HmooB Khej 3 Txoj Kev Hlub NyoB Nyob Vib Nais
Tus Sau: Hmoob Khej3 Email: Birdybrid@yahoo.com Xyoo ntawv yog xyoo 1989 thaj tsam lub 4 hlis ntuj nyob rau Zos Vib Nais Thaib Teb. Hnub ntawv nws yog ib hnub los nag tshuav xuj xuav. Txawm muaj kuv 3 tug phooj ywg tuaj yaum kuv kom peb mus tham hluas nkauj ua si rau tim Khej 5. Tseeb tiag kuv kuj tsis xav mus vim tias kuv twb muaj kuv ib tug zoo lawm kuv cov phooj ywg ntawv los lawv kuj paub zoo tab sis lawv ho xav tuaj yaum kuv nrog lawv mus thiaj li tau luag. Lawv hais rau kuv tias "koj ua peb luag mus tham peb cov hluas nkauj tim Khej 5 ib chim peb mam ua koj luag los tham koj tus ntawm Khej 2" Hnub ntawv kuv nrog lawv mus peb mus tham ib pab hluas nkauj nyob rau ntawm Khej 5 sab qaum kev ntawm kev nkhaus uas yog ntawm Xaus lawv. Peb mus txog kuv 3 tug phooj ywg ntawv lawv 3 tug hluas nkauj twb tuaj nyob ntawm lub nyuag menyuam vaj loog me me ntawv zaum ua paj ntaub tos lawv. Peb tuaj txog ces lawv cia li mus nrog hluas nkauj zaum ua paj ntaub sib tham lawm xwb. Kuv li ces kuv tsis muaj hluas nkauj nyob ntawm no kuv thiaj li mloog lawv tham xwb. Thaum lawv tham mus ntev loo lawm muaj ib tug hluas nkauj ntawv txawm nug kuv ib tug phooj ywg tias "es nej tus phooj ywg ntawm ko ne nws twb zoo nraug thiab nws puas tau muaj hluas nkauj nab". Niag phooj ywg ntawv txawm teb niag dag ntsuav rau nws tus hluas nkauj tias " niag no ces nim yuav muaj hluas nkauj qhov twg li os" nws tus hluas nkauj hais ntxiv tias "yog nws tsis tau muaj hluas nkauj tiag no seb nws puas tham kuv ib tug niam hluas kwv tij" tus phooj ywg ntawv txawm hais tias "koj kuj mus coj nws tuaj seb nws puas nyiam peb tus phooj ywg ntawm no" Tus hluas nkauj ntawv nws thiaj li mus coj tau nws tus niam hluas kwv tij tuaj. Thaum coj tau nws tuaj txog ntua xwb kuv saib pom kiag xwb...vuag cas nws yuav zoo nkauj ua luaj tseem zoo nkauj tshaj kuv tus ua kuv tham swm swm lawm thiab. Tab sis mas nws hnub nyoog 15 xyoos xwb kuv tus uas kuv tham swm swm ntawv twb 16 xyoo lawm (thaum ntawv kuv 16 xyoo thiab xwb). Nws zoo nkauj heev cua li kuv twb piv tsis tau nws kuv twb cia li tsis phim nws lawm thiab. Nws tuaj txog ces lawv muab nws xyeeb hlo rau kuv wb zaum wb ob leeg puag tom hauv paus ntoo sib tham hos lawv 3 khub ntawv ces lawv mus zaum lawv deb li 5-6 daj ntawm wb. Nws mus nqa tog tuaj rau kuv zaum nws zaum ua paj ntaub kuv zaum ntawm nws ib sab saib nws ua paj ntaub. Kuv saib nws tsis dhuav li sim neej no kuv tsuas pom tib tug hluas nkauj no thiaj li zoo nkauj tiag tiag li (yog kuv hais kiag nws npe muaj ib txhia cov nyob rau Khej 5 thaj tsam kuv piav ntawm no lawv yeej paub nws zoo) Kuv thiaj li nug nws npe nws xeem nws kuj qhia rau tag huv