Tus Sau: Yim Laj Yaj Email: Vibloveyou@yahoo.com Koj xwb thiaj yog kuv zaj dab neeg Ntuj nis Kab ziag tus kuv nco koj puas paub tias kuv tab tom muab wb zaj dab neeg tshaj tawm rau ntiaj teb nrog wb nyeem os, koj puas tseem nco tau txhua yam uas wb tau sib ntsib thawj zaug uas tau nyob rau lub zos Houaysiet Village, tus hluas nraug lub npe hu ua Yim Laj hos tus hluas nkauj lub npe hu ua Kab ziag, Nkawv tau sib ntsib sib pom thawj zaug nyob rau hauv Yim Laj lawv lub zos kuj tsi paub zoo tias nws yog txoj hmoo dab tsi thiaj ua rau Yim Laj thiab Kab ziag nkawv tau sib ntsib Muaj ib tag kis thaum Sawv ntxov uas yog lub sij hawm uas Yij Laj rov los nram chaw kawm ntawv uas Yim Laj thiaj tau pom Kab ziag zaum nraum zoov ces Yim Laj txawm mus nrog Kab ziag sib txuas lus, Ib ntsais muag li npau suav xwb Kab ziag txawm siv nyiag tau Yim Laj lub siab coj mus zais cia lawm, Tom qab ntawv Yim Laj thiaj tau ncaim Kab ziag rov tuaj mus kawm ntawv nyob rau Vias Cas lawm txawm tias nkawv tau los sib ntsib ib zaug zoo li npau suav xwb los Kab ziag twb tsi paub txog tias Yim Laj twb nyiam Kab ziag heev lawm, nkawv tau sib tham sib hu hauv lub xov tooj los tau ib nyuag ntu ces Kab ziag ho rov los pem Yim laj lawv lub zos los mus nyob rau sab hauv nroog Vias Cas lawm thiab nws kuj yog ib qho yooj yim rau nkawv txoj kev tuaj mus sib cuag, nkawv tau sib hlub sib ntoj sib thuv los tau ib ntus hauv nroog vias. tau ib nyuag ntu tom qab ces Kab ziag txawm yuav rov mus tsev rau pem xeev khuam vim nws los kuj tuaj ntev lawm, hnub uas nws yuav rov qab nws tau hu xov tooj tuaj rau Yim Laj kom Yim Laj cia li mus saib nws ib muag ua ntej thaum nws yuav rov qab tab si Yim Laj kuj tsi kam mus cuag Kab ziag li vim Yim Laj tau chim heev rau nws, tib pliag xwb lub hnub qaij nrus tim npoo ntuj txog lub sij hawm uas Kab ziag yuav tau mus lawm tiag2 Yim Laj mam xav tau tias yog tsi mus zaum no xyov nws puas yuav muaj ib zaug ntxiv rau nkawv lawm vim ntuj deb kev ncua ntev mus zaum no xyov lub niaj lub xyoo twg mam rov tau tuaj sib cuag dua os, Yim Laj mam li tuaj raws Kab zaig qab tab si hmoov tsi muaj nkawv sib txauv kev thiaj ua rau Yim Laj kuj tsi tau pom Kab ziag thiab ces Kab ziag thiaj tau tseg nws ib lub tsho sov rau Yim Laj tau saib ua dab muag tam rau nkawv txoj kev nkauj nraug ib zaug nyob tiam no. 1 xyoo tom qab uas nkawv tsi tau sib cuag li lawm Yim Laj tau suav hnub suav hmo nco Kab ziag heev ces Yim Laj thiaj li tau muab lub sij hawm tuaj mus nrhiav Kab ziag nyob rau pem Xeev Khuam thaum lub 9 hli ntuj hmoob thiaj li tau pom Kab ziag tuaj tos Yim Laj ntawm chaw tos tsheb mas ua Yim Laj thiab Kab ziag Nkawv zoo lub siab heev muaj lub suab quaj nrog rau lub suab luag nkawv tau mus zaum sib tham ib nyuag pliag xwb txawm siv txog lub sij hawm uas Yim Laj yuav tau rov qab los mus tsev lawm, txij ntua thaum Yim Laj tau ncaim Kab ziag rov los lawm txog rau xyoo 2012 Yim Laj thiaj nrhiav tau ib qho hauj lwm vim Yim Laj yog ib tug neeg txom nyem heev li thiab nws tau hais rau Kab ziag tias” Kab ziag tus me neeg kuv hlub kuv thov koj ua lub siab ntev nyob tos kuv mog cia kuv khwv xyoo no tawm lwm xyoo es tseg kom tau nyiaj kuv yuav tuaj coj los nrog kuv nyob os” tom qab ntawv los tsis ntev xwv hnub tim 14/02/2012 uas ntiaj teb hnub sib hlub ces Yim Laj thiaj li hu mus nrog Nkauj zoo tham tab si ua cas ntsib Kab ziag tus