tej xaum uas tau sau thiab kos tseg thaum ub tseem pom zim zuag tsis tau ploj thiab... Kuv tau los pab niam thiab pab txiv tsis ntev xwb twb rov npaj tuaj mus kawm dua lawm...xyoo ntawv kuv tuaj mus kawm chav mos 4 los yog hoob 9. Tuaj txog tuaj mus sau npe kawm ntawv. Tuaj mus ua vaj ua tsev tau nyob kawm ntawv...xyoo ntawv kuj tau ntsib ib tug neeg uas tau muab txoj kev cia siab rau nws tag nrho...Tab sis thaum kawm tsis muaj txoj hmoo los nyob ua ke... Tom qab kawm tag high school lawm kuv thiaj li tau mus kawm ntawv As Kiv ( English Language) nyob rau hauv nroog... Thawj2 xyoo uas tuaj mus kawm tau muaj kev nyuaj siab ntxhov plawv ntau tsa yam... Thaum xyoo ob los yog second year...kuv tau mus nyeem ntawv nyob rau ntawm ib lub Library... Lub sij hawm ntawv kuv tseem nyeem2 ib txoj dab neeg hais txog txoj kev npau suav.... Ua cas kuv pom ib tug hluas nkauj uas nws zoo nkauj thiab ntxim hlub heev li nws hnav lub tsho dub.thiab hnav lub ris dub ntoo ib lub kaus mom thiab ev ib lub hnab dub txho rau ib nkawm khau dawb..lawv kuv qab tuaj thiab nws kuj tuaj nrhiav phau ntawv dab neeg sau txog txoj kev npau suav tib yam li kuv thiab... Thaum nws los zaum ntawm kuv ib sab thiab nrog kuv nyeem phau ntawv dab neeg ntawv ua ke.. kuv nug nws lub npe tias koj hu li cas os..tus muam.? Nws tau teb kuv tias kuv hu ua paj npleg yaj no os...Thaum kuv nug nws tag ces nws kuj cia li tsis nug kuv li lawm thiab..kuv saib nws mas zoo nkauj tiag2 li...saib npaum li cas los tsis dhuav li... Lub sij hawm dhau los tau 2 teev lawm...nws thiaj li tau mus tsev ua ntej kuv lawm..Kuv lub siab nyob tsis kaj rau nws li..Nws mus lawm xwb kuv lub siab cia li caum nws mus tag lawm... Kuv khuv xim tias cas tsis tau nug nws tus xov tooj li.. Kuv qiv phau ntawv txoj kev npau suav ntawv los nyeem tau ib as thiv....kuv rov qab xa mus rau tom chaw qiv ntawv..kuv mus txog ntua tov xwb kuv saib no cas pom nws ua loo kuv ntej rau hauv library lawm....thiab.. kuv lawv nws qab mus txog hauv no pom nws thau nws phau ntawv tuaj xa rau hauv library thiab... THaum nws qhib kiag nws lub hnab muab phau ntawv thau los rau lawv ua cas...Kuv pom nws ib daim duab poob nthav rau hauv av.... kuv thiaj li khaws nkaus tau nws daim duab...Thiab muab rau nws no ua cas kuv saib yog Nkauj SUA Yaj thiab kuv nws wb daim duab puag thaum tseem me2 xyoo 2000 wb tau yees tseg...Kuv muab saib2 es nws tias ua cas kuv saib daim duab nov zoo ua luaj es kuv paub tus txiv neej nov..thiab lov.. .Lub sij hawm ntawv kuv cia li yoob tag tsis paub tham lo twg li... Dhau ntawv los...nws rov mus nyeem ntawv ua si lawm...Kuv muab kuv phau ntawv xa rau library tag kuv rov mus nrog nws zaum nyeem ntawv ua ke... kuv thiaj li rov nug nws tias... Daim duab ntawv yog leej twg thiab ua li cas nws thiab li tau daim duab ntawv.? Nws thiaj li teb kuv tias...Daim duab no yog puag thaum nws tseem yau2 Nws tau yees daim duab ntawv