Nplooj Siab Dua Rhe Mus Tag
Nrho Kuv Ib Sim Neej Tsis Pom Koj
Kuv tuaj zaum ntawm no tsawg hnub los tsis pom koj yuav sawv los nrog kuv tham....tsis hnov koj lub suab nroo....tsis hnov koj txoj me pa sov so tuaj rau kuv lawm....Es koj niam koj mus dua twg lawm....? Koj yuav cia kuv tos koj ntawm no kom tag nrho kuv tiam neej los....
Nplooj1Kuv tus me poj niam zoo lub sij hawm no koj puas hnov kuv hu koj...? koj puas hnov kuv lub suab seev nrhiav koj...? Qhia koj tias thaum kuv tab tom sau wb zaj dab neeg no kuv lub kua muag tab tom ntws poob cuag dej...ke sau kev quaj es koj lub qhov muag qi lawm koj puas paub tias kuv tab tom sau txog koj thiab kuv lub neej.........Yog tias hloov tau es cia kuv uas tus tuag mus...koj ua tus nyob kom kuv txhob nco txog koj lawm...es cia koj nco kuv xwb...Ua cas hloov tsis tau........Kuv nij hnub tuaj saib koj ntawm qhov chaw no los ua cas ib hnub koj lub me tsev nim nphob lawm zuj zus ..tej me nroj ntsuag loj hlob thiab fab zuj zus tuaj mus npog koj lub tsev...Tej me paj kuv yuav tuaj rau koj tso saum koj lub me ntxa no los ib hnub paj nim zaus lawm zuj zus tsis muaj koj los nqa cov paj no mus...Tej zaub tej mov kuv xa tuaj koj noj los....koj nim tsis sawv los noj...ib hnub tej zaub tej mov nim tuaj pwm qhuav lawm zuj zus...Ua cas kuv yuav nco koj ua luaj os koj niam.....Lwm tiam muaj txoj hmoo kuv yuav hlub koj ib leeg kom tag lub neej yuav tsis pub koj ncaim kuv mus li tiam no lawm mog..............
Yeeb wb yeej kawm ntawv ua ke thiab sib nyiam thaum tseem me los lawm tab sis tsis tau sib tham kom zoo xwb lub sij hawm thaum kuv kawm nyob hight school hoob 11 thaum ntawv yeeb cia li mus kawm Art Education nyob 6 nram nroog lawm ces wb yeej tsis tau sib pom li lawm. tom qab thaum kuv kawm tas hight School kuv kuj tau mus kawm nyob 6 lub tsev kawm University nyob nram nroog lawm thiab. muaj 1 hnub kuv nug tau yeeb tus xoov tooj kuv thiaj sim mus 6 yeeb tom qab ntawv yeeb kuj hu tuaj nrog kuv tham ces txij hnub ntawv los wb thiaj rov qab sib nug tau dua lawm lub sij hawm ntawv yeeb twb kawm tiav lawm tab tom npaj yuav txais Diploma nyob 6 hnub tim 20 lub 6 hli xyoo 2012. txog hnub ntawv kuv thiaj tau mus ua dej siab 6 hnub yeeb txais Diploma thiab. Txij hnub ntawv los wb thiaj li pib wb txoj kev hlub lawm. dhau ntawv mus ces yeeb kuj mus ua 1 tug xib fwb qhia ntawv nyob 6 pem zos lawm. txij thaum ntawv los wb txoj kev hlub suav hnub suav hmo zoo zuj zus lawm xwb. los txog 6 hnub tim 19 lub 6 hli xyoo 2013 kuv thiaj li tau sau ntawv mus thov xib fwb vim yog yuav mus yuav yeeb los ua kuv tus poj niam. hnub tim 20 lub 6 hli xyoo 2013 lub sij hawm thaum 4 moo sawv ntxov kuv thiaj li tau coj yeeb los nrog kuv nyob ua kuv tus poj niam mus kom tag ib sim neej. Lub sij hawm ntawv kuv niam mus ua teb nram Loob Xas lawm kuv niam hnov tias kuv yuv yeeb lawm ua 6 kuv niam zoo siab heev kuv niam thiaj li mus yuav tau 1 tug npua nqa los hu wb plig, hnub ntawv kuv niam thiab 2 tug kwv yau lawv thiaj li tau los tsev yog li ntawm yeeb wb nrog rau 2 tug muam yau thiaj li tau mus tos kuv niam lawv thiab mus yuav khaub ncaws rau yeeb tom qab thaum peb mus tos tau kuv niam lawv thiaj yuav tau khaub ncaws 6 yeeb tag lawm peb sawv daws zoo siab hlo rov qab los tsev lub sij hawm ntawv twb yog 7 moo tsaus ntuj lawm. lub tsheb peb coj mus tos kuv niam lawv yog tsheb liab xwb peb sawv daws kuj tau rov qab los tsev thaum peb los txog tom kev lub tsheb thiaj li plam lej kuv thiaj li qw 2-3 suab nrov2 kom lawv dhia vim tias kev phem heev thiab lub tsheb los kiav ceev heev li lawm yog li ntawv kuv tus kwv thiab tus muam nkawv yog 2 tug loj nkawv thiaj li tau dhia ua ntej thaum lub tsheb tsis tau ceev heev hos nyob li ntawm yeeb ces lub tsheb twb khiav ceev heev lawm yeeb mam dhia. |
Nplooj2 Nyob li kuv niam thiab 2 tug yau lawv dhia tsis tau tsheb thiaj muab lawv tshoob 6 nram qab ke lawm thaum kuv dhia 6 hauv av sawv tau rov qab los kuv ntsia mus 6 pem qub qab no cas pom yeeb pw hauv plawv kev kuv thiaj li khiav2 mus muab yeeb puag kiag ua cas yeeb yeej tsis hnov li lawm tsuas yog ncia2 lawm xwb lub sij hawm ntawv kuv quaj thiab hu yeeb lub npe nrov heev li los yeeb yeej tsis hnov thiab tsis teb kuv li lawm thaum ntawv nws yog 8 moo tawm nyob thaj chaw ntawv kuj ze2 ib lub khaib thab ham thiab kuv thiaj li kom kuv tus kwv los qiv lawv 1 lub tsheb. kuv tus kwv thiaj los qiv tau lawv 1 lub tsheb cav, wb thiaj li thauj yeeb rov qab mus tom tsev kho mob. thaum peb mus txog ces lawv coj yeeb mus 6 chav 6 pa lawm xwb lub sij hawm ntawv kuv ntshai heev li.