nus yau xwb thiab nws hais tias “peb tus Kab ziag tau mus yuav txiv lawm” tom qab Yim Laj tau hnov lawv hais li ntawv tag cia li ua rau nws zog ntaug zuj zus tsi xav noj tsi xav ua ib yam dab tsi li lawm. Tom qab uas Kab ziag mus yuav txiv tag Yim Laj los cia li tsi paub yuav nug Kab zaig xov li lawm, Yim Laj tau nyob nrog lub kua muag yam tsi muaj ib tug neeg yuav paub txog los tau 1xyoo txwm nkaus ces Yim Laj thiaj li mam ua tau ib siab tias txawm tos los nws yuav tsi rov los lawm Yim Laj thiaj txiav txim siab mus yuav qaim hli lawm, sij hawm dhau mus tau 4 lub xyoo Yim Laj thiab qaim hli nkawv twb muaj ib tug me ab ntxhais lub npe hu ua Paj zoo no los txog thaum lub 2 hli ntuj 2016 Yij Laj thiaj tau mus saib tej duab toj siab hauv Internet ces nws txawm pom ib daig duab zoo li Yim Laj tus Kab ziag, Yim Laj thiaj xav tias txawm yog leej twg los xij peem cia muab hu mus nug seb ho puas yuav yog Kab ziag tiag Yim Laj hu mus nug na has yog Kab ziag tiag thiab thiaj mam paub tias Kab ziag mus ua lub neej nrog lub kua muag es luag tsi hlub li thiaj ua ib siab rov los lawm, txij ntua thaum ntawv los nkawv thiaj mam li rov sib nug tau moo tab si ho tsi paub zoo tias nkawv txoj hmoo yuav mus li cas mus lawm yav tom ntej vim Kab ziag mus ntev2 es Yim Laj twb mus muaj cuab muaj yig tag lawm, tom qab li 1 lub hli uas Yij Laj thiab Nkauj Zoo nkawv rov sib nug moo tau thiab txawm yuav dhau mus lawm pes tsawg lub xyoo los Yim Laj thiab Nkauj Zoo nkawv 2 leeg txoj me kev sib hlub thiab sib tshua yeej haj yam loj thiab tsis tau tsuag li, txawm yuav yog tias nkawv nyias mus ua nyias lub me neej ntev2 es nyias nim laus nyias tag lawm, los txog rau hnub tim 26th Feb 2016 tau muaj ib tug yawg nrauj tau tuaj nqis tsev hais Kab ziag lub sij hawm uas Yim Laj tau hnov tag nrho xwb zoo li Yim Laj lub plawv dhia ceev zuj zus tuaj thiab nws ib ce tshee na xwb Kab ziag tau hais lus nrog rau lub me suab ncia hos Yim Laj ces xav npaum twg los mob siab hais tsi tau ib los tawm li vim Kab ziag twb mus ntev2 lawm ntsiag moo to tav ntuj no nws nyuam qhuav rov qab los xwb los tseem yuav khiav mus dua thiab, Yim laj yeej nyuaj siab heev li nws yeej xav zoj tias txawm yuav zoo li cas los xij peem cia Yim Laj tuaj muab Kab ziag coj los ua nws ib leeg tug thiaj li tsi muaj kev txhawj xeeb no tab si vim Yim Laj nws twb mus muaj tag poj niam tub se nyob pem vaj pem tsev lawm Zoo heev uas txoj hmoo muaj uas Kab ziag tus hmoob Yawg nrauj ntawv ho tau mus txhaum plaub lawm mas tau ua rau Yim Laj thiab Kab ziag nkawv 2 leeg zoo siab heev li hnub tim 29th Feb 2016 Yim Laj thiaj tau nyiag kev maub ntuj teb tag hmo mus saib Kab ziag puag pem Xeev nws tau mus qhia txhua tsav yam txoj me kev hlub thiab kev nco uas los tau 4 lub xyoos piav rau Kab ziag tau mloog kom tag thiab yuav mus muab nws zaj me dab neeg uas nws niaj hnub sau tam sim no 6 Kab ziag tau nyeem kom Kab ziag paub tias Yim Laj lub neej uas nyob tsis muaj Kab ziag nws zoo li cas???? tom qab Yim laj nkawv tau mus sib cuag los tsi ntev xwb rov muaj ib tug neeg suav tuaj pom Kab ziag thiab nyiam nws heev thiaj tau yuav kab ziag lawm tus nqi yog 20 lab kip, Yim laj tu siab hv uas tiam no nqa tau daim ntawv hlub xwb tsi nco nqa daim ntawv txij nkawv lawm. txij ntua thaum ntawv los ces Kab ziag cia li mus suav teb lawm nug tsi tau nws moo los txog niaj hnub no li lawm ua tsaug