Nraug Dab Ntxaug Tham Nkauj Hmoob Zos Laj Khaib
Tus piav: Nkaj Yeeb Lis
Nyob Zos Laj Khaib - Xeev Khuam Teb chaws Los Tsuas
Nyob Zos Laj Khaib - Xeev Khuam Teb chaws Los Tsuas
Nplooj-1 Nplooj-2
Thaj tsam ntawm xyoo 1980 nyob rau lub zos Laj Khaib uas nyob tsis deb ntawm phoo xab vam lub xeev xiam khuam tau muaj ib tug hluas nraug dab ntxaug tuaj tham tau ib tug ntxhais hmoob npe hu ua Maiv Kiab Lauj.
Nyob rau lub zos Laj Khaib no yeej tsis muaj tib neeg nyob tau ntev los lawm vim thaum ua rog ob tog nplog sib tua mas As mes lis kas tau tuaj pov npoos thiab cov tub rog tau sib ntaus sib tua thaj tsam no yog li pej xeem tau khiav tag ib co mus rau sab nyab laj teb lawm hos ib co ces khiav los rau sab Vees Cam tag lawm. Lub sij hawm no los cov dab nyob tej chaw no yeej nyob tsis taus tau khiawv ib yam nkaus li cov tib neeg thiab. Thaum lub teb chaws tiaj tus hloov nom tswv tshiab no pej xeem Hmoob thiab nplog tau siv rov los nyob li qub thaum ub rau lawv tej zej zog. Kev teeb meem tshwm sim zaum no mas yog muaj ib zaug thaum lub caij luaj teb ces cov ntxhais Hmoob thiab cov niam txiv Hmoob no tau sib pauv zog mus luaj teb..thaum lawv mus txog nram teb ces txawm pom muaj 3 tug me nyuam nas tsuag liab txiv ntsuag tuaj noj noj lawv cov pob txha thiab cov mov poob hauv qab rooj thaum uas lawv noj su tag thiab maiv kiab txawm dam tau ib tug pas los ntaus cov nas no...muaj ib tug khiav dim lawm hos tuag lawm ob tug. Thawj hmo lawv rov los txog tsev tsis muaj dab tsi tab sis hmo tom qab ces Maiv Kiab ua ib tug npau suav tias muaj ib tug tub hluas los hais rau nws tias" Xav tias koj nyob qhov twg no..ua cas nyob ntawm no xwb..peb nyuam qhuav tuaj muab tau peb ob tug neeg coj mus ua dab ua qhua lawm, kuv taug tau koj qab lawm mas zaum no yuav tsis tso koj tseg li nawb vim koj tua kuv ob tug kwv tuag tag lawm" Hais li tag xwb ces maiv kiab pom nws cia li taug kev mus rau puag tim ib lub roob lawm nyob rau hauv nws tus npau suav. Hmo tom qab ces Maiv Kiab ib tug nus cia li mob ceev ceev huam leej huam ceem thiab tuag kiag lawm, lawv tseem muab pam ua kev cai xwb Maiv kiab niam twb pib mob ceev ceev yuav tuag li lawm thiab ces lawv cia li muab tus nus no mus faus kiag lawm thiab tau thov ib tug yawm txiv hu ua Tooj pov no tuaj ua neeb thiab ua khawv koob cim kiag tam sis ntawv ces thaum nws nqis neeb los nws hias tias Maiv Kiab lawv tsev neeg no tua tau dab ntxaug tuag lawm yog li mas lawv thiaj tuaj pauj kua zaub ntsuab xwb...siav pauv siab thiaj tau xwb tab sis nws tau ua neeb thaiv lawm, tsev neeg no yuav tsum tau caiv tsis pub tawm qhov twg 3 hnub mas thiaj tau. Yog li lawv tau ua raws nkaus txiv neeb hais. Txwv: Tsis pub leej twg muab peb cov dab neeg txhua txoj hauv no coj mus tso rau lwm lub vej xaij- vas sab los yog lwm qhov chaws uas tsis tau hais rau peb paub.