Dhau ntawv mus li 20 nas this ces kuv ntsia yeeb tej tes taw xwb ces kuv yeej tag kev cia siab lawm tsuas yog yeeb tej tes taw tseem sov2 lawm xwb tom qab ntawv li 5 nas this xwb ces yeeb tej tes taw twb pib txias lawm lub sij hawm ntawv kuv yeej ua tsis tau li cas li lawm tsuas yog nyob ntawm ib sab ntsia lawm xwb thaum ntawv kuv paub tias yeeb tuag lawm tiag2 kuv thiaj li mus muab yeeb rub los puag 6 hauv kuv lub xub ntiag quaj thiab hu yeeb lub npe lawm xwb lub sij hawm ntawv kuv hnov kuv lub siab mob tsis muaj dab tsis yuav los pauv tau li dhau ntawv ces tsheb kho mob thiaj li xa peb rov qab los tsev nrog txoj kev mob siab lawm xwb Lub sij hawm thaum peb los tsev kuv yeej xav 6 hauv siab tias ua ib siab tuag lawv yeeb qab kom txhob nco txhua yam tau tshwm sim nyob 6 hnub no tab sis tsis muaj sij hawm 6 kuv xwb. hnub kuv mob siab thiab tu siab tshaj plaws ces yog hnub tim 20 lub 6 hli xyoo 2013 uas yog hnub ua hauv qhua ntawm yeeb uas yog kuv tus poj niam vim hnub ntawv niam thiab txiv nrog 6 niam tais dab laug lawv tuaj txhua leej txhua tus tab sis kuv tu siab tias cas tsis yog tuaj khi wb tes es cas ho yog tuaj nrog txoj kev tu siab thiab tuaj tu moo lawm xwb. yog tias toj roob hauv pes quas los yog mus yuav txiv lawm ces ntshe kuv twb ua tau 1 siab lawm tab sis nws yog av luaj quas lawm tag tiam no yuav tsis ntsib 1 zaug ntxiv li lawm. Zaj dab neeg no tu kuv siab heev vim tias ua txij nkawm tau 1 hnub xwb tiag2 li os tus neeg yus hlub tshaj plaws tuag kiag hauv yus lub xub ntiag 6 yus ntsia ntsoov mob lub siab tiag2 li os cov phooj ywg. kuv thov kom nej txhua tus uas tseem muaj tus hlub nyob ntawm yus 1 sab kav tsij hlub nws kom kawg yus lub siab thiaj li yuav tsim nyog thiab thiaj li tsis khuv xim li kuv os... Kawg no thov ua tsaug 3haivhmoob.com uas muaj qhov chaw zoo zoo no rau peb tuaj tso pa thaum muaj kev nyuaj siab uas tsis muaj leej twg yuav pab tau yus lawm....Es mam ntsib nej dua lwm zaus..... Ua tsaug, Sau npe: Foom |
Nco Ntsoov: Txhob hu xov tooj rau lawv cov kev lag luam lawv tso hauv no yog tias koj tsis muaj feem txog kev lag luam nawb. Ua tsaug
Lus Ceeb Toom:
Cov dab neeg kev hlub thiab txhua yam hauv 3haivhmoob.com no peb tsuas yog tso rau sauv daws tau tuaj nyeem laug caij nyoog xwb txwv tsis pub leej twg muab luam mus muag los yog ua lag luam, yog koj coj mus kho los yog ua lwm yam tsis tau qhia rau peb paub , thaum peb tshawb tau lawm koj yuav raug nplua raws txoj cai ntawm lub teb chaw koj nyob ko.
Ua tsaug ntau:
3HaivHmooB.Com
Cov dab neeg kev hlub thiab txhua yam hauv 3haivhmoob.com no peb tsuas yog tso rau sauv daws tau tuaj nyeem laug caij nyoog xwb txwv tsis pub leej twg muab luam mus muag los yog ua lag luam, yog koj coj mus kho los yog ua lwm yam tsis tau qhia rau peb paub , thaum peb tshawb tau lawm koj yuav raug nplua raws txoj cai ntawm lub teb chaw koj nyob ko.
Ua tsaug ntau:
3HaivHmooB.Com