nrog ib tug phooj ywg hu ua Nraug qaim hli...Lub sij hawm thaum noj peb caug..Thiab nws tau hais rau nraug qaim hli tias nws yog muab ntxuav ib daim rau nraug qaim hli no tab sis...Lub sij hawm ntawv nws niam thiab nws txiv cia li coj nws khiav los mus nyob rau hauv nroog lawm es nws tsis tau muab rau nraug qaim hli xwb..Tab sis ziag nov nws tsis paub tias nraug qaim hli nyob rau qhov twg lawm vim lawv twb los nyob rau hauv nroog tau li 10 tawm xyoo lawm...kuv hnov zoo li lub sij hawm ntawv rov zoo li puag thaum nkauj sua thiab kuv wb tseem yau2 es wb kawm ntawv ua ke. Tom qab ntawv paj npleg mam li nug tias leej nus koj lub npe hu li cas? Kuv thiaj teb tias...Kuv Hu Ua ws...Nraug qaim hli thiab mas.. Paj npleg tias los...Es cas koj lub npe mas zoo li tus nraug qaim hli thaum ub kuv tau kawm ntawv nrog nws thiab tiag...kuv teb nws tias yog mas...Kuv thiaj nug paj npleg tias koj puas muaj lwm lub npe lawm. thiab?... Paj npleg teb tias thaum ub kuv lub npe mas hu ua nkauj sua no os...tab sis los txog hauv nroog no ces kuv niam lawv muab kuv daws npe tshiab hu ua paj npleg no lawm xwb... Tom qab wb sib tham sib tham tag..kuv thiaj li txiav txim siab thov kiag paj npleg tus xov tooj...dhau ntawv los kuv thiaj li hu xov tooj mus nrog paj npleg tham ua si...nkawv tau sib raug zoo zuj zus tuaj...Paj npleg loj hlob los nws tau mus kawm ua ib tug kws kho mob lawm...wb niaj hnub mus nyeem ntawv ua ke...Mus ua si ua ke.. Muaj ib hnub wb tau mus zaum rau ntawm ib lub tsev ua si saib hnub poob...Zaum no kuv paub lawm tias paj npleg yog nkauj sua tus thaum ub uas wb kawm ntawv ua ke lawm...Tab sis paj npleg tsis paub tias kuv tus thaum ub vim lub sij hawmdhau los tau ntau xyoo lawm ces nyias loj hlob tuaj nyias txawv nyias lawm tag...Wb tau ua phooj ua ywg los tau ntau lub hli dhau mus...wb kev phooj ywg cia li dhau los ua txoj kev hlub lawm.. xyoo ntawv wb xeem ntawv tag...kuv tau coj paj npleg mus saib kuv niam thiab txiv..Thaum mus txog paj npleg thiaj li hais tias zoo li lub zos no yog lawv lub qub zog thaum ub sub... Kuv thiaj li coj paj npleg mus rau nram tsev kawm ntawv...Rov coj nws mus nyeem wb tej me ntawv thaum ub wb tau sau tsev tias... Yog Nkauj sua tsis nyiam nraug qaim hli ces nraug qaim hli tsis nrog nkauj sua ua si lawm... Tej ntawv no rov ua rau wb nco txog lub neej thaum tseem yau...Txawm tias lub sij hawm dhau mus tau 10 tawm lub xyoo lawm los...wb ob lub siab yeej tseem nco ntsoov tau.. Tom qab ntawv paj npleg thiaj li hais rau kuv tias...NRaug qaim hli koj twb paub kuv txij li hnub kuv muab wb daim duab ua poob rau hauv av hauv library lawm puas yog.?..cas koj tsis qhia kuv li...Tias koj yog tus nraug qaim hli thaum ub no mas...koj tseem cia kuv tos thiab nrhiav tus nraug qaim hli ntawv los ntev baum no thiab...Kuv tos seb hnub twg mam li ntsib nws yuav muab daim duab rau nws vim kuv cog lus rau nws tias kuv yuav ntxuav ib daim