Ntawm no kuv yog xawj xyooj nyob rau lub zos npuam mum teb chaws VietNam. Nyob rau thaum tseem me me ces txawm muaj ib tug phauj uas yog peb xeem hmoob xyooj thiab tau los yuav txiv nyob rau lub zos Hib Pav ze rau ntawm peb zos li 3km nws los yug tau 4 tug me nyuam ib tug tub hos 3 tug ntxhais .thaum yug tau 4 tug me nyuam ntawv lawm ces tus yig laug ntawv txawm tau tso lub ntiaj teb no tseg lawm . ces tej kwv tij los zoo li txawm tsis tshua hlub lawv heev li lawm thiab, muaj mob muaj nkeeg los lawv yeej tsis xav pab heev . dab laug neej tsa los nyob deb tus phauj no thiaj li tuaj khiav kuv niam kuv txiv ua dab laug thiab niam dab laug . thaum no kuv niam thiab kuv txiv nkawv kuj hlub lawv kawg nkaus li muaj me los noj me muaj loj los noj loj, los rau xyoo 1991 ces tus phauj no tus ntxhais nrab muaj lub npe tias nkauj kiab txawm tau mob mob ua li cas los tsis zoo li thaum no phauj thiaj mus saib yaig lawv thiaj hais tias kom coj tuaj rau dab laug khi ib txog hlua rau ces zoo xwb . phauj thiaj coj tuaj rau kuv txiv khi ib txog hlua rau thaum no kuv txiv thiaj tau muab kuv los khi nrog rau nkauj kiab ua nkauj muam nraug nus . dhau ntawv los mus nkauj kiab ntxawm cia li hlob los tsis muaj mob muaj nkee li lawm . lub sij hawm 1995 ntawv ces peb hmoob txawm pib khiav tawm lub teb chaws nyab laj los mus rau sab los tsuas tus phauj thiaj tau coj nws tus tub hlob nrog nws khiav tuaj mus rau sab los tsuas lawm cia lawv 3 tuag viv ncaus nyob nrog niam hlob thiab txiv hlob nkawv thaum no phauj tau tuaj mus nyob rau lav 20 phauj thiaj tau yuav dua ib zaug txiv uas yog tus yij laug ziag no nyob rau lav 52 .tau 5 lub xyoo tom qab los rau xyoo 2000 tuas phauj ntawv tus niam hlob thiab txiv hlob nkawv thiaj tau khiav tawm lub teb chaws nyab los mus nyob rau sab naj yab lav xaus lawm .thuam no phauj kuj los tos tau 3 tug ntxhais hlob uas yog nkauj kiab tiab nkauj kiab tus niam laus hos tus niam hluas ces niam hlob nkawv tsis kam vim phauj tso nrog nkawv nyob thaum me me los ces nkawv tsis kam . dhau ntawv los mus txawm cia li tsis hnov qab hnov moo txog lawv li los rau 2011 kuv kawm tiav mos 7 , yuav pib xeem tuaj mus kawm nyob rau qib siab . nyob rau xyoo ntawv phauj thiaj tau coj nkauj kiab tuaj saib peb thaum tuaj txog nyias loj loj nyias ua rau wb yeej tsis sib paub li cov laus mam qhia tias tus no yog tus thaum i es nws hu li no ( qhov no cov laus yeej qhia qhia lawm tsuas yog sib ncaim thaum me me es sib cim tsis tau lawm xwb ) thaum no nkauj kiab wb thiaj tau los nyob sib tham ua si kuv thiaj tau thauj nkauj kiab mus ncig xyuas nkauj kiab lawv tej qub zos thaum nkauj kiab tseem me me . thaum no kuv thiaj tau nug nkauj kiab tias mus nyob rau lub teb chaws ploj puas xav nyob thiab thaum twg mam li yuav txiv . thaum no nkauj kiab thiaj tau hais rau kuv tias xav thiab tsis xav los cov laus nyob lawm ces yuav tau nyob hos ntawm txiv ces nkauj kiab twb yuav lawm . kuv thiaj tau nug nkauj kiab tias yuav lawm es cas ho tsis coj yawm yij tuaj saib peb thiab