Nyob Nrog Txoj Kev Nco Koj
Nplooj1 Tsab Ntawv Nco Txog Ntses Tus Kuv Ib Txwm Hlub.....ib txwm nco nyob rawv nruab siab tsis ploj kiag li tsis hais yuav yog lub caij ntuj nag , ntuj no los youg lub caij ntuj sao......!
Nyob zoo os tus kuv hlub(Ntses). Lub npe no yog koj thiab kuv wb tau los tis ua ke thaum koj thiab kuv wb tseem muaj lub sij hawm noj nyob ua ke sib2 hlub, kuv muab koj lub npe zwm cia rau kuv nruab siab tias koj yog tus ntses rau kuv, hos kuv yuav yog tus dej rau koj. wb txoj kev hlub zoo heev li tab txawm tias yuav muaj ntau2 yam kev nyuaj siab ntxhov plawv los cuam tshuam txog wb txoj kev hlub los koj thiab kuv wb tseem sib hlub sib pab ua nkauj ua nraug los tau 6 lub xyoos. Nyob hauv kuv lub siab lub ntsws tab txawm yuav muaj kev nyuaj siab ntxhov plawv los koj ib leeg yog tus pom thiab thiaj li paub xwb. nyob hauv koj lub siab muaj kev ntxhov siab npaum twg los kuv ib leeg thiaj yog tus xub paub xwb. lub sij hawm uas kuv tshaib plab koj ib leeg thiaj pom, thaum koj nqhis dej los kuv thiaj li yog tus paub. kuv tseem nco tau lub sij hawm thaum uas txog kuv hlub hnub yug koj tseem npaj tau ib qho phaj tshab ua kuv lub hnub yug uas yog thawj zaug uas kuv muaj ib tug neeg ua rau kuv, hmo ntawv kuv muaj kev zoo siab heev li. thiab kuv xav tau rau hauv kuv lub siab tias txawm kuv yuav yog ib tug neeg txom2 nyem los kuv yuav hlub kom tau koj xwb thiab ua kom tau ib tug hlub zoo rau koj xwb, ua rau kuv lub siab lub ntsws hlub koj tag nrho tsis tshuav yuav muab rau leej twg li lawm. txij lub sij hawm ntawv los kuv muaj txoj kev hlub nrog koj muaj txoj kev zoo siab tu siab chim siab nrog rau lub ntsej muag luag los txog rau hnub uas wb tau sib ncaim. qhov uas kuv tu siab yog muaj qee yam ntawm wb zoo tsis sib phim, kuv yog ib tug neeg txom nyem, kev kawm poob qab, thiab lub hom phiaj neej pem suab zoo tsis cuag koj . koj yog ib tug neeg muaj meej mom, ua lub neej tuaj qaum tsag, muaj kev txawj ntse thiaj li ua rau koj thiab kuv pib muaj kev tsis sib nkag siab ua ntu zus los mus. ib qho ntxiv koj niam koj txiv tsis pom zoo rau koj hlub tus neeg li kuv,vim yog kuv yog ib tug neeg txom nyem , thiab tseem yog tsev neeg uas muaj niam hlob niam yau luag thiaj li cais tuag nthi tsis pub kuv thiab koj wb sib hlub. ua rau kuv thiab koj wb qaug lub zog ntau zaus vim koj thiab kuv wb sib hlub zoo li taws tes tsau xwb, ua ntej thaum kuv yuav ncaim koj mus ua lub neej nrog lwm tus lawm , kuv tau nug koj ntau zaus tias koj puas nrog kuv koom ib lub neej txoj sia ua ke, kuv yuav hlub koj thiab yuav tsis pub kom koj niam koj txiv tag