rau nraug qaim hli no...NRaug qaim hli koj mas siab phem heev li os.... Kuv thiaj tias thov txim os...kuv yeej xav qhia koj lawm tab sis kuv xav tias kav liam...vim nkauj sua loj tuaj nws zoo nkauj heev li ua rau nraug qaim hli nyiam thiab hlub nkauj sua lawm thiaj li tsis tau qhia rau koj xwb os...paj npleg.. Dhau xyoo ntawv los...Xyoo tom qab wb ob leeg thiaj li muaj txoj kev hlub loj zuj zus tuaj ib leeg tseg tsis taus ib leeg li lawm.... Thaum wb ob leeg kawm tag College wb thiaj li tau mus kawm University nyob rau txawv nroog... Wb ob leeg tuaj mus nyob ua ke rau ib lub tsev los yog ib chav...Kawm ntawv... Txawm wb tsis tau sib yuav los wb muaj txoj kev hlub zoo heev sib hlub sib pab ua ke yam kaj siab lug...Wb mus nyob ua ke tau 4 lub xyoo... Lub sij hawm wb kawm tag wb tau cog lus tias wb yuav los sib sau ua lub neej nyob kaj siab lug muaj me tub me yuam.THiab yuav sib pab ua hauj lwm kom lub neej zoo li luag tej... Lub sij hawm dhau los...Tsis ntev tom qab 2 lub hli kuv tau los ua hauv lwm nrog nom tswv tuav txoj kev lag luam lawm...Paj npleg hais kom wb sib yuav ua ntej es paj npleg mam li mus nrhiav hauj lwm ua..Tab sis kuv hais rau nws tias cia ob leeg mus ua hauj lwm ib yam xyoo puav kom tseg tau nyiaj los npaj rooj tshoob tso mam li sib yuav..Qhov no ua rau paj npleg tus siab heev li... Tom qab tau ob lub hli xwb kuv hnov tias paj npleg niam thiab txiv muab paj npleg xa mus kawm Dr. nyob rau teb chaws Zij Pee( Japan) lawm...Lub sij hawm nov ua rau kuv mob siab heev2 li tuaj cheem los cheem tsis tau paj npleg li... Txij hnub ntawv los...kuv lam mus ua hauj lwm luag ntxhi xwb tab sis paj npleg tus me duab khuam rawv hauv nruab siab tsis ploj ib pliag li...Nws yog ib lub sij hawm uas kuv nco paj npleg heev li... Lub sij hawm paj npleg mus txog paj npleg hu xov tooj los rau kub tias...Kuv nco koj heev li os...tus hlub...tuaj txog lawm..tsis muaj ib tug neeg yus paub li saib qhov twg los cas tsis yog koj li thiab tsis zoo li lub caij sij hawm wb kawm nyob ua ke li os....Es nyuaj siab zoo siab los muaj koj.... ....Ua tsaug ntau2 rau ib tsoomphooj ywg ua los nyeem nraug qaim hli txoj dab neeg hlub....soj ntsuam nyeem tsuas ntxiv mus rau nplooj tshiab...paj npleg thiab nraug qaim hli nkawv txoj kev hlub mus xaus li cas..... Thiab ua tsaug ib zaug ntxiv rau hmongmeka.com uas cia qhov chaw no rau kuv tso kuv txoj dab neeg no thiab tsuas thov kom txhua tus tsuas muaj lub zog rau lub luag hauj lwm lawm yav tom ntej.... Nraug Qaim Hlis Thiab Tus Ntxhais Dr. Paj Npleg thaum kawg Nyob zoo txog rau ib tsoom phooj ywg sawv daws nyob rau hauv 3 haiv hmoob. Los yog txhua tus tib si.kuv nraug qaim hli. vam thiab cia siab tias peb txua tus yuav ntsib rau txoj kev noj qab pw sov raws nraim li kuv lub siab xav thiab... Tseg tau ntev loo lawm tsis tau tuaj ntsib nej. tsis tau tuaj piav txog kwv huam dab neeg rau sawv daww tau nyeej ua si lawm... Hnub