Kev Hlub Nrog Txoj Pa Yuav Yaj
Nplooj1 Kheev lam lub sij hawm muab kiv tau rov qab zoo yam daim yeeb yaj kiab hauv muv vim. kuv xav rub lub sij hawm tig rov qab los dua ib zaug ntxiv, xav rov los ua ib tug tub zoo rau kuv niam kuv txiv, ua tus neeg zoo rau kuv tej phooj ywg, ua ib tug txiv zoo rau tus neeg kuv hlub thiab ua piv txwv zoo rau txhua leej txhua tus nyob ntawm kuv ib sab. Tiam sis tu siab kawg vim kuv twb muab lub sij hawm muaj nuj nqis hauv kuv lub neej siv yuav tag lawm tsuas tshuav sij hawm me me rau kuv ua neeg nyob lawm xwb, los rau tam sim no kuv hnov tau hais tias kuv lub dag zog tsuas ntaug zuj zus lawm xwb, ho txoj pas los tsuas yau zuj zus zoo yam tus dej yuav nqhuab nyob rau caij ntuj qhuas. vim nyob rau hauv kuv nruab nrog muaj kuab lom los ntawm tshuaj muaj yees nrog rau kev rhuav tshem ntawm kab mob lauj ej, yog kuv lub cev lam zoo li tej khoom uas rho tau tawm zoo yam li tej tsheb ntshes kuv twb muab hloov kiag lub tshiab lawm ntshe kuv twb tsis nyob nrog tus mob zoo li no.
Kuv tu siab heev uas kuv yuam kev taug txoj kev uas zoo li no, taug txoj kev tsis muaj leej twg yuav pab tau kuv tus kheej li lawm. Kuv xav hais tias yam yuav pab tau ce yog toom txhob thiab hlau lawm xwb uas yog hauv tshuaj yuav kho kuv tus mob kom zoo tu qab thiab thiaj tsis hnov mob mus ntxiv lawm. Ua ntej kuv yuav mus taug txoj kev zoo li no. kuv yog niam thiab txiv ib tus tub nyob rau toj siab peb lub neej kuj nyob li teb noj xws lis chaw kuv tsev neeg muaj 12 leeg, 4leej ntxhais ,hos 6 leeg tub, kuv yog tus tub thib 4 ntawm peb cov kwv tij, kuv kawm tag mo 6 nyob rau xyoo 2008 thiab tau tuaj kawm txuas ntxiv rau maj ham lais ( National University of Laos) ua ntej thaum kuv yuav tuaj kawm nyob rau maj ham lais kuv yog niam thiab txiv ib tug tub zoo thiab rau siab rau txoj kev kawm heev niam thiab txiv nrog rau ib tsoom kwv tij pom tau tias kuv yog ib tus tub kawm tau zoo, lawv thiaj li pom zoo tso kuv tuaj mus kawm nyob rau maj ham lais txawm tsis muaj nyiaj los niam thiab txiv nkawv mam li khwv pab kuv kawm mus kom kawg vim nkawv xav kom muaj ib tus tub kawm siab thiab muaj hauj lwm ua zoo li luag tej tub. thaum ntej kuv yeej tsis xav tuaj mus kawm vim niam tiab txiv nkawv twb laus lawm kuv xav nyob ua liaj ua teb pab nkawv kom nkawv ho tsis txhob khwv khwv tab sis kuv txiv hais rau kuv tias”me tub koj xav kom zoo zoo nawb txij li thaum koj pib kawm po 1 los txog rau mo 6 (hoob 11) no siv sij hawm yog 11 lub xyoo diam mam tas es 11 lub xyoo ua koj pib koj lub neej rog rau koj txoj kev npau suav xav muaj hauj lwm nrog luag ua ntawv na koj txawm yuav muab pov tseg dawb dawb xwb lov thiab koj xav hais tias txoj kev ua liaj ua teb yog ib yam ua koj yuav ua mus tag koj lub neej los yog yuav ua ib pliag