txoj kev cia siab rau wb, koj hais rau kuv tias koj tseem yuav kawm ntawv yog tias wb cia li sib sau li no xwb yuav ua rau koj thiab kuv wb txom nyem koj tsis xav ua lub neej zoo li ntawv vim koj thiab kuv wb tsis tau muaj hauj lwm los pab wb. yog li kuv thiaj li nug koj dua tias yog tias kuv ho nrhiav tau hauj lwm ua lawm ne koj puas yuav kam ma lod? koj hais tias yuav tsum tos koj kawm kom tag tso, kuv thiaj li hais tias tau kawg mas, tiam sis kawm tag ces mus nrog kuv nyob tso wb mam li sib pab khwv rau lub neej tom ntej thiab txhawb koj txoj kev kawm mus nawb, koj hais tias cia rau thaum ntawv seb wb puas muaj txoj hmoo tau los nyob ua ke , yog tias ho tsis muaj txoj hmoo tau los nyob ua ke los kom kuv txhob tu siab rau koj vim koj los tsis paub tias xyov koj yuav ua zaj twg thiaj zoo. ua rau kuv me siab heev li tias yog ua li cas rau koj lawm puas yog koj hloov siab rau kuv lawm, tej zaum yog kuv txom nyem ntau xyoo dhau los kuv pab tsis tau koj xwb, yog li kuv thiaj li txiav txim siab kawm tag Qib siab xwb kuv thiaj li tawm los mus nrhiav hauj lwm ua. tom qab uas kuv nrhiav tau hauj lwm lawm kuv yeej hlub thiab xav pab koj heev li tiam sis kuv los kuj tsis nkag siab tias yog ua cas koj ho tsis kam lees kuv txoj kev pab, yav uas dhau kuv ib txwm tsis tau coj koj mus ncig ua si li vim kuv tsis muaj nyiaj tiam sis lub sij hawm no kuv twb muaj hauj lwm ua lawm cia kuv coj koj mus ua si los koj kuj tsis kam thiab. txog kiag thaum lub sij hawm uas koj kawm yuav luag tiav ntawv kuv thiaj li rov nug koj dua tias koj puas nrog kuv sib sau ua lub neej os lod tus hlub? |
Nplooj2koj hais tias kom cia rau koj kawm tag tso koj mam li teb rau kuv, lub sij hawm ntawv kuv niam mob 2 zaug nyhav heev li kuv niam tau hais rau kuv tias me tub koj twb loj tiav txiv lawm thiab kawm tag muaj hauj lwm ua lawm tseem tshuav cov kwv yau coob2 yog li kuv ua niam muaj2 mob tsis paub hnub phem hnub zoo yuav los txog rau hnub twg koj kav tsij npaj lub neej thaum tseem muaj kuv ua niam nyob os mog, tsam tsis muaj txoj hmoo kuv tsis nrog nej nyob lawm ces tsis muaj leej twg los pab kuv tub lawm os. ua rau kuv xav tsis tag li... kuv thiaj li tau teb kuv niam tias tau kawg kuv mam li npaj kom sai2 no os nawb niam koj txhob txhawj... dhau lub sij hawm ntawv kuv niam thiaj zoo rov los. kuv nyuaj siab heev tsis pom qab yuav ua zaj twg vim kuv niam ho muaj mob heev tsam kuv niam yug tau kuv ho tsis muaj txoj hmoo pom kuv niam tus nyab. tiam sis yog kuv yuav koj los koj niam ho yuav tu siab rau koj heev vim koj los yuav tus tsis yog koj niam koj txiv xaiv tseg.