thaum no nkauj kiab thiaj tau teb kuv tias nkauj kiab tsis yog yuav nyob rau teb chaws Nplog nkauj kiab yuav nyob rau sab mes kas lawm .kuv thiaj nug ntxiv tias yog li nkauj kiab tus txiv ne laus li cas lawm tseem yog nraug xwb los muaj poj niam lawm nkauj kiab thiaj hais rau kuv tias yuav ib tug txiv laus laus lawm os hnub nyoog li ntawm 35 xyoo lawm thaum no wb sib tham tag hnub tom qab ces nkauj kiab lawv tau sawv kev rov los rau sab los tsaus lawm ces kuv tau xa nkauj kiab lawv los mus txog rau ciam teb yuav tawm mus rau sab Nplog kuv saib lawv mus dhau lawm ces kuv thiaj rov qab los mus tsev lawm .los txog rau lub 2 hli xyoo 2011 ntawv nkauj kiab thiaj li xam phaj tau tuaj mus rau mes kas nkauj kiab thiaj hu xov tooj rau kuv tias ib sim nkauj muam raug nus zaum no kuv ua tau ntau ntawv mus tim ub lawm es koj tuaj saib kuv ib zaug ua ntej yuav sib ncaim tsam tsis tau sib pom lawm os . thaum no kuv thiaj li tau mus saib phauj yij laug thiab nkauj kiab lawv nyob rau lav 52 nrog lawv nyob tau li ntawm 10 hnub tej ntawv ces peb xa nkauj kiab tuaj mus rau tshav dav hlau WATTAY vias cas thaum ntsia nkauj kiab nkag kiag hauv dav hlau ya kiag peb thiaj tau rov los tsev ces hnub tom qab kuv thiaj tau rov los rau sab VietNam no lawm . kuv los txog kuv thiaj tau los xeem tuaj kawm nyob rau qib siab kuj xeem tau raws li siab xav thiab kuv thiaj tau tuaj kawm nyob rau HaNoi uas yog xyoo 1 nkauj kiab kuj hu tau los rau kuv tham thiab ( mas ntawm no nyob rau peb teb chaws hu mus mes kas mas nws tag nyiaj ntau heev li ) .los rau 3 hlub hli tom qab tsis hnov nkauj kiab hu los lawm kuv thiaj tau muab xov tooj sim rau nkauj kiab tag ces ib pliaj zoj xwb tus yawm yij txawm hu los tias kuv yog leej twj ces kuv thiaj hais tias kuv yog nkauj kiab tus nus xwb tus yawm yij txawm hais tias nkauj kiab muaj ib tug nus xwb ces thaum hnov kuv hais tias kuv yog nkauj kiab tus nus ces nws twb yuav muab phom tua nkauj kiab no nawb . mas thaum nkauj kiab nyob rau lav 52 nkauj kiab kuj tau tham tau ib tug hluas nraug nyob rau ntawv thiab . ces kuv thiaj nrog nws tham tham zoo li nws tsis nkag siab ces kuv thiaj hais tias nws tsis ntseeg los hu mus rau phauj uas yog nkauj kiab niam los nkauj kiab niam kuj hais li kuv hais thiab . dhau los mus tom qab tsis ntev nkauj kiab thiaj hu los rau kuv tham kuv thiaj hais rau nkauj kiab tias yawm yij tsis nkag siab ces koj txhob hu los lawm nawb ces thaum no kuv thiaj tau pauv kuv tus npaws xov tooj nkauj kiab thiaj li hu tsis tau kuv lawm ; los rau xyoo no kuv kawm tiav qib siab lawm kuv thiaj muab sau cia rau hauv 3haivhmoob.com no tau saib . thaum kawg : kuv xav kom 3haivhmoob.com muab nyeem tso tawm nyob rau youtube rau sawv daws tau mloog thiab saib . dhau no yog yawm yij los yog nkauj kiab tau pom kuv zaj sab sij huam no los txhob xav li cas vim peb sib pab ciaj neeg peb tsis sib nkag siab los mus rau thaum laus thiaj li ua rau peb nyob ib tug tsis nug txog ib tug moo li zoo li niaj hnub nim no . Sau npe: Xawj Xyooj UA TSAUG