xwb ma? Koj niam wb twb khwv los laus li no los twb tsis nrog luag muaj nyiaj muaj txiaj thiab tej laus thauv twb ua ib txheej dhau ib txheej ib tiam dhau ib tiam tsuas yog txaus noj txaus hnav xwb twb tsis nrog mab suav muaj nyiaj muaj txiaj thiab nej txheej hluas nim no yeej ua tsis heev li peb txheej laus lawm os kav tsij mus kawm xwb thiaj yog ib txoj kev tawm mus rau lub neej vam meej lub neej pem suab yog koj li. wb ob niag laus ces twb tsis muaj pes tsawg nhub nyob lawm os kav tsij rau siab rau txoj kev kawm lub neej tom ntej thiaj tsis txom nyem li peb cov laus lawm nawb. ” thaum kuv nhov kuv txiv hais tas li ntawv zoo li kuv lub qhov muag pom tseeb txog kev kawm thiab lub hom phiaj tom ntej zoo li kuv lub siab tos ntshuas nkag siab txog kev kawm muaj nuj nqis npaum cas rau kuv lub neej pem suab kuv lub siab xav txog txoj kev kawm ua rau mob siab tsheej zag thiab zoo yam li kuv yeej npaj tsis tau txhij yuav mus ua ib tug tub kawm nyob maj ham lais li. Qhov tseeb uas kuv tsis xav mus kawm nyob rau maj ham lais vim kuv tsis xav ncaim paj mus deb thiab ntshai tsam mus deb ces txhua yam ntawm txoj kev hlub yuav hloov mus raws lub sij hawm ua rau nws nyuab kuv lub siab heev yog thaum muaj ob txoj kev xaiv zoo li no. kuv paub zoo tias Paj los yeej tsis xav hnov kuv hais txog txoj kev yuav sib ncaim tsis tas li xwb hais txog ntawm paj nws yog ib tus ntxhais mloog niam lus heev vim paj txiv tau tso paj niam nrog rau 4 leej tub thiab 3leej ntxhais ua ntsuag los thaum paj tseem muaj 12 xyoo ua rau paj tsev neeg tau txais ntau yam kev txom nyem heev. Kuv tau paub paj thiab hlub nws nyob rau xyoo kawm mo 5 kuv tseem nco tau lub sij hawm wb pib wb txoj kev hlub zoo li cas muaj ib hnub thaum pib qhib tsev kawm tshiab nyob rau xyoo kuv kawm mo 5 hnub ntawv yog ib hnub uas ntsia mus rau ib cheeb tsam ntawm tsev kawm pom ib tsoom tub kawm ntxhais kawm leej twg los yeej hnav tshiab khiv luag ntxhi nrog rau ib tsoom phooj ywg thiab npaj siab sau npe yuav kawm nyob rau xyoo tshiab thiab yog ib hnub los nag tshauv xuj xuav ua rau kev mus los nkos ntsuav thiab lo av qias neeg heev . lub sij hawm thaum kuv sawv tos kos npe ntawv kuv pom ib tug hluas nkauj nws hnav tsis tshiab li lwm leej lwm tus saib tus hluas nkauj ntawv cev khaub ncaws ntxim li yog cev tsaib no lawm nws nyob ntshaus ntsho tsis nrog leej twg hais lus zoo li nws lub siab xav ntau yam heev hos lub me nstej muag tshiab khiv dawb mos nyoos kuv tig mus saib ib muag yim saib yim tsis nco ntsais muag kuv rov tig mus ntsia dua zaum ob yim ntsia yim cheem kuv lub siab tsis nyob, kuv xav hais tias kuv lub siab nyiag hlub tus hluas nkauj ntawv hnub ntawv los lawm thaum sau npe tiav lawm txhua leej txhua tus yeej zoo siab hlo qhov sau tau npe kawm lawm thiab rov qab mus vaj mus tsev luag ntxhwb ntxhi, ib pliag ntshis ntawm thaj chaw sau npe neeg txawm ntshiab vog tag lawm tshuav tsis pe tsawg leej tseem nyob tos ntuj tu nag mam rov qab mus tsev lawm xwb. |