si kuv nug nws txiv tias nws puas tau muaj hluas nraug nws kuj teb tias nws tseem tsis tau muaj hluas nraug. Hnub ntawv sib tham ib hnub tsaus ntuj kuv rov qab nrog 3 tug phooj ywg ntawm no mus nws kuj tawm tuaj nrog kuv tham nws tham zoo heev tham muaj siab heev Tiam sis thov txim ntau mog tus neeg zoo thov txim thaum ntawv kuv tsis tau qhia rau koj qhov kuv tsis kam cog lus rau koj ces twb yog kuv muaj ib tug ua ntej wb yuav sib ntsib ntawv lawm thiaj li cog tsis tau lus rau koj tiam no koj thiab kuv wb tsis yog ntawv txij nkawm thiaj li tsis tau los nyob ua ke thiab. Nws yeej nyiam kuv kawg li thiab tiam sis kuv pheej tsis tshua muaj sij hawm mus saib nws 3-4 hmos kuv mam li mus saib nws ib hmos xwb nws kuj sau ntawv ntau tsab rau kuv cov phooj ywg lawv nqa los rau kuv muab nyeem tag kuj sau rov qab rau lawv nqa mus rau nws. Muaj ib zaug kuv tsis mus saib nws tau ze 1 week nws yaum nws cov phooj ywg taug ko taw puag tim Khej 5 tuaj saib kuv peb Khej 3 ntawm peb tsev kiag. Nws yuav tau 2 pob khob nom (waffle) thiab 1 hnab txiv oranges nqa tuaj pub rau kuv noj kuv yeej tseem nco nws tus txiaj ntsig txog niaj hnub no tsis ploj. Ua mus ua los nws paub (find out) tias kuv muaj ib tug hluas nkauj ua ntej nws lawm (vim kuv ib niag phooj ywg ntawv qhia nws) nws quaj thiab tu siab heev li. Tsab ntawv zaum kawg nws sau tuaj tu kuv moo ces nws hais tias " tu siab ntau mog tus neeg kuv hlub aw!! sim neej no xav hais tias yuav npaj siab hlub koj ib leeg koj tag tiam no tiam sis thaum kuv paub koj twb muaj koj ib tug lawm ces zaum no yuav tau tso koj mus rau luag tiag tiag li. Tiam no tsis muaj txoj hmoo tau los ntsib koj li npau suav xwb thov kom koj mus zoo mog mus ua ib siab hlub hlub luag es luag thiaj li hlub koj...txhob zoo li kuv es nyob lwj siab nco txog koj xwb..tiam no ntsib tau koj lig zog lawm....es mus zoo koj nawb mog" Kuv muab nws tsab ntawv coj los nyeem tag muab ua twb zoo xav cas thaum xub thawj kuv tsis ntxov qhia rau nws tias kuv twb muaj hluas nkauj lawm es nws thiaj li tsis chim tsis tu siab los txog hnub ntawv nws mam li paub qhov tseeb zoo li tsis fair rau nws li cuag li kuv dag nws yuav muab ntau nqi li ntawv los kuj yog lawm thiab. Txog hnub no kuv mam li paub tej zaum yog kuv dag nws lawm thiaj li npam kuv ua rau kuv tsis tau tus kuv tham swm swm thiaj li tsis tau sib yuav kuv thiaj li ncaim nws tuaj rau Meskas lawm. Niaj hnub no kuv yeej tsis hnov xov xyov 2 tug ntawm no nkawv ua nkawv lub neej zoo li cas lawm. Nkauj Dab Los Tos Xyum Part 2 |
Lwm Yam Uas Koj Xav Mus SaiB
Ci Vaj Lub Neej Tu Siab
|
Koj xav li cas rau txoj kev hlub tu siab saum no sau nram qab no. Nias nov rov mus Nplooj Kev SiB HLUB
Widget is loading comments...