Ua tsaug, 3haivhmoob.com |
Teeb meem kuj tsis tag raws li hais no txhua hmo mas Maiv Kiab Yeej npau suav pom tus tub hluas no rov los nrog nws tham thiab ua zoo zoo rau nws tag li xwb, thiab tej hmo mas ua phem heev rau Maiv Kiab, thaum kawg Maiv kiab tau nug tias koj tuaj qhov twg tuaj thiab koj yog leej twg tiag tiag...tus tub hluas dab ntxaug no thiaj qhia tias, peb lub zos nyob rau tim roob sab tiv tab sis mas nyooj hoom tua tua thiab pov npoo peb nyob tsis taus , peb tau khiav mus rau sab noom hej lawm es teb chaws tus peb nyuam qhuav tsiv rov los nyob peb cov qub zog thiab xwb. Kuv ces txawm yog ob tug uas koj ntaus tuag tim nej daim teb tus tij laug ntag, kuv niam lawv cem kuv heev tab sis mas kuv pom koj ces kuv nyiam koj heev thiab kuv kuj npau taws rau koj heev yog li kuv yuav tuaj yuav kom tau koj mus nrog peb nyob .
Thaum zoo li no lawm ces Maiv Kiab thiaj piav tus npau suav ua yog toog no rau nws niam nws txiv nkawv. Lawv tau pib ntshai thiab rov qab ua neeb ua khawv koob tej cim tsis tas li los muab tus ntxhais no hloov npe mus ua npe nplog hu ua Kham Mas Lais no lawm los yeej pab tsis tau vim tus dab ntxaug no tuaj muaj sab lawm. Lawv yim ua neeb ua khawv koob mas tus dab no haj yam tuaj ua phem..thaum ntej nws tuaj li npau suav thiab hmo ntuj xwb..kov kov tom qab no ces nruab hnub los yeej tuaj li lawm, tos nco ces Maiv Kiab cia li vau nrov toog hauv av li tus neeg qaug dab peg..Maiv Kiab qhia tias tus dab no tuaj muab nws deev ua dev ua npua ua lwj ua liam phem tiag tiag li.. Maiv Kiab piav hais tias raug dab deev yus mas txawv tshaj plaws nws yeej ua rau yus lub plab mob mus lawm tsheej chim li.. thaum zoo li no lawm ces Maiv Kiab txiv lawv thiaj mus thov tau ib tug yawm txiv nyob rau ntawm lub zos hu ua zos Npab Hais no tuaj mus ua khawv koob pab, tus yawm txiv no yog nplog ces nws thiaj tuaj ua khawv khoob ntxias cov dab ntxaug no tuaj hauv Maiv Kiab lawv tsev...pom ib cov me nyuam nas liab txiv ntsuag mas tuaj coob tshaj nplaws tawm tim tej kaum tsev tuaj li ces thaum no tus yawm txiv nplog tau muab ib lub yias rhaub ib co roj kub heev li thiaj muab cov me nyuam nas no tais pov rau hauv yias tuag tag nrho thiab nws tuaj ua khawv koob cim tag ces thiaj tsis pom tus nraug dab no tuaj ntxiv lawm vim yawm txiv nplog muab rhaub roj hlawv tuag tag lawm. Zaj dab ntxaug tham nkauj hmoob no yeej muaj tseeb tiag tiag yog leej twg nyob rau lub zos hais no thaum sij hawm ntawv ces yeej paub zoo. Yog li nej mus ua liaj ua teb pom tej nas zoo li no liab qhov ntsuag txhob lam muab ntaus kom tuag vim cov nas zoo li no lawv yog dab ntxaug xwb. Thov ua tsaug rau vas sab www.3haivhmoob.com uas muaj qhov chaw no rau peb tuaj piav keeb kwm los yog sau dab neeg dab thiab poj ntxoog rau suav daws tau ua kev kawm, es mam ntsib nej lwm zaus dua. Sau npe: Nkauj Yeeb Lis. |