Nplooj2 Lub sij hawm ntawv kuv tseem nyiag ntsia tus hluas nkauj ntawv tsis ntsais muag zoo yam tus neeg feeb tsis meej li, los yog lawv keev hu hais tias “neeg qaug rau kev hlub lawm na” kuv tos saib tus hluas nkauj ntawv ua rau cov neeg tuaj sau npe ntawv twb mus tsev yuav tag los cas tus hluas nkauj ntawv tsis mus tsev li qhov tseeb lawm tus hluas nkauj ntawv tsis mus tsev los vim nws tsis muaj kaus kwv tiv nag mus nws thiaj yuav tau tos kom tu nag tso mam rov qab mus tsev tos mus ntxiv ua rau twb tav lub caij 5 teev tsaus ntuj los nag yeej tseem los xauv npos tsis tau tu li ua rau tus hluas nkauj ntawv tos tsis taus kom lub ntuj tu nag mam rov qab, nws cia li tiv nag rov qab thaum lub sij hawm ntawv ua rau kuv tsis paub txog kuv tus kheej hais tias cas kuv twb muaj peev xwm li no los thaum twg lawm ib txwm kuv yeej tsis muaj peev xwm nrog ib tug hluas nkauj txawv ntsej muag twg tham los yog tso dag tso luag li.
Cas los rau lub sij hawm no kuv yuav muaj peev xwm ua luaj lawm tsis tos ntev kuv txawm nqa kuv lub kaus mus rau tus hluas nkauj ntawv thiab kuv hais rau tus hluas nkauj ntawv tias “kwv kuv lub kaus no tsam koj ntub nag tag lawm os” tus hluas nkauj ntawv teb kuv hais tias “e koj nev ” kuv teb tus hluas nkauj ntawv tias “tsis ua cas kuv mam tiv nag” tus hluas nkauj ntawv hais tias “yog li wb ob leeg kwv os” yog li ntawv wb ob leeg thiaj li tau kwv kaus ua ke los mus tsev thiab tham txog ntau tsav ntau yam los ua ke muaj qee qhov kuj ua rau ob leeg luag ua ke muaj qee zaum thaum kuv nyiag ntsia tus hluas nkauj ntawv ua rau nws lub ntsej muag qhia tau zoo lis txaj muag tsim tsawv. Wb nyuam qhuav taug kev ua ke ib pliag xwb twb ua rau wb zoo li tus neeg sib swm heev lawm thiab muaj peev xwm tham txog lub hom phiaj tom ntej rau ob leeg mloog wb roos ib lub kaus taug kev ua ke los tsis tau ntev. cas txoj kev uas kuv ib txwm hais tias deb tab sis thaum muaj tus hluas nkauj ntawv nrog kuv taug cas ho yuav luv ua luaj tsis tau xav ncaim los txoj kev tshuam twb los ze zuj zus lawm thaum txoj kev tshuam los txog ib leeg yuav tau mus ib qhov ob lub siab tsis xav sib ncaim los lub cev ntaj ntsug yuav tau muab sib ncaim ib lub siab mus ib qho ua rau ob lub siab sib nco thiab sib tshua npaum li cas los yeej tsis muaj peev xwm yuav hais tau tawm los li . Txij hnub ntawv kuv thiaj paub tus hluas nkauj ntawv lub npe hu ua paj xeem lauj thiab dhau los ua ib tug neeg kuv swm thiab hlub npaum kuv txoj sia txij thaum ntsib paj los txhua hmo thaum kuv pw yeej ua npau suav pom paj txhua hmo, tom qab ntawv li 2-3 