no zoo caij zoo nyoog.kuv yuav rov tuaj piav txog nraug qaim hli thiab nkauj SUA Los YOG PAJ NPLEG nkawv txoj me kev sib hlub txua nplooj 2 uas dhau los ntawv.. nej txhua tu ho saib mus seb nkawv txoj kev hlub yuav xaus mus zoo li cas...UA TSAUG... Lub sij hawm ntawv. Paj npleg hu xov tooj los qhia rau kuv tias Nraug qaim hli kuv nco koj heev li..tuaj txog lub teb chaws no..me nroj me tsuag los txawv tag me huab me cua los txawv tag lawm...kuv ntsia rau qhov twg los tsis pom koj li os.... Nraug qaim hli thiaj li hais rau paj npleg tias tus hlub ua lub siab loj tswj tus kheej kom kov rau siab rau txoj kev kawm es koj thiaj kawm tiav nawb..kuv mam li tos koj nyob rau tom qab os.. Thaum ntawv kuv hnov paj npleg lub suab ncia yau2 hauv lub xov tooj thiab hnov ua pa hlob pa yau..Kuv hnov zoo li ntawv kuv haj yam hlub paj npleg.vim nraug qhaim hli ntshai tias tsam tsis muaj tus los pab paj npleg lub sij hawm nyuaj siab yuav mus nrog leej twg tham..Kuv yim xav yim hnov mob lub siab tuaj..kuv hnov thiab mloog mas..kuv txoj pa yau lawm zuj zus ua tsis tau pa li.. vim kuv txawj nws heev...Paj npleg mus tau ib lub hlis ua rau kuv ntxhov siab nyho ua dab tsi los ua tsis tsheej li..lub siab lub ntsws ua voj ua viag niaj hnub mus ua hauj lwm los lub siab ywj fab ywj fwj mloog mas zoo li ntshav ntuj nrig lub siab yuj ya nyob puag sau ib nta tuj xwb,paj npleg mus nyob teb chaws zij pee(JaPan) tau ob lub hli.. |
Nplooj2wb yeej tau sib tham hauv lub xov tooj txhua2 hmo thaum yuav pw.. ua rau kuv nco nws heev nws los nco kuv tshaj li thiab,Niaj hnub mus hauj lwm laj tos tsaus ntuj es yuav los nrog paj npleg tham xwb..vim nco paj npleg dhau lawm.lub sij hawm dhau los tsis ntev li,twb dhau los ua ib xyoo lawm..thawm ntawv paj npleg tau mus swm huab swm cua paub ntau pom dav zuj zus tuaj.nws tau mus thaij duab xav los rau kuv saib thiab kuv hais rau nws tias xav kom muaj kuv nrog nws nyob rau lub sij hawm ntwv..nws los zoo siab niaj hnub hu kuv..tsis muaj ib zaug tias dhau ob hnub es yuav tsis hu kuv li...txawm wb yuav ib leeg mus nyob ib qho lawm los.wb lub siab lub ntsws tseem zoo li qub..nws niaj hnub mus kawm ntawv kuv niaj hmub tsaus ntuj mam li los sib ntsib hauv lub xov tooj thiab mam li los sib ntsib hauv facebook xwb.... Lub sij hawm dhau mus sai heev li xyoo ntawv yog xyoo ob lawm..Paj npleg mus tau ob xyoo kuv nco nws tau ob xyoo..nco npaum twg los tsuas sib ntsib hauv lub xov tooj thiab hauv facebook xwb.. wb tsis sib ntsib tsis tau ua ke tau ob lub xyoo ua rau kuv nco nws heev nws los xav ntsib kuv heev thiab.. yog li ntawv kuv thiaj li tau mus saib paj npleg nyob rau teb chaws Zij Pee (JaPan) lub sij hawm kuv yuav mus rau teb chaws zij pee ua rau paj npleg mas zoo siab heev li..Kuv hnov nws lub suab luag hauv lub xov tooj nws hais rau kuv tias ua cas yuav zoo siab tshaj nws tau ib thooj kub... kuv hnov nws lub suab luag hnov nws muaj kev kaj