kev kawm los tsis tag ntshe koj niam los yuav tu siab rau koj heev, tau ntau hnub ntawv kuv nyuaj siab heev li vim tsis muaj leej twg yuav los pab tau kuv. kuv thiaj li txiav txim siab tias cia kuv nug koj dua seb koj ho yuav teb kuv li cas tso, kuv thiaj li nug koj tias koj twb kawm yuav tag lawm tsuas tshuav npaj xeem ntawv thiab Present Project lawm xwb koj puas kam nrog kuv nyob ua ntej tso muaj dab tsi los mam li ua mus koj hais rau kuv tias tos kuv kawm tag tso, kuv thiaj li nug ntxiv tias yog kuv tos koj kawm tag no koj puas yuav kam teb kuv kom tseeb tias cia koj nrhiav hauj lwm ua tau tso wb mam li sib yuav, kuv thiaj li hais tias li los yeej tau kawg tiam sis kuv niam nws laus2 lawm yog li kuv tsis xav kom nws muaj kev nyuaj siab rau kuv thiab khwv2 , koj los kuj hais rau kuv tias koj los ib yam koj twb tsis xav kom koj niam thiab koj txiv khwv2 ib yam thiab. ua rau kuv tsis paub yuav hais li cas li, kuv thiaj li hais ntxiv rau koj tias kuv xav muaj lub neej heev li lawm os. koj hais ntxiv tias yog kuv ho xav muaj lub neej los koj tsis xav li cas cia kuv mus nrhiav tus tshiab, qhov tseeb tiag kuv los kuj xav tias yog koj teb tau ib lo lus kom tseeb rau kuv txawm ntev me ntsis los kuv mam li ua siab ntev tos. koj los ho xav tias koj lam hais li seb kuv puas paub koj siab seb kuv puas yuav ua tiag xwb, txhua yam uas wb ib txwm sib nkag siab rov ua rau wb tsis sib nkag siab, ua rau koj thiab kuv wb ob lub siab ywj fab ywj fwj tsis xav los daws wb tej teeb meem, kuv los muaj tus tshiab kuv cia li lam nrog luag hais lus mus, koj los ntsib tus tshiab lam tau lam nrog luag tham li lawm thiab ua rau wb sib tu siab tau li 2-3 weeks. kuv thiaj li tau ua ib siab mus pib lub neej lawm tseg koj nyob nco2 kuv, tu2 siab mov tsis nco noj dej tsis nco haus ua rau koj yuag tag. kuv los lam muaj lub neej xwb kuj tseem nco2 koj tsis txawj tag li thiab. txhua yam ntawm wb dhau los cia li rais mus ua tus npau suav lawm xwb, tag tej phooj tej ywg nrog wb tu siab tsis txawj tag rau wb txoj kev sib hlub, vim tau hlub xwb tsis tau yuav, qhov no yuav yog ib zaj dab neeg uas nyob rau koj nruab siab cog kuv nruab plawv, txawm kuv yog tus mus lawm los kuv tseem nco koj kawg li thiab os nawb. kuv thov txim uas kuv yog tus ua rau koj tu siab thiab poob kua muag. yeeb vim yog wb muaj ntau yam zoo tsis sib xws kuv thiaj li xav tias cia kuv ua tus mus ntshe yuav yog ib txog kev zoo rau wb, koj thiaj li tau lub neej kaj siab thiab thiaj li tsis txom nyem vim kuv lub neej tsis xws qhov koj niam lawv ntshaw. yog tias lub neej pem suab kuv ho muaj tub koj ho muaj ntxhais los sib nyiam raug hlub raug no los thov tsis txhob muab lawv cais thiaj li tsis tau ib txog kev mob rau lawv li koj thiab kuv wb os nawb. kuv tsuas hais me me li no xwb, yog tias hnub twg koj tau los saib txog kuv tsab ntawv no kom koj nco tias koj ib leeg thiaj yog tus tau kuv lub siab hlub ntawm ib tug txiv neej yawg mus tag nrho lawm tsis tshuav rau leej twg li lawm os nawb. vam tias koj yuav nco tau kuv, kawg no ua tsaug rau www.3haivhmoob.com uas muaj qhov chaw no rau peb Hmoob tau siv.. Dej & ntses (noobtojsiab & vonelor) |
Lus Ceeb Toom:
Cov dab neeg kev hlub thiab txhua yam hauv 3haivhmoob.com no peb tsuas yog tso rau sauv daws tau tuaj nyeem laug caij nyoog xwb txwv tsis pub leej twg muab luam mus muag los yog ua lag luam, yog koj coj mus kho los yog ua lwm yam tsis tau qhia rau peb paub , thaum peb tshawb tau lawm koj yuav raug nplua raws txoj cai ntawm lub teb chaw koj nyob ko. Ua tsaug ntau: 3HaivHmooB.Com Nco Ntsoov: Txhob hu xov tooj rau lawv cov kev lag luam lawv tso hauv no yog tias koj tsis muaj feem txog kev lag luam nawb. Ua tsaug
|
|