hnub tsev kawm tau pib kawm ntawv mus. yam kuv ntseeg tsis tau kuv lub ntsiab muag ces yog hauv kuv chav kawm muaj paj kawm nyob rau hauv thiab kuv saib txhua yam cas yuav zoo li tswv ntuj twb tau teev tseg rau kuv thiab paub kuv siab heev. Paj wb tau kawm nyob rau ib chav thiab zaum ib lub rooj koom kev nyuaj kev sov siab los tau sij hawm ntev, kuv tsis paub tias paj twb txiav txim siab hlub kuv thaum twg lawm. hos nyob li ntawm kuv twb hlub paj txij li hnub pib sib ntsib lawm. los txog rau xyoo no wb ob leeg tau kawm tag mo 6 thiab twb npaj siab yuav pib wb lub neej mus lawm thiab xav hais tias kawm los tau 11 lub xyoo yeej tsis pom muaj dab tsis zoo li thiaj ua rau kuv nkees thiab xav tias yuav tso txoj kev kawm los xaus li no, tab sis thaum hnov kuv txiv hais li ntawv ua rau kuv rov ras txog thiab xav kawm mus ntxiv.xav mus paub lub neej nyob hauv nroog loj, xav pom txoj kev vam meej, xav paub seb cov neeg nram nroog kev khwv noj khwv haus zoo li cas puas zoo li peb nyob yaj sab(toj siab) ua liaj ua teb nyob rau lub luaj qoob luaj loo tiv tshav tiv nag thawm niaj thawm xyoo los peb tseem txom nyem thiab. ib yam yog xav mus pom thiab yog ib tus tub kawm nyob rau maj ham lais los yog lawv keev hus hais tias tub kawm doo dauj (Dongdok) seb zoo li cas, nov yog kuv xav paub txog lub neej pem suab thiab xav tawm mus kom pom deb pom dav. tam sim no kuv zoo yam tus me nyuam noog nyuam qhuav tuaj tis yuav pib nthuav tis ya tawm mus ncig lub ntiaj teb seb deb thiab dav npaum cas tab sis tus me nyuam noog no yeej tsis paub hais tias nws ob sab tis me me nov yuav tiv pus taus nws mus txog nws lub hom phiaj thiab yam nws xav tseg ntawv. Tos qab ntawv li ib lub lim tiam tsev kawm maj ham lais tau pib sau npe xeem nkag kawm kuv thiaj tau mus xeem thiab tau npe mus kawm nyob tau maj ham lais li kuv xav tseg lawm tiag.kuv tau ncaim mus kawm yam tus neeg tsis xav tsim hauv tus nruab dab ntub txawm li ntawv los kuv twb tau yuam kuv tus kheej ncaim niam ncaim txiv ncaim kwv ncaim tij ncaim tus yus hlub mus rau txoj kev kawm nyob rau ib qho tseg ncua tsis tau pom lawv lub ntsej muag luag ntxhi li txhua hnub lawm. ( Zaj dab nee no tus sau yeej sau txog li no xwb thov txim uas tsis kawg nawb.). Nco Ntsoov: Txhob hu xov tooj rau lawv cov kev lag luam lawv tso hauv no yog tias koj tsis muaj feem txog kev lag luam nawb. Ua tsaug
Lus Ceeb Toom:
Cov dab neeg kev hlub thiab txhua yam hauv 3haivhmoob.com no peb tsuas yog tso rau sauv daws tau tuaj nyeem laug caij nyoog xwb txwv tsis pub leej twg muab luam mus muag los yog ua lag luam, yog koj coj mus kho los yog ua lwm yam tsis tau qhia rau peb paub , thaum peb tshawb tau lawm koj yuav raug nplua raws txoj cai ntawm lub teb chaw koj nyob ko. Ua tsaug ntau: 3HaivHmooB.Com |