siab ua rau kuv nco nws tshaj..kuv twb tos tsis tau lub sij hawm kuv yuav mus nce dav hlau li... tau ob hnub tom qab nraug qaim hli thiaj li tau mus saib paj npleg nyob rau japan teb... Lub sij hawm nraug qaim hli ya dav hlau mus txog rau teb chaws zij pee thaum taws plaws hauv dav hlau los saib qhov twg los cas neeg coob li coob xwb tsis paub tias paj npleg nyob rau qhov twg li...Lub sij hawm nraug qaim hli mus cheak cov khoom tag nws tau tawm plaws mus rau sab nraum qhov cov neeg tuaj tos tej txheeb ze. Nraug qaim hli saib mus rau sab xis no cas pom ib tug me hluas nkauj zoo2 nkauj ntxim2 hlub sawv rau ntawm ib lub rooj..nws hnav ib lub tsho dawb, ib lub ris dub , thiab ntoo ib lub kaus mom... thaum nraug qaim hli tawm plaws mus txog rau sab nrauv ua cas yog paj npleg.Paj npleg khiav los khawm nkaus nraug qaim hli thiab hais rau nraug qaim hli tias nyob zoo os..tus hlub koj twb tuaj txog lawm los...nraug qaim hli teb tias kuv twb tuaj txog lawm los mas.... nraug qaim hli saib paj npleg no cas paj npleg luag ntxhi lub kua muag poob dawb vog, paj nplej nkoov ntsis los hnia thiab nwj kiag nraug qaim hli.lub sij hawm ntawv nraug qaim hli hno zoo li yog npau suav xwb.. Tsis paub tias zoo siab npaum li cas..xyov yog dag los yog npau suav... wb tau sib puag sib khaws ib pliag rau ntawm qhov chaw ntawv..tom qab ntawv wb thiaj li tau los mus rau ntawm paj npleg qhov chaw nyob lawm...mus txog rau hauv paj npleg qhov chaw nyob paj npleg twb npaj tau zaub tau mov..tos nraug qaim hli tib si lawm hmo ntawv wb tau noj hmo ua kev yam zoo siab hlo thiab kaj siab heev.. rov nco txog thaum wb kawm ntawv ua ke nyob nrau Nplog teb... wb noj hmo da dej tag wb los pw paj npleg pw ntawm kuv sab caj npab nws tau tham qhia txhua tsav txhua yam nws tuaj nyob rau zij pee teb rau kuv nws tau qhia txhua yam txhua tsav nws nco kuv rau kuv mloog...wb tau piav wb txoj me kev sib nco ib hmo kag ntug tsis nco tsaug zog li...paj npleg khawm rawv nraug qaim hli hos nraug qaim hli puag rawv paj npleg..nraug qaim hli nkawv mas zoo siab tshaj tsis muaj dab tsi los pauv tau. Nraug qaim hli thiab paj npleg nkawv rov tau sib ntsib tau noj mov ua ke pw ua ke zoo li yav nram ntej thaum nkawv tseem kawm ntawv ua ke... Nraug qaim hli tuaj nrog paj npleg nyob ua ke tau ob weeks xwb nraug qaim hli mloog mas..cas yuav sai ua luaj li zoo li ib pliag xwb twb dhau mus lawm ob weeks. Lub sij hawm tag lawm zuj zus suav caij suav nyoog dhau mus lawm tiag2 li..ze zuj zus rau hnub nraug qhaim hli yuav rov tau los mus tsev vim tseem khuam nraug qaim hli txoj hauj lwm...Hnub ntawv yog hnub nraug qaim hli rov los mus tsev..Paj npleg quaj2 thiab khawm rawv nraug qaim hli caj dab xwb,paj npleg tias paj npleg nco nraug qaim hli dhau lawm xyov yuav ua li cas kawm ntawv tag... Nraug qaim hli los kuj nco paj npleg tshav ntuj nrig tsis xav rov los mus tsev li...lub siab ces quaj dhuj dhi xwb.. saib lub