Neeb Vaj Txoj Kev HlubTus sau: Neeb Vaj
Phone: (856)20 22421405 E-mail: vanxayvang100@yahoo.com From: Laos |
Txwv: Txwv Tsis pub leej twg tuaj muab cov dab neeg hauv no coj mus tso tawm lwm qhov yog tsis tau txais kev tso cai los ntawm 3haivhmoob.com.
Warning: No one can capy these stories at www.3haivhmoob.com to post on your own or other websites without our permission. Thank you for your cooperation. |
Nplooj1 Txawm lub caij nyoog twb dhau mus tau ntau lub xyoo txhua yam hloov tag tsis zoo li qub lawm los txoj kev hlub thiab kuv lub siab haj tseem tsis tau hloov ...Lub siab tseem nyob zoo li qub thaum thawj zaug kuv tau ntsib koj thiab zaum kawg uas koj tso kuv tseg es wb tau sib ncaim mus lawm los txog hnub no....
Hnub tim 20 lub 12 hlis ntuj xyoo 2006 kuv tau ntsib ib tug hluas nkauj hmoob muaj lub npe hu ua Ntxhi XYOOJ nyob rau ntawm lub zos lav 10km av liab. lub sij hawm thaum ntawv kuv tseem kawm kev lag luam xyoo 1 xwb wb kuj tau sib paub thiab sib tham ib hnub dhau ib hnub ib hmos dhau ib hmo ib hlis dhau ib hli ib xyoo dhau mus txog ib xyoo los txog ntua rau xyoo 2010 kuv kawm tag xav tias cia nrhiav hauj lwm tau es ua hauj lwm ib nyuag ntu kom khaws tau nyiaj me ntsis tso wb mam li npaj lub neej thiaj tsis nyuab nyuab siab rau tej niam tej txiv thiab tej tij laug. Txhua yam uas kuv xav thiab npaj tseg ntawv thaum kawg tseem tsis tau li lub siab xav , qhov kuv tau ces yog txoj kev mob siab lwj ntsws yam tus pos chob nkuav tsis rho ib pliag li xwb. Los txog rau hnub tim 18 lub 12 hlis ntuj xyoo 2012, tus neeg kuv ib txwm hlub tseem muab kuv tso plhuav tseg yam li txoj kev uas nws tu nrho hla mus los sib cuag tsis tau...ntawm kuv tus kheej tseem niaj hnub rau rau siab mus ua hauj lwm khwv nyiaj npaj siab ntsoov yuav los cuag yus txoj kev npau suav tiam sis thaum kuv los txog ces tsuas yog tau txais lub kua muag thiab txoj kev quaj ntsia ntsoov lub ntuj lawm xwb..... vim tus neeg uas kuv hlub tshaj plaws twb mus ua luag tug lawm. Kuv tsuas hnov tias nws nrog hmoob mes kas mus lawm txawm li ntawv los kuv tseem xav hais tias nyaj tsuas yog mus ua si xwb tiam sis qhov tseeb twb hu plig khi tes tag lawm. Xav nug ib lo tias lub ntuj ua li ua zoo tau phem xwb yog li no neeg nyob ntiaj teb no yuav ua cas muaj neeg xav ua neeg zoo lawm os lub ntuj nej xav puas yog os ib tsoom hmoob ? |
Txoj kev mob siab...txoj kev lwj siab...txoj kev nco nws nyob nraim kuv lub siab txhua lub caij pib txij hnub wb sib ncaim los txog hnub no....Kuv ib txwm pom nws thiaj yog tus zoo xwb ...nws tau mus yam kaj siab lug thiab ntshe yuav tsis nco txog tus me neeg lwj siab li kuv lawm...txawm li cas los xij cia kuv mam muab koj lub npe zwm rau kuv lub siab mus kom tag tiam no....
Tsis tau tiam no thov fab lwm tiam rov los ua koj tus hlub ib zaug ntxiv...nyob li ntawm kuv koj txhob nco txog lawm mog....cia kuv nco koj xwb...Kuv rov mus pom wb tej me qub chaw wb nyob...zoo li pom koj tus duab zim zuag rau leej niam leej txiv tej me qab tsib taug.... Kuv mus pom koj tej qub chaw koj pub qaib pub npua..zoo li kuv nim pom koj ntsej muag luag ntxhi li thaum wb ob leeg nyob...tag nrho tej kev mob siab kev nco no tso plhuav rau kuv ib leeg..tsis paub tias yuav ntev npaum cas thiaj mam hnov qab tsis nco koj lawm...twb tau yim lub xyoo no lawm los zoo li koj nyuam qhuav ncaim kuv mus tau ib pliag xwb... Kheev lam txia tau cia kuv txia ua ib rab me koob muab khawm kiag rau koj xub ntiag koj mus txog twg los kom koj muaj kuv nrog koj mus..tab sis txia tsis tau ces tiam no thov koj mus zoo...muaj ib hnub yog luag tsis hlub nco ntsoov tseem tshuav ib tug neeg nws nyob tos koj rau ntawm qhov chaw qub...thiab nws haj tseem hlub koj mog.....Txoj kev hlub plam mus uas tig tsis tau rov qab yuav nco mus ib tiam tsuas tag li no xwb...muaj caij nyoog mam rov ntsib ib tsoom phooj ywg dua...vam tias nej yuav tsis tau kev lwj siab li kuv mog.... Neeb Vaj.......... |
Lus Ceeb Toom:
Cov dab neeg kev hlub thiab txhua yam hauv3haivhmoob.com no peb tsuas yog tso rau sauv daws tau tuaj nyeem laug caij nyoog xwb txwv tsis pub leej twg muab luam mus muag los yog ua lag luam, yog koj coj mus kho los yog ua lwm yam tsis tau qhia rau peb paub , thaum peb tshawb tau lawm koj yuav raug nplua raws txoj cai ntawm lub teb chaw koj nyob ko. Ua tsaug ntau: 3HaivHmooB.Com |