sij hawm lub moos khiav zej zuj zus mus rau lub sij hawm yuav ncaim los tsev lawm tiag2 xyias tu nyias siab..mob siab los mob ua luaj nco los nco tag npaum thiab xyov yuav ua li cas li.... Txawm nkawv yuav nco npaum twg los lub sij hawm yuav dhia zuj zus mus rau yav tom ntej lawm xwb lub sij hawm yeej tsis paub tias nkawv sib nco npaum ntawv es yuav nres ib pliag rau nkawv li... Thaum lub moos khiav txog ntua lub sij hawm ces nraug qaim hli thiaj li tau rov los tsev lawm.. Nraug qaim hli thiaj hnov dua nrhe ib nplooj siab nyob rau zij pee teb chaws... Thaum lub dav hlau ya yus nto nplaws ntuj ntsuab tig saib rau hauv av..mas kho siab zim khuam siab khuav vim tseem tshuav yus tus hlub nyob rau yav qub qab,, Lub dav hlau yuj yaj ib sij hla los dhau ib tauv huab lawm xwb ua rau nraug qaim nco paj npleg heev li.. Lub sij hawm thaum nraug qaim hli rov los txog ntua rau nplog teb lub tshav nyooj hoom vav tais ntsia rau qhov twg los tsis muaj paj npleg li..ua rau kho siab tshav ntuj nrig xwb..Hnub ntawv tsaus ntuj paj npleg hu los nrog nraug qaim hli tham ua rau nraug qaim hli lub siab mas ua voj ua viag zoo li tsim feeb tsis meej zoo li tseem nrog paj npleg nyob rau zij pee teb.. nkawv sib tham sib nco heev li...ib sij dhau mus zuj zus lawm xwb...lub sij hawm tsis tos leej twg li.. ib pliag twb tsis nco tev li ua tsis tsheej ib yam dab tsi li twb tag mus ib xyoo lawm... xyoo ntawv nws yog xyoo thij peb lawm..nraug qaim hli niaj hnub mus ua hauj lwm li qub...niaj hnub nco paj npleg tshaj qub tuaj... paj npleg hais tias rau nraug qaim hli tias xyoo ntawv yog xyo kawg lawm paj npleg muaj hauj lwm ntau heev li tsis tshua khoom hu xov tooj los rau nraug qaim hli lawm..ho nraug qaim hli hu mus los tsis tshua khoom teb lawm... hos tsis tuaj facebook li yav tag los lawm... Los nrog qaim hli yeej tseem ntseeg tias nws ntseem hlub nraug qaim hli li qub... niaj hnub xav li ntawv rau hauv siab..Vim tias lub sij hawm nraug qaim hli mus saib paj npleg nyob rau zij pee teb paj npleg hais rau nraug qaim hli tias ua siab ntev tos hnub twg paj npleg kawm tiav paj npleg rov los nraug qaim hli nkawv mam li los sib sau ua ib lub neej nyob yam kaj siab lug.... Nraug qaim hli niaj hnub xav tias vim paj npleg muaj hauj lwm ntau xwb thiaj li tsis khoom los teb xov tooj...Tseem ua lub siab loj txhua sij hawm.... ib lub xyoo twb yuav luag dhau mus...lawm tiag2 li...cas zoo li txhua tsav txhua yam twb hloov tag mus lawm los hauv nraug qaim hli lub siab tseem hlub thiab nco paj npleg ib leeg zoo li qub...Lub hli ntawv yog Paj npleg lub hnub yug paj npleg thiaj hais kom nraug qaim hli rov mus ntsib paj npleg dua vim tau ntev2 heev lawm tsis tau sib ntsib li...Thiab twb yuav txog paj npleg lub hnub yug es koom nraug qaim hli mus koom kom tau xwb thiaj li zoo siab no... Nraug qaim hli thiaj li tso hauj lwm tsev..Thiaj li rov tau mus ntsib paj npleg li paj npleg tau hais..thiab vim twb txog paj npleg lub hnub yug lawm thiab...YOg li hnub uas nraug qaim hli rov mus txog rau zij pee teb zaum ob.. Thaum mus txog ntua ntawm tshav dav hlau qhov chaw qub...lub xyoo dhau los paj npleg tuaj tos nraug qaim hli ntawv ua cas tsis pom paj npleg li.. saib qhov twg los neeg coob li coob xwb tsis muaj ib tug yog paj npleg.. Nraug qaim hli mus nyob tos ntawm qhov chaw qub ntawv ntev li 10 feeb mam li pom paj npleg tuaj tshwm... thiab coj tau ib tug neeg uas nraug qaim hli tsis tau pom tsis tau paub dua los li nrog paj npleg tuaj thiab...lub sij hawm ntawv hnov mob hauv nraug qaim hli siab ib teg ib teg tuaj.... Thaum nkawv tuaj txog ntua paj npleg thiaj li hais rau kuv tias nyob zoo tus ntawv yog nws tus phooj yw...sib paub nyob rau tom tsev kawm xwb... Kom nraug qaim hli ua siab loj...Lub sij hawm thaum ntawv nraug qaim hli yeej paub tias paj npleg tsis yog tus thaum ub es hlub2 nraug qaim hli lawm..lub sij hawm dhau mus tau ob hnub..ces txog paj npleg lub hnub yug lawm...nraug qaim hli ua siab ntev tos txog paj npleg hnub yug ces nraug qaim hli tau ua paj npleg lub hnub yug rau paj npleg tag thiab pom tus neeg uas nraug qaim hli tsis paub ntawv pheej tuaj nrog paj npleg nyob ua si.. Thiab nraug qaim hli saib lub sij hawm ntawv thiab lub sij hawm dhau los nkawv tseem sib hlub mas sib txawv deb npaum ntuj thiab av... lub sij hawm dhau mus tsis zoo li qub lawm..ib pliag ntshis xwb twb dhau mus lawm tiag2 li..zoo li npau suav lawm xwb,Hnub ntawv nraug qaim hli yuav tau rov qab los tsev..Paj npleg thiaj hais rau nraug qaim hli tias kom nraug qaim hli txhob xav dab tsi ntau...Hauv paj npleg siab twb muaj dua tus tshiab lawm..kom nraug qaim hli rov los txog tsev es tsis txhob tos paj npleg ntxiv lawm... Yav tag los cia nws dhau mus..no.. Lub sij hawm ntawv nraug qaim hli hnov zoo li txoj pa yuav tu tiag2 li..Nraug qaim hli ua ib siab ua siab tawv qhawv tsis pub lub kua muag poob li...Ib pliag ntshis nraug qaim hli twb hais tsis tau pes tsawg lo lus rau paj npleg li lub sij hawm twb tag mus lawm... Nraug qaim hli thiaj li tau rov lab los mus tsev... Lub sij hawm rov los txog tsev kho siab khuav tsis muaj tus yus tos tias yuav pib lub neej nrog lawm..ua rau nco paj npleg tiag2 li... Tau tsib lub hli tom qab..nraug qaim hli lub siab mam li tus me ntsis thiab thiaj li txiav txim siab rau2 siab mus ua yus txoj hauj lwm.. Lub sij hawm ntawv...tsis ntev..nraug qhaim hli tau tsis xis neej tsis muaj tus saib li...pw ib leeg mus tsis taus hauj lwm.... tau 3-4 hnub lawm...paj npleg tus phooj ywg nrog nraug qaim hli ua hauj lwm ua ke thiaj li hu tuaj nug tias ua cas nraug qaim hli tsis mus hauj lwm lawm.. nraug qaim hli thiaj hais tias nws tsis xis neej tau ob peb hnub los lawm no... paj npleg tus phooj ywg ua ua nkauj huab thiaj li tuaj saib nraug qaim hli thiab thiaj li tuaj ua mov rau nraug qaim hli tau noj...tuaj yuav tshuaj rau nraug qaim hli tau noj... Lub sij hawm nraug qaim hli zoo los..nws tau nco paj npleg heev li nws mus hauj lwm los txog niaj hnub niaj hmo mus haus dej haus cawv...tom thev tom bar niaj hnub niaj hmo qaug cawv xwb... Lub sij hawm ntawv nraug qaim hli nyuaj siab ntxhov plawv tas li xwb...nkauj huab niaj hmo tuaj nrhiav nraug qaim hli tom tsev tsis pom ces mus nrhev tom chaw haus cawv xwb...Lub sij hawm nraug qaim hli qaug dej qaug cawv los ces nkauj huab niaj hnub niaj hmo tu nraug qaim hli xwb...Lub sij hawm ntawv ib tug neeg niaj hnub lwj siab hos muaj ib tug neeg niaj hnub tuaj saib tuaj tu...Lub sij hawm dhau mus tsis ntev...Nraug qaim hli thiaj li txiv txim siab yuav nkauj huab..lub sij hawm ntawv nkauj huab hlub nraug qaim hli heev li...nkawv tau ua lub neej nyob kaj siab lug thiab tshav ntuj nrig... Tom qab ntawv paj npleg thiaj tau hnov tias nraug qaim hli thiab nkauj huab nkawv sib yuav lawm.. paj npleg mob siab heev thiab thiaj li hu los nrog nraug qaim hli tham... Tab sis lub sij hawm zoo tsuas yog muaj ib zaug xwb...thaum paj npleg xav tau ces twb lig lawm... nraug qaim hli thiaj li nug paj npleg tias paj npleg tus hlub nev ua cas nkawv ho mus tsis tau ua kev lawm los yog vim li cas no..Paj npleg thiaj li hais tias nws twb tsis zoo li nraug qaim hli li..nws twb muaj nws ib tug nws twb mus yuav poj niam lawm..no.. Thaum nraug qaim hli hnov li no ua rau nraug qaim hli pab hlub paj npleg kawg li... Dhau los tau ob xyoo tom qab paj npleg rov los tsev.. los ua hauj lwm..pab neeg...Muaj ib hnub nkauj huab wb mus tab laj tau rov mus ntsib paj npleg....Pom paj npleg ib pliag paj npleg lub kua muag pob dawb vog thiab hais tsis taus ib lo lus rau nraug qaim hli li... vim paj npleg yeej paub tias nws yuam kev lawm... Dhau ntawv los ces nkauj huab thiab nraug qaim hli thiaj li muaj ib tus me aj tub ntxim2 hlub.. Hos paj npleg tseem tsis tau muaj lub neej txog rau niaj hnub no..... Paj npleg thiab nraug qaim hli txoj dab neeg los xaus li no lawm xwb... Thov ua tsaug rau ib tsoom phooj ywg uas tau tuaj nyeem nraug qaim hli txoj dab neeg hlub ntawv paj npleg thiab nraug qaim hli thiab thov ua tsaug rau ib tsoom tij laug niam tij sawv daws ua nyob rau hauv lub vaj sab 3 hauv hmoob nov thiab uas nej tseem muaj lub siab zoo tso kuv txoj dab neeg no rau hauv no rau sawv daws tau tuaj twm daws kev nyuaj siab thiab ua tsaug..rau ib tsoom hmoob..uas tuaj nyeem... SauBe. Nraug Qaim Hli.LAUJ |
Txwv: Txwv tsis pub leej twg muab peb cov dab neeg kev hlub hauv no coj mus tso rau ntawm koj lub website los yog lwm qhov chaw Vas Sab uas tsis tau txais kev tso cai los ntawm peb. Warning: No one can copy these stories at www.3haivhmoob.com to your own or other website without permission. Thank you for your cooperation.
Txoj Kev Hlub Mob siab Tu siab li no koj xav li cas xwb sau rau nram qab no? Nias nov rov mus Nplooj Dab Neeg Kev Hlub